海潮食堂

營業中

休息中

餐廳在工廠大廈地有，如果不是在觀塘上班可能比較難找到。我試了一杯老版介紹的冰啡樂，就是咖啡可樂加冰，有氣的黑咖啡，很好的配搭。另外點了他們的煎米粉，牛腩牛筋好淋入味，加了garlic，蝦條好趣，煎米粉應該是用上雞蛋的。埋單$70。

觀塘人多車多，然後食店都一樣咁多～ 除左好多特色 Cafe 之外，平時路過唔太起眼嘅工廠餐廳都一樣咁正！海潮食堂門口唔算起眼，第一次去我係行過左都唔知 😂 好彩最後都搵到佢，因為呢度有超級好食嘅撈通！😍手撕雞拼五香肉丁麻辣撈通粉簡直係令人驚豔嘅味道！完全估唔到手撕雞同五香肉丁係咁夾！😋 佢地各自都唔會搶對方嘅味道，加埋少少麻辣，同埋通粉中間捲住 d 汁，名符其實世一！👍🏻椒鹽炸燒賣 又係一個驚豔 🤩 又脆又香口！配埋辣醬正啊 😍 重點係炸得唔乾，又唔會好油，好正 😆鹽水通菜 唔會死鹹，好香，通菜加少少肉碎口感好好，好滿足 👍🏻蔥花蛋烘底三文治 睇過好多介紹都推呢個三文治，佢嘅蔥花係好香，而且十分打卡able 😂 但相對撈通就平凡少少，我會留 quota 食撈通 🙈煎餃子 配蒜蓉好好味，好香口！但 again 佢嘅同伴實在太強，顯得佢比較普通 🙈 呢度係比較舊式餐廳 style，坐得比較逼少少，但食物嘅味道絕對係值得嘅，佢有時候要排隊，但就唔駛等太耐的，絕對值得一試！😍

喺觀塘返工周圍都有好多野食，其中一間同事推薦，然後間唔中就會心郁郁想食嘅就係海潮，除左有邪惡食物外，對於選擇困難症患者有一大好處，就係可以唔駛揀野食，叫老闆叫你拍板🤣海潮係工廈地下一個細鋪仔，比較少位置，都坐得比較逼狹。牆身貼左好多menu，基本上你可以自己東湊西湊，揀你自己鍾意嘅配搭，但我通常都會搵老闆決定，老闆過嚟落單，你只需要問下佢，有咩好食呀，我決定唔到呀，佢就會開始講話幫你寫個咩咩咩，連飲品都可以咁，都好搞笑其實🤭今次老闆幫我寫左個雞翼扎肉炒公仔麵，嚟得呢度就預左重口味，完全唔會有唔夠味嘅情況出現😋通常飲品，老闆會話比個特別嘅你，然後上枱先知係咩，呢排好似都係呢杯鹹柑桔加西柚梳打，你想像就係鹹檸七，但唔係檸檬，改左做西柚嘅味道，不過講真汽水都好難唔好飲嘅🤭最後呢度埋單$70，唔知佢點計，只有信老闆 如果唔使用老闆點餐功能，自己揀嘅話，我會推薦蔥油雞，真係好香好惹味🤤好似我咁嗜甜嘅，海潮都有個魔鬼多士，極度邪惡，卡路里爆錶，但值得一試😈

嚟開觀塘想揾間餐廳食早餐，咁就嚟咗呢間試喇～非常之有驚喜！🔸魔鬼奶油多 $29佢係由烘咗底嘅薄多士夾住冇烘底嘅牛油方包，表層再灑上滿滿嘅阿華田粉組成！外層香脆，內裡鬆軟，一咬除咗食到濃濃嘅阿華田味，仲會食到啲牛油香味，鍾意食甜嘅朋友點埋煉奶仲滿足！🔸 蔥花蛋治烘底 $29蔥花蛋治都係薄多士嘅變奏版！由烘得金黄香脆嘅薄多士，夾住軟熟嘅白麵包同蔥花炒蛋組成～蔥花份量多而且炒得好香，炒蛋好滑，同香噴噴嘅蔥花勁夾！所有嘢都好平衡好好食！而且多士夠薄，就算夾咗厚厚嘅炒蛋都唔會太厚，女仔食起上嚟都唔會好論盡～🔸柱侯牛腩烏冬 $37柱侯牛腩夠稔而且好入味，除咗牛腩仲有牛筋～份量都多！至於烏冬就不過不失啦～呢間小店茶餐廳唔多起眼，細細間又冇招牌，不過勝在好多特色嘢食係出面冇乜見過！而且重點係好食又唔貴！另外想提嘅係餐廳老闆真係好nice! 一入門口佢就同我哋打招呼好似當我哋熟客咁(但我係第一次嚟試下），其他侍應姐姐都好友善！亦見到老闆同其他食客都有講有笑，好有人情味架呢😆仲有好多特色嘢食都好有興趣！下次嚟開觀塘一定會再嚟食！😆👍🏻

🎈牛腩蝦條煎米粉 $53喺炒米粉上面有個笑哈哈，真係會忍唔住影張相打卡先📸。米粉旁有兩件炸蝦條，仲有牛腩、蘿蔔、少量牛根。味道唔咸，少辣，幾惹味。將牛腩汁撈埋啲炒米粉食😉，米粉香脆配埋夠哂淋嘅牛腩牛筋一齊食，正。✦✦✦✦✦✦✦✦✦✦✦✦✦✦🎈蔥花蛋治烘底 $27非常多蔥花，所以蔥味好突出，蛋夠滑，再以烘底三文治🥪，非常脆。 厚身又大份，一份有兩大件，午餐輕食之選🍽。如果頂唔順蔥味既朋友就唔好試呀。✦✦✦✦✦✦✦✦✦✦✦✦✦✦餐廳位於工業區中心，而且位置較近車站，生意都幾旺。員工亦都好好客🥰，比人感覺好有親切感，而且煎米粉上面有笑哈哈😊，好似同你打氣咁，非常窩心。餐廳既款式唔係周圍都見，可以話係獨有。舊式餐廳非常懷舊，諗起小時候去過既餐廳，呢啲水準只有老店先有。

2022-07-23獨自去偷食😝星期六晨早起身去觀塘工業區🏭搵間係觀塘嘅街坊小店，海潮食堂🤣係工業區搵咗段時間，位於成業街地鋪（無招牌）😗大約十點左右時段，客人唔算多👨‍👩‍👦‍👦自己揀了張近大門口位置嘅枱坐😌留意到老板雄哥，同客人都會吹兩咀😗雄哥都有同我吹兩句，話下次等佢發板🥳我就點了，招牌菜葱花蛋治烘底，29蚊碟，果然係招牌菜，多士烘到超香脆，蔥既份量勁多，炒蛋夠哂滑溜，食落勁濃既蔥味，鐘意食蔥嘅朋友絕對要試下😄沙嗲牛肉米粉，37蚊碗，包熱飲，沙嗲牛肉成碗都係好多蔥，同平時食開沙嗲牛好唔同，味道一般，建議食其他😂整體環境無乜冷氣，夏天食堂食，會食到出晒汗💦服務超好，會同客人交流，有人情味小店☺️食物招牌葱花蛋治好好食😋會再幫襯試吓海潮食堂其他特別菜式🤩#海潮食堂#葱花蛋治烘底#沙嗲牛肉米粉

今日趕住做野就入左黎食個快飯問姐姐食乜最快後決定食豬軟骨菜飯好耐無食過菜飯啦~ 哩個唔係最好食, 但起碼唔抗拒大型連鎖店既菜飯真係嚇死人架, 菜還菜, 飯還飯不過菜飯都唔係重點, 個豬軟骨真係不得了好好食呀, 夠味道, 而且都幾重味, 配菜飯剛好~重點係食完又唔會好口喝喎我唔識煮野食, 我唔知個D係咪就係麻辣?反正少少辣,又麻麻地, 幾刺激又唔會太OVER嗆鼻. 食過會想ENCORE, 會想試下買淨餸配早排好興既拌麵.所以, 我一定會再食呀~

咁啱今日下午去開官塘就去海潮食堂試一試餐肉蔥花蛋治烘底，＄45蔥花味真係好香 ！餐肉就當然煎得香趣😋即叫即整，等幾分鐘無所謂共三片麵包，師傅細心飛邊，老細又友善健談😆真係好值得支持！！💪🏾

食物普通，根本無什麼特色和美味，價錢偏貴不值，每樣食物話送飲品，其實是要加10蚊，凍飲12蚊，一入到去便催促下單，沒有比時間人考慮，這間店舖名過於實，不值去試。

我願意為海潮食堂分享一篇食記🤤🤤雖然冇試佢哋最出名嘅蔥花蛋治，但佢哋嘅魔鬼薄多士加牛油都夠打😚😚一啲都唔膩，可以自己食晒都唔過分我真係一試愛上😍依家睇相又想再食🤤重蒜豬扒墨魚丸撈麵一定就知夠晒味，唔洗我多講所有麵條都有醬，唔會一忽有一忽冇✅豬排夠淋，唔會硬柴柴你睇下佢碟麻辣蒜蓉餃子幾過份$36 六大舊，每一啖都查返啲蒜蓉辣醬係面，簡直係一種享受重口味人士最愛😚😚成餐飯都冇乜嘢可以挑剔✨

觀塘有一間好出名, 衛詩雅Alfred同好多foodie都一致好評既茶餐廳🥰佢唔係好顯眼, 裝修亦比較舊式, 因為佢地方唔係好寬躺同埋長期都有好多客人嘅關係, 坐都比較逼💁🏻‍♂️👀而且佢下午5點就會收檔, 星期日唔開, 所以要食到佢都唔容易, 但佢提供嘅食物都好有趣好有自己嘅特色🤭我地一個高興又唔小心叫左好多野食🙈⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍳蔥花蛋治烘底 ($27) 7.5/10佢既蛋生熟度剛剛好啊🤣加埋蔥花既香味十分出色, 佢既包都有特別既設計, 兩層薄脆多士入面仲有塊無烘既方包令到口感外脆內軟💁🏻‍♀️🥣手撕雞五香肉丁麻辣撈通粉 ($53) 8/10佢入面有少少麻辣的醬汁跟住呢幾樣野撈埋一齊之後就個配搭出奇地夾🤪食落有少少麻麻地既味然之後又有啲蔥油既鹹香嘅味💁🏻‍♂️配埋手撕雞同埋五香肉丁嗰肉粒🙈好快就可以食完呢碟通粉👅🫔牛腩蝦條煎米粉 ($53) 8/10咁佢嘅牛腩真係我食過入面都係頂尖嘅味道, 因為佢嘅醬汁應該係佢哋自家製嘅麻辣醬汁, 啲牛腩吸晒啲醬汁食落就好入味同埋辣辣地幾開胃👅個質感都唔會話煮得好熟, 牛腩肉一咬就係一種好軟嘅質感但啲肉又唔會散哂

又係返工嘅時間覓食之前專登上網睇吓YouTuber喺YouTube介紹觀塘有乜嘢好嘢食諗住跟住嚟睇其中有一間就係介紹海潮食堂見到去有個通粉好重口味就決定一定要試吓😆坐低咗就即刻叫返個五香肉丁蔥油雞粒撈通粉佢上菜都好快落單嘅哥哥都好熱情係咁同我傾偈🤣仲會推介我食乜😂😂😂大家睇張相就知道通粉有幾入味同埋都叫做足料蔥油雞做得啱啱好我依家咪夾住啲香蔥一啖食十分香😋估唔到同通粉都咁夾👍🏻👍🏻五香肉丁就係普通罐頭冇乜特別😂總括來講都唔錯重口味嘅人可以揀

聽觀塘返開工嘅朋友講，呢間餐廳門口吾起眼，但係整出嚟嘅食物樣樣都好有心機好特別。咁我咁啱今日去到觀塘就試吓啦，食咗佢嘅蔥油手撕雞菜飯，成個飯啲雞同飯差唔多份量係超級多，另外菜飯立立令好好味

所有菜式都好惹味嘅茶餐廳！🥪葱蛋治 (💰$27)麵包烘得外脆內軟，炒蛋濕潤，充滿蛋汁，配上葱香，非常美味🍝麻辣五香肉丁手撕雞撈通 (💰: $53)見到呢個配搭已經流晒口水！佢哋嘅麻辣汁好香，唔會太辣。手撕雞份量好多，通粉質地亦都控制得好好，al dente, 食唔停口🥩牛腩蝦條煎米粉(💰: $53)呢碟嘅外貌冇咁邪惡，但我覺得比通粉更好味！煎米粉煎得好香脆，有淡淡蛋香？牛腩亦炆得好淋，好入味！🍡椒鹽燒賣(💰$13)超好味，好鍾意上面嘅麻辣醬

呢間隱世食堂，已經在網絡上被好多高手宣傳，話算系觀糖入面，數一數二既平民化。小弟就算已經變成 "月光族"，都要趁機會過黎見識一下，看下系唔系對荷包負擔無甘重。於是，小弟就試左呢間名店的其中一樣名物 - 蔥花炒蛋烘底多士。葱花炒蛋多士跟餐雖然呢份多士系切件碟上，但都無損份多士的美味。出面餐廳的炒蛋多士，就算炒蛋唔差，食個份多士同自己買麵包片無分别(就算强調系烘底）。不如自己整都無甘激氣。但呢份多士，麵包外層烘到香脆（見到有些小牛油）,然後份蔥花蛋，系我最近食過的炒蛋之中最高質。跟餐的熱杏霜，算系正常水平，無太大驚喜。小弟為左自己的荷包着想，唯有忍手暫時唔試呢間名店既另一名物 - 魔鬼奶油多。觀塘名店名物之多，好容易令小弟有選擇困難症。但呢間海潮，絕對吸引到小弟揾機會再幫襯