海言どんぶり専門店

營業中

休息中

日式料理對我嚟講，一直唔只係「食得飽」咁簡單，而係一場「敬食材、重節奏、講美感」嘅體驗。要食得開心，質素、細節、心意，缺一不可。今次想分享一間我近期非常滿意嘅新發現——Mikoto Donburi，地點雖然低調隱密，藏身中環鬧市地庫，但一入去，嗰份靜謐感已經令人心頭一靜，好似瞬間轉去咗日本鄉町嘅料理亭。🍣 廚師發辦刺身丼（特上）｜$430當日我揀咗餐廳主打嘅廚師發辦魚生飯，賣相已經非常討喜，每樣食材都擺得精緻唔迫人，彷彿一碗盛著海洋色彩嘅藝術品。魚生種類十分豐富，唔係一般見慣見熟嘅三文魚、吞拿魚咁簡單，而係包括咗中腹、炙燒鰹魚、帆立貝、花枝、甘甜蟹肉、粒粒分明嘅三文魚籽、鮮甜海膽等等。每款魚生都切得恰到好處，完全冇雪味，口感由滑、爽、嫩到香脆都有齊，層次感非常豐富。值得一提係，唔同刺身有經過唔同處理，例如炙燒邊位帶點焦香、帶汁醃過嘅魚身略帶鹹香，令我食嘅時候完全唔會膩或者味道重複。底層白飯軟硬適中，混合咗紫蘇葉同壽司醋，單食都覺得好食，真係一啖接一啖，忍唔住慢慢品味。整體感覺唔係「豪」咁簡單，而係有節奏、有呼吸嘅精緻感。🍱 江戶前散壽司（特上）｜$370朋友叫嘅係江戶前散壽司，特色係用

海言日本料理專門店店舖入面大約有八張枱，面積不算大，但環境光猛整齊乾淨，而且店員非常友善，一坐低就放低兩杯熱茶，細心介紹每一道菜廚師發辦系列海言廚師發辦魚生飯（特上）$430滿滿的一碗刺身飯有多種刺身金目鯛，鯖魚，拖羅，海膽，三文魚籽，白子，蟹肉等，拖羅含有較多的油脂，口感滑順且豐滿，肉質細膩，咬下去時幾乎在口中融化，油脂中透出淡淡的甜味，整體口感圓潤，海膽口感滑嫩，入口像奶油的感覺，甘甜香濃，白子口感非常細膩，入口即化，味道濃郁，蟹肉鮮甜，三文魚籽的味道輕微的鹹味，口感柔滑，咬破時會釋放出鮮美的汁液，帶有淡淡的甜香茶碗蒸，雞蛋蒸到非常滑，濃郁嘅蛋香味，入邊仲有蟹柳，魚蛋，白果，青豆作為配菜點上添花 沙律菜切到幼，入口爽甜旁邊嘅車厘茄，仲好新鮮，呈現鮮紅色，粟米，蜜瓜，西蘭花夠晒新鮮，醬汁酸酸甜甜，非常開胃江湖前系列江戶前散壽司$370由海膽三文魚籽順時針方向食起，刺身有池魚，海膽，拖羅，玉子，三文魚籽，腐皮，赤身，貝類，味道由淡至濃，刺身非常新鮮

Dinner想食好啲，行過中環呢間，見佢個廚師發辦丼飯幾吸引，一於試吓。以400幾蚊嘅價位來講，質素算係交足功課😋🥗 前菜薯仔沙律creamy得來唔會太漏，加埋粟米粒同車厘茄幾開胃，另外材料都好豐富，有大概七至八種蔬菜，沙律酸汁調得啱啱好，食完好醒胃🫡🍳 茶碗蒸蒸得超滑溜！入面有白果同蟹柳，仲有粒粒青豆增加口感~🐟 海言廚師發辦魚生飯-特上 ($430)大概有10幾種唔同嘅魚類同海鮮，擺盤幾精緻，印象幾深刻嘅係油花好靚嘅拖羅，入口即化，另外松葉蟹肉+海膽+三文魚子呢個組合真係無得輸，味道好鮮甜，另外醋飯酸度適中，飯粒分明嚟又夠黏度🫶🏻🍣 江戶前散壽司 ($370)一樣都係有好多種唔同嘅魚類同海鮮，但係燒魚嘅比例就比較多，職員有介紹要順時針方向由淡到濃咁樣食，做法比較傳統，而且醋飯加咗芝麻油同埋漬物，香氣同口感幾特別！魚生全部都好新鮮，而且都有唔少罕見啲嘅魚類，份量對男仔來講都夠飽，餐廳環境簡潔，服務唔錯，人流亦都幾多，有分普通枱同埋Bar枱😬如果想食好啲又唔想太貴，呢間算係中環區幾唔錯嘅選擇。不過Omakase丼嘅食材會跟季節轉，下次去可能又有新驚喜😆

📍 今日嚟到中環威靈頓街55號地庫發掘一間低調又驚喜嘅魚生飯Hidden Gem——海言どんぶり専門店🍣！餐廳唔算大，走住日本簡約風格，🪑如果你有兩人或以上一齊嚟食，記得提前訂位，因為就算係普通星期三晚都FULL HOUSE，實力證明呢度幾受歡迎！🌟 點飯之後就有沙律、茶碗蒸同櫻花蝦昆布味噌湯陪你開胃。沙律係用上生菜、番茄、南瓜、胡蘿蔔等多種新鮮時蔬，色彩繽紛之餘仲清脆可口，加埋清爽沙律汁，真係令人食指大動！🥗🍚 招牌嘅「厨師發辦魚生飯」！有別於一般嘅傳統omakase店，呢度主打係Omakase丼飯, 主要係用上唔同嘅時令魚生嚟到製作海鮮丼！用最新鮮既食材，配上日本靚米既香飯，本身調左味既飯底同魚生片相得益彰巨大的碗承包了多種魚生，珍貴的白子，拖羅，海膽，三文魚子，蝦肉，小魷魚等等15-17款時令刺身每款都新鮮鮮甜，魚肉爽彈滑口，價錢貴少少都值得😋🍣 另一推介係「江湖前散壽司」，由海膽開始一路順時針咁食，咩吞拿魚、蟹籽、左口魚、鯛魚都有，特別最後呢一啖左口魚，魚油豐富得黎又唔膩，仲有啖啖柚子香～🤤快啲約朋友一齊嚟試下，呢間真係值得一探嘅魚生飯天堂！💯

👭兩個超級吃貨今日來到中環威靈頓街55號地庫，品嚐最頂級的魚生飯 ，原來魚生飯都可以廚師發辦，用最新鮮時令的食材，配上日本靚米飯，新鮮七彩沙律，碗蒸蛋，櫻花蝦昆布麵豉湯，非常豐富的魚生飯定食就此產生。餐廳離中環地鐵站很近，行幾分鐘就到。餐廳不算大，但是絕對的日本風格，簡潔清爽，兩個廚師正忙碌的搭配食物。我們很快地選擇了各自所愛，靜靜等待美食的出現。喝了綠茶🍵，沙律和碗蒸蛋送到，七彩的沙律很新鮮，雙色小番茄🍅🍅，甜玉米🌽，沙律菜🥬，西蘭花🥦，南瓜🎃，薯仔蓉🥔，豆苗，加芝麻沙律醬，超級開胃好吃。👍👍🥁🥁主角閃亮登場🤩🤩海言厨師發辦魚生飯＄430巨大的碗承包了多種魚生，珍貴的雪魚白子，拖羅，海膽，三文魚子，蝦肉，小魷魚等等，加上新鮮爽脆青瓜，紫蘇葉，酸姜，腌蘿蔔，天花板的美味，應有盡有，下層是最靚的日本米飯🍚。😍😍特盛藍鰭吞拿魚魚生飯＄340藍鰭吞拿魚的不同部位，有肥美魚腩，鮮爽魚肉，有厚切，角切，魚蓉，盡享不同口感。😋😋最後是櫻花🌸蝦昆布面豉湯，又熱又香，吃得滿滿噹噹的滿足。😋😋

呢間中環 海言 廚師發板丼飯絕對係中環返工族嘅隱藏寶藏！ 首先個位置唔算難搵 係威靈頓街中選擇貴精不貴多 除咗丼飯仲可以食席前廚師發辦壽司總有一款啱你心水每一款套餐都會有沙律 蒸蛋 同味噌湯招牌必點 以是日新鮮日本運送到港作招徠海言廚師發辦魚生飯(特上)    -有超多種刺身 一次過滿足乜都想試既心金目鯛燒得啱啱好，皮脆肉甜鯖魚醃得夠酸香，完全冇腥味拖羅大大件油花靚，入口即化像食魚油雪糕！海膽鮮甜到震，撈飯食簡直邪惡到極！三文魚籽爆珠鹹香，火炙白身魚燒完魚油勁香火炙鯖魚皮脆到嚓嚓聲。蟹肉一絲絲鮮甜唔霉帶子厚肉爽甜到似喺海撈即開！醋飯微溫酸度適中，同魚生比例1:1超滿足A4和牛燒肉飯  -牛肉片燒到微焦，油花多到閃閃吓，入口即溶似牛油！醬汁甜鹹啱啱好撈埋紫菜同蔥花，一啖飯夾住和牛香濃肉汁炸爆口腔！米飯吸滿牛油香，碗底刮清光

今次去到中環發現咗一間隱世日式料理-Mikoto Donburi，喺中環威靈頓街嘅地庫入面。店內裝潢係日式木調風，環境好溫和舒服。每道料理都有內附沙律，茶碗蒸同麵豉湯🍵。一開始會先上沙律同茶碗蒸🥗，沙律嘅配搭好豐富，最特別係個南瓜，綿延得嚟又帶有甜味，醬汁酸酸甜甜嘅感覺好開胃。茶碗蒸嘅蛋面平滑如鏡，用匙羹舀落去嘅觸感已經知唔簡單。蒸蛋十分嫩滑，有魚糕、白果、蟹柳等配料。料理最後會有碗櫻花蝦麵豉湯，用嚟解膩作結剛剛好🙂‍↕️。廚師發辦魚生飯（特上）  由廚師發辦，師傅完全按照時令同埋當日最佳魚貨⭐️，精心設計出層次分明嘅味覺旅程，每一啖都食到佢嘅嚴選同心思。食法都可以跟師傅建議，由淡味嘅食到濃味，確保可以完美品嚐每款魚生嘅鮮味同特別之處。款款都咁新鮮，特別一讚今日嘅拖羅同灸燒，拖羅有雪花脂肪分佈❄️，好肥美，入口即溶，而灸燒好帶出到剌身嘅油脂香💥！A4和牛燒肉飯一上枱就見到和牛油花分布均勻，燒到微微焦邊🔥，粉嫩嘅橫切面超誘人！牛肉用輕燒手法處理，入口即溶得嚟保留到肉香，醬汁甜鹹平衡，唔會蓋過和牛本身嘅油脂甘香。配菜方面有菇，粟米荀同茄子，燒完嘅菇配菜都有微微嘅炭香仲保留蔬菜汁💧。

# 【食評】中環隱世高質日本丼飯 —— 海言 Mikoto Donburi 放工之後想搵個地方輕鬆食返餐高質晚飯，今次就同老婆嚟咗中環威靈頓街嘅一間隱世小店——**海言**。地方唔算大，但係裝修簡約乾淨，木系設計加埋柔和燈光，氣氛好舒服，坐低已經有種放鬆嘅感覺。 ---## 🍴 前菜 一開始送上沙律同茶碗蒸。 - **沙律**：擺盤用心，好有層次感，菜葉新鮮爽脆，粟米甜美，再配埋酸酸甜甜嘅日式醋汁，清新又開胃。 - **茶碗蒸**：入口滑溜，蛋味清淡，雖然唔算特別突出，但作為前菜已經好適合，唔會搶走之後主角嘅光芒。 ---## 🍚 主角丼飯 我哋點咗兩款重點推介嘅魚生飯： ### 1️⃣ 海言廚師發辦極上魚生飯（$430） 真係一碗睇見已經開心嘅丼！魚生款式非常豐富，仲有店員細心解釋食用次序，體驗加分。 - **海膽**：鮮甜無腥味，入口即化。 - **秋刀魚**：少見又新鮮，油脂香氣同飯特別夾。 - **吞拿魚、帶子、甜蝦**：全部鮮味突出，有啲仲經過輕微火炙，帶出另一層香氣，唔會太膩。 加埋晶瑩日本米飯，每啖都食得出廚師嘅心機。 ### 2️⃣ 特盛藍鰭吞拿魚魚

📍海言どんぶり専門店上星期收工去左海言どんぶり専門店到食晚飯餐廳係於威靈頓街嘅地庫店佢地係主打食廚師發板既日料為主成個環境係走木系風為主食物個方面 今次點左兩個set 分別係:-海言廚師發辦魚生飯 (特上) -江戶前散壽司每個set都跟沙律 茶碗蒸 同 麵豉湯魚生飯既剌身都誠意十足係厚切而且店員會教你係由邊個位置既剌身開始食起成個體驗 超好有興趣既朋友仔可以bookmark定Location: 香港中環威靈頓街55號地庫

中環地庫居然都會有魚生丼飯食！比較不起眼！ 要落足眼力先會見到門口！下單後才發現原來有包埋沙律、茶碗蒸、櫻花蝦清湯這間水準很高！媲美一般omakase 質素🙈而且環境光猛又乾淨！茶碗蒸比較特別有蘿蔔蓉 口感比較消暑清爽！沙律則是有爽脆粟米、蕃茄仔等配上柚子醋呢間勝在材料新鮮鮮美！而且製作認真！即叫即整！超用心的！職員建議我地魚生丼飯由左至右打圈咁食法！咁樣可以最後先食到油脂味比較重嘅魚生！·海言廚師發辦魚生飯 （特上）由廚師發辦的15款時令刺身魚生飯！基本上所有魚生種類都齊晒！海膽好鮮甜！而且仲有蟹肉添！左口魚經火灸後有濃濃的油香～～～ 好香口！·江户前散壽司 （特上）用傳統飯丼上菜！有13款魚生刺身！ 還有最愛的牛蒡漬物作拌菜！💕 也有腐皮 跟玉子燒 超美味！😚

鬧市中嘅高質魚生飯呢間係朋友推介，門面細細係已經地下店好有日本小店feel 餐前沙津蔬菜好新鮮,好清新👍🏻海言廚師發辦魚生飯廚師會挑選時令魚生做魚生飯有海膽.吞拿魚.生蠔.池魚.三文魚籽.松葉蟹.赤蝦《用蝦膏MIX》超好味.深海池魚.色彩繽紛.味精一食就知新鮮🙊 海膽入口即化.濃郁鮮甜.吞拿魚油脂豐富.魚油味好滿足.生蠔新鮮多汁.帶淡淡海水鹹香.池魚肉質爽脆.增添口感層次.三文魚籽爆漿的鮮味.飯粒以醋飯為基底.酸度適中.刺身飯新鮮度極高藍鰭吞拿魚飯包含大toro.中toro.赤身.吞拿魚蓉大toro油花分佈均勻.入口融化.中toro平衡了油脂與肉質.口感柔嫩.赤身彈牙口感.吞拿魚蓉細膩滑順.最後有個櫻花蝦腐皮清湯好清新帶點鮮味

位於中環 主打廚師發辦嘅魚生丼飯店面隱蔽 裝潢偏日式現代風🎐刺身質量可以媲美高級omakase水準新鮮得嚟款式又多 鍾意刺身嘅一定唔可以錯過🩵·`♡·海言廚師發辦魚生飯 - 特上🥢用咗十五款時令刺身 都係即叫即切運用唔同嘅刀功、處理及調味店員建議我哋先品嚐海膽和三文魚籽由海膽開始淡到濃味順時針吃海膽個甘甜與魚籽嘅爆漿好Perfect厚切左口魚經過炙烤香氣四溢所有食材都很鮮味 款式多樣化 非常有質素配上暖暖嘅日本米飯🍚超級美味 每一啖都係驚喜😋·`♡· 江戶前散壽司 - 特上🥢屬於傳統舊式魚生丼🍱有十三款刺身亦係由海膽開始淡到濃味順時針吃魚肉肥美 除咗有多款刺身 仲加入日式漬物飯底亦經過特別調味 混合紫菜 薑絲 芝麻 木魚等 味道豐富另外有江戶前必有嘅美食 自家製嘅腐皮和玉子燒 口感有層次 玉子燒微甜👅平衡海鮮嘅鮮味❥ 每個丼飯都配有沙律同茶碗蒸做前菜再以櫻花蝦麵豉湯作結尾✔️加一服務費✔️建議提前預約

好耐都唔冇食日本菜，今日趁打風落雨唔使返工就去享受下1. 海言廚師發辦魚生飯今日我就叫咗個魚生飯，佢所有嘅材料都係日本直送，非常新鮮。材料包括有拖羅，左口魚，三文魚子，海膽，油鯛及帆立貝等十幾款刺身，非常豐富。每款刺身都切得恰到好處，有些更經過特別處理，例如火炙及醬汁醃過，令到魚油特別焦香，更加鹹香。再配上日本米，米飯軟硬適中，加埋Wasabi，好食到停唔到口。2. A4 和牛燒肉飯除咗魚生飯，日本和牛亦都係我嘅favourite，所以我今日叫咗個A4和牛燒肉飯。和牛肉質優良，肉紋理優美，油花分布均勻、入口即溶，口感柔軟油潤。燒汁濃而不膩，配合上日本米，真係好想逐啖逐啖咁慢慢享受。餐前附上沙律及海鮮蒸蛋，餐後送上熱櫻花蝦清湯。而且侍應服務細心，盡量做到收拾東西而不打擾客人，抵讚！

今日誤打誤撞入左呢間「海言」，估唔到大有驚喜！食材認真到嚇親人！套餐包齊沙律、茶碗蒸、麵豉湯，魚生控必試～ 🌊 特上海言廚師發辦魚生飯 🍣🔥 視覺核爆級💥！碗面堆滿當日鮮貨： 北海道海膽creamy無苦味；吞拿魚腩油花靚到透光，入口即溶魚油甘香💫 三文魚籽爆汁鹹鮮，無腥味；甜蝦黏糯帶膠質 🦐仲有其他不能盡錄，淨係睇住個魚生山都勁興奮🤩醋飯微暖完美帶出魚鮮，撈埋wasabi豉油，每一啖都幸福到震！ 🐮 A4和牛燒肉飯和牛片燒到岩岩好，油脂融化滲落飯粒，燒肉汁甜香唔搶牛味，重點係份量超多🥳邪惡度爆錶😈 🥗 附餐三寶沙律用新鮮菜，配上柚子醋，酸爽醒胃 茶碗蒸滑到似布甸，高湯香氣十足，底下仲有唔同既配料！麵豉湯唔係例湯貨色，飲到鰹魚鮮味，仲有海帶豆腐，完美作結！😇

海言どんぶり専門店位於香港中環威靈頓街55號地庫，是一家主打日式丼飯的專門店，由資深日本料理大廚陳爾言主理。言師傅師承自日本名廚見城俊二，具豐富高級日式料理經驗。海言的招牌是廚師發辦（Omakase）特上丼飯，內含15款時令刺身，多款刺身會採用不同手法處理和調味，有的魚生如拖羅還要熟成多日。特別要讚海膽和三文魚子十分鮮甜，是我的最愛。丼飯使用由北海道七星米、夢美人和日本白醋混合而成的醋飯，飯底微酸清爽，完美襯托魚生口感。套餐還包括沙律，茶碗蒸蛋，櫻花蝦清湯。此外，餐廳也備有多款熟食丼飯，如燒新鮮鯖魚飯，鯖魚選自日本大分縣，烤至皮脆肉嫩，配以自製蘿蔔蓉，口味酸甜平衡。環境上，海言裝潢清新簡約，以淺色和風牆紙營造溫馨日本家庭氣氛。店內座位有限，設有壽司吧枱，食客可近距離欣賞言師傅現場製作廚師發辦丼飯，增加用餐體驗。整體來說，海言以高質時令魚生、精細刀工和合理價格，提供頂級廚師發辦日式丼飯，成為中環一間預約難求且備受好評的魚生丼飯專門店。