136
31
1
港鐵觀塘站 B2 出口, 步行約4分鐘 繼續閱讀
電話號碼
23439160
營業時間
今日營業
07:00 - 17:00
星期一至六
07:00 - 17:00
星期日
全日休息
付款方式
現金
食評 (200)
#Boss 一向 #大頭蝦,呢日佢又漏咗嘢喺公司,搞到我三點幾要撲出去做 #速遞員😅 回程嘅時候個肚咕嚕咕嚕響... 先醒起自己仲未食lunch👉🏻👈🏻 既然返到去又已經夠鐘收工,倒不如去搵啲嘢食醫吓個肚🤪 醒起早排有人喺 #IG 介紹過 海潮食堂 嘅 #蔥花蛋多士 ,見仲講得切,一於去朝聖🤩由 #觀塘廣場 轉入 #成業街,#左穿右插 終於比我搵到💪🏻 #其貌不揚 嘅 #鋪面,大大隻字寫住「本店由‘史偉莎’全店做妥殺菌」,究竟史先生係咩人嚟?... 唔知喎🤪 櫈都未坐熱,老闆話「你真係好彩,仲趕到last order ,我哋仲有10分鐘就收工」... 嘩!我唯有嗱嗱聲叫咗件 #名物 #蔥花蛋多士、再加杯 #凍奶茶 速食🤤 套餐承惠$39😅 眼見身邊嘅人都忙住清潔,我唯有九秒九將佢哋放哂入口😝 #奶茶 都保持到 #茶檔風味,茶味夠濃都幾滑👍🏻 不過我就唔係咁識欣賞件 #蔥花蛋多士,一直以來我都接受唔到 #炒蛋 加 #鹽... 唔係講笑,真係好咸😚 #蔥花 太生,可以煮多幾秒,對我嚟講真係腥咗啲... 整體同店內海報形容嘅英式finger sandwich / comfort food 似乎爭好遠喎😅 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-26
2090 瀏覽
觀塘「海潮食堂」本來就屬於工廠大廈裡面的食堂,工廠大廈裡面的規條本來就不容許光顧食堂的食客,在工廠大廈食堂裡面拍攝相關圖片,再加上萬惡的「武漢肺炎」,為樓面拍照彷彿變得可有可無。我為了購買是日晚餐,所以今次在「海潮食堂」裡面,一次過點了三款食品,每加套餐飲品一杯。「海潮食堂」三款食品加一杯「凍奶茶」,連同外賣餐具的費用,總價錢變成了港幣一百零三元。我在「海潮食堂」裡面選擇外賣自取期間,分別點了多士小食「超薄奶油多」、「柱候牛腩上海麵」,還有「香味雞扒菜飯」,「海潮食堂」三款食品、一杯飲品加上外賣飯盒膠袋,付款和收到食品後馬上坐車趕回西貢。我對「海潮食堂」裡面的多士小食食品「超薄奶油多」最缺乏信心,擔心我即使馬不停蹄儘快趕回「西貢」,都未必能夠成功拯救「超薄奶油多」的本來應該擁有的香腍口感。結果我趕回西貢墟,一成功趕回西貢之後,馬上立刻從膠袋裡面,取一件由外賣塑膠飯盒盛載起來的多士小食「超薄奶油多」。即使我如何加速趕回西貢,最後「超薄奶油多」實際口感還是變腍了。雖然「海潮食堂」「超薄奶油多」因為時間問題,而令「超薄奶油多」實際製成品的口感變得有點腍。口感雖然是腍,但是「超薄奶油多」裡面的醬料味道,比我預計來得更甜,問題我還是搞不清楚多士裡面的什麼來頭。我只知道「超薄奶油多」表面和裡面的醬料,醬料的實際色澤都是偏向「黑色」。結果我試食口,本來已經變腍的「超薄奶油多」,發現「超薄奶油多」小食裡面實際味道變得太甜了。雖然「超薄奶油多」實際口感,因為我需要長距離運輸的關係,結果導致「超薄奶油多」的口感無形中變腍了,甜味甜得感覺有點像朱古力醬。除了「海潮食堂」「超薄奶油多」實際口感變得有點腍之外,「超薄奶油多」由內到外的黑色醬汁,亦勾起了我對「超薄奶油多」實際黑色醬汁味道偏甜的印象,跟著我轉食晚餐裡面的食品。我購買了一碗「柱候牛腩上海麵」,作為我的晚飯裡面的「牛肉」食品。我本來已經知道「上海麵」麵條的實際質地偏向比較粗,而且「上海麵」麵條實際上口感偏向比較腍。不過,「海潮食堂」「柱候牛腩上海麵」真正給我驚喜的地方,反而是「柱候牛肉上海麵」裡面的濃厚味道湯頭,因為「海潮食堂」廚房在「柱候牛腩上海麵」表面上,加入了很多類似蔥絲、韭黃的配料。就像蔥絲、韭黃這些濃味的蔬菜配料,令到「海潮食堂」「柱候牛腩上海麵」的整體味道變得很香,湯底裡面除了有來自「柱候」醬鹹味,蔥花、韭黃也讓湯底味道變得很香,很容易入口。至於「海潮食堂」「柱候牛腩上海麵」裡面的主角「牛腩」,「牛腩」實際製成品被「海潮食堂」廚房切成小塊的形狀,所以「牛腩」浸在「柱候」醬湯底裡面,也吸收了「韭黃」香味。至於「海潮食堂」因為受到香港疫情所影響,被迫以「外賣自取」方式製作所有的食品,包括「柱候牛腩上海麵」在內。但是「海潮食堂」使用體積比較闊的外賣湯碗,所以沒有令「柱候牛腩上海麵」實際份量受損。「海潮食堂」也選用了容量比較大的塑膠膠杯,去盛載加入了很多甜味淡奶,冰凍的「港式奶茶」飲品。雖然我需要長途運輸,導致飲品裡面的冰塊融化,但是「港式奶茶」裡面的甜味和茶味,也沒有因此受損。我選擇外賣自取購買的三款「海潮食堂」食品裡面,最受影響的其實還只是多士食品「超薄奶油多」,食店已經為塑膠外賣飯盒開洞,讓「超薄奶油多」麵包儘量保留新鮮和香脆的口感。只可惜住在西貢的我,運氣真的有點不濟,千辛萬苦把「超薄奶油多」運送返回「西貢」,還是拯救不了,「超薄奶油多」裡面原本應有的鬆脆質感。至於我的晚餐食品裡面,除了有「柱候牛腩上海麵」之外,還有一大盒的「香味雞扒菜飯」。「香味雞扒菜飯」裡面的蔬菜,以煎雞蛋的方式把蔬菜收藏在裡面,然後加入少許鹹味醬油調味。至於「香味雞扒菜飯」裡面有關「雞扒」那一部分,「海潮食堂」先把「雞扒」切成很多小塊,方便入口的形狀,再在「雞扒」身上加上擁有濃厚辣味的花椒,令「雞扒」除了鹹味之外,還額外增添了辣味。幸好「海潮食堂」廚房沒有安排擁有濃厚辣味的花椒和豉油,佔據整個「香味雞扒菜飯」表面大部分的位置,只是安排花椒和豉油佔據飯盒一個小角落就算。所以花椒裡面的強烈辣味和麻痹感覺,最後也沒有完全佔據「香味雞扒菜飯」所有的味道角落裡面,味道偏鹹和甜的煎蛋和韭菜,也只是適量沾染花椒的辣味而已。至於白飯在「香味雞扒菜飯」裡面的實際份量,其實也都不算非常多,頂盡也只是擺放在飯盒裡面一半的位置而已,所以花椒裡面的辣味沒有直接滲透進入白飯,食客想辣味程度多少的白飯,還是由自己去決定而已。我選擇了把「香味雞扒菜飯」裡面,白飯實際味道偏向比較麻辣的花椒部分率先食完,然後才把「柱候牛腩上海麵」裡面的韭黃和切粒牛腩,淋在沒有花椒的淡味白飯上面繼續慢慢享用。其實我在「海潮食堂」裡面,以外賣自取方式購買的食品,食品裡面的甜味、鹹味、鹹味味道,大部分都符合了「海潮食堂」上海菜裡面,強調「濃油赤醬」的最基本味道要求。相對食品而言,「海潮食客」食品套餐裡面的「凍奶茶」飲品,已經是所以食品飲品裡面味道最淡薄的一部分,可以當作中和「香味雞扒菜飯」裡面的麻辣味道「花椒」的飲品。至於「海潮食堂」裡面,最後食到味道和口感最失色的食品,反而還是甜味的多士小食「超薄奶油多」,即使「海潮食堂」已經為飯盒預先開洞透氣,還是改變不了「超薄奶油多」因為長途運輸,被熱氣所焗腍的結果。加上「海潮食堂」裡面其他的食品,都受制於外賣自取塑膠飯盒裡面的實際容量和面積,令食品實際製成品的份量,都比堂食版本細小得多。所以下次我如果還想光顧「海潮食堂」,我覺得還是選擇堂食會比較穩陣,外賣自取看來只適合在觀塘工廠大廈裡面長期工作,無法外出用餐的上班族和工人。至於「海潮食堂」裡面的外賣自取「柱候牛腩上海麵」和「香味雞扒菜飯」實際份量和味道,都因為外賣飯盒而打了折扣,至於「超薄奶油多」就更不適合長途運輸外賣自取享用,需要趁早享用。如果香港在短時間內無法完全處理「武漢肺炎」,「武漢肺炎」疫情不儘快消失的話,我應該不會再選擇外賣自取光顧「海潮食堂」,堂食勉強反而還可以考慮一下。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-25
1936 瀏覽
大概一個月前,某星期六兩點,去到門口排住六人左右,烈日當空,佩服佢地,但我,下次先啦~今次星期五三點半,食到啦掛~人流:有得即入,但都係爆晒,被安排一個角落,後來有客人走,店員好好人會問我地搬唔搬位,不過食物黎左一半,廢時啦~環境:有冷氣的茶記,一定迫啦,但有冷氣,係排隊會冇遮冇掩啫,而座位感覺唔算污糟,冇咩痴粒粒感覺服務:除左問我地搬唔搬位,坐底時見我地唔知食咩好,店員努力地介紹而冇壓迫咁,即使我地揀得慢又唔會催人,後尾有張櫈free左出黎仲叫我地放低書包,雖然全部唔係年青人,但絕冇一般茶記粗聲粗氣食物:太多野想試,爭扎左好耐之後叫左四樣~好多篇都介紹食呢個,個味好正,好新鮮嘅口味,麻辣味香得黎唔太辣,粒粒通粉都有味,食完唔覺太油,雖然五十二蚊一碟通粉貴左d,但好足粉料,雞多五香肉丁又多~七粒十三蚊唔貴,最正係加左少許麻辣油,無諗過成件事可以咁夾又係跟呢度d人叫嘅,真係好好食,蛋夠香夠滑,多士香脆得黎唔會話一放入口好熱氣嘅感覺,因為我身體對熱氣好敏感,重點係d蔥香到一個點點解咁都比佢諗到,個base其實係奶油多,本人覺得落得多又太甜,落得少又冇味,呢個落左阿華田粉解決左太甜嘅感覺,仲提升味道更惹味叫左多士同通粉可以用半價叫飲品。我比較喜歡前者,因為我唔太飲咖啡,兩杯都係飲左一陣先好飲。粒柑桔要浸一陣先出味,而咖啡因為一開始咖啡比例太多蓋過左可樂。總結唔知幾時再有機會食,太多人排隊好想試埋其他野,好似隨意叫嘅炸燒賣都有驚喜,我相信仲有好多寶藏。佢地設計菜單思想真係新穎大膽!我終於明白點解一間茶餐廳可以係烈日當空都有人龍。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-22
0 瀏覽
朋友話想食茶餐廳...我一聽到就耍手擰頭,因為平時食得太多,出嚟食野仲食茶餐廳?之後佢話呢間唔同㗎,叫我睇吓食評睇吓menu先啦😏睇完😂好似幾得意咁喎⋯⋯就試吓先叫咗牛腩蝦條煎米粉、手撕雞五香肉丁麻辣撈通粉、蔥花蛋治烘底同啡樂😆**********牛腩蝦條煎米粉🐮($52)🌟推介🌟牛腩上碟前先淋上麻辣油🤩正...又唔會好辣,但又有麻香牛腩炆到好淋入味,牛筋都好淋,好多膠質,好似食咗好多骨膠原落肚咁😂煎米粉上有少許蠔油,個人覺得唔加都可以,夠哂味**********手撕雞五香肉丁麻辣撈通粉🐔🐷($52)🌟推介🌟雖然叫做手撕雞...其實可以叫佢做雞片,完全唔係一條條絲,🐔手撕雞上仲有大量蔥油;五香肉丁差不多俾咗半罐,份量真係好足😂通粉上淋咗啲麻辣油,應該同牛腩上面嘅辣油一樣,唔辣但惹味😋**********蔥花蛋治烘底🥚🥪($27)🌟推介🌟唔鍾意食蔥嘅我竟然會叫呢個多士!喺咁薄嘅多士中間仲可以𠝹開塗上牛油🧈,師傅好用心呀❤️夾住炒蛋又溶溶地,佢真係好好味😋咬一啖,成口都係蔥香味,煮過嘅蔥係好味啲👍🏻**********凍啡樂🥤(飲品跟餐半價+$12)🌟推介🌟聽都未聽過,朋友介紹飲,係幾得意😎可樂嘅甜減低齋啡嘅苦成罐可樂俾你自己溝,想甜啲又得,想飲多啲齋啡又得,隨你選擇👍🏻 繼續閱讀
(以上食評乃用戶個人意見 , 並不代表OpenRice之觀點。)
之前聽講海潮幾正,去開觀塘決定去試下😛呢間餐廳真係隱世😂無招牌,行到去地址認到外賣紙先揾到😌手撕雞五香肉丁麻辣撈通粉🌶聽落好奇怪,但係幾好食🙈手撕雞唔係平時食開個種,我會形容做雞塊😂個係好食嘅😛撈埋一齊食又辣又香會食唔停😆食落唔會太油,但覺得卡路里應該幾高😛椒鹽燒賣正正常常😆蔥花蛋治烘底🥪蔥花蛋好香,好足料😋😋😋夾埋烘過嘅麵包🍞簡直一流😚觀塘好多餐廳,呢間好特別,又抵食😆十分推薦大家去試吓🤣🤣呢度有普通茶餐廳可以食嘅嘢,但大家都好似只叫佢d特別菜式😂 繼續閱讀
(以上食評乃用戶個人意見 , 並不代表OpenRice之觀點。)