海潮食堂

營業中

休息中

打工仔既飯堂係茶餐廳天花板裝修簡陋但人情味極濃老闆好nice每檯客人佢都會好好耐性好有禮貌咁用心問你想食咩 佢見我同同事都未諗到食乜會誠懇推介我地佢時日推介既午餐係menu冇既 好好客 不過我地第一次食都係試左招牌野先 下次返黎先再試過！招牌手撕雞麻辣肉到丁撈通粉好好食 大大碟 肉丁多 手撕雞滿碟上架！ 通粉同麻辣醬油好夾 好惹味！沙爹牛肉湯通心粉呢個除左多牛肉仲有肉碎真心推介！抵食！

Don’t come if you are an introvert and want to be left alone.As soon as we got there, the owner kept bugging us and asked us if we wanted this or that. STAND YOUR GROUNDS!!!! so you don’t get charged another $30 for vegetables or fried dumplings that you won’t be able to finish.Although the recommendations were good, we were not expecting a noodle dish to be $71 as it is ‘off the menu’.Would definitely come again next time but make sure you know what you are ordering before entering so he can’t

見到個friend大讃啲間隱世食店，今日嚟開觀塘就試一試。果然冇介紹錯，真係超正！佢係成業工業大廈地下，係正停車場入口隔離有個唔係幾顯眼嘅入口就係嗰度。試咗佢哋其中兩樣嘅海潮食堂必食推介：牛腩蝦條煎米粉: 上碟時有個😮，幾得意。啲牛腩同蘿蔔炆到好林好入味，煎米粉點落去食簡直係絕配。手撕雞五香肉丁撈通粉： 分量十足，微辣，手撕雞好入味，一啲都唔鞋，撈埋啲五香肉丁同通粉一齊食，出奇地夾😋啲員工超好。因為我地食得比較慢，差唔多到時間收工，啲員工仲叫我地唔使急，慢慢食。超讃👍🏻👍🏻

一坐低無耐，老闆就問準備好未，好在前一晚就背定餐牌，爽快就點左炸燒賣，牛腩煎米粉，蔥花蛋治，冰啡樂，然後老闆就問要唔要魔鬼奶油多，其實呢個都係wish item，不過驚點太多食唔晒，諗住下次再嚟嘅，老闆係我猶豫個陣就話：寫個薄嘅比你試吓啦，好食架，寫左啦咁就老屈左……不過屈我啦屈我啦，我無問題架蔥花蛋治個烘底真係不得了，係真脆，唔係烘到乾然後𠝹損口嗰種，滿滿蔥香，我地覺得咸左少少魔鬼薄多士，本身係無牛油，牛油要加$6，我覺得牛油係must，如果唔加，件多士只有甜味，呢個薄多士神奇嘅地方，除左面頭有華田粉，係薄薄嘅多士仲可以切薄加入餡料，不得了炸燒賣又係驚喜，外脆內軟，個皮係脆嘅！唔係炸到乾嗰種，配埋不多不少嘅麻辣油，正牛腩煎米粉，梗係要欣賞嗰對蝦條眉同笑容汁，牛腩係分開上，原來係會加一pat蒜蓉，即刻搵周一腹𢳂走佢，唔好污染我啲牛腩，裡面有啲牛筋，全部都好淋好入味，煎米粉好香口，就只係蝦條炸得比較乾冰啡樂相比就較普通，本身係2/3杯凍啡+罐可樂，即係飲到咁上下就加返啲可樂，飲到後尾就係得可樂味啦最後想講，姐姐係超級好態度，幫我地收走餐碟時，都會問：食完未呀，食完幫你地收左先；見我地枱面

觀塘入面，我最鍾意嘅餐廳，一定就係海潮食堂！佢簡直係糅合左廚藝加創意於一身嘅餐廳，我哋唔需要局限喺餐牌嘅選擇，你同老闆講一句想要自選菜式，佢每一次都仲會比到驚喜你！咁耐冇食，一定有點我最喜歡嘅手撕雞五香肉撈炒通粉❤️通粉炒完彈牙，撈埋五香肉丁，手撕雞仲有佢自定嘅麻辣醬，非常之惹味！直頭食過返尋味！仲有牛腩蝦條煎米粉，都係必食之選！你睇佢本身個菜式都已經夠創意，點解賣相都特別有創意！飲品方面，我今次都係叫番杯普通嘅凍檸茶，但係老闆係非常之推介我哋飲咖啡可樂，你哋夠唔夠膽試呀？😂

這家餐廳的冰啡樂非常清爽，是夏天消暑的好選擇。它有著濃郁的咖啡香氣和綿密的奶油泡沫，配上冰塊後入口非常順滑，讓人倍感清涼。蔥花蛋治蔥香不得了，蔥花和蛋的搭配非常得恰到好處。麵包亦烘得脆脆的，一口接一口蒜蓉餃子的餡料非常鮮美，加上蒜蓉的獨特味道，非常適合愛吃蒜香的人。餃子皮也非常薄，口感十分好。雞翼豬肉河粉是一道非常豐富的主食，有著濃郁的醬汁和蒜香。河粉的口感也十分好，非常入味，讓人一口接一口。總的來說，這家餐廳的美食都非常好吃，每道菜都有著獨特的味道和口感，非常值得一試。此外，店內的環境也非常舒適，服務員也非常熱情，讓人感覺非常愉快。

🐮牛腩蝦條煎米粉 $52牛腩同蘿蔔都超級入味 炆到好林好濃味 食落一啲都唔痴牙 煎米粉係用雞蛋包住嚟煎 非常特別嘅食法 同牛腩好夾 2條蝦條就普普通通 整體嚟講好有驚喜 唔怪之得咁多人推介🍴五香肉丁米粉配火腿奄列同多士 $40 下午茶餐五香肉丁份量適中 火腿奄列都唔錯 多士比較普通 正常發揮 😈魔鬼奶油多 $27 超級邪惡嘅 普通奶油多進化版 唔只有牛油 煉奶 仲有阿華田粉同砂糖 多士非常香脆 中間亦都有夾住一層軟熟嘅麵包 食落超級過癮 好特別嘅一個甜品 睇得出係小本經營茶餐廳 用心經營 亦都好多好評 推介指數 (5分為滿分)：整體 ❤❤❤❤ 味道 😋😋😋😋 抵食 👍🏻👍🏻👍🏻👍🏻環境 ⭐️⭐️⭐️ 服務 👨‍🍳👨‍🍳👨‍🍳

之前聽過好多人介紹難得今日約朋友觀塘食午餐特意來試一試12點幾門口已經有幾個人排隊等咗十幾分鐘 終於可以入去第一次食 決定叫晒三樣名物蔥花蛋治烘底, 魔鬼奶油多同埋牛腩蝦條煎米粉外層兩塊烘到脆脆的薄多士夾住中間搽咗牛油嘅麵包同蔥花炒蛋外脆內軟而炒蛋口感嫩滑 勁香蔥味真係超級邪惡除咗大量嘅阿華田粉同煉奶中間仲夾住好厚嘅牛油必食之選!!!煎到好香嘅米粉加埋蒜蓉 牛腩同啲汁一齊食真係超級好食不過雖然牛筋炆到好淋好入味牛腩就偏硬咗少少

食過好多次呢間海潮食堂 第一次都係朋友帶我去食今次到我帶返朋友去食啦😆最出名嘅蔥花蛋多士 魔鬼多士🍫真係令人食極唔厭 好邪惡🥲位置唔多 好有舊式茶餐廳嘅感覺入面都比較逼 如果係中午時段去係要係出面等位真係好多人慕名而去食…好有人情味嘅餐廳 會同你有講有笑😆魔鬼多士評分：👍🏻👍🏻👍🏻👍🏻👍🏻呢個真係魔鬼級多士 有黑白兩味用左美祿粉加煉奶醬 兩樣都係我好鍾意食🥹中間個舊牛油🧈先係最邪惡 多士係超脆口咬落去一啖凍牛油加脆多士 真係令人振奮肥到飛起😂😂😂蔥蔥蛋多士評分：👍🏻👍🏻👍🏻👍🏻👍🏻蔥花加入蛋漿到整到厚滑蛋夾落多士到好香蔥花味～多士都係好脆皮味道都係啱啱好 唔會好咸 好香滑又係令人一試難忘 會想一試再試五香肉丁雞肉通粉評分：👍🏻👍🏻👍🏻👍🏻👍🏻呢個又係必食嘅其中之一 五香肉丁配咩都好食但係最令人覺得好食係佢仲有自家制蔥油醬加上有好滑嘅雞肉 仲有麻辣醬 撈埋一齊食簡直無敵札肉雞肉配麻辣薯粉評分：👍🏻👍🏻👍🏻👍🏻👍🏻叔叔介紹話食呢個包我地難忘😂😂😂果然…個札肉超級脆香 好好食雞翼初初唔夠熟 但老闆好快就即炸返三隻配埋啲麻辣香醬 花生一齊食 味道好香酥令到成個口感充滿住麻香味🤣

觀塘 - 海潮食堂推薦指數：😋😋😋😋😋（好邪惡）五香肉丁蔥油手撕雞撈通重口味到一個點！海潮既蔥油係特別醃製，蔥帶有鹹味，有層油包裹住，手撕雞比較大塊，但唔會乾柴，麻辣撈通好惹味。魔鬼多士之前試過出名蔥花蛋治，今次試魔鬼多士另加牛油。老闆特別研製兩厚一薄，兩邊烘底，外脆中間軟綿綿，再加上兩塊厚牛油，冰火交融，口感層次好豐富。左邊阿華田粉食落比煉奶搶咗味道，整體都係好食，甚至比起蔥花蛋治有驚喜。📍 觀塘成業街19-21 號成業工業大廈地下G6號舖

海潮 上過不同訪問嫁啦今次就試當中既2個名物啦😉蔥花蛋治烘底$30呢個脆皮 吳係講笑🤩簡單黎講係薄脆片 包住 白面包第二口 就食到 香濃既牛油😋蛋份量多，好易滑出黎🤣蔥花就 有鹹香味👍🏻整個組合 係極致既表現🫡椒鹽燒賣燒賣有炸過做到皮脆 入面彈牙👌🏻有醬油 個人覺得係xo醬黎係淡辣味，少麻反而 椒鹽味就食吳出🥲結: 有水準既👍🏻蔥花蛋治烘底 必食🫡#蔥花蛋治烘底#椒鹽燒賣#海潮食堂

🍜🍜🍜星期六下午係觀塘工廈區樓下有一間食肆門口堆左好多人，有人排緊隊等入座，亦有好多人等外賣，岩岩肚餓同搵緊野食，所以決定要試下，果然真係好有驚喜一入到去，普通港式茶記粉麵店既格局，但出奇地多野食簡，鋪頭牆壁都貼滿餐牌、食物相、介紹，正正望緊之際，落單職員已經問我地係唔係第一次黎食，佢已經講出心水推介五香肉丁豬扒撈通粉($56)撈通粉第一次食，所有通粉粒粒都沾滿醬汁，再撈埋五香肉丁同蔥花，好香好吸引，少少辣味愈食愈想食，睇返介紹原來多人簡配手撕雞，我地就簡左豬扒，豬扒大件另上，有蔥油淋係面，少少唔夠嫩，但三樣野配合埋係新嘗試魔鬼菜心($18)撈通粉感覺如果少少油膩，就食返個菜心中和下，魔鬼菜心都落左心思，有肉碎、蔥花加上湯，最後有埋糊椒粉，味道加埋絕對無失望魔鬼奶油多士($27)最後以魔鬼奶油多士作為甜品，一邊朱古力粉，一邊奶油，中間夾左未溶既厚牛油，牛油夾係兩款甜味中間，脆脆多士起到作用唔算太甜，但係每啖都非常之邪惡有次諗住再去試下其他菜式，但正工遇著鋪頭每逢星期日休息，大家想試就要留意

放假嘅時候，都好鍾意搵下屋企附近有咩便價餐廳好食，海潮食堂係之前睇youtuber 介紹過嘅餐廳，適逢今日好早出去，所以就黎試下，因為呢間餐廳係收得比較早今日叫嘅野食有蔥花蛋治，大家記得一定要叫烘底！呢個蔥花蛋治嘅餡真係好豐富，大量蔥花同蛋一齊炒出嚟，好香蔥花味，加埋熱辣辣烘左底嘅多士真係好好食🤤第二個叫嘅係牛筋蝦條煎米粉，米粉加左雞蛋一齊煎，好香口，我鍾意食焦焦地嘅米粉邊。另外牛筋炆到好軟淋，裡面嘅汁有麻辣味同蒜蓉，好重口味，一定要同淡味嘅煎米粉一齊食。第三個叫嘅係魔鬼菜心，呢個係職員推介，但係我就覺得普通咗啲，只係普通菜心上面淋左大量嘅胡椒粉。第四個叫嘅係魔鬼奶油多（薄版），烘左底嘅多士加左大量阿華田粉、煉奶同牛油，真係好好食，個人覺得薄版唔夠喉，下次要試埋厚版，但係建議大家多啲人食先叫，因為份量多。呢間舖頭嘅老細非常熱情，佢推薦嘅冰啡樂同埋咸檸西柚梳打都好好飲。消費價錢：50-100結論：可以經常光顧

🇭🇰海潮食堂觀塘工業區人氣茶餐廳❗️招牌蔥花蛋治烘底🥪.👷🏻‍♀️戴番個頭盔，唔係專業foodie，純粹個人主觀分享🙏🏻.—————————————————————————🍴 海潮食堂📍觀塘成業街19-21號成業工業大廈地下G6號舖—————————————————————————💁🏻‍♀️主觀記錄(記錄下自己食咗啲咩落肚🤪)蔥花蛋治烘底 $27麵包外層香脆，中間鬆軟🍞雞蛋生熟程度啱啱好，加上牛油，又香又滑🤤冰啡樂$14第一次飲，冇諗過咖啡同可樂係夾！😍好意外可惜今次一個人去食，食唔到咁多，希望下次可以試埋佢哋嘅煎米粉、魔鬼奶油多等等🤤同埋佢哋嘅員工、老闆都好好人㗎，好肯同你介紹菜式，講解下點解奶油多會叫魔鬼奶油多🤣🤣如果想去試嘅朋友，記住佢哋係跟返工業區嘅食堂營業時間，所以星期日係唔開架， 小心摸門釘啊🤫______________________________💡鍾意我哋嘅分享，記得：❤️Like💬Comment🔖Save📲Share——————————————————————#hkfoodie #hkfood #hkfoodblogger #hkfoodblog #hkfoodlover

我真係好鍾意去海潮食堂食嘢 😂 每隔一段時間一定癮起 🙈 所以又係時候食手撕雞通了 😍手撕雞拼五香肉丁麻辣撈通粉水準依然喺度！😍 手撕雞同五香肉丁超級多，麻辣汁同蔥油配合得好好，呢個係必食 🤤蝦條拼雞翼麻辣撈陳村粉呢個係叔叔見我地諗唔到食乜幫我地決定嘅 😂 佢會問你食唔食辣、想食邊樣配料同埋麵去 generate 出黎 🙈 估唔到陳村粉咁撈又真係幾好食 😍 蝦條同雞翼都好香脆，唔錯 👍🏻椒鹽炸燒賣呢個都係名物黎 👍🏻 香脆椒鹽炸燒賣配合佢地嘅辣醬，惹味到一個點 🤤魔鬼菜心胡椒粉肉碎湯浸菜心，味道好濃，連平時麻麻哋菜心嘅我都食到停唔到口 🤣凍啡樂我見到好多人叫所以我又叫 😂 將可樂倒入齋啡入面，頭幾啖覺得有啲似跌打酒 😂 但越飲係越順嘅，似可樂版 Coffee Tonic 🙈 不過我鍾意啡味多 d，所以呢個都係試下就算了 🙈呢度水準真係好穩定，每次黎都係咁好味道！而且餐廳好有人情味，叔叔都會撩下你傾計問下味道點，所以佢依然係我觀塘嘅 canteen 😎