海皇漁港

營業中

休息中

同阿媽食晚餐, 阿媽有coupon , 係送個例牌乳豬; 所以來了呢度.一上o黎, 枱枱都係食緊例牌乳豬...送乳豬呢招真係有效呢.除左個例牌乳豬, 另叫了金磚豆腐山渣骨, 及上湯浸時蔬.例牌乳豬, 2-4人份量, 一人都有幾片; 皮好脆, 唔太燶, 點d 醬, 也不錯;咁多人食, turnover 應好快; 所以新鮮整的乳豬實好熱好脆好食的~金磚豆腐其實即炸豆腐; 但炸得很好, 皮好脆但又一d都唔油, 一讚!山渣骨其實係甜酸醬, 即有d似咕嚕肉.都算多肉, 少骨; 送左大半碗飯.上湯浸時蔬清清地, 食完山渣骨, 食d 清淡點的, 冇咁滯.支竹卻係大豬女友的最愛, 食了一片又一片, 好 快食晒了.d 菜芯也好食, 唔苦.3人食了$110!集團經營, 水準一貫的不錯. 一般晚餐ok 喇. 呢個價錢, 仲想點?

家鄉炒米粉：好食，炒得香過其它酒樓，但D火腿一大塊，師傅D刀功真係差咗D喎梅菜肉餅飯：香而好食，梅菜味唔係好突出，所以無蓋過肉餅嘅味道，正~鹹魚肉片飯：肉片唔錯，配埋鹹魚V. GOOD~酸甜炸雲吞：炸皮唔錯，蝦又夠味又大隻~香茜牛肉腸：份量好少(好細條)，但很香，芫茜的味道被弄得像冬蔭公的香料，不錯~梅菜包：味道普通，不覺有梅菜味，甜度卻是叉燒包的甜度，所以有點像叉燒包蒜蓉蒸土魷：好鹹，感覺好多味精~不過夠香~ 魷魚的口感很好~山竹牛肉球：普通，不過都香過其它酒樓，可能因為落了很多芫茜~三個人九個點心，加埋茶錢同加一，都只係$89，抵到爛啦！所以如果10:30am去到(3-4人)，要等成50-60個位~(起碼要等一個鐘)

5-2-2010 呆在家中一整天, 決定三人要到酒樓吃頓, 可惜的是馬鞍山的酒樓少得很, 最後以海皇漁港作為晚餐地點知道這裹晚市的海鮮比較平宜, 看一看, 9:00 海鮮一律-$50, 真的平到笑, 現在時間是8:30, 算吧, 上前點了一隻本地龍蝦, 為了不要讓芝士汁cover 龍蝦的味道, 都是以上湯加上伊麵最好 然後再叫一煲老火湯下下火, 再點一個小菜吧:上湯龍蝦 本人喜歡本地龍蝦較多於澳洲龍蝦, 認為本地龍蝦雖然沒澳洲的大,但是吃起來肉質較為鮮甜美味, 這裹做的也不錯, 份量不會太少 豬軟骨 用來送上剛到的白飯, 是人生一大樂事, 軟骨軟硬適中, 味道也好濃, 正

20-3-2010 天光早上, 是飲早荼的好時候, 由西貢到馬鞍山, 路程也不短呀, 馬鞍山酒樓選擇不多, 因此飲早茶, 就需要排長隊排呀排, 由9:30排到11:30, 足足兩個小時, 才可以品嘗一個早茶,真係誇張唔知D人係唔係尋晚拎定飛, 最後仲要搭台

去街前先趕黎呢道飲個早茶..黎親都係晚飯多, 今日有假期當然要飲返個早茶~ 不過都唔叫好早, 十點幾先黎到.早茶當然要主攻D特價點心叫左家鄉炒米粉: 好食, 炒得好好! 份量都唔少, 應該用左新竹米粉炒鳳爪排骨飯:呢個一流, 蒸得岩岩好~ 加埋個豉油..讚菜乾豬骨粥: 唔錯, 豬骨好淋, 都夠菜乾味鮑汁鳳爪: 朋友媽媽每次黎都會叫, 鳳瓜好淋好入味傳統馬拉糕: 好吃, 好鬆軟蠔皇叉燒包: 蒸得好軟熟, D料唔會太咸, 岩岩好~鹹水角: 熱辣辣, 好脆, 真係估唔到, 因為好多酒樓都係硬繃繃咎凍的~雞絲腸粉: 好滑~上湯浸娃娃菜: 個上湯幾好~成完真係飽到全日唔使食野..

本身我係海皇漁港 的長期熟客仔講真係馬鞍山得海港集團的靠得住鍾意佢好味又抵食, D菜色又唔會一成不變, 都幾多新款平時會黎打邊爐多..今次揀左黎食小菜~白雲鳳爪: 飯前小食, 好~鹵水牛展: 必點小食~椰皇水: 好好飲, 好清~啫啫鱔煲: 好夠味~椒鹽九肚魚: 例牌會叫的~ 讚翠瓜雲耳鮮魷蝦仁: 炒得幾夠獲氣,辣酒煮花螺: 一流, 又係必叫, 不過唔係時時有得食~生日大壽包(連容同奶皇): 冇得彈, 最鐘意海皇的壽包, 熱辣辣, 皮很軟很Q, 餡唔會過甜, 岩岩好~ , 好快賣哂, 要問定先~

家住附近但從未幫襯，經常都見很多人等位，姑且晚膳一試。當天晚上六時四十五分入座，一家三口叫了羊腩煲、栗子炆雞、西蘭花蝦球及瑤柱豆苗。羊腩煲：羊腩份量足且夠稔但太鹹，枝竹太爛，美中不足。栗子炆雞：栗子夠大粒但完全無栗子味，差。其餘兩味只是大路貨式。雖然價錢大眾化，但水準只是一般，連三支可樂及兩個白飯唔使$400。

昨晚練完拳同師門一行8人去打邊爐，終於輪到我請啦 真高興!去到已經9點半了，但係仲要等位10分鐘，可見海皇ge受歡迎程度。火鍋料係自選ge，食材比「放題」式高級之餘，價錢卻平成半! 我地叫左好多野，生野賣相亦冇咩好影，唔逐一介紹啦。總之，推介得果幾款一定係正野，信我! P.S. 依度ge醬係自己「混」的，可以試吓「混你ge醬」!

慶祝中秋節，一家四口(帶埋愛犬)，去到海皇漁港食晚飯！住開呢頭既人都知道，就算平日去呢間飲茶都排隊排到嘔！所以我地食晚飯都早少少到～六點半左右等左十分鐘就有位～安格西牛柳粒 $68 雖然唔貴,但D牛柳粒少到不得了....慳返D錢叫第樣乳豬拼盤 $88D乳豬脆到不得了,一入口就溶!!如果全碟都係乳豬就好喇蘭花帶子珊湖 $88無乜特別,唔係好好食,但又唔難食,過得去吧~海虎班 $168正!!魚滑唔在講~而且夠斤兩架!!海蝦芝士伊麵 $158芝士味濃,雖然唔係龍蝦,但味道方面似夠龍蝦芝士伊麵!加埋一$627,3個人去酒樓食飯黎講,算係咁啦~~

中秋節一家人食飯，大小17人，早個多星期打去訂位，講明6:30pm，要一圍，諗住訂埋菜，點知知客姐姐話全包宴隨時有得叫，唔使訂，可以坐到一圍無問題，於是留低聯絡電話作實。老實講，唔係第一次攪family dinner，如果有錯漏，成棚人都唔知點算，於是三日前（即17號）再打去confirm，仲訂埋兩打壽包，一打奶黃一打蓮蓉，知客姐姐話無問題，落埋單。當晚6時40分到（因為泊左停車場），點知阿姐姐話，無大檯，只有兩張6人檯，坐迫d啦，我地話點坐迫d呀？早兩日打黎confirm你地都仲話無問題喎，阿姐姐雙眼向上吊，聲音提高三度，滿口鄉音，隻手指篤住本訂位簿：「你個電話係9xxxxxxx嘛，今日打左俾你啦，無人聽喎，總之係得兩張檯！」當堂火都黎埋，唔係慶你無位俾我，係火起你蠢到用呢個理由，我即刻開個手機call log佢睇：「你幾點鐘邊隻手打過俾我，我全日電話無響過無missed call！」阿姐姐仲連續講左四次：打左、打左...我問佢：「使唔使run個report俾你睇下！你唔俾檯我無問題，唔好屈得就屈！」後來個經理出黎，又係嗰句啦，「溝通問題，誤會黎啫」。最終都係兩檯。諗住叫全包宴再加其

長期客仔, 上至星期日早上飲茶, 夜至晚市邊爐, 都係我同老婆必選既聚腳地.我老婆最欣賞佢個椰皇燉雪蛤, $20+ 一個, 無論咩時間,一坐底一定先落單. 因為手快有手慢無架.以呢個價, 真係低食. 打開個椰皇, 上面一層全部都係雪蛤, d燉奶又香又滑, 食一個已經好滿足~ 海皇其他野食唔多講, 呢個椰皇燉雪蛤真係非叫不可~ 大力推薦

2009-02-04。一 大 班 同 事 本 來 去 海 港，因 為 book 唔 到 位 就 改 去 海 皇 魚 港。第 一 次 黎，第 一 個 感 覺：又 係 黑 沉 沉 咁 既。地 方 佢 有 空 間 感，應 該 話 有 立 體 感，能 可 因 有 平 台 關 係，我 諗。有 好 多 卡 位，檯 與 檯 之 間 都 好 闊 落，又 有 我 鍾 意 有 窗 口 睇 街 景，重 成 排 添。八 個 同 事 都 叫 做 迫 埋 一 個 大 卡 位，個 卡 位 係 半 圓 設 計，五 個 坐 入 面，三 個 坐 出 面。唔 知 原 本 設 計 坐 幾 多 個 呢？出 面 坐 唔 坐 人 都 唔 知，重 之 都 好 迫，入 面 果 個 去 廁 所 都 唔 係 好 方 便，所 以 我 冇 去 個，我 自 己 得 覺 得 好 犀 利，第 一 次 全 程 乖 乖 咁 坐 係 度。我 地 一 共 叫 左 20 個 點 心，一 碟 燒 鵝 和 一 個 唔 知 焗 乜 乜 大 蝦 伊 麵。最 好 係 焗 伊 麵，其 他 都 不 過 不 失，好 大 路。最 弱 係 最 貴 碟 燒 鵝，好 唔 滿 意。皮

尋晚約左朋友敘一敘，為左方便有細蚊仔朋友，所以揀馬鞍山食飯，一早訂定檯，六點鐘，其實六點半開始已經full勒，所以訂定位穩陣啲！呢晚分開左兩輪叫，因為第一輪啲餸份量太少，6大1細叫左乳豬拼海蜇(乳豬好脆口，但海蜇就頗碎)芋頭南瓜煲(好creamy，送飯幾好)咕嚕黑豚肉(所謂黑豚肉，真係唔識分，大家認為傳統咕嚕肉好味啲)腐竹煮時蔬(清清地，唔錯)西蘭花帶子(好味，但帶子都幾細粒)一碟糯米飯(好大碟，唔夠乾身，太濕)食完第一輪，未飽，再order半隻燒鵝(都幾好，係招牌菜，但隻鵝略肥，雖然係半隻，但都唔多)椒鹽九肚魚(好好味，好脆)服務態度都算唔錯，但可能到尾聲時，八點到多人，成日嚟收野，想叫人埋單！價錢都抵食，埋單$640

酒樓食品只是一般, 只不過家人喜歡它方便和近屋企. 不過, 我不大喜歡到這間酒樓食野, 因為一進入此酒樓你便嗅覺到臭味, 那是地毯污濁很久沒有清潔的味道而已. 你要坐得耐, 才能習慣此味道. 但每一次進入並坐下食時, 感覺很難受.更甚的是, 本人於十二月十六日, 今早十一時埋單, 賬目錢碼是86.50. 本人便給500元貨幣, 找回的只是403.5. 本人一手便拿走所有找回的錢, 那個找換錢夾並沒有單據或收條. 而那個職員(可能很忙)便很快速地離開我而去. 根本不能再檢討找錢的問題. 我只能無奈地接受她找小10元正. 10元並不是多錢, 但那總操守我並不能接受. (因為我已發覺不只一次, 上個月我已發現了, 不過係懷疑自己不小心)提議找錢錢要小心, 可能會找小錢而換來一肚氣.

兩公婆今日一齊遲收工!就去海皇等九點半食平嘢.差勁的態度由攞飛開始,有得坐底叫晚飯都成九點九!叫左個燒鵝38蚊一個什菜煲38蚊一碟白雲鳳爪18蚊兩個人一碗白飯都食唔晒.真係好抵食,不過抵食唔通要捱差勁的態度?