海言どんぶり専門店

營業中

休息中

Mikoto 海言 has became easier to book since the chef yin left. Even so, it’s still packed on Friday nights. They have a couple of sashimi bowls, including the 𝙈𝙞𝙠𝙤𝙩𝙤 𝙊𝙢𝙖𝙠𝙖𝙨𝙚 𝙎𝙖𝙨𝙝𝙞𝙢𝙞 𝙍𝙞𝙘𝙚 𝘽𝙤𝙬𝙡 (𝘿𝙚𝙡𝙪𝙭𝙚) for $430, which features 15 kinds of sashimi. The vinegar rice adds a nice tang, and sitting at the bar lets you watch the chefs in action, which is pretty cool.Some highlights from the sashimi were:- Sanma (秋刀魚): A fall favorite, it’s got tender, fatty flesh.- Sardine (沙甸魚): Fresh and rich, with a s

星期六日中環都唔會好多人返工，喺中上環行非常舒服，晚飯時間突然想食日本野，經過見到海言，一間喺地庫隱蔽嘅小店，睇套餐牌好似唔錯，於是入去試吓。店員推介咗海言廚師發辦特上刺身飯和特上江戶前散壽司，我哋就叫咗每人一個試吓。兩款海鮮丼米飯底都唔同，刺身飯用上醋米飯而江户前散壽司，就更加配上少量紫菜，日本生薑，芝麻嘅飯底，突顯到餐廳對於米飯都非常用心，套餐仲會附上沙律茶碗蒸及櫻花蝦麵豉湯。廚師發辦刺身飯嘅刺身係用上時令食材，包括抽刀，鰤魚，新鮮希靈魚，金目鯛等等，質素非常高，比起其他動不動都過千元嘅廚師發辦更加高質。江户前散壽司就會用上傳統魚類食材，仲會有香港人俗稱嘅紅衫魚日本稱之為金線鯛，腐皮玉子燒等等。兩款刺身飯各有特色，呢個價錢食到咁高質嘅海鮮丼飯真係冇得輸，餐廳如果將佢轉為傳統廚師發辦，收費再貴幾級絕對冇問題，非常推薦。

出咗糧就係要闊佬啲，所以就帶另一半去食廚師發辦－嘅海鮮丼飯。個位置其實唔難搵，但係冇諗過內有乾坤，仲要行樓梯先落到去。舖頭唔係話好大，但係俾人感覺都係好舒服、好愜意。而店員嘅招待都令到我覺得好似自己置身喺日本咁樣，而且舖頭超級細心，會問定你有啲咩係會敏感或者唔食嘅，食完覺得係一餐超滿意嘅晚餐。‣ 海言廚師發辦魚生飯（特上） $430‼️超級推薦‼️雖然好誇張，但係真係會覺得自己好似喺一個魚生飯入邊食到春夏秋冬。一開始就食咗海膽同埋三文魚子先，因為啲熱辣辣嘅飯會影響佢嘅口感同埋味道，而順序落去就係食當造嘅秋刀魚、伊佐木同埋鯛魚，最後先食炙燒嘅魚生。雖然當造嘅魚食落去已經會令人覺得好舒服，但係食到最後覺得炙燒嘅都令到我覺得好震撼，係相當之有心機去處理，特別係左口魚，啲魚油真係迫晒出嚟。‣ 江戶前散壽司（特上） $370第一樣嘢一定要大讚係餐廳用唔同嘅調味去處理兩個丼飯，而江戶前就係用芝麻同薑蓉去營造返個便當感，食落口嘅時候就覺得滿滿嘅芝麻味。而兩個飯都一樣有拖羅，真係入口即溶，鍾意食拖羅嘅朋友一定唔可以錯過，超級肥美又新鮮。即使係平時都會食到嘅帶子同魷魚，炙燒完之後真係令人耳目一新。沙律前菜超

海言どんぶり専門店，一間主打鮨店おまかせ新鮮魚生丼飯的專門店。早於2022年，人氣店名已卷席おまかせ關注組，曾聽聞因booking爆滿而基本上只採用予約制，而J是日放工即興walkin到店的。是晚所見，均有予約制及walkin客，約7:30pm後小店開始全場滿座。除了刺身丼，餐牌上亦有提供熟食丼。例如： A4和牛燒肉飯、北海道帶廣豬肉飯店員們服務態度好又會主動頻密加茶，相比起部分高級鮨店會多一份勤快貼地感。🍱 定食包括： 沙律、茶碗蒸、麵豉湯沙律有南瓜、車厘茄、椰菜花、沙律菜、紫椰菜、粟米、苜蓿芽、藜麥，果醋拌有少許黑松露醬 茶碗蒸火喉控制得十分好！ 口感比豆腐花更加嫩滑，絕對是J食過最滑溜、最入口即溶的茶碗蒸麵豉湯是日供應：櫻花蝦昆布清湯🍱 海言廚師發辦魚生飯(特上) $430招牌おまかせ定食是日有海膽、三文魚籽、希靈魚、秋刀魚、沙甸魚、梭子魚、獅魚、池魚、醬油漬赤蝦、左口魚、燒帆立貝、魷魚、少許鮟鱇魚乾醬等等，配醋飯🍱 江戶前散壽司(特上) $370招牌江戸前定食走傳統風格，以方形漆盒裝著有海膽、三文魚籽、燒帆立貝、魷魚、鯛魚、腐皮、玉子、牛蒡醬油漬等等，配預先拌有芝麻、紫菜、薑蓉

二訪「海言どんぶり専門店」🩵令我再次回訪嘅魚生飯，今晚同朋友仔再相約食晚飯，上次黎已經被海言omakase魚生飯深深吸引，今次一樣都係order咗店家嘅兩款招牌，店員會先送上沙律同茶碗蒸，沙律菜配上椰菜絲、粟米、西蘭花、蕃茄仔、紅蘿蔔，色彩豐富口感清爽，蒸蛋嫩滑蛋上味濃，加入日式魚片、蟹柳、白果、枝豆等食材令口感更加豐富😋海言廚師發辦魚生飯（特上）師傅會用上時令的魚類去製作，有秋刀魚、鰤魚、希靈魚、白玫貝、甜蝦、大拖羅、醋鯖魚紫菜卷、三文魚籽、海膽等十多款魚生，每一款都各具特色，所謂不時不食，務求令食客食到最新鮮當造嘅食材，令每一部份嘅魚肉都能夠發揮得淋漓盡致，配上醋飯更為完美👍🏻江户前散壽司（特上）有別於前者，江户前散壽司就會用上傳統魚類去製作，另外會加有玉子同腐皮，而底下嘅醋飯則加入漬物芝麻作調味，更為美味😋店家亦可以免費添飯，我將海膽同三文魚籽製作成另一碗鮮甜嘅海膽丼，又別有一番風味🎏最後店員會送上櫻花蝦麵豉湯暖暖胃，完美而滿足嘅晚餐🩵📍海言どんぶり専門店 (中環)中環威靈頓街55號地庫人均消費：$400食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

今晚同朋友聚舊，選擇中環威靈頓街 海言どんぶり専門店 Mikoto Donburi ，嘗嘗日式丼飯嘅廚師發板。店舖餐桌以淺楓木顏色做主題，簡簡單單嘅裝修，感覺乾淨俐落，一貫日系作風，入門口一張長形吧枱，坐在吧枱可以與廚師邊食邊互動。小小貼士，店鋪地方唔算好大，所以想食好嘢，最好預先book枱喔😆。今晚order左：江戶前系列 （特上） - 江戶前散壽司🍱$370廚師發辦系列（特上）- 海言廚師發板魚生飯 $430先上前菜，沙律🥗及茶碗蒸，沙律菜配搭好多，顏色鮮艷豐富，全部都爽脆新鮮，沙律醋汁亦balance得好好，酸酸甜甜，將今晚胃口打開。茶碗蒸非常滑溜，碗底兩粒銀杏非常軟糯，略帶甘甜微苦獨特味道，與茶碗蒸非常夾配。🥢海言廚師發板魚生飯 （特上）好靚嘅擺盤，刺生鋪滿整個飯面，十數款時令刺身，色澤油潤有光澤，非常新鮮，以池魚、依佐目、炙帆立貝、炙燒梭子魚、拖羅、海膽最為出色👍🏻；海膽色澤金黃，入口creamy幼滑，滿滿甘甜，難怪廚師都見議先食海膽。之後先油潤口腔，順時針由油花重嘅刺身開始食起。🥢江戶前散壽司（特上）🍱江戶前壽司會先行加工處理食材，例如將以醬油、鹽、醋來醃製，甚至是以炙燒、

海言廚師發辦魚生飯(特上) $430 💯餐廳招牌之一，由多達15,6款嘅食材堆砌而成嘅一碗丼飯，不只擺放整齊，甚至乎係精美到賞心悅目，唔捨得食🥹有肥美嘅拖羅、炙燒黑鯥、銀鱈魚、鰈魚邊；有秋季限定嘅秋刀、鯖魚棒；港人最愛嘅海膽同三文魚籽等，仲有各種各樣平時omakase先會食到嘅貴價魚種。江戶前散壽司(特上) $370 🤤每個set其實都跟咗沙律、茶碗蒸以及麵鼓湯，而江户前散壽司魚生上其實都大同小異，約有12款魚料，惟一比較唔同嘅係會用上醋飯腐皮蛋紫菜芝麻等令到飯底比較豐富原條秋刀魚啱seasonal嘅秋刀實在太新鮮肥美太好食，所以都encore咗條刺身嚟食，唔需要過多薑蔥調味，亦唔需要什麼酸汁鼓油，完全冇腥味質素唔會令人失望🥰

業至今一直都係人氣預約困難店🔥 次次都要早一個月book 今次係第四次到訪海言 超滿足🥰 食材處理新鮮 師傅非常專業🧑‍🍳 ⭐️ 由師傅挑選當日最時令既食材🥰🎣 所以每次到訪都可能食到唔同既新鮮食材😍 店員仲會用心為你逐一介紹每款食材🧑‍🍳⭐️ 見到師傅將食材處理得非常仔細 仔細嘅刀工 配合適當調味或者火炙 （螢光魷魚特別有驚喜 唔單止完全唔腥 仲有炙燒嘅香味🔥）⭐️ 壽司飯都係非常之重要嘅一環！壽司飯好唔好食會直接影響丼飯口感 呢度嘅壽司飯粒粒分離 口感煙靭 睇得出有認真花心機處理⭐️ 值得一提店員服務態度一流 超nice既店員好用心照顧每一位食客🥰食完已經期待下次再嚟😚

8月去了一趟日本旅行食盡日本嘢，返到香港至今不時諗起仍然津津有味，所以趁住朋友約食飯都特別搵一間日式餐廳。中環擺花街與威靈頓交界嘅《海言どんぶり専門店》是一家魚生飯專門店，門面一塊白色布盡現和風感。店鋪要行落一層，入到去一眼見晒座位唔多，聽朋友話中午好容易成日滿座，不過我覺得反而對食客都好，咁先唔會因人太多而影響到食物嘅質素。Menu上嘅食物選擇很清晰，主力是各類食材的魚生飯。首選了《海言廚師發辦魚生飯(特上)》由廚師發辦總帶著盼望，見到鋪滿嘅刺身食材也為之雀躍地，吞拿、拖羅、海膽、魚子、鯛魚等等十多樣，刀工精緻，望落很豐富又顏色繽紛，外觀滿分啱晒打卡，而味道方面，食得到食材魚鮮，每一件真係要好好細嚐。成碗飯嘅比例基本上是魚生七成飯三成，不過嫌飯唔夠可以再添，醋飯帶出淡淡酷香幾好味，所以我就添了一碗，配上豉油也美味。《江戶前散壽司》從網上找到的資訊，江戶前壽司所強調的是壽司料經過醬油、鹽、醋來醃製，甚至是以炙燒、烘烤等手法調理並搭配褐色漬飯嘅特式，直接食而不需再沾醬油。而眼前這個以傳統長形盒盛著各類刺身一樣咁精彩，除了有新鮮刺身外，同時加入傳統食材好似腐皮、玉子、牛蒡漬物等等，再加上有

平時夜晚食Omakase 閒閒地都要過千，而香港又好少有Omakase 既魚生丼，今次食尼間位於中環「海言どんぶり専門店」以高質新鮮魚生，帶來極精美的廚師發辦剌身丼飯及江戶前散壽司，價錢親民高質享受🤩同朋友嗌左一個廚師發辦系列「海言廚師發辦魚生飯（特上）」，另一個江戶前系列「江戶前散壽司（特上）」，兩款定食都各包了內附沙律、茶碗蒸及麵豉湯。✨ 沙律、茶碗蒸日式沙律食左咁多年，第一次覺得沙律咁好食😳係因為餐廳用既醬汁調得非常好，而且蕃茄仔、南瓜、粟米都好新鮮，而茶碗蒸內有銀杏、毛豆、魚片、蟹柳 味道較為清淡。✨ 海言廚師發辦魚生飯（特上） $430師傅擺放得非常精美🤩雖然望落魚生並不多，但食嗰陣發現原來有差不多15款時令魚生😍上菜時店員逐一介紹，建議由海膽三文魚籽，順時針方向食起，最後先食油脂較多嘅魚生如：左口魚邊、拖羅等魚生刺身，所有魚生刺身都好鮮甜，質素好高👍🏻✨江戶前散壽司（特上） $370雖然尼款魚生丼飯望落差唔多，但江戶前主打傳統的魚生「例如：金線鯛魚」和配搭腐皮、玉子作配菜。而主食米飯方面用左漬飯的概念利用「醋、芝麻、薑蓉」調味，相對一般醋飯係比較特別😳✨櫻花蝦湯食完魚生丼，

上網睇呢間Omakase性價比都幾高, 人址500內都食到高質廚師發辦, 一於同朋友入黎試下!海言廚師發辦魚生飯（特上）一開始先上沙律&茶碗蒸沙律菜新鮮, 酸酸地, 作為前菜一流!茶碗蒸蛋白好柔軟順滑, 水同蛋的比例拿捏得剛剛好!終於黎到今日的重頭戲, 魚生飯！經理講明主打時令季節, 有鯖魚、希靈魚、海膽、金目鯛、赤蝦等高質新鮮食材師傅講明先吃海膽, 因為好快溶, 有別於其他omakase餐廳將海膽放在最後建議先把刺物吃完, 再吃半熟食而個人點評, 拖羅&赤蝦最為出色!拖羅超級肥美, 入口即溶, 整個口腔都充滿油脂香!江戶前散壽司（特上） 刺身大致同廚師發辦魚生飯差不多都係主打傳統路線本身用左醋飯, 再放左漬物係入面, 令飯的口感更為特別!腐皮反而令我大開眼界, 因為咬落去甜甜地好juicy!而店員講明可以免費添飯, 由於本身飯的份量唔係多, 作為飯桶的我, 最適合不過！！櫻花蝦清湯到最後以湯作為結尾, 飲落去好清甜, 完全無任何味精暖暖地好順滑, 為呢餐飯畫上完美句號!

.中環· 超高質日本時令Omakase丼.海言どんぶり専門店📍中環威靈頓街55號地庫.➰中區一向是中西匯聚的美食天堂，今日恰巧放假，與朋友一聚共享美食，今日到訪的這間餐廳位於地庫，前身是一間筆者非常喜歡的日式炸豬扒店，現如今已轉變刺身丼飯餐廳，餐廳名氣亦非常不錯，網上預約亦長期滿座，有興趣的朋友緊記預先訂座。.餐廳以木系為主調，柔和燈光配合居酒屋的裝潢予人感覺非常舒適，半放開式的吧枱設計亦可以欣賞師傅即席處理食材的功架，亦有座位可與朋友促膝長談。.❀海言廚師發辦魚生飯（特上）💲430 ⭐️4.3/5⭐️當然要一試以餐廳命名的招牌特上廚師發辦魚生飯，落單後師傅即席製作，每款丼飯亦配有沙律﹑茶碗蒸及味噌湯，丼飯以當季日本時令刺身食材作賣點，上菜後店員有逐一介紹不同刺身種類，最搶眼的莫過於日本海膽﹑三文魚子﹑三款拖羅等。丼飯配料包羅萬有，刺身食材亦各自有經過灸燒﹑𠝹花﹑醃漬等一一處理，務求發揮出食材最出色的滋味。.❀江戶前散壽司 (特上) 💲370 ⭐️4.3/5⭐️同樣有各色各樣的時令刺身，以長方形盒狀盛載，還原江戶前散壽司的美感，飯底更以芝麻，醋漬處理，更為可口，每啖飯配合新鮮刺身的美味，體會到

香港其實都有好多地方食日本丼飯，但係要講用心製作嘅話就唔太容易搵到，有時大家都着重大件抵食，忽略咗個魚生本身嘅質素。呢間小店門口細細，如果喺威靈頓街入嘅話要向下落兩層，舖頭細細，但係非常整潔企理。我哋點咗一個廚師發辦魚生飯同埋一個江戶前散壽司，兩個都係特上，想試吓啲高級魚生。因為係定食嘅關係，首先會上一個沙律同埋茶碗蒸，沙律比我想像之中精美好多，裏面有南瓜、粟米、西蘭花同埋其他蔬菜，七彩顏色，加一個酸甜醋汁，超級開胃。蒸蛋就正常發揮。食完之後記得要有啲耐性，因為全部都係師傅即刻整，唔好諗住自己嚟食快餐。兩個飯攞上嚟嘅時候都幾驚艷嘅，因為真係用料豐富，店員細心講解江戶前其實係一啲比較傳統嘅魚生，廚師發辦嗰個就會比較時令，仲提醒我哋要順時針咁樣食啲魚生，幾有趣。刺身質素非常高，全部都好新鮮，我最喜歡大拖羅、海膽、同埋燒帶子。其實佢啲配菜都好好食，例如係甜豆腐皮同埋燒玉子，牛蒡漬物都好入味。重點要講江戶前嘅飯唔係普通壽司醋飯，而係混合咗昆布有調味嘅壽司飯，基本上你食晒成碗都唔需要加一滴豉油，亦唔會搶走個魚味。如果唔想食咁貴，唔一定叫特上嘅，我見到其他客人食嘅款式都好精美，以佢呢個價錢食到呢個

食嘅當日言師傅仲係到做，可惜佢宜家冇做啦餐廳主打抵食高質omakase魚生丼飯🍣坐位唔算多，開業初期好難book位，宜家易左好多👌🏼每份魚生飯都會內附沙律，茶碗蒸及麵豉湯，沙律睇得出餐廳嘅用心，唔係淨係沙律菜加醬，細細碗都好豐富有粟米，西蘭花、蘿蔔等🥗茶碗蒸ok都滑嘅，正常水準。海言廚師發辦魚生飯（特上）$430師傅會好用心咁將十幾種魚生飯放到好靚，淨係外表已經非常吸引🤩特上嘅魚生種類最豐富，我當日食嘅魚料分別有赤蝦、燒梭子魚、馬友、燒穴子、鰆魚、鰤魚、三文魚籽、海膽、香箱蟹、北寄貝、鱸魚、鯛魚、銀鱈魚、燒赤身、鯖魚卷、中拖及大拖。每樣都新鮮好味，海膽香甜冇臭味，拖羅夠肥美。當中最驚喜嘅係馬友，魚香十足，油脂感亦好豐富👍🏼一次過可以食咁多樣魚生非常滿足！江户前散壽司(特上) $370呢款外表一樣好靚，魚生飯用日本漆盒裝住。🍱魚料同上一款大同少異，但都係新鮮好味，但對比會少左魚料，多左玉子及腐皮。另外舍利有別一般，加左漬物紫菜，令到飯嘅味道較豐富，但個人都係較喜歡淨係加醋嘅米飯甘鯛立鱗燒🐟 $90立鱗燒魚皮香脆，魚肉保持到嫩滑口感，但個人覺得調味少許偏鹹。總結餐廳食物質素不錯，食材新鮮，

海言どんぶり専門店 @mikotodonburi📍：中環威靈頓街55號地庫🚗：中環地鐵D1出口 步行3分鐘📞：+852 6460-6888💲：~HKD420/head for lunchFood quality👌🏼：江戶前散壽司 (特上)、特盛藍鰭吞拿魚魚生飯、海言廚師發辦魚生飯 (特上)總結：🤔開業至今一直人氣高企 主理人言師傅係日本🇯🇵名廚見城俊二嘅徒弟 以omakase丼飯為主賣點 食完感到言過其實 好似我咁滿懷希望咁嚟食就有點失望 🤔全部魚生新鮮嘅 但以呢個價錢講實在係中規中矩 心目中有更好嘅名單 令我失望嘅位係因為佢主要定位係cp值高 但出到嚟唔係就會失望🙍‍♀️🤔叫咗最招牌嘅江戶前散壽司 特盛藍鰭吞拿魚魚生飯同海言廚師發辦魚生飯 三樣都不過不失 冇驚喜同時都冇咩值得破口大罵😋最好食係白子 新鮮唔腥好食 其次沙律🥗都高質 第三樣要讚係杯茶好飲😨人龍店就要預約 不過冇咩值得排隊等候