海言どんぶり専門店

營業中

休息中

Dinner想食好啲，行過中環呢間，見佢個廚師發辦丼飯幾吸引，一於試吓。以400幾蚊嘅價位來講，質素算係交足功課😋🥗 前菜薯仔沙律creamy得來唔會太漏，加埋粟米粒同車厘茄幾開胃，另外材料都好豐富，有大概七至八種蔬菜，沙律酸汁調得啱啱好，食完好醒胃🫡🍳 茶碗蒸蒸得超滑溜！入面有白果同蟹柳，仲有粒粒青豆增加口感~🐟 海言廚師發辦魚生飯-特上 ($430)大概有10幾種唔同嘅魚類同海鮮，擺盤幾精緻，印象幾深刻嘅係油花好靚嘅拖羅，入口即化，另外松葉蟹肉+海膽+三文魚子呢個組合真係無得輸，味道好鮮甜，另外醋飯酸度適中，飯粒分明嚟又夠黏度🫶🏻🍣 江戶前散壽司 ($370)一樣都係有好多種唔同嘅魚類同海鮮，但係燒魚嘅比例就比較多，職員有介紹要順時針方向由淡到濃咁樣食，做法比較傳統，而且醋飯加咗芝麻油同埋漬物，香氣同口感幾特別！魚生全部都好新鮮，而且都有唔少罕見啲嘅魚類，份量對男仔來講都夠飽，餐廳環境簡潔，服務唔錯，人流亦都幾多，有分普通枱同埋Bar枱😬如果想食好啲又唔想太貴，呢間算係中環區幾唔錯嘅選擇。不過Omakase丼嘅食材會跟季節轉，下次去可能又有新驚喜😆

📍 今日嚟到中環威靈頓街55號地庫發掘一間低調又驚喜嘅魚生飯Hidden Gem——海言どんぶり専門店🍣！餐廳唔算大，走住日本簡約風格，🪑如果你有兩人或以上一齊嚟食，記得提前訂位，因為就算係普通星期三晚都FULL HOUSE，實力證明呢度幾受歡迎！🌟 點飯之後就有沙律、茶碗蒸同櫻花蝦昆布味噌湯陪你開胃。沙律係用上生菜、番茄、南瓜、胡蘿蔔等多種新鮮時蔬，色彩繽紛之餘仲清脆可口，加埋清爽沙律汁，真係令人食指大動！🥗🍚 招牌嘅「厨師發辦魚生飯」！有別於一般嘅傳統omakase店，呢度主打係Omakase丼飯, 主要係用上唔同嘅時令魚生嚟到製作海鮮丼！用最新鮮既食材，配上日本靚米既香飯，本身調左味既飯底同魚生片相得益彰巨大的碗承包了多種魚生，珍貴的白子，拖羅，海膽，三文魚子，蝦肉，小魷魚等等15-17款時令刺身每款都新鮮鮮甜，魚肉爽彈滑口，價錢貴少少都值得😋🍣 另一推介係「江湖前散壽司」，由海膽開始一路順時針咁食，咩吞拿魚、蟹籽、左口魚、鯛魚都有，特別最後呢一啖左口魚，魚油豐富得黎又唔膩，仲有啖啖柚子香～🤤快啲約朋友一齊嚟試下，呢間真係值得一探嘅魚生飯天堂！💯

👭兩個超級吃貨今日來到中環威靈頓街55號地庫，品嚐最頂級的魚生飯 ，原來魚生飯都可以廚師發辦，用最新鮮時令的食材，配上日本靚米飯，新鮮七彩沙律，碗蒸蛋，櫻花蝦昆布麵豉湯，非常豐富的魚生飯定食就此產生。餐廳離中環地鐵站很近，行幾分鐘就到。餐廳不算大，但是絕對的日本風格，簡潔清爽，兩個廚師正忙碌的搭配食物。我們很快地選擇了各自所愛，靜靜等待美食的出現。喝了綠茶🍵，沙律和碗蒸蛋送到，七彩的沙律很新鮮，雙色小番茄🍅🍅，甜玉米🌽，沙律菜🥬，西蘭花🥦，南瓜🎃，薯仔蓉🥔，豆苗，加芝麻沙律醬，超級開胃好吃。👍👍🥁🥁主角閃亮登場🤩🤩海言厨師發辦魚生飯＄430巨大的碗承包了多種魚生，珍貴的雪魚白子，拖羅，海膽，三文魚子，蝦肉，小魷魚等等，加上新鮮爽脆青瓜，紫蘇葉，酸姜，腌蘿蔔，天花板的美味，應有盡有，下層是最靚的日本米飯🍚。😍😍特盛藍鰭吞拿魚魚生飯＄340藍鰭吞拿魚的不同部位，有肥美魚腩，鮮爽魚肉，有厚切，角切，魚蓉，盡享不同口感。😋😋最後是櫻花🌸蝦昆布面豉湯，又熱又香，吃得滿滿噹噹的滿足。😋😋

今日終於想試到一間喺香港omakase群組瘋傳嘅小店，大廚係見誠師傅門下入室弟子言師傅 ，有別於一般嘅傳統omakase店，呢度主打係Omakase丼飯, 主要係用上唔同嘅時令魚生嚟到製作海鮮丼！餐廳位置位於中環威靈頓街，非常方便，今日主要係試咗佢特上魚生飯同埋特上散壽司！ 價錢除咗主菜之外，亦都包埋茶碗蒸沙律同埋湯。沙律 🥗呢道沙律包含大量唔同嘅新鮮時蔬，如生菜、番茄、黃瓜和胡蘿蔔，色彩斑斕，口感清脆。搭配清爽嘅沙律醬，作為開胃菜俾食客有種準備食豐富晚餐嘅心情。海言廚師發辦魚生飯 🍣🍚海言廚師發辦嘅魚生飯果然色香味俱全，師傅巧妙地選用咗多種新鮮嘅海鮮食材，大多數都係時令嘅魚類，特別有鱈魚白子同海膽，打造出層次豐富嘅口感。海膽、三文魚籽係店員特別提醒我哋先食，慢慢再向後食其他魚肉。果然香氣同質感令人好滿足，海膽甘甜滑嫩同三文魚子嘅鮮甜，每啖飯都滲透住香氣。赤身可謂一絲清新，肉質要相對緊實，魚嘅味道更突出。松葉蟹肉每啖嘅細膩同鮮甜為魚生飯增添了特別嘅風味，同其他魚肉嘅質感形成唔同嘅層次。中拖羅有緊實嘅口感，脂肪相對較少，但依然保持著魚肉嘅鮮嫩同適量嘅油脂，同大拖羅形成了完美嘅平衡。我最愛

一直知道呢度的魚生飯出名用料新鮮，又好難預約，難得預約到今晚同朋友黎食下呢度係咪真係魚生飯的天花板先。難得黎到食，就梗係食最靚的魚生飯啦。海言廚師發辦魚生飯（特上）用上時令新鮮的魚生，有海膽、白子，大拖羅，中拖羅，三文魚籽，左口魚，蟹肉，鯛魚等，加上呢度係用日本米，每粒米都粒粒分明，期待左好耐，真係好有驚喜，每種食材都好新鮮，特別係海膽，另外佢的大拖羅同輕輕炙燒過的左口魚都係入口即溶，食完真心大滿足。😍😍江戶前散壽司（特上）呢個的米飯經過特別調配，中間混合左赤醋，紫菜，芝麻，令到個米飯更加香，一樣係用上時令刺身例如中拖羅，海膽，魚籽，再加上玉子燒同腐皮，一樣都係好新鮮高質。每款魚生飯都會附上沙律、茶碗蒸同麵豉湯，估唔到呢度魚生飯高質外，連個沙律的食材都好新鮮，除咗新鮮的菜仲有粟米，車里茄同南瓜，加上個sauce好開胃🤤茶碗蒸的蛋好滑，而個湯入面係有櫻花蝦，調味都做得好好，咸度適中。

餐廳環境簡單乾淨舒適，唔行過份華麗嘅路線，有多個廚師，相信重心係放係食物品質和廚師技術前菜沙律新嘅嘅蔬菜粟米，配上薯蓉，感覺清新，色彩繽紛且口感多樣茶碗蒸蒸蛋滑嫩，內有蟹柳、豆類廚師發辦魚生飯（特上）這道貴價的魚生飯色澤鮮豔，搭配新鮮的生魚片，包括鮭魚、吞拿魚和鯛魚，每一片都切得厚薄適中，入口即化，除了生魚片，仲有海膽、魚子等，廚師建議由魚子開始，順時針食。米飯是用優質的壽司米，經過精心調配的醋，口感軟糯，搭配一齊食，每一口都充滿滿足感 A4和牛燒肉飯這道A4和牛燒肉飯更是奢華，牛肉切片厚實，肉質鮮嫩，油花分布均勻，經過炭火燒烤後散發出誘人的香氣。牛肉表面微焦，內裡卻保持著完美的多汁感，配上特製的醬汁，味道更上一層樓。搭配的米飯同樣是上等的，吸收了燒肉的肉汁，仲有燒過嘅茄子、菇、粟米荀，全部燒得岩岩好麵豉湯濃郁的味噌湯，搭配豆腐和海帶，湯頭鮮香

位於中環威靈頓街地庫的，品嚐了兩款——「海言廚師發板魚生飯」與「江戶前散壽司」，每一道皆展現出職人手藝與對食材的尊重。首先上桌的是沙律及茶碗蒸。都算是一些頭盤。而主要吸引我的便是「海言廚師發板魚生飯」，視覺上已令人驚艷。碗中滿載色彩繽紛的刺身：金目鯛、炙燒鯖魚、中拖羅、赤身、海膽、帶子、三文魚籽及少見的白子等，多層次地鋪於醋飯之上，並點綴黃菊與紫蘇。白子如奶油般綿密，入口即融，為整體帶來獨特滑順的高潮。店員細心提醒可由最淡的魚生開始，順時針品嚐，以層遞式展現魚脂與鮮味，實為巧思。整體口感極佳，配搭生薑與山葵亦相得益彰。而「江戶前散壽司」則以木盒盛載，飯底混合了白芝麻、醋與漬物，風味比傳統散壽司更富地氣。上層鋪滿炙燒魚、赤貝、甘蝦、玉子燒與稻荷壽司，甜鹹交錯、濃淡有致。值得一提是店員特地詢問是否需要添飯，體現細膩服務精神，也讓食客能自在調整份量。這一餐由魚生的新鮮度到飯底的調味，再到貼心的用餐節奏建議，都讓人感受到「海言」對細節的執著。

好掛住日本既魚生飯既我今日就嚟咗呢間餐廳🇯🇵主打江戶前料理👍🏻一入去好似去咗東京嘅商廈地底咁裝修簡約又優雅🤍侍應服務感受到一份日式嘅專業🤗 食物方面刺身果然有Omakase級數既水準🥹每款海鮮都好新鮮完全值回票價🩵⭐️ 海言廚師發辦魚生飯特上 🌊每一口都係啖啖嘅海鮮精華非常高質💙 特別食得出海膽同埋蝦肉嘅鮮甜🦐 拖羅半融嘅口感好肥美🍣配上白字嘅配搭特別但好新鮮🤍 整體黎講刺身質素無可挑剔⭐️ 江戶前散壽司 🍱侍應特別講解散壽司嘅做法就會較保留傳統🏮配搭上有小肌鱈魚等江戶風格常見嘅食材🐟 飯粒嘅調味亦都比較濃郁🧂 同樣配上餐前沙律同埋茶碗蒸🍳 沙律菜值得一讚好新鮮可見細節位都好用心🥗

係香港站c出口出行6分鐘左右就到😎第一時間幫襯左個廁所先😂原本諗住要鎖匙行出去，唔會好乾淨點知出奇地衛生程度滿分！1.沙律，茶碗蒸，麵豉湯麵豉湯同茶碗蒸就不過不失啦沙律就都比得幾好高分，酸酸甜甜咁，令到本身肚餓嘅我更加肚餓開胃😹而且份量都唔少，好味到好想佢比多份我🤤2. 海言廚師發辦魚生飯（特上）岩晒我呢d懶人唔洗諗廚師選左當季最靚既魚生🤤有我最鐘意既海膽，超級鮮甜估唔到款式都好多，全部都好新鮮3. A4 和牛燒肉飯驚喜到我！！！一來到見到滿滿既和牛真係比想像中份量多好多，食落口個下係感受到滿滿既油脂超香，入口即溶咁，朋友都讚不絕口，仲有小小茄子都好入味，送飯一流！誠意推薦，除咗廚師發辦嘅魚生飯之外，呢個A4和牛燒肉飯真係值得一食!賣單平均每人$418喺中環區呢一個質素呢一個價錢真係都OK 㗎

如果想喺一餐入面試最最最多嘅刺身試呢一間海言どんぶり專門店係個非常唔錯嘅選擇好記得book咗枱去到約定當日工作好攰 攰到想匿埋喺呢間位處地底嘅餐廳好似隔開咗地面嘅繁忙7點幾入座半滿但有種安靜舒服嘅感覺諗唔到嘢嘅狀態下叫咗個廚師發辦魚生飯唻到非常滿足就正正係我想要嘅魚生飯嗰刻好有被comforted嘅感覺咩都有而且咩都有兩啖啖食悶之前有下一樣魚生由彈牙相對爽身少少嘅鯛魚到油香四溢嘅拖羅由清甜嘅帶子到極濃郁嘅海膽肥美嘅白子到好鮮味嘅螢光魷魚就好似喺太空嘅航海家金唱片 濃縮咁紀錄各種地球文明呢個壽司飯好濃縮咁展示咗林林總總嘅海洋鮮味朋友都叫咗一個江戶前散壽司（特上）係非常雅緻經典嘅方盒海鮮種類都係極多醋鯖魚嘅帶微酸嘅鮮甜 好開胃而且擺盤非常有心思錯落有致又唔混亂兩款飯都係一啖肉一啖飯嘅比例而且醋飯調味得 同海鮮balance得好好因為係廚師發辦而且兩款飯有全生有炙燒有𠝹花所以師傅要一家時間準備但等待嘅時候上嘅頭盤嘅沙律、茶碗蒸、櫻花蝦昆布味啫湯都非常非常好食 沙律好refreshing 而茶碗蒸同味啫湯就好有精緻而溫暖嘅感覺

丼飯有跟前菜，沙律和茶碗蒸，沙律淋左日本醋酸尾尾好醒胃，粟米已經除去粟米芯，再切成一口一片，方便食用。江戶前散壽司($370)，盛器用日式傳統木盒，賣相已經好吸睛，魚生款式眾多鋪滿整個木盒，每食完一款魚生，再食一口腐皮卷甜甜地又可消除口中油膩感，店員推介順時針方向食用，由海膽開始食起，魚生味道由淡至濃，魚生新鮮肥美，油脂亦好濃，炙燒過既魚生帶有微微焦香。海言廚師發辦魚生飯特上($430)，比起江戶前散壽司丼，這個海言丼魚生款式更多，由廚房安排當日最新鮮既食材，有白子、原隻魷魚仔、蟹肉絲、醃漬蝦粒，白子和海膽質感滑溜溜，大拖羅和左口魚入口溶化，滿口油脂香味，深海池魚肉質爽口鮮味。食完份量十足既丼飯，店家會送上櫻花蝦昆布湯，又暖胃又消除一下油膩感，而且細細碗岩岩好，唔怕浪費飲唔晒。

跟好姐妹去了中環一家超贊的日料店門店不大 需要提前預約 環境好典雅服務也很好 店員很快端上了前菜蒸蛋嫩得跟豆花似的 湯底很新鮮😋沙律清爽解膩 吃完胃口都被打開了～超超超推薦它家的特上廚師發辦魚生飯簡直絕了！！多種新鮮的時令魚生🍣金槍魚大腹的油脂豐富到入口就化開，馬糞海膽特別新鮮🥰帶有微微的甜味醋飯口感也好好  用的純正日本大米🍚朋友還點了個 A4和牛燒肉飯🐮現點現燒 直接看到油脂滋滋作響肉質非常嫩 一看賣相就想吃了🤤給了好多塊牛肉 還帶有燒茄子🍆拌著米飯一起吃賊香！！！吃完都撐了

啱啱係日本富士山返嚟，思鄉之情已現。朋友介紹中環呢間海言廚師發辦(omakase)壽司丼。其實想試海言好耐，終於今日過開中環，一開舖即刻落去試吓佢。主菜前有茶碗蒸同沙律：茶碗蒸有正宗日本水準；沙律菜有粟米同車厘茄；配上薯蓉非常美味。兩個人我叫咗海言廚師發辦魚生飯特上。大大碗包含咗唔同嘅魚生。侍應表示由海膽魚子開始食起；順時針方向。啖啖肉：先由三文魚籽、海膽開始；之後有蠔、蝦肉、魚生、拖羅；中間搭着蘿蔔，青瓜，生薑、小魷魚等等。為味蕾提供不同的配搭。加上純正日本米，無論視覺同味覺都有極大享受。女友就叫咗個江戶前散壽司。都係由海膽魚籽順時針方向食起，呢個壽司嘅飯比較特別，用咗特製嘅酸味調味加上紫菜同醃製品等令到飯同刺身產生微妙嘅口感。食完兩個飯已經好飽，最後送上櫻花蝦紫菜湯；為晚餐添上完美嘅句號。

中環隱世超高質廚師發辦這家在中環鬧市地庫的廚師發辦魚生飯 質素和很多廚師發辦相若 性價比超高，我同朋友食到好滿足。沙律 茶碗蒸每個魚生飯都會附沙律、茶碗蒸及麵豉湯，首先沙律已經令我很讚嘆，我太喜歡這個沙律了，沙律菜很多款式，新鮮冰涼爽脆，充滿水份，還有車厘茄、南瓜、椰菜等，醬汁味道酸甜，真是大愛。茶碗蒸熱辣辣又超滑溜，有蟹柳、銀杏等，味道清香。海言廚師發辦魚生飯（特上）廚師會配搭當日最新鮮及當造的食材當日的魚生飯裏面有沢蟹、深海池魚、鰤魚腩、，赤蝦、中拖羅、大拖羅、三文魚子、火炙平目魚邊、文革魷魚🦑，海膽、多達十多款 最適合心大心細不知如何選擇的我。魚生完全是頂級廚師發辦質素 魚肉柔軟 油脂充足 火炙過的魚邊更是入口即溶。燒新鮮鯖魚飯首先見到嗰條金黃酥脆嘅鯖魚，表面仲有少少焦香，見到真係流口水！我一靠近，就聞到濃濃嘅燒烤香味，真係忍唔住想即刻食。咬落去，魚肉鮮嫩多汁，外面脆脆嘅口感同裡面嘅鮮味真係好搭！而啲米飯又香又軟，仲吸咗魚個鮮味，整體嚟講，呢道燒新鮮鯖魚飯真係值得再食多多次嘅美食！

魚生飯都有omakase！😛利用當季時令新鮮刺身組成嘅廚師發辦刺身飯。種類十分多樣 質素非常高質 個人認為超值得推介 ❣️店內裝修舒適 就如置身日本小店感覺 😍🥗前菜：🥙沙律 & 🐣茶碗蒸。前菜一啲都吾馬虎一樣高質❣️。沙律非常colourful 好多款蔬菜 如粟米，羽衣甘藍 ，鮮茄等 超級新鮮 清新爽口 。🍥茶碗蒸 蒸得剛剛好 勁滑溜又有鮮味 好出色海言廚師發辦魚生飯 （特上） $430師傅特選當日時令魚生 種類多達10款 丼飯放上滿滿嘅魚生 超吸引。有 毛蟹 、赤蝦、大拖羅、白子、獅魚、鏗魚、海膽 每樣都勁鮮味 超豐富 特別大拖羅超肥美 、海膽鮮甜 、白子嫩滑 啖啖都試到吾同嘅魚生 超級滿足 😋江戶前散壽司 （特上） $370江戶前丼飯係利用較傳統嘅配料同魚生組成 非常特別。醋飯更加入芝麻 紫菜 有別於一般醋飯。 上面一樣鋪了滿滿嘅魚生 如池魚他他，海膽，拖羅，鰻魚，獅魚、玉子燒等 十分足料 超級豐富