海港冰廳 (已結業)

香港 飲食文化名字 ～由茶餐廳轉變為懷舊～冰室！！ 深水埗呢間海港冰廳個名有啲古古怪怪其實 咪又係茶餐廳～中式西式咖啡奶茶～一般茶餐廳的食品都有，午餐重有其他撰擇， 餐牌之外， 日日不同～ 幫襯個午餐紅酒炆牛尾～ 睇落都幾靚仔 牛尾一舊舊 最少唔會骨肉分離，好多茶餐廳都會炆到 爛晒～ 賣相唔錯味道 都0K，炆得不錯，連D軟骨也食到，補補D骨膠原蛋白先 略欠少咗一啲香料嘅香味～可以有進步空間， 但呢個價錢$46可能係喺深水埗先食到呢啲咁嘅出品！！ 性價比都高嘅～有下次

今天行過深水埗見到海港冰廳，仲以為係海港酒樓，所以打算入去睇一睇！裏面真的是人山人海，之後一個人坐低了，他的湯真的很好味，雖然只是係例，但非常多料，我叫了一個蒸鯇魚，鯇魚非常之熱辣辣亦都非常之好味，豉油汁清甜又唔鹹，魚有鮮味，白飯非常之熱辣辣，令到我整個人都頓時好有滿足感！特別稱讚它的奶茶，茶香奶濃奶夠滑，就算落了一包糖都感覺到它的茶、奶及糖的配合得很適宜！價錢也不是太貴45蚊，總括來說下一次我必然會再去！

住左咁耐深水埗大大小小茶記都入過食過有隱世小店 有出名小店 排隊人龍店亦常在深水埗要聳立起名聲其實真的不容易難得有時間在閒日食下午茶不如去間新開業既試下 外觀其實係四平八穩 有安心感覺内部仍算乾淨整潔下午茶餐都很多選擇 價位都叫可以接受始絡深水埗太貴就會被隔離 然後很快再見黑松露芝士大雞脾 $38開頭見大雞脾 以為係比一般大的巴西或美國雞脾而且黑松露芝士都極之誘惑向店員查問 更表示雞脾係煎 並非油炸而且38蚊 相信都應該份量不少點不知等左成15分鐘有多 滿心期待既「大」雞脾上到枱真心嚇壞人 大大隻「碟」上面有隻雞脾仔 即係街巿20蚊3隻個啲 加塊卡夫車打芝士 一pat黑蚊蚊松露醬 咁就上枱 毫無誠意塊芝士 都未溶晒 我仲以為個pat 豆豉係咪擺晒左單 完全有個種唐伯虎點秋香「雄鷹展翅氣吞天下圖」個條比鷹擔住既蟲一樣 夾硬黎味道唔夾 用料又慳皮 面凍內熱 係油炸而非煎熟 雞脾細過我隻手 收到成40蚊真心無誠意 我寧願比20蚊食街舖雞脾 無咁谷氣服務沒有期望 但收銀阿姐電死面 嬲嬲豬樣沒有下次 祝君好運

這鋪位從前是"佳寶"-差不多可以講是全港九最有競爭力的凍肉商之一, 不過競爭力同質量成正比, 所以從來唔夠膽同佢買凍肉只買過罐頭! 舊年鋪位轉了做一間看似摩登一點的"冰室"-呢排時興嘅叫法, 但自稱做冰室的通常做料理的技術都比較一般, 今天來的這間是在一般以下吧!不過由於在大街又是路面鋪, 客人是進出不絕的, 叫咗個蒜香豬扒飯$43 跟餐湯同茶, 個汁係茄汁加蒜茸撈出來, 但如果係咁就可以交貨的話,大部份人屋企都有個大廚吧(阿媽/太座)? 豬扒只是一般唔難食嗰隻, 太座叫咗米線餐(莞茜皮蛋肉片米線) +炒蛋, 米]線湯底似係現成貨, 而叫莞茜皮蛋肉片已經係最穩陣的材料, 所以無問題, 而這店最大問題可能是"人" , 不是太年青就是沒有太多這方面的經驗, 壓力太大托住個盤橫衝直撞, 而收銀枱前面空間太少, 有個中年阿姐托住兩杯紅荳冰, 但杯冰東歪西倒之際,其中一個年青的同事大聲叫她注意的時候,佢一受驚果然兩杯冰應聲倒下,好彩座我們對面嘅友人B沒有中招, 只係佢旁邊張櫈濕咗, 當然佢地有俾大疊餐紙吸水, 但從這事上已經可以觀察到這裡的員工是何等生疏, 而出事那個依然黑住個面繼續運作, 作為

未曾見過啲茶餐廳咁垃圾，果D豬仔硬過石頭，招呼非常差，有個侍應非常冇耐性，我同個仔叫咗order，我話諗緊，佢個樣非常不滿意，我啲紅豆冰好似非常差，難以形容，我啲炒蛋又炒到一Pat野，薯仔沙律就無薯仔，以後都唔會再去。豬扒烏冬豬扒炸到黑蚊蚊，有時間大家可以去睇下，失敗之中嘅失敗，做開酒樓嘅海港，希望佢哋D高層，參考吓人哋啲茶餐廳點樣做法，咁樣做生意遲早執笠。

身為深水埗街坊嘅我，對本區的飲食文化同變遷最瞭如指掌 ，我喜歡在區內捐窿捐罅去搵食，而且深水埗出名美食之地。🤣🤣🤣🤣近排深水埗西九龍中心對開開了一間新的冰廳，叫做“海港冰廳”，原身是佳寶凍肉超市，丟空約大半年後才進行大概一個月的裝修，這家新的冰廳就誕生了😁😁。開業後每次經過都見到冰廳都人山人海座無虛席，所以都不想進入食肆怕等位太耐，唯有靜待比較少街坊幫襯時才進來試試。我細妹已試了，她說味道及份量還可以，剛巧我提早了起身，早上7時多就來到冰廳吃一個靚靚早餐。幸好早上沒太多街坊，但都差不多座滿8成， 早餐選擇都很多，我點了火腿野菌通粉，配煎蛋火腿薯餅。上餐也很快服務員電腦落單後1分鐘就有得食🤣🤣，味道都算中規中矩，街坊茶餐廳風味，價錢街坊價，早餐$32起。我杯熱檸檬茶都ok, 茶味夠但不算濃，檸檬都新鮮的。最令人滿意的是食品總類多選擇，睇下早餐可配多士，脆脆豬或薯餅已經令人感選擇很豐富，可試不同配搭，食多幾餐都試不完，哈哈😊😊😊

哩間新開茶記唔錯，早餐時候，一個套餐$29左右，再加多士炒蛋都係$32左右，而且好豐富，番茄牛肉通，加油多，炒蛋，午餐肉，加熱奶茶，個通份仲好好味，好大份，午餐肉一食就知道靓野，豬仔牌。厚厚一大塊。奶茶好濃，不過比較細杯。

食物難食到一個點，幾乎沒有食過就埋單走左🤮🤮🤮🤮🤮🤮🤮🤮🤮🤮。店員服務態度超差，當時不是很多客人，但對我們視而不見，以後絕對不會再去。😡😡😡

「現代冰室」傳承冰室的傳統，亦與茶餐廳類近:供應茶點，常餐，早餐，快餐，晚餐，粉麵飯……。「現代冰室」引入冰室元素，把茶餐廳現代化，更是把美食升級，令它餐廳化，中產化。今天到訪此新開張店舖，有新的體會，覺得懷舊風正退減。🤔如說它是復興了冰室，倒不如說它是改良了的茶餐廳。1❄明淨十分清潔和「企理」，空調強勁，淺棕色為主色。牆壁有紋理設計，雅淡，樸實。2❄懷舊「懷舊飲品」是復興了冰室的飲品，我點選了較有特色的「懷舊特餐」。餐牌上方列出茶餐廳式的常餐，下方有「時尚套餐」。🤔反映過去，現在，新潮三類食品俱全。懷舊特餐似金記出品，湯底夠味，份量很大，皮蛋，豬潤，瘦肉的質素普通。炒蛋當然不是頂級水準，嫩滑和蛋香程度都只值C級。加了蔥花幫助不大。價格比很多「現代冰室」「貼地」，大部份粉麵飯都是40多元。算是是時光倒流價。3❄精緻「現代冰室」不但引入冰室元素，把茶餐廳現代化，把美食升級，令它餐廳化，中產化。簡言之是食得潮，食得尖。「榴槤西多士」有新意，單點只賣28元。不是爆醬那種玩意，只是塗了少許榴槤，幸好西多夠厚，賣相靚。傳來陣陣榴槤香，頗特別。❄❄❄總結❄❄❄此「現代冰室」是為茶餐廳帶來革命，舊變