影片
更多
2009-09-28
32 瀏覽
中秋節一家人食飯，大小17人，早個多星期打去訂位，講明6:30pm，要一圍，諗住訂埋菜，點知知客姐姐話全包宴隨時有得叫，唔使訂，可以坐到一圍無問題，於是留低聯絡電話作實。老實講，唔係第一次攪family dinner，如果有錯漏，成棚人都唔知點算，於是三日前（即17號）再打去confirm，仲訂埋兩打壽包，一打奶黃一打蓮蓉，知客姐姐話無問題，落埋單。當晚6時40分到（因為泊左停車場），點知阿姐姐話，無大檯，只有兩張6人檯，坐迫d啦，我地話點坐迫d呀？早兩日打黎confirm你地都仲話無問題喎，阿姐姐雙眼向上吊，聲音提高三度，滿口鄉音，隻手指篤住本訂位簿：「你個電話係9xxxxxxx嘛，今日打左俾你啦，無人聽喎，總之係得兩張檯！」當堂火都黎埋，唔係慶你無位俾我，係火起你蠢到用呢個理由，我即刻開個手機call log佢睇：「你幾點鐘邊隻手打過俾我，我全日電話無響過無missed call！」阿姐姐仲連續講左四次：打左、打左...我問佢：「使唔使run個report俾你睇下！你唔俾檯我無問題，唔好屈得就屈！」後來個經理出黎，又係嗰句啦，「溝通問題，誤會黎啫」。最終都係兩檯。諗住叫全包宴再加其
當晚6時40分到（因為泊左停車場），點知阿姐姐話，無大檯，只有兩張6人檯，坐迫d啦，我地話點坐迫d呀？早兩日打黎confirm你地都仲話無問題喎，阿姐姐雙眼向上吊，聲音提高三度，滿口鄉音，隻手指篤住本訂位簿：「你個電話係9xxxxxxx嘛，今日打左俾你啦，無人聽喎，總之係得兩張檯！」當堂火都黎埋，唔係慶你無位俾我，係火起你蠢到用呢個理由，我即刻開個手機call log佢睇：「你幾點鐘邊隻手打過俾我，我全日電話無響過無missed call！」阿姐姐仲連續講左四次：打左、打左...我問佢：「使唔使run個report俾你睇下！你唔俾檯我無問題，唔好屈得就屈！」後來個經理出黎，又係嗰句啦，「溝通問題，誤會黎啫」。最終都係兩檯。
諗住叫全包宴再加其他菜，又話全包宴呢個菜嗰個菜賣晒，轉過晒得d單頭單尾係一樣，價錢又梗係唔同，時為晚上7時，你真係賣晒？又忍你，就咁散叫，話俾佢聽訂左壽包，點知經理話無落單，而加幫你地加啦，不過無奶黃噃，跟住又係人肉錄音機：「溝通問題，誤會黎啫。」
你地唔好做啦，一晚n個誤會，電話講嘅全部唔作實，如果唔係成棚人，又有老人家，我地真係睬你都有味，投訴都嫌益你，成世屈喺角落無出頭就係你地最大嘅回報。
張貼