海鍋手工涮涮鍋 (已結業)

尖沙咀不難發現新食肆，最攪笑係夏天都有不少火鍋店新開，就好似位於尖沙咀金馬倫道有我食開既米線店樓下就有依家新開的火鍋店。店內間格簡約，通道很寛落，光線又充足，入內感覺很舒服窗邊大部份也是卡座，卡座設有USB充電設備，好啱我依D機不離手成日要叉電既人  食耐D都唔怕 !餐具有樹枝紋，比起淨色來得高雅咗 原來新張期內9點半後有優惠 食物方面，有前菜小食、刺身、海鮮、手工丸子、牛豬肉、餃子、蔬菜等過百款選擇。餐單紙少不了的混醬 (每位19)自家製既飲品有三款：羅漢果茶、烏梅甘草茶同紫貝天葵。 這個紫貝天葵比起在大澳飲過既濃，真材實料湯底方面，有11款湯底可供選擇，這個是香蔥玫瑰花3.6牛乳海參鍋，一大輪冬瓜、海參和香蔥絲浸著香濃牛乳浴，面層再灑上一些迷你玫瑰花，奶味會越滾越香；鍾意食海參就要留意，唔好滾太耐，好容易溶晒呀 ! 強烈推薦這個自家製的貴妃卷，用葉子包著黑魚滑和花生麻醬，完全無諗過花生醬可以同墨魚滑做朋友，鍾意食花生醬既我就啱晒口味 !乳龍蝦這兒的炸響鈴是即叫即炸，而且是珍寶SIZE！！！炸響鈴有幾珍寶？　師傅將豬頸肉切成薄片，還砌成玫瑰花型 造型精糕既粉紅色玫瑰呀.....睇見都

今個星期又打邊爐啦! 打邊爐邊有分冬天夏天架！ 響鈴控的我，今次搵左呢間海鍋手工涮涮鍋！出名大大大大大大舊 響鈴湯底揀左 白玉花膠鍋一上湯，侍應姐姐就會幫手將冬瓜切件等佢快D林同埋快D吸晒D味呢間火鍋店有埋刺身叫我地又口痕，一於試試叫左個刺身拼盤4位用4種刺身都好新鮮！ 三文魚都好厚！烏梅甘草茶 - 有梅所以酸酸的都似係自家煲每次邊爐都一定要叫的白蘿蔔好薄，所以好快就吸晒D味，但又唔會爛豬潤 - 份量都幾多，又唔會粉！特大 響鈴出現喇！真係好大條！係個鍋既直徑！呢個 響鈴係即叫即炸，好新鮮浸了幾秒就帶上來，又脆又軟好好吃響鈴絕對係會再黎翻食的其中一個原因！叫左幾樣海鮮，包括沙白蜆($38份)，象拔蚌仔($30/隻)，鮑魚($28/隻)！全部都好新鮮！沙白蜆每個蜆都有蜆肉，都算好大粒肉一D沙都冇！好乾淨！鮑魚都幾大隻！肉質夠鮮甜有咬口！象拔蚌仔，非常鮮甜！鮮油魚！ 有紋好用心一提，皇帝菜唔係到到都有！但呢到就有喇！加晒分另外加分都係呢個USB叉電！可以一路邊爐一路為電話叉電！

大家一定知道最近最出名那隻橙色猩猩Big Big Channel，早前下載了，看到黎耀祥介紹打邊爐已經覺得好吸引！今日老闆話辛苦我地埋month end數話萬歲，我同豪仔立即提議跟黎耀祥搵食！餐廳原來在尖沙咀，加拿芬道很方便！餐廳新裝修，冷氣足，我們選了龍蝦湯底，$138，來到時已經香氣撲鼻，湯底雖然沒有原隻龍蝦，但湯底絕對十足龍蝦味，濃味又甜，感覺好像在飲意粉屋的龍蝦湯，湯底還有部份豆腐，十分嫩滑！醬料每位$19，記得要加！先來的當然是餐廳的重點推介，響鈴！響鈴在一般金鍋餐廳都可以吃到，究竟有什麼不同？上菜時我們都嚇一跳！我還沒有試過咁長的響鈴呢！長度有半隻手咁長，就好像以前的大哥大電話咁，響鈴幾結實不易斷，食起上來幾煙靭，雖然是油炸但不膩。手切肥牛也是重點吧！$188雖然貴，但很值得，光是望著那些牛肉已經開心，血色十分美麗，每片薄切，雪花同牛肉的紋理相輔相成，好似石頭啲紋理咁，由於牛肉係薄切，夾起大約2分鐘左右就可以食了，牛肉味重，有嚼勁，靚既牛肉真的不一樣。半份四寶丸：我個人喜歡鯪魚球，啲魚肉好彈牙結實，鯪魚一向多骨，但這個沒有，肉質彈牙嫩滑，又重鯪魚味（沒有腥味）。芝士蝦丸的芝

前兩日朋友食完拎咗呢張單張俾我，話幾好食叫我去試吓，我見幾抵喎有海鮮套餐，咁就同男朋友去啦環境都幾靚新裝修，餐具有點高貴嘅感覺一向重口味嘅我，火鍋醬料好重要！呢間有XO醬又有沙嗲醬，有脆蒜同埋蒜蓉好，正呀最後冇叫到套餐。男朋友話單點，但我又想食龍蝦同鮑魚喎咁就每樣叫一隻啦湯底揀咗蕃茄薯仔湯，就咁睇唔係好多蕃茄，但係試咗一啖又OK重點黎啦龍蝦我同男朋友每人一邊，帶點蕃茄味，好甜！ 蝦肉無霉，幾彈牙。鮑魚都好好味手切牛花紋好靚，食落牛味重，嫩滑！響鈴未見過咁大條嘅響鈴，係平時嘅兩倍有多！ 幾香脆，碌真係3秒夠啦，保留佢嘅脆口。鳥結糖，墨魚製嘅，幾爽呀最後黎兩個烏冬，因為男友話湯底幾甜所以叫烏冬一流。又真係喎一啖烏冬一啖湯，好滿足！叫左一杯熱情果沙冰，原來配支可樂，都幾夾！估唔到叫蕃茄湯底都有驚喜！

放工約左舊同事小聚，一枱四女實會好嘈，揀左食打邊爐，感覺上火鍋店傾偈可以free啲，同可以坐得耐啲。黎左新開張的海鍋，地店在尖沙咀，方便大家嘛，店內感覺還不錯，選了一張四人枱，快快落單開始食。紫貝天葵（$58）同事介紹飲的，不說真不知道有呢款涼茶，酸酸甜甜的感覺有點像酸梅湯，同打邊爐味道幾夾，雪到冰涼好正，紫紅色幾靚添。醬料費（$15）店家會按人頭收取醬料費的，15元還合理啦，醬料架有我喜歡的芫荽，沙茶醬，麻醬，辣醬等，等我整返碗混醬先。蕃茄薯仔牛腩湯鍋（$138）湯底選了蕃茄薯仔牛腩鍋，有好多款都想試，但呢個最合同事口味啦～一開蓋已聞到超香濃的蕃茄味，再喝一口湯試試，嘩嘩，又香又清甜，簡直係阿媽煲啲靚湯咁，唔客氣即刻飲番碗。鍋內有不少牛腩，好軟腍，滾左咁耐都唔會韌喎，仲有好濃肉味添。蕃茄薯仔亦不少，神奇係薯仔唔會滾到爛㗎，一直滾到最後都仲有薯仔形，仲夾得起，吸飽了湯的精華勁好味。手切肥牛（$188）打邊爐點可以少得牛，點左盤牛切肥牛，色澤幾靚！淥起一點都不韌，好香牛肉味，又嫩又滑勁正。精選豚肉片（$98）同事要食豬又點左盤豬肉片，白雪雪好晶瑩，淥起上黎都嫩喎，也有肉味，不過個人還是愛

今晚同朋友係尖沙咀搵食，因為想坐耐d傾計，係openrice 搵到呢間食火鍋。一坐低就有醬汁盒俾我地自己調配醬料～有麻醬、xo醬、沙爹醬、芫茜、蔥等等佢有set 叫同散嗌，見到個set 有龍蝦、蟹、鮑魚，計番比散叫抵好多，就叫左呢個$269/位既餐。下面仲可以揀6樣配料，店員姐姐介紹我揀台式鳥結糖，話係佢地自創，同埋即炸響鈴～湯底我想健康d，揀左蕃茄湯！野飲我叫左一壺自家製羅漢果茶，諗住食火鍋飲佢清下熱～又幾好味！冇糖幾健康。跟住d 野食都黎得幾快，擺到全枱都係。個海鮮拼盤d 海鮮都幾新鮮，鮑魚都幾大隻架！響鈴黎到時候仲係熱，真係剛炸好，好香脆！手打牛肉好正！肉味重！鳥結糖幾特別，其實係條狀既墨魚膠。個鵝肝蝦丸一般。一路打邊爐，可以义電，又可以用wifi👍🏻最後埋單除番一人$350 都幾抵，餐廳環境不錯，同朋友食飯傾計不錯～

聽同事極力介紹係尖沙咀既海鍋打邊爐講到幾好食幾好食搞到心思思想去食是晚就捉埋都好鐘意打邊爐既男朋友一齊去海鍋應該係新裝修, 個感覺好乾淨整齊, 睇清楚原來係我好欣賞既黎耀祥代言, 即刻心情大好而且海鍋知香港人係手機食先, 整個USB叉電位比我地用, 好貼心呀菜單醬料基本上想要咩去混個靚醬都有, 好齊全喇沙湯鍋個喇沙湯一上台就聞到好香喇沙味, 未食前已忍唔住飲啖試下, 辣味夠有層次, 而且夠香濃, 期待同一陣既食物同喇沙湯係鍋中相聚手切肥牛睇個牛既紋路就知好味, 色澤又夠紅潤, 而且唔多脂肪, 一睇就知係好野, 食落牛味濃郁, 極品, 必食之選蝦滑好實淨, 好彈身, 好有蝦味, 好好味呀娃娃菜老媽子教落, 食左咁多肉當然要食下菜啦, 而今次我就好願意咁去食菜, 因為D菜索左喇沙湯真係好好味呀烏東+韓式拉面叫左兩款面去索個喇沙湯底, 索完喇沙湯真係幾多都唔夠喉, 耐何我的小肚子已飽, 好回味總結黎講海鍋D食物好扎實, 睇得出對食材好認真, 令到個胃好幸福, 而且待應加水加得好快, 見到你個火過猛/過細又會過黎幫你教細D/大D, 唔會好似出面某D餐廳咁十問九唔應, 海鍋我必定會再黎食過!

前幾日朋友介紹呢間手工火鍋俾我，話呢間新開張做緊優惠，食物都幾好味，所以我就同屋企人一齊黎試啦我揀左每位$269嘅海鮮套餐，因為平時任食火鍋無乜機會食到，呢set有龍蝦有鮑魚幾抵點完餐後，侍應遞上呢個九宮格調味料，連XO醬都有先上海鮮盤，有龍蝦、蟹、鮑魚同蜆呢個陣容令雙親好滿意海鮮好新鮮，夠爽口！ 最緊要係令到個湯底更甜。炸響鈴長過我隻手掌，碌幾秒就食得除左手切肥牛外，仲叫多左一碟肥牛，肉質算幾滑嫩，顏色上感覺幾新鮮精選豚肉片係薄切嘅，正因為係薄切，好快熟唔易煮老，所以食落嘅口感勁嫩，我媽話唔似食緊豬肉咁鮮蝦雲吞有8粒， 入面有一隻大蝦同豬肉做餡，大蝦係爽的，好好食！手打蝦丸，好有鮮蝦嘅味道，口感彈牙最後黎個手打烏冬作完美句號。煮完加埋蕃茄湯底一齊食，感覺似係出面食左個蕃茄湯烏冬咁，湯底好濃郁又帶有甜味。呢間火鍋店環境幾舒服，上菜速度快！

依家天氣咁熱 可能未必太想去打邊爐，但上網見到呢間新開嘅火鍋餐廳好高質忍唔住去試吓入到去見到裝修好新，應該係開咗唔係好耐，座位上仲有USB充電好先進叫咗湯底之後店員就比醬料我哋自己落，啱晒我呢啲最鍾意點汁嘅人。叫左個鴛鴦湯底，分別就係泡菜同埋喇沙湯。個喇沙湯湯底好香濃，味道同平時食咁嘅喇沙一樣充滿香味。打邊爐當然唔少得食牛啦，呢個手切牛頸脊好正呀，肥瘦均勻好想食多幾件另外呢個玫瑰豬頸肉擺到好靚，食落去都好好味夠晒爽口見到每台都有叫呢個響鈴，就叫黎試下啦，岩岩炸好仲要超大條好脆好好味呀，應該有兩部電話咁長另外仲有好多特別嘅手工野，好似呢個墨汁墨魚丸咁，雖然食到個口黑咗，但係好正。仲有呢個墨魚了結糖，當然唔係真係糖黎啦但係佢個口感好夾。仲有呢個新鮮農場雞，雞啱啱夠滑野飲叫咗一個草莓冰沙可以揀配可樂或者其他汽水大大杯好抵呀仲有呢個新鮮嘅紫貝天葵夠晒健康啦~~打邊爐咁熱氣。而家做緊八折等等優惠，過兩日又再去食個先

生日去打個邊爐，可能新開張唔係好耐既關係。當晚唔係咁多人同埋有優惠。兩人叫左唔係好多嘢。嘢食到左。湯底味道唔錯，嘢食份量適中唔似其他中式邊爐咁多。總括黎講唔錯。

最近同事議論紛紛，說上月在電視機見到視帝黎耀祥在一間食店接受訪問，見枱上食緊火鍋，食材好吸引，所以特別留意節目完結時，通常都會有字幕將食店名打出來，原來是叫海鍋手工涮涮鍋，再上網查詢，地址就在加拿芬道，個個同事都好想去試試，就今晚吧！放工一齊去！食店地方雅㓗，座位舒適，而且設有貴賓室，自成一角，私隱度極高。入座後侍應送上火鍋調味，混醬種類比其他店多選擇，混出來的味道特別好味！湯底種類也很多選擇，同事鍾意傳統口味，選了沙嗲湯底，沙嗲味甚濃郁，就算加湯之後也不會太淡！自製原隻鮮蝦雲吞：雲呑都好大粒，內面真的有原隻鮮蝦，加埋經過調味的豬肉餡，味道鮮甜又爽口彈牙！玫瑰花豬頸肉，廚師真的好心思，將豬頸肉切片砌成玫瑰花，真捨不得拆散佢，豬頸肉爽口鮮味十足！精選豚肉片：薄切的豚肉片，灼後又不是很薄，厚度剛好，味道滑滑的很鮮，點些混醬汁，美味極了！墨魚滑：用新鮮墨魚手打成滑，爽口彈牙！海蝦滑：用新鮮海蝦打成的蝦滑，特別鮮甜彈牙！炸響鈴：特別大條的響鈴，即叫即炸，可以即食，脆卜卜好香豆味。也可以灼一灼沙嗲湯底，又是另一種味道和口感，令人食不停口，我們還再叫多一碟！手打烏冬：放在湯底煑一陣，又滑又彈牙的烏

這天約了好朋友想找個舒服的地方坐下傾談，便選擇了去吃火鍋～餐廳內大多是沙發椅，最適合坐上整晚了。店員先遞上九款調味讓我們自行混醬，非常齊全！先選湯底，這裡很多的湯底都很特別，我們就選了較少見的火焰青酒花蛤鍋～話明是火焰，果然有它的特色。店員遞上是鍋裡只有花蛤、洋蔥、青蔥和冬瓜粒，底部有少量清酒。點火後只見火焰越燒越旺，猶如看表演般！最後等火焰漸漸變小便加入濃湯。忍不住喝了一口，清酒味強而清甜，非常過癮！（之後也不斷喝，喝了好幾碗）連花蛤都完全吸收了清酒的味道～食料方面最值得推薦的一定是響鈴了～店員送上時我也嚇了一跳，響鈴大得跟筷子差不多長！應該是店內手製的所以腐皮不是捲得非常平均，但味道就挺好，充滿油香味。這碟肥牛雖然偏肥，但每片都很薄，牛味重金菇有點散但份量多丸類有芝士蝦丸和台式鳥結糖。別以為鳥結糖好像真的糖般，其實它是墨魚打造而成的，不但有睇頭，而且咬下去非常彈牙～

一踏進這家餐廳，就感覺到這裏的老闆很有熱誠，因為餐廳佈置每個座位都有一定的距離，而且不會很近。當你設身想到這裏是火鍋餐館，即使兩個人也需要比較大的桌面放食物。這裏之外，還可以享受獨立房間服務，當然最好預先預訂，數量不多哦～～非常適合聚會坐下來後看一看點心紙，除了火鍋以外，原來這裏還有刺身和多款小食這款是白玉花膠湯，先是用冬瓜包圍花膠、蜂巢豆腐和蟹籽湯底飲下去感覺很有老火湯的味道冬瓜給除了湯底和花膠的精華後， 就像在吃一塊醃漬過的冬瓜..很香濃第一次嘗試紫菜墨魚丸，原來這樣配搭不錯，因為紫菜軟掉後的口感10分配合彈牙的墨魚丸海蝦墨魚滑給我的感覺非常新鮮，很鮮甜美味肥瘦均勻的肥牛不是到處都有，每一口放進口裏後都是一種享受蔬菜非常新鮮，很翠綠羅漢果茶，很大瓶， 兩個人實在喝不完這裏值得一提的是原來座位旁邊會有USB位，方便閣下充電

一直都對手工唰唰鍋好有興趣，今日得閑就同朋友一齊去試吓。餐廳嘅環境都幾舒服，坐嘅位置好闊落同埋唔會太嘈，感覺上會舒服啲。首先就叫咗飲品先，我就叫左特色手工茶，同埋一杯草莓沙冰，兩款嘢飲份量都非常之多足夠我哋食完火鍋都未飲晒。手工唰唰鍋最出名嘅就係手工製作同埋自家製作嘅食物，同其他火鍋嘅食物更加細緻同埋好食。今次就散嗌叫左一份手工墨魚丸，一份手工鳥結糖同埋半份牛肩肉，湯底就試咗喇沙湯底同埋泡菜湯底。牛肩肉嘅份量都幾多同埋質素好高，食落去入口好滑添之後就加左一碟雞同埋一份響鈴，響鈴真係好好食!!好新鮮又大份，真係食到超級飽。最鍾意就係打邊爐可以慢慢食同埋可以好多時間傾計。餐廳仲要好貼心有USB 叉電位比我地叉電方便我哋可以一路傾一路食一路玩電話。如果一大班朋友過嚟嘅話就啱晒啦。