海皇粥店 (好運中心) (已結業)

以往通常食南瓜肉碎粥, 清清地, 味道亦佳, 但試過去銅鑼灣東角道食, 水準很差, 冇味的。今次食鯪魚球粥, $19。因為是生滾粥裏, 所以等了差不多十分鐘。隨粥附上半條油炸鬼,都算脆。可是粥卻很糟糕, 粥底冇味, 魚球冇魚味, 不彈牙。不會再食。下回都係食回南瓜粥算了, 抵食又好味。

2個人order 左炒麵, 豆漿, 粥都可以$57 ,男友你咪都叫, 好似唔洗錢, 食完之後真係好飽好飽, 好過出面叫碟扒都唔知食左d 咩, 沙田冇咩平野食!D 阿姐仲好主動咁同你搵位! 不過D 位真係好逼!

近日小弟整親隻腳趾，見成個星期都好唔番，所以決定戒口以免「發」過豬蹄。朝早清清地食碗粥，雖然知道有落味精但應該唔會「發」掛？試左兩日燕麥粥，味道不錯，肉碎粥底再加一匙燕麥，雖然感覺個阿姐好孤寒，但12蚊碗都唔會要求太多，如果全部燕麥又會好「悶口」（好似漿糊咁）整體衛生不錯，服務亦很好（D阿姐知我行得唔好都會幫我捧粥，真是非常感謝，私人感情比滿分！）。PS：呢度D炸兩雖然唔係好味，但勝在新鮮整，起碼唔會放到晒乾晒。個腸粉皮唔夠滑，要改善喇！

好重味精，食完勁口渴。清潔都OK，環境都唔錯，但真係太多味精。

今早八時吃牛肉粥，油條。先說碗牛肉粥，八成是牛肉，太多了，吃不了這麼多肉。油條稍凍兼韌。食完即刻肚痛，很差。

叫了個皮蛋瘦肉粥, 同朋友share腸粉炸兩同蒸蘿蔔糕, 個粥都唔錯, 炸兩好脆, 蘿蔔糕都幾好, 此店最愛就係甜醬麻醬辣醬同芝麻任落, 想點邊樣就邊樣, 但係價錢就真係貴了點。但係吃完個多小時, 就發覺最大的問題係好口渴, 相信下了不少味精。

今日終於試左咸十穀粥lu~無想像中咁好,個粥根本唔咸,可以話係無味(唔知係咪要自己落鹽呢?!)雖然好足料,但我唔會食下次,下次寧願食包做lunch

2005年2月24日早上10時，我order 了一個孖，(半條牛酥、半條油炸鬼)，加一個白粥，共10 元。但條牛酥好worse，有牙也難於咬入口，又冰凍，可能是糯米粉太多，又可能是炸過火，又可能是放置太久.....

不久前，曾到過這分店試下午茶，$10一份，有糖水，跟著可選各式油器或蝦米腸。 那次要了芝麻糊和煎堆，芝麻糊其實整得唔錯，有芝麻香，稠濃度適中，但好甜同唔夠滑囉；煎堆因為剛剛出爐，又大又圓，佈滿芝麻，極度脆口，可惜吃罷後芝麻粒攝住牙罅，都幾唔舒服。

真是估不到現在的連鎖粥店都可以咁好,真的抵鑽,我見到呢間分店仲有個board貼咗一些食客的意見添,好勁呀,我平日間中都會來食,多數食碎牛粥+ 炸倆or炸糉每樣都咁好食,但係我試過去淘大嗰間食係無呢間咁好食架,所以希望係呢到俾少少comment囉!

琴日試左海皇粥店既"青紅蘿蔔豬骨粥"勁鍾意飲青紅蘿蔔豬骨湯既我覺得好好味佢將d青紅蘿蔔同豬骨切粒...個粥好綿, 唔會太稀,好鮮甜!不過十四蚊碗就略為貴左D.....

本來想食南瓜粥,不過已經冇出lu,所以就試左個新粥「青紅蘿蔔粥」粥入面有青紅蘿蔔粒+肉粒(可能係豬展,仲有好多肥羔添), 味道麻麻,覺得南瓜粥好d,碗粥亦都太稀,食到一半,就好似青紅蘿蔔湯+粥水撈埋咁,唔多掂

今晚又係食海皇既南瓜碎肉粥,竟然比我想像中既好味,今晚個粥比較濃,顏色係深黃色,而且仲多左碎肉添,味道都ok,比起之前食既好好多,有improvement其實依個南瓜碎肉粥食過好幾次,但係之前幾次食都覺得佢比較"希",而且唔係好多肉碎,顏色係淡黃色,即係水比較多,今日竟然好食左,係一件好事不過, 依間海皇d野其實麻麻地,炒麵,炸兩同腸粉既質素都真係麻麻地,如果唔係因為自己鍾意食南瓜,我都唔會幫襯依間海皇

見倒食評, 就去食哩度出品既紅豆沙, 由於怕有肚腩, 就死都叫左熱既...hehe~又真係好正好足料wo, 食完好滿足^^

雖則我覺得'海皇'的粥品很一般,不過'紅豆沙'就真的很好,用料十足,有蓮子百合,紅豆又夠多。夏天沒胃口,買番碗'海皇'凍紅豆沙當dinner吃都可以,$9一碗很抵!