海潮食堂

營業中

休息中

平常比較少機會來觀塘。這次來到，當然要到隱秘的觀塘人飯堂嚐一下馳名的蛋治🤤出口真的比較不起眼，我們也差點走過頭。🍽蔥花蛋治烘底我叫了一份蔥花蛋治烘底，一上來就聞到漫溢的蔥香味。蛋並不是其他店舖滑蛋治的口感，比較像烘蛋餅。外面有一點焦香，裡面卻保持著滑蛋的口感，加上毫不吝嗇的蔥花，簡直是最佳拍檔👍🏻另一塊加上一大片牛油，一咬下去出來麵包脆脆的口感，同時還有牛油的油香加上蔥油融入蛋液的味道，真的要吃過才知道🤤

平時都比較少去觀塘區，因為同屋企距離比較遠，除咗去開APM出show，先有機會去下。咁難得有咁嘅機會，當然要去觀塘區搵吓好嘢食啊。朋友介紹咗間位於工廠大廈下面嘅餐廳，佢話呢度嘅老細好funny，啲菜式仲好有特色添。第一次嚟，當然要試吓呢度最出名嘅牛腩蝦條煎米粉，每客$46。嚟到真係嚇一跳，我煎米粉成隻碟咁大，我一個女仔點食得晒呀。不過味道又真係好出色，我米粉煎得好香，蛋非常多，而且個牛腩好特別，炆得好腍，撈左蒜頭同辣椒，非常之惹味，米粉撈埋嗰汁，完美啊。有機會要來試埋蔥蛋治，相信都會唔錯。

2隻為食豬(C & P) 去觀塘取自家製餃子，順道一起去吃午飯，為食豬(G) 提議去這小店，她經過N次，並沒有吃過；小店沒在舖外掛招牌，2隻懵豬行過龍也找不到，惟有致電 (G )豬在小店門外等。原來招牌掛在店內，食客絡繹不絕，我們向老板查詢有甚麼推介，他發辦，我們都說好。 熱生薑蜜，生薑(片數多) 去皮切片，如拍過會較出味，蜜糖水，不太甜。咸檸檬柚子梳打 (跟餐半價) $12 咸檸檬咸酸，加在柚子味的梳打水中，味道 清清。凍可樂咖啡 (跟餐半價) $12原來味道可以很夾，(G) 豬還說回家會試做，3個飲品他是最好味的。 香蔥煎蛋三文治$26烘底麵包加厚挾蛋，一邊厚一邊薄的多士鬆脆，蔥香蛋熟夠厚，一塊切開三件，3人分剛剛好。 手撕雞五香肉丁麻辣撈通粉 $46有點遺憾手撕雞不是手撕的，配蔥蓉味道不錯, 再加上五香肉丁，麻辣汁撈通粉中， 口中有很多種味道，通粉較 '立' 口。麻辣韮菜餃 $36加了麻辣突出了餃子(韮菜幾香，肉少) 的味道。牛腩蝦條煎米粉 $46牛腩有腍有唔腍，面上加了蒜蓉，味道不錯, 蝦條略實，雞蛋煎米粉，這個有創意，不油膩，加上甜醬油，其實不加也ok，可用腩汁代替。

傳聞最近好hit嘅蔥花蛋治咁岩去開附近做野就試一試間鋪都唔容易搵架係成業工業大廈停車場嘅右邊如果唔係有朋友話過我知搵到停車場就搵到間鋪我一定會錯過！入到去望來望去都唔見有介紹蔥花蛋治有擔心過係咪去錯地方於是膽粗粗試下照叫啦點知老闆話識食 仲話一世人總要試一次上菜時又問我點解識叫蔥花蛋治我心諗 明明最近好多介紹喎難道唔係佢地請人介紹？係真係大家試過覺得要推薦俾大家？抱住半懷疑嘅心態試下啦係幾有新意嘅我本身鐘意食蔥嘅有蔥香係唔同d嘅而且外面個兩塊包烘得剛剛好夠香脆 唔會燶至於中間個塊係負責沾滿牛油邪惡 但帶點牛油香味係唔同d嘅如果間個塊包隔一隔d蛋嘅熱力一定會溶晒d牛油就無左牛油香所以三塊麵包其實係好飽架最好搵朋友齊齊share臨走前偷聽到隔離話蒜蓉餃子都唔錯下次再去觀塘時要試下先

店舖門面無招牌，初次來險些找不到！原來就在成業工業大廈停車場側邊的小小角落。中午時段小小店子塞滿了食客，雖然沒有高檔的裝潢，座位間也很狹窄，但他們卻以食物質素俘虜一眾食客。點了招牌牛腩蝦條煎米粉 $46煎米粉這食法很新鮮，沒有多餘調味，兩面包裹著蛋液煎至金黃色，與香濃的牛腩汁很是滋味。牛腩配蒜蓉出乎意料地好吃！😋肉質軟腍，充滿花椒香味，帶點微辣，正合我心意，推介👍🏻繁忙時間各員工都忙得不可開交，但老闆態度依然友善，體貼客人需要，值得一讚！

呢道嘅嘢食都真係好邪惡下，好肥但又好好食🥺簡直係魔鬼啊😈雖然呢間茶餐廳好近公司，但都唔敢成日嚟啊！因為樣樣都好好食，嚟到都會忍唔住加幾個小食！蔥花蛋多士好香啊大佬🤤烘底加蔥花炒蛋入面仲加咗牛油！要幾香有幾香啊！惡魔厚多士真係好邪惡啊！所以可以令呢舊多士好食嘅方法都毫不手軟咁落下去😈 糖煉奶牛油可可粉好好味又好有罪惡感啊！呢度嘅撈通/撈公仔麵 配菜係可以自由配搭嘅～😂😂我就叫咗個豬扒雞翼麻辣撈通！料仲多個麵啊！好邪惡但好好食😋😋 豬扒同雞翼煎得好香!麻辣味好足！我自己就比較鐘意撈通啦！比較少見～呢度有兩款招牌飲品：咸檸西 同 凍啡樂係幾特別幾好飲架～ 咸檸西味道好夾～因為凍啡樂係俾半杯咖啡你自己加可樂入去！就可以飲到咖啡味由濃至淡唔同嘅層次啦！

去開觀塘，就試下呢間馳名蔥花蛋治一條友 胃仔有限，想試埋佢個牛腩蝦條煎米粉都無緣～ 唯有等下次等左十分鐘有多，終於黎啦$26好細心將牛油同蔥花蛋分開，咁就冇咁易溶蔥花好香甜啖啖都有蔥食完口唔會臭仲甘甘甜甜蛋都尚算滑，加埋牛油食食下有個女員工（唔知係咪老闆娘）遞左杯熱茶比我，即刻warm哂呀

今日做完運動，就跟朋友到海潮食午餐，朋友一直想食，所以今日帶她去試試。星期六真的比平日好，一去到就有位，平日午市去一定要等位。我地叫了-牛腩蝦卷煎米粉、蔥花蛋治烘底、炸鯪魚肉、魔鬼奶油多。本身叫凍咖少甜，老闆推介我地飲咖樂（仲話俾我地cola plus)，味道可以接受，但咖啡味不太重，有點失望。煎米粉個牛腩真係好入味，不過餅煎米粉太大塊，我地食淨少少。蛋治都好大份，不過記得要襯熱，凍左就會淋左，冇咁好味。炸鯪魚肉同牛腩都會附送蒜蓉同辣椒，加埋一齊食真係好加分，可能我鍾意辣同蒜味，所以特別鍾意。最後，明明都飽，但見人叫又叫多個多士食，不過真係好好味，加多d朱古力粉就好喇。朋友話之後做完運動，都可以黎食，堂正飯堂咁，不過咁食法，做完運動都冇用。

觀塘工廠大廈林立吸引左唔少平靚正既茶餐廳係到開店，今日要介紹既呢間唔只係食普通碟頭飯咁簡單😏今次叫左牛腩蝦條煎米粉、蔥花蛋治烘底同埋煎餃子，頭兩樣應該係呢到既招牌菜，因為見到餐廳入面有唔少食客都係叫呢兩樣食物等左唔係好耐個蔥花蛋治就上枱啦，見到炒蛋夾雜住唔少既蔥花，視覺上非常吸引，咬落去個下塊麵包烘得非常香脆，濕潤既蛋汁令到成個麵包既口感唔會過乾，一層薄薄既牛油配合著蔥花既香味，不愧係呢間店舖其中一項人氣食物😋牛腩蝦條煎米粉都算係一個幾創新既食物(起碼暫時未係其他地方見過😂，米粉同蛋汁煎成一塊蛋餅，配埋微辣既蘿蔔炆牛腩同兩條炸蝦卷，建議要撈埋啲醬或者餸一齊食，因為個蛋餅本身無調味比較淡口，另外美中不足既係個蛋餅可以煎脆少少，咁樣夾埋啲炆淋左既牛筋同牛腩一齊食會更有口感🤔最後係個煎餃子，一碟有六隻大大隻既韮菜豬肉餃子，店家將啲餃子煎得脆口，而且餃子入面好多肉汁，加上香濃既韮菜味，重口味既朋友仔可以加埋伴碟既蒜茸同辣醬一齊食會更加香口，熱辣辣既餃子加埋凍冰冰既蒜茸感覺都幾得意每次都會透過以下6大方面評分(滿分:30分)味道 : 3.75 / 5 環境 : 2.5 / 5 外觀 : 3.25

«街坊食記 3 - 觀塘 - 海潮食堂»食店: 海潮食堂食品: 葱花蛋治烘底＋奶茶（$36）身邊人同朋友都知到我係葱精同芫茜精😬最近又看到面書推介呢間食店既名物🥪上星期終於因為睇醫生加無胃口（好食如我只一日食一餐🤦‍♀️） 決定去試一試個葱花蛋多士葱花新鮮又多 食落去好fresh 加落去厚厚既炒蛋更香更夾 最有❤️既係多士夾左厚既鮮牛油 令味道更豐富更有層次 多士亦夠脆 可惜係有點遍咸 （有可能因為我病既原故）個人認為有❤️有誠意！絶對可以一試！註1. 老板/伙計好有心 會問你份多士想切2份定3份 咁就唔怕太大件 食到好麻煩2. 海潮仲有幾款獨家名物 係其他茶記絕對食唔到 大家都可以試下

係觀塘搵食...要好吃...很難找! 和同事說看到有人推介穩世小店, 誰知大家都是說同一家, 那還好不用想午餐吃什麼!約下午1時40分左右到, 小店外沒招牌, 需要靠OPENRICE的照片才找到, 紅色磚易認!餐廳內環境比較狹窄, 枱與枱之間很貼近, 我們一行4人剛好有位, 看到約當家餐廳內的人客都是叫同一樣, 所以我們一樣牛腩蝦條煎米粉  X 4牛腩加了生蒜稍為有點辣, 牛腩很淋很入味, 但過咸, 吃後要喝回很多水 蝦條未覺突出, 蝦味不出, 口感不過不失煎米粉是最出色, 雙面煎2面都脆口, 內軟還有小小水份乾, 本身米粉沒味只有口感, 加了醬油味道不錯我們另外叫了炸燒賣, 味道沒什麼特別, 炸得有點乾. 吃起來有點熱氣 另外, 重點要說的是可樂溝咖啡, 本身抱住拉肚子的心態也想試試, 誰知道很好味也沒有拉肚子!呢個配搭很驚喜很難忘, 有再想喝的回味整體對女士說碟頭大, 一次不能試太多, 相對價錢尚算合理, 還有很多招牌菜, 下次會再光臨! 

去觀塘食嘢 梗係去工廠大廈搵好嘢食啦😋呢間工廠食堂 冇招牌攞裝修喺成業街一啲都唔出眾所以都有少少難搵🧐當然試吓係好好味嘅招牌菜啦🤓.牛腩蝦條煎米粉 ($45)米粉加蛋漿煎香😋好特別出邊真係未試過有呢款菜式脆脆地幾好食 平時都係炒米粉呢個新食法都幾特別配埋入味既牛腩同埋牛腩汁一齊撈 食到唔停口😋蝦卷都唔錯 不過多油咗少少.蔥油手撕雞菜飯 ($44)呢度出名菜飯 所以加＄3試吓蔥油自家製 超惹味有啲燒味店食落會口臭 但係呢個蔥油唔會手撕雞都好滑 雖然可能係雪藏雞但係其實咁滑都食唔出配埋菜飯一齊食幾好味😛🐷

好少去觀塘所以完全唔熟觀塘的路同餐廳，淨係知觀塘好多工廠大厦🏭 不過朋友話見到好多人推薦一間係觀塘既茶餐廳類小店，所以我地就一齊去試下啦。跟住Google map行都好易會miss左呀！門口好唔起眼好易行過龍😂因為完全無餐廳名係出面，係我地咁啱望入去見到個名先知原來已經到左，不過原來內有乾坤!!!地方唔大所以大家都要排排坐坐得好親密，食客似係附近返工人士多。我地點左牛腩蝦條煎米粉🧡唔好睇佢普普通通無咩特別，不過原來真係好好食架！牛腩好入味好淋，個汁好惹味，夾埋個煎米粉一齊食好正！好吃 好吃 好好吃～

觀塘區出名除左工業大厦多，另一樣好多既就一定係細細間既茶餐廳。而且好多都唔係果類連鎖店，所以其實認真去尋寶的話，真係會發現到好多水準好高的茶餐廳！今次試呢間位於成業街，地鐵站行過去都有段距離，重點係間舖名係超級唔顯眼，個門口勁細勁窄好易行過龍，不過望入去就會見到坐滿晒人，應該全部都係附近返工既office/工業大厦既人。因為我地本身已經食左lunch，所以就點左個網上好出名的魔鬼奶油多。原來係滿滿的美祿粉同砂糖，唔怪得佢會叫魔鬼奶油多啦，真係好魔鬼呀😈 雖然真係會越食越甜，不過甜得黎都幾有層次，可以一試。

今日過左觀塘，當然要黎朝聖一下，平時見咁多介紹，終於可以試吓，不過位置比較隱蔽，要花點時間先搵到凍檸茶普通茶餐廳味道蔥花蛋多士呢度既招牌菜之一，多士麵包烘到金黃色，蛋炒好嫩滑，加埋蔥花，香味更上一層樓。多士切成4小塊,方便用手食，咬一口，香蔥味濃郁，而且麵包蘇脆，配上嫩滑既炒蛋，滋味滿分。牛腩蝦條煎米粉米粉和蛋醬煎到金黃色，變成煎米餅，份量都幾大，食起上黎，幾香口但就冇咩味，要點上醬油食，或者淋點牛腩汁食，味道馬上豐富起上來。深啡色既蝦卷都算彈牙，味道一般。最後既牛腩做得幾出色，炆得夠晒入味，而且也夠腍，牛筋軟硬適中，羅白都一樣好腍，上面還加左蒜蓉辣椒粒，令食慾更加提升。