海皇粥店 (已結業)

其實如果唔係病左，無乜胃口，想食粥，都唔會行入海皇粥店。記得細個個時，對粥品油器無乜興趣，最怕就係屋企話要食海皇粥店，我就望住對面間老麥望梅止渴。細個其中一樣最怕，就係皮蛋瘦肉粥既皮蛋。個時我會盡量唔掂d皮蛋，因為真係接受唔到陣味。但佢地既粥不嬲都足料，搞到我成日避唔開皮蛋。另外，我就唔太鐘意食蔥，但小時候屋企係唔會幫我走蔥。但今次唔同，自己食，可以自己話事。對上一次食都幾年前，望住個餐牌有點陌生。我諗左好耐，都係決定食瘦肉魚片粥。我首先搵左位，放低個大書包。落完order之後係取餐區度望住佢整，d 粥望到就知好綿了。啊姐好熟手地將一早煮好既瘦肉放係碗，另一個啊姐就將白粥加熱，然後將生魚片用白粥煮熟。老實講，其實我原本以為魚片係魚片河個d，不過無所謂啦照食。我趕得切係好熟手既啊姐落蔥之前講走蔥，不過都係佢手快，落左幾粒，佢講左聲唔好意思。取餐後自己攞左餐具同杯水之後坐低開始食。個粥真係好滑好綿，又夠熱，同埋真係好足料。我食左塊魚片，幾新鮮，咁岩唔知好彩定唔好彩，第一塊無骨，不過其他都有細骨，搞到我好怕吞到骨。瘦肉都好味，早知我就單叫瘦肉粥算了，我太怕魚骨。不過成碗粥整體都幾抵食，幾好食

一直也覺得此店的產品質素不錯，留意到近期的新早餐選擇，可揀不同配搭的輕食份量，有腸粉、米粉、炒麵和粥品。這次選了南瓜粟米肉碎粥、肉燥米粉配凍豆漿，是南瓜肉壓成蓉，充滿香濃的南瓜味；粟米份量足亦爽口，像在吃粟米羮一般，香濃美味；肉燥不鹹，米粉乾燥香軟，配菜份量得宜；豆漿豆味適中，香濃度適中。是一頓美味而令人滿足的早餐。

一想到食粥，通常都會想到海皇粥店，因為佢會有保証d，而且地方好乾淨，仲坐得好舒服添！天氣咁熱，唔想食到成身熱，可以叫個輕盈套餐，細碗粥配細炒粉麵，或腸粉，仲可以+油條($6)。~ 牛肉粥配炒米粉$20+油條($6) ~碎牛肉粥味道0K，但牛肉真係幾少，炒米粉較濕較淋，幸好少油，份量0K多，味道一般啦！最正條油炸鬼，好熱好脆，浸落d粥度食，好好味！~ 菜乾排骨粥配蝦米腸$18 ~碗粥好似冇落味精，清清哋，排骨煲得又好淋，又幾好味喎！但蝦米腸就得6件，雖然好味，但份量少d囉！

一直挺喜歡此店之粥品，新鮮料足味真有特式。近日留意到此店推出小食，特意試試，有XO醬一口蘿蔔糕及魚肉釀油條。兩款油品炸得乾爽脆口，一口蘿蔔糕外脆內軟，有輕微辣味；魚肉彈牙料足，與油條配搭起來雖未見新味感，但兩者還是各有質素，是不錯的嚐試。比較起來，還是一口蘿蔔糕較划算。不過，有機會的話，兩者均值得再吃。

今晚試食海鮮粥底火鍋：肥牛有五片，青口兩隻，扇貝一隻，超簿魚片四塊，魚丸三粒，豬肉丸三粒，冬菇一大隻，仲有生菜，小棠菜，同埋金菇。加左五蚊一罐可樂，四蚊一條油條，仲有加左原本十四蚊，依家加七蚊既柑桔蜜，不過肥牛不是肥牛是靱牛，粥底肉丸無味，其實應該話乜都無味

這間海皇粥店在6月已經開業，但當時幫襯時，店員告之並未有熱飲供應，只有豆漿，對於一天至少要喝一杯熱檸水的我，是即刻離開店子，而店外亦沒有通告告之沒有水吧，故此對這店有些不好印像~最近上網見到這個粥店居然有新張優惠，決定再比佢一次機會~由於是日優惠為叫一碟腸粉，送一杯熱飲，當然唔會錯過LA我叫了羅漢齋腸粉($16.5)一碟三條，腸粉很薄皮，而且晶瑩剔透，外表幾好，內裡有很多胡蘿蔔、粟米、木耳及冬菇絲，對於愛清淡的我覺得很好吃至於媽媽，她叫了炸兩($15)由於油炸鬼只是少少熱，而且很硬，所以連帶個炸兩都唔夠熱，一般啦，不過不失~餐飲熱檸水好夠熱，OK LA~