淥鼎記

營業中

休息中

第二次再食淥鼎記，係11月尾，4人食。當日7:30到，book 咗抬，唔係冇位⋯個餐加理1，每人4百幾，冇限時間㗎。先上一份刺身，有三文魚，帶子，飽魚，蝦，全部大隻新鮮，呢個係只有一份，食緊魚生時，就上羊腩煲，呢個係冬天期間限定，唔食羊可以選擇其他，記憶中有酸菜魚，雞煲。羊腩煲好濃味，我哋拎咗啲生菜煲嚟食，呢到同其他任食火鍋店一樣，蔬菜，調味料，丸類，飲品係餐廳中間任拎。食完羊腩煲，待應會收走，另上打邊爐湯底，唔係好記得叫咗乜嘢湯底，不過好清，不過不失，同時間上理個餐嘅一份靚牛肉同海鮮。牛肉真係靚，有牛味又唔太肥，海鮮就可以啦。仲有其他火鍋配料可以Q R code 點，我哋已經夠晒，冇另叫。間中嚟同朋友放肆下，好幸福。

今日係白色情人節到我請返老公食火鍋😹上次去過呢間淥鼎記試過小寶套餐都唔錯，所以今次就試吓佢哋嘅堂主套餐，相比小寶套餐都只係每位加$30但係就可以叫一款主菜包括：雞煲、酸菜魚或者係椰子雞，仲可以有海鮮-沙白、蝦同廣島蠔任叫。一開始會上咗個椰子雞先，佢有半碟雞擺落去該煲度煮滾，啲雞好嫩滑又有鮮味😋啲雞湯好濃郁好香我都飲咗兩碗，之後有四小碟前菜包括：青瓜、白雲鳳爪、花生腰果同埋我最鍾意嘅辣酒東風螺，啲東風螺好新鮮又夠入味，我哋食完椰子雞之後就同我上胡椒豬肚湯底攞嚟打邊爐。呢度基本上大部份都係卡位所以坐得好舒服，唔會同隔離嗰台好近👍佢哋用QR code落單當然要叫安格斯精修肥牛、安格斯牛板翼同埋安格斯牛版腱，全部都好大塊又有牛味，海鮮我哋都叫咗沙白、🦐同埋廣島🦪試吓啦！啲沙白都好大粒冇沙，啲蝦都好新鮮廣島號細細粒都幾鮮味。佢哋出面仲有好多唔同嘅火鍋醬選擇，可以攞罐裝汽水、紙包飲品、洛神花茶、竹蔗茅根等等嘅特飲，另外仲有好多火鍋配料，包括左唔同嘅丸類、手工雲吞、魚皮餃、水魷魚、鴨血等等……有120分鐘可以慢慢食，不過美中不足嘅就係小寶套餐同堂主套餐都冇甜品供應，如果有埋雪糕或者甜品咁就Perfe

吃过大大小小的火锅，这家无限时放题火锅，我真的要按头安利给你们！！性价比满分！！YYDS！！ 环境超赞装修新颖，都是沙发卡座，打卡一流！服务员热情周到，下单后上菜好快，打边炉时更是主动上前加汤！真的很贴心！ 我们点的是🌟爵爷套餐🌟份量相当相当丰富，包括： ♡ 前菜：川味卤水拼盘端上来还是热乎乎的，有鹅掌、鹅翼、腩肉、豆腐、红肠、花生米，份量很感人！更让人惊喜的是前菜居然还有咸蛋黄炸鱼皮！这在别家可是主菜来的！可见诚意满满！ ♡ 日本直送时令刺身日本直送！非常的新鲜！有北极贝、生蚝、甜虾、带子、三文鱼、中华沙律！足足6样！选材是真的很用心了！喜欢吃日本料理的不可错过！ ♡ 主菜：香辣烤鱼主菜六选一(老谭酸菜鲈鱼/重庆鸡煲/香辣烤鱼/辣子鸡/水煮牛肉/椰子鸡)，我们选了香辣烤鱼！份量超大，端上来就飘着香辣味，满满一铁板，色香味俱全！鱼身是炸过的，外脆里嫩，加上香辣微麻的汤底加持，更加的鲜嫩多汁！配菜也超多，藕片、香菇、洋葱、香菜、芹菜、豆芽、莴笋！我真的真的超推荐！！ ♡ 海皇海鲜锅汤底吃完烤鱼就轮到火锅这一趴了！ 养生汤底六选一，我们选了海皇海鲜锅！橙黄色泽，很有食欲，汤底鲜甜还有蚬

朋友極力推介淥鼎記火鍋，選了小寶套餐$228位，120分鐘任食，十分抵食主菜選擇多包括椰子雞，重慶雞煲，老壇酸菜魚，香辣烤魚，黑山羊腩煲，藤椒烤魚，六選一，食完之後重可以選擇湯底打邊爐，變相食了兩種火鍋每枱送小食一盆重慶雞煲雞煲醬汁好香濃好惹味，而且好夠麻辣，雞肉肉質仲好嫩滑，份量十足好大件花膠美人鍋食完雞煲好麻辣，所以選了清清地既花膠湯底，有些微藥材味，夠養身，而且仲有花膠食添火鍋配料有40多款，多到唔知食咩好， 眼闊肚窄而且好衛生，每樣食物都有膠盒封好，抵讚牛類有安格斯精選肥牛，安格斯牛板腱，精選盲牛，牛板腱是附在肩胛部位的肉，所以脂肪較少，有咬口，肉味濃郁，中間有一根透明的嫩筋，嫩中帶爽口飲品選擇同樣好多，馬蹄竹蔗茅根真係有原粒馬蹄，夠誠意另外不得不讚服務員收碟效率好快，好細心，而且服務態度仲好好

好少有鋪頭又做邊爐又做刺身仲要兩者都好食 睇相都睇得出 刺身新鮮 啲邊爐料又靚最緊要係鋪頭環境好乾淨完全同創興其他邊爐鋪頭唔同level 👏🏻仲要價錢無特別貴次次re u都揀返呢間🥺🥺🥺

同兩位閨蜜飯聚，打邊爐都係我哋其中一個經常嘅選擇，我哋最鍾意就係無限時同埋坐得舒服，可以盡情咁樣食嘢同傾偈。淥鼎記都幫襯過幾次，主打火鍋放題，有限時兩個鐘同無限時選擇，雖然價錢唔算平，但食物質素、環境同服務都滿意，所以我哋今次再嚟食，不過真係要早多少少book位，因為經常full booking。餐廳以深色為主調，燈光較昏暗，大部份都係獨立卡座，舒適寬敞，私隱度高。自助區有飲品、火鍋配料，款式種類都多，仲有多種醬料選擇，客人可以隨心混醬。#錦繡前菜我哋叫咗爵爺套餐，先嚟前菜四小碟，有拍青瓜、酸辣鳳爪、煮花螺及花生。#日本直送時令刺身三文魚腩肥美，牡丹蝦同帶子都大隻，鮑魚彈牙，全部食材都高質、鮮甜。#老壇酸菜魚主菜六選一，我哋揀咗酸菜魚，小辣，上枱一大圓盤，有橙紅色辣椒同鮮黃色菊花瓣放面，顏色好靚，賣相吸引，魚片滑，酸辣度適中，配菜有萵筍、蓮藕、薯粉。#花膠美人鍋火鍋湯底六選一，淡淡紅棗杞子香味，都算有幾多花膠，淥嘢食前可以先飲碗花膠湯。#頂級手切牛、牛丸手切牛切得唔薄身，脂肪雪花狀分布平均，唔好淥太耐，牛味濃郁，份量都唔少。牛丸有咬口，真材實料。#豪華海鮮併盤有八款，蝦、鮑魚、沙白、珊

#meloin @granddinghouse今晚終於可以一嚐人氣鼎盛的淥鼎記，任食兩小時，先食主食，後打邊爐，一次過滿足兩個願望。錦繡拼盤，四款小食前菜，爽口木耳、雞翼尖、果仁等，香口可口 主菜有六款可以選擇，藤椒烤魚份量比較大，建議多人食用。以嫩滑豆腐、芋絲、蔬菜等放在魚下面，大大條烤魚，上面鋪滿了藤椒及香蔥芫荽，慢慢地烤，辣椒味慢慢散發，肉質嫩滑，魚骨甚少，容易食用。之後火鍋點了花膠美人鍋，清雞湯味濃郁。肥牛肥瘦分明，另外兩款牛肉都好味，比較瘦。另外，羊肉較為出色，肉質淋身可口，值得推介。其他火鍋配料應有盡有，手打餃子，丸類、菜類、炸魚皮、響鈴等，非常豐富。飲品各有特色，有特製的茶類飲品，例如洛神花茶、竹蔗茅根，清熱下火。淥鼎記 (旺角)旺角彌敦道593-601號創興廣場5樓#淥鼎記 #打邊爐 #火鍋 #酸菜魚 #烤魚 #任食

😋成日想飲茶，但唔一定去茶樓既，「淥鼎記」除左火鍋酸菜魚之外，仲有好多新式手工點心，賣相同味道都有驚喜，價錢仲好抵食喔！❤️荔枝奶黃球（$32）造型維肖維妙，卜卜脆嘅外皮，一咬外即刻爆晒漿，流心奶皇唔太甜好好味！⭐️高橋蘿蔔糕（$28）層層疊既蘿蔔糕，外脆內軟，啖啖蘿蔔絲，香口惹味！👍🏻鳳爪排骨蒸日本珍珠（$38）呢度既蒸飯非常出色，珍珠米蒸出來特別香軟，粒粒分明好煙靭，鳳爪排骨亦無雪藏味，大大兜好抵食！🌸滑捋捋鴛鴦腸粉（$28）腸粉皮薄滑溜，加埋豉油、甜醬、花生醬好滋味！🌼蟹籽龍蝦燒賣（$19）燒賣大粒足料，啖啖肉好鮮味！🐻熊仔奶茶（$24）熊仔夠曬可愛，打卡必點呀！奶味香濃順滑，熊仔冰融化後仍保留到茶香！

4個人去食見到有個鰲拜套餐，星期一至四就488蚊， 星期五六日就加多10蚊，見到個餐主打日式刺身同生醃龍蝦刺身， 於是早一日係WhatsApp 預訂同俾500蚊訂金先食刺身再食主菜之後就打邊爐，主菜有6款選擇一款，分別有重慶雞煲，羊腩煲，酸菜魚，藤椒烤魚，香辣烤魚同埋椰子雞。我地揀咗酸菜魚！主菜同刺身都係一次性，無得再追加。食完刺身同主菜其實都有少少飽，之後選擇邊爐湯底，又係6款選擇一款，今次選擇咗海皇海鮮湯，個湯金黃色真係好有鮮味牛拼盤都刺身主菜都係一樣，一次性整體嚟講無限追加既食物質素正常水準，會有下次

朋友帶我黎打邊爐，呢度食物有好多選擇，前菜4小碟係青瓜，少少辣香脆可口，鳳爪，花生同東風螺，湯底都有幾款，我地叫左小寶套餐，揀左胡椒豬肚湯底，醬汁係出面自助選擇既，羊肉好新鮮，唔會勁腥，牛肉選擇都有幾款，牛肩胛好有肉味，鯇魚片魚味香濃，餐廳好多卡位，我地仲叫左一份酸菜魚，好大碗，魚片無骨肉質好嫩，仲有薯粉同萵笋，蓮藕等等既配菜響底好抵食，飲品櫃內飲品選擇都好多款，推薦自家制竹蔗茅根唔會好甜又清熱。

2023年2月22日 星期三太耐無打邊爐，所以今晚收工之後就拉埋老婆一齊去旺角呢一間淥鼎記食返夠本餐廳喺創興廣場5樓，開咗張幾個月，之前淨係試過觀塘分店，酸菜魚簡直冇得彈，今次一於打埋邊爐，睇吓評價如何原來任食邊爐之前，首先需要挑選主菜六選一，食完先可以任打邊爐，嗰六款主菜都好吸引，其中包括重慶雞煲、老壇酸菜魚、枝竹黑山羊腩煲等等，今次我哋就試咗椰子雞煲，因為呢一排老婆唔太食得辣，而任食套餐都有分為小寶套餐同堂主套餐，同樣地可以120分鐘火鍋放題任食，唯一嘅分別在於堂主套餐可以任食埋海鮮，不過我哋怕食唔晒，所以今次淨係叫咗小寶套餐入到去發現地方好大，淨係醬料區都有咁多款，連蒜蓉都有分新鮮蒜蓉同炸蒜，甚至仲有花生碎、黃椒醬同腐乳可以揀，可以點樣撈製自己嘅醬料都得同樣地飲品區都有好多個凍櫃擺滿飲品，除咗一般火鍋餐廳都有提供嘅飲品之外，仲有自家製飲品，包括竹蔗茅根、洛神花樣同綠妍茉莉茶等，當中我要左竹蔗茅根，裡面落足料真係有竹蔗茅根，而且味道唔算太甜，飲完之後好解渴等待椰子雞來到期間，店員送上前菜四小碟，有花生、雲耳、雞翼尖同雞腳，個人最鍾意雞腳，因為已經起晒骨，而且配埋醬汁酸酸辣辣咁幾開胃

今日放工同朋友去咗打邊爐，係食過咁多打邊爐平民任食之最！價錢合理，食物質素高，食物多樣化，環境舒適，服務態度好，大推！首先，我哋點了堂主套餐，包含了風味主菜六選一加火鍋放題。主菜揀左老壇酸菜魚。麻香味極濃烈，魚片超滑，配菜還有大大條花生芽！無諗過食火鍋之餘可以食到咁有質素嘅川菜。火鍋我哋揀左胡椒豬肚湯底，估唔到湯底都可以咁足料，大量胡椒同埋厚身嘅豬肚，真係值回票價！火鍋食物質素完全不可被忽略。肉類肉味鮮甜，十分新鮮，脆肉鯇魚無泥味，完全可以媲美單點嘅質素。自助吧仲有多款手包餃子，味道一百分。連烏冬都係日式急凍嗰隻彈牙烏冬！凍飲櫃亦非常精彩，有新鮮飲料；竹蔗茅根水，洛神花茶，唔鍾意嘅話仲有大量罐裝飲品，有汽水又茶類。大推呢間高質火鍋店👍🏻👍🏻👍🏻

Blue Monday約左友人去食飯抒發下職場上既不如意，朋友就話一於化悲憤為食量要去大擦一餐! 😋天氣凍凍地最岩就係食啲暖笠笠既野， 打邊爐絕對係最好既選擇，☺️想食咩用咩湯底完全自主，唔使好似返工咁睇人面色! 🤭如果可以再加多個主菜簡直就係Perfect池! 講到食野首選一定係旺角，商場多餐廳更多，今次我地就揀左一直都大受好評既淥鼎記。 😎由於呢間真係太出名，長期滿座真係好基本，WALKIN基本上可以唔洗等因為通常都冇位😫。 野食方面都有好多唔同套餐選擇，由二百幾既小寶套餐到四百幾熬拜套餐都有，豐儉由人。淥鼎記最特別之處就係打邊爐之前仲有個主菜🍽️可以比你食，今次我地就揀左小寶套餐，主菜方面就揀左出面比較少有既藤椒烤魚🐟，藤椒麻而不辣🌶️、香而不俗，好食到我地未叫湯底就直接用左烤魚個湯汁黎淥魚片食🤤! 除左烤魚本人之外仲有芋絲同豆腐，兩樣都係超級索湯既野等你可以一嚐藤椒既魔力!食完烤魚我地就終於開始入戲肉啦! 火鍋湯底揀左海皇海鮮🦞🦐鍋，橙紅色嘅湯底望落已經引起食慾🤤。👍🏻極力推介：安格斯極佳級精修肥牛食落好有奶香味🥛。相比之下，安格斯牛板腱既牛🐮味較重，但牛板腱中間有筋位，雖然牛板腱比

天氣咁凍最正就係打邊爐～今次黎呢間餐廳除外火鍋放題，仲有一次性嘅椰子雞、藤椒烤魚、重慶雞煲、老壇酸菜魚、香辣烤魚、蘿蔔清湯腩煲我哋點左酸菜魚份量非常多，超級大盤～魚肉勁滑又無骨我哋今次揀左堂主套餐，點完餐之後，店員即刻奉上四款餐前小食火鍋湯底六選一有鴨血麻辣鍋、花膠美人鍋、肉骨茶鍋、胡椒豬肚鍋、海皇海鮮鍋、澳門豬骨鍋，湯底令人眼花撩亂～我哋揀咗胡椒豬肚湯，胡椒味好香濃！飲完成個身暖哂😌🥩肉類及海🦐 🦪肉類及海鮮主要用QR code下單✨其他配料及飲品自助區其他配料及飲品大多都是在自助區自取，火鍋配料整齊排列，連調味醬料都有十幾款，啱晒重口味嘅我😍

抓住冬天既尾巴，難得天氣嚴寒，收工當然最好就係去打邊爐，地點選左老地方旺角淥鼎記，貪呢度食物質素高價錢又唔貴。今晚食小寶套餐，平日7:30前離座價錢$228加一，一共可食兩個鐘頭。四格錦綉前菜，分別有東風螺4隻，雞翼尖，雲耳仔同花生腰果，除左花生腰果，全部都辣辣地，開開胃。主菜6選1，一次性，包括椰子雞，藤椒烤魚，香辣烤魚，枝竹黑山羊腩煲，老壇酸菜魚，重慶鷄煲。椰子雞個湯底帶淡淡雞味同椰子味，好夠味又清，用黎打邊爐d野食都夠味，唔洗另外再加醬油。半隻雞切件連雞頭另上，特別係雞腿肉好嫰滑。湯底有唔少椰子片，食落脆口又有椰子味。另外配有青檸同薑蓉。食完主菜就轉湯底。湯底6選1，有鴨血麻辣，花膠美人，肉骨茶，澳門豬骨，胡椒豬肚同海皇海鮮。我地今次選左花膠美人鍋，花膠美人鍋有8件魚肚，仲有紅棗同杞子。個湯雞味濃，鹹度足夠不過好清，個湯底淥野食都夠味，都係唔洗另外再加醬油，更加可以食到食物既鮮味。以下食物都係用QR code落單。安格斯極佳級精修肥牛安格斯極佳級精修肥牛果然係肥牛，脂肪超多。一客兩大片。安格斯牛板腱安格斯牛板腱係長方型切割，大部分係一客三片。質感非常厚身有口感。安格斯牛板翼安格斯