海雲天

營業中

休息中

$168 下午茶點心放題～ +茶錢 + 1 大約$210/位假期嚟左呢度食點心放題 幾個禮拜前book位呀 好爆好full 去到2:30未夠已經全部都係人 原來都仲要拎飛等叫入座 想坐到有海景位真係要2:00前到達大約有4x樣點心 都試左成30樣 😋佢最好係可以一粒一粒一份份咁叫 每樣可以試少少 不過唔係樣樣都咁好食 食物質素中等啦🤔佢每人送一個鮑魚撻 但個撻唔夠脆 淋左嘅 個鮑魚就唔錯 仲有每人一份蜜汁火方 用塊包夾住嚟食 係得意嘅 不過唔好食唔係特別有驚喜 不過好滿足好飽 特別一提 呢度d呀姐服務態度好差 問佢有無醬點野食 佢話都調左味啦 唔洗點野ga .我心諗： 夠味唔洗問你拎醬點啦

有日經過位於紅磡黃埔海逸君綽酒店《海雲天》睇到下午2點半後任食九十分鐘每位138元各款任點點心，於是提早打電話去Book 位，再約咗一家人去食，侍應非常好，安排我們坐在窗口有無敵海景，一邊欣賞海景，食物也特別好味。疫情期間做特價但仍保持酒店應有水準級，每位奉送一件花膠蟹肉灌湯餃，花膠size 厚度都不錯，瑤柱湯鮮甜，灌湯餃皮簿，還有黑金燕窩蝦🦐餃，加左墨魚汁做的蝦餃皮，鮮蝦彈牙，和一份原隻鮑魚珍珠雞🐔，只係這三樣點心已物有所值，其他點心任食任點⋯同其他洒樓都有的點心例如蝦餃，蟹籽燒賣，鳳爪，排骨，腐皮卷，腸粉都好有質素，亦除了點心，還有其他小食，包括蜜糖雞翼，日式豆腐，擔擔麵，炒粉炒麵等。喜歡飲🍵茶的可以前往嘗試，望住大海景啖下午茶真系好舒服！

可以於OpenRice 或kkday網上先買了$638的優惠會平，再預訂枱，要注意買了kkday的優惠就不用在打電話訂枱，而係OpenRice 買的要訂枱。$638的價錢是未包茶價、開胃前菜及服務價錢。茶價每位$23，開胃前菜是$20。都是網上見到才來吧，一來是地點方便而且又有海景真的是不錯，我是閒日晚上六點來的，剛來只有三枱的客人，大概早一點都會有窗邊的位置。到了7-8時左右睇落都幾多人下，眼見隔離左右都一樣訂了這個買一送一蟹宴。整體說一下吧，是來享受環境多於享受食物及服務，因為是坐在窗旁落天玻璃海景吧，食物一般吧，大食的人未必夠飽，份量真的不多，因為好多得半碗份量，可能要叫碗飯會飽啲。至於服務的人叫埋單叫咗幾次先埋到，感覺一般。蟹肉燕窩羹都係得半碗，未食之前拍低兩個人食一隻蟹，如果四個人見到隔離枱煲會大一點，這個有小小辣的，配白飯是不錯。至於個伊麵其實只是一個小碗嘅份量最後蛋白杏仁茶都是半碗的樣子

廣告見到海雲天推出「蟹之約會」套餐，菜式包括：1.海雲三小碟、2.蟹肉燕窩羹、3.芝士焗蟹蓋、4.紅梅雪地鮮蟹拑、5.星洲黑胡椒蟹、6.雞油花雕蟹肉伊麵、7.蟹肉灌湯餃、8.蛋白杏仁茶，每位$698，買一送一，二話不說立即訂位！夜晚6點到達，全店只有不到10張窗邊枱，可能早到所以被安排錯咗其中一張可能早到所以被安排錯咗其中一張，由落地玻璃望住維港食飯，賺到了！由於訂位不接受揀枱，所以如果想坐窗邊枱，要早啲到啦。講返啲餸：1.海雲三小碟：齋-烤麩、手拍青瓜丶叉燒，正常冇特別。2.蟹肉燕窩羹：有一定份量嘅蟹肉同燕窩，都幾清潤，唔錯。3.芝士焗蟹蓋：新鮮出爐，芝士味香，香口惹味 👍👍4.紅梅雪地鮮蟹拑：其實係蟹鉗，濃湯蒸蛋，嫩滑唔錯。5.星洲黑胡椒蟹：正宗星洲風味，黑椒味超香，我覺得係全個餐最好食嘅一道餸，隻蟹夠新鮮，連伴菜嘅紫洋蔥🧅都充滿黑椒香味！但發覺隻蟹冇咗蟹鉗，原來用嚟做咗上一道菜：紅梅雪地鮮蟹拑.... 似乎孤寒咗少少。6.雞油花雕蟹肉伊麵：花雕味太重，完全掩蓋雞油香味，比較失望嘅一道餸。7.蟹肉灌湯餃：皮薄餡唔錯。8.蛋白杏仁茶：正正常常。整體來講，水準中上，已訂位下星期再食多一

 早前點心大戰，的確走訪了好多間餐廳，當中都是酒店又或是米芝蓮星級菜館，由$34碟起跳，到$400位都試過，當中都有試過中伏，容後跟大家分享。由於限聚令下，外賣近日成了主戰場，但點心任食依然有一定吸引力，早幾日就跟朋友造訪了位於紅磡君綽海逸酒店的海雲天。雖然是平日的一點鐘，但每檯只限坐兩人，所以都全場爆滿，錯有錯著，反而給安排到大廂房，不單止較寧靜，可以同朋友聊天，而且有靠玻璃窗位，可以望到海景，心情都靚D，檯與檯之間寬敞闊落，毫無侷促的感覺。望望點心紙，大約40幾款，任食點心90分鐘，每位$168，另加茶芥$23，其實連埋加一都係$220左右，畢竟係酒店中菜廳，說起來都相當划算，講真，就算係街坊茶居「一盅兩件」都要幾十蚊落樓。餐廳有三款點心是限量供應，每位只得一客，原先的蟹蓋之類是通通不見了，大家可要注意。由落單到上菜不用10分鐘，效率令人滿意，而且無甩漏，值得一讚。椰皇燕窩燉鮮奶原個上，熱辣辣好清甜，質地滑溜，正。蜜汁火方可能影相太耐，包皮有點乾，但腐皮炸得好脆，而且油溫控制好，所以色澤淡雅，加埋用蜜汁燴過的火腿，口感複雜，層次分明。富貴鮑魚撻鮑魚當然細size，撻皮食落仍有酥化感

久聞黃埔的「海雲天」景觀雅緻，碰上其推出點心放題，便和友人過來嘆餐茶食好西。不知是否與疫情下的限聚令有關，座位間隔感覺比其他中菜酒樓寬敞。點心放題分了3個時段，光顧的食客都頗多。幸好等侯入座的時間不算太久。這個維多利亞港景觀就是吸引筆者來訪的原因。可惜到訪當天天氣陰睛不定，天色不夠亮麗。說回正題，週六午巿點心放題約200元，不過尚未計算茗茶費和加一服務費。可以選的點心款式比想像中少，款式亦較為普通。由豬肉、蝦肉和冬菇混合而成，上枱熱辣辣，質素與一般街坊酒樓無異。麵包體正常，唯內餡未見非常流心。冬陰公汁微辣，豬皮索味後夾脆惹味。魚蛋就一般，欠缺魚味和彈牙感。一條腸粉有3隻蝦，感覺似急凍蝦肉多過新鮮蝦。腸粉皮非常厚，也不感米香，有些令人失望。一份有2件。雞肉經冷藏後，肉質變得鞋口，欠缺鮮味，似用雪藏雞居多。雖然口水汁調得惹味，但也補救不到雞肉的缺點。雞翼入口偏甜，和想像中的味道有一些偏差。椒鹽味香，配上豆腐粒香炸不會膩。而上圖的鮑魚撻和燉椰皇就規定了每位食客一份。不過算回價錢，其實和平日在酒樓飲茶差不多，但食物質素就屬一般。

上一次卜極都卜唔到枱，今次再推岀，終於卜到🙈環境寬敞舒適，好運嘅話仲可以望住個海歎Tea, 正點心款色都算多，各有特色，水準屬中上，唔會因係放題而岀現漏單情況，上菜速度亦算快埋單計埋茶錢加一，每人$210，食到捧著肚走蜜汁火方 (每人一件)富貴鮑魚撻 (每人一件)手拍青瓜川味口水雞嫩滑惹味冰鎮豬手爽口彈牙鮮果沙律鮮蝦筒酸甜醒胃，即炸，脆卜卜迷你焗葡撻蛋味濃郁珍菌松露上素餃晶瑩剔透，陣陣松露香鮑汁雞腳炆至軟腍，入味蟹籽燒賣皇爽口大粒翡翠明蝦餃回本之選，爽口彈牙白玉鮮竹卷碧綠鮮蝦腸粉腸粉軟糯，蝦肉彈牙黑金流沙包椰皇燕窩燉鮮奶 (每人一件)原個椰子上，燉鮮奶有益又好食，鮮奶非常嫩滑。肉崧豆腐蒜蓉蝦蒸飯日式海苔茄子黄金涼瓜條魚湯浸菜苗胡椒咸菜豬肚總括來說，如果鐘意食中式點心，性價比都高，可以試下

小妹一向都喜歡食點心，但如果人少少的話，食點心嘅款式並唔會有好多選擇，食一兩粒已經覺得好飽，所以海雲天點心絕對係一個非常之好嘅選擇。早前OpenRice做優惠，可以以優惠價購買海雲天90分鐘點心放題，時間我就揀咗下午茶時段， 2:30正式開始，當日提早左15分鐘去到，已經有好多人喺外面大堂到等候緊。點心放題都係早去到就可以優先入座，坐嘅話亦都會比較好嘅位置。叫點心有時限，只有60分鐘，但食點心嘅時間則多於90分鐘，聽講其實可以再坐耐少少，坐夠兩個鐘都可能得，但只限下午茶時段。頭頭餐廳會送幾款指定菜式，包括鮑魚撻，好似北京烤鴨嘅夾包、同埋椰皇燉雙皮奶。其餘菜式則可以用QR code掃描點菜，就咁睇啲款式都好多吓，兩個人都未必可以食得晒，所以我採取一個策略，就係想食嘅點心都係只點一件，盡量等自己可以試多少少，如果想食多一件嘅話，先至嗌夠兩件，呢個點心放題非常貼心，因為可以一件一件咁叫，連蝦餃都可以叫一粒，所以可以試到好多款唔同嘅點心。見樓面姐姐亦都非常好服務，就算叫一件，佢哋都好樂意。食物質素好比一般茶樓嘅質素，唔可以話非常之有驚喜，但絕對唔難食，一般點心例如蝦餃、燒賣、鹹水角、炸物、鳳爪

中午點心放題, 價錢合理, 地方環境ok, 齊潔乾淨.點心精緻, 大多熱辣辣地出場, 好好味,尤其腸粉.但也有一兩樣凍了才出來,有點失望；雖然等位時多人, 但算有序地入,可惜不能近海景位.

最近有機會就想外出飲茶，看到海雲天推出下午茶放題，太吸引了即刻訂台來try下。還被安排在了海景座位真的太幸運了👍🏻每位贈送的椰皇燕窩鮮奶是我最愛吃的，平時外出在甜品鋪也會經常點。剛墩出來，味道濃郁醇厚，內裏的椰肉也很好吃😋。必點的蝦餃奶皇包叉燒包質素都很不錯，喜歡這個外脆內軟的豆腐，一口一個。燒賣比較有驚喜內裏還有一只🦐，香芋排骨正常水準，鮑汁鳳爪非常不錯👍🏻但一份的份量實在太小，在叫的時候如果喜歡記得多要幾份.白灼菜心有點令人啼笑皆非，一份只有五根而且全部是涼掉的。迷你蛋撻非常好吃，溫溫的一口一個蛋香味濃。贈送的鮑魚撻也不錯今日迷惑食品就是這個蜜汁五方，冰涼的面皮配上火腿和薄脆，還需要自己DIY，不知所謂。一頓完美的茶點最後以炸物結尾，南瓜餅不過不失，鮮蝦筒有驚喜，喜歡裡面包的菠蘿🍍。總體來講，食物份量很小記得多叫幾件，比較精緻，味道也不錯👍🏻搭配無敵海景，值得一試！

4月睇到廣告但係full晒，到8月又睇到廣告即刻網上訂座，終於嚟到呢度食點心放題喇。行入酒店上樓梯2樓，朋友大讚靚，擺酒一流。準時嚟到已經好多人等緊入座2:30入座，我同朋友被安排坐喺最近門口嘅正中位置。落單後點心好快到，職員有禮一遞手好快有人應，而且枱嘅距離夠遠，食得安心。每人二百唔使，可以食咁多唔同嘅點心好抵，不過90分鐘食得有啲急。入座每人一份：蜜汁烤箱雙方，腐皮夠脆火腿唔算太肥，亦唔會過鹹。椰皇燕窩燉鮮奶，燉後好滑，重有唔少燕窩舖面。鮑魚撻好精緻。黑金流沙包，我幾鐘意呢個流沙質感，唔太稀，唔止流質口感，如果鹹蛋黃味重啲更好。腸粉一般，唔滑。排骨新鮮，味亦唔錯。不過好多根位咬唔到。鳳爪同蒲撻都幾好。蝦餃，牛肉，燒賣呢三款都普通。炸嘢幾好，夠熱夠新鮮。椒鹽豆腐粒應該預先炸，味Ok。鮑汁雞腳，朋友最鐘意，夠淋幾入味。日式海苔茄子，茄子外面脆裏面淋，又夠香。黃金凉瓜條，甘苦嘅凉瓜加足料嘅鹹蛋黃醬，好味。豬冰鎮手都做得幾好，外面爽口唔會韌。Xo醬炒腸粉都幾香。

想食呢間好耐，等限聚放寬左之後，即刻訂左位去上下個午餐，佢分兩場，第一場十一點幾，我就訂第二場12:45。間酒店係黃埔船後少少，我去錯左另一間酒店，到達時1點，遲左15分鐘，但佢都係計我12:45分入，2點last order，2:15 埋單。每人會有一個椰子燕窩燉蛋，一開始想落，但經理話食左會好飽食唔到其他嘢，所以就冇落住，大約2點有職員過嚟幫我地落。一人有一隻鮑魚撻，小鮑魚隔離係肉。流沙包幾靚，食落就係平時奶皇包咁。啲嘢食嚟得好快，但食得出係整定，例如係炸海鮮卷，有啲un.嘢食嚟講係一般，冇話好好味，主要係食環境同服務（佢話5星）。因為遲左，我到時已經得番5張枱冇人，冇海景位唉好想坐海景位。至於個經理係幾好，因為我坐近收銀。我一望過去佢都問我係咪要落單。但最尾啲人收嘢有啲急，可能都多人等。可以試下嘅，但點心好飽，食唔到咁多，同埋都貴貴地，如果有海景先值。

見網上有任食點心推廣優惠，$158/人未計茶位同加一服務費，相當吸引！抱著有靚海景，加上又係5星級酒店，差極有個普，所以去試食！點知中伏，點心的質素比普通屋邨酒樓還差，燒賣有點酸味😖，而且點心又重味精，要不停飲茶。另外，估計服務員大多數係炒散師奶，所以亂上食物，明明無叫，照上，放低，雖然是任食，都唔洗逼人食。服務員問非所答，可能要趕下一轉人入場，客人都未走，就放定枱布，方便一陣執枱，其實有冇顧及客人感受，好似催人走咁。十分失望！唔會再幫襯！平野真是無好野！

伏到爆。。。。得一個蟹鉗好食， 蟹蓋勁多洋蔥完全冇蟹味， 服務質素差到爆侍應又講粗口，上菜亂放， 無端白事畀碟前菜開胃小食你要收多你20蚊仲要加一，大家小心！！！！！

無意中係推介平台度見到呢個突如其來嘅優惠，中意食點心的我，梗係即刻走去book，仲要可以望住無敵海景食點心，真係未試過😂呢個點心booking schedule都幾full，但9，10月現在還是仲有位的，閒日的話$158，假期就$198，未計加一，時段分為午市，下午茶同晚市。去到現場已經人山人海(唔係限聚令咩🙈)，就算你book左都要去櫃檯度拎籌，之後等職員叫，安排你入座就ok，我地咁橋被安排到近海的位置。點心款式唔算話好多，但唔會有嘢難食，而且有啲仲幾高質同埋整得好有心。黃金涼瓜條 - 呢個真係幾特別，好少食苦瓜係呢個整法，但原來好鬼夾，推薦👍干煸蓮藕條 - 呢個又係好特別，食藕餅，燜蓮藕或者蓮藕煲湯就多，一開始我以為係竹筍，因為形狀係‘條狀’，但原來係將蓮藕切條來炒，呢個都推薦👍蜜汁火方 - 呢個剩係聽個名都夠曬特別，就連佢上菜個時，我都係估估下將佢包住來食，開頭以為係蜜汁叉燒啲朋友，但絕對係另外一樣嘢來，少年，你真係太年輕了，推薦👍椰皇燕窩燉鮮奶 - 呢個我以前去親X敦大酒樓都一定會叫，呢間個整法就更加白滑，更加水，奶味重啲，未戒奶嘅我梗係中意，推薦👍最後真係頂住個肚走，好滿足，