海南寶寶 (已結業)

第一次光顧，叫咗個細海南雞飯併喇沙$88，賣相令人反胃（如圖）。劣質喇沙湯底同麵條，味道同喇沙完全無關。原隻雞蛋唔熟亦唔新鮮，一啖咬落去成隻都係凍，然後一泡蛋水流出，非常嘔心，我唔敢再食。海南雞肉質還勉強可以，但係海南雞飯煲到爛晒。行出間鋪頭仍然覺得非常肚餓...雖然中環食lunch出名貴，但係$88仍然有其他更好選擇。食物質素如此劣質，完全唔明白點解仲可以開幾間分店?!?

平時返工咁悶, 午餐時間梗係要試新野.今日行過見到呢間海南寶寶, 覺得裝修光猛整潔, 所以決定試試佢.##############################睇睇餐牌, 最抵食應該就係呢款"迷你海南雞飯配檳城喇沙"海南雞飯份量足, 有4件雞, 雞件入口嫩滑, 高質.檳城喇沙睇落好紅實際食落唔辣, 略縑一般, 反而入面粒半熟蛋有驚喜, 蛋白嫩滑蛋黃流心蛋味濃, 高質.##############################整體感覺唔錯但88蚊呢個價錢略嫌貴左啲不過中環地段而且一個價錢兩種味道, 算係咁

好飽但係又想找個地方坐下，只有2枱3个客人，點了一份小食-桂花蜜炸雞翼及凍烏梅山渣茶。烏梅山渣茶要求去冰，店員去冰了但飲料上來像是被喝了一口，而茶飲温度也太低，不是適宜喝的温度。雞翼脆口，不會太咸，有桂花蜜味。看一看小食+飲品作價HKD20+28=HKD48下午茶来說是偏貴了。員工做多一步，人客不多情況下多提醒一句“咁樣山楂茶不算跟餐，冇咁抵wor”.客人會知道你关心佢，会有機會番轉頭。

第一次寫食評，覺得好難食，本食我對食都冇乜要求，但真係頂唔順。見到8個正評，冇負評，諗住實冇死，去試下啦。兩個人去，叫左一個正常海南雞飯$68, 一個迷你雞飯+迷你喇沙$88先講個正常海南雞飯先，份量同個迷你雞飯比，只係多幾件雞，細細粒嘅女仕只會勉強夠喉，係夠喉，唔係夠飽。到海南雞方面，雞完全冇雞味，仲淡過白切雞，醬汁普通。到個迷你雞飯，同正常海南雞飯一樣。至於喇沙，味道好一般，隻流心蛋仲要藥水味(可能變左)。冇下次。

想幫襯海南寶寶好耐， 終於有機會來吃個下午茶。 海南寶寶行茶餐廳路線，裝修光猛，感覺好新。 中環區用 $38 來食個飽肚、味道又唔錯的茶餐， 真心覺得抵食 。 好好彩有卡位，於是立刻坐落去， 點知感覺到濕濕地………心知不妙!  原來坐位上有幾滴水/湯 ，我一不小心坐了下去， 於是立即通知店員來清潔  ，而店員反感也夠快,  好快將坐位清潔好。自選茶餐由湯底開始選，我的組合是   熱奶茶 。 多士夠香脆微暖，夠熱將牛油即化，好味。但炒蛋嫩滑感不俗，但較多油。 清湯雞絲出前一丁麵，湯底果然夠清， 近乎無味， 出前一丁煮得有水準，保持彈牙口感， 以為出名吃海南雞， 所以食雞絲就一定無得輸， 點知雞味好淡亦較為鞋口。 奶茶夠熱有茶味， 有點澀口。 以整體而言，我還覺得這個茶餐水準和價錢是可以的，下次有機會試下海南雞飯。 

中環lunch時間間間餐廳都人生人海，好多時等位都佔左食飯時間一大部分相約左朋友嚟依到食飯，出奇地竟然唔使等位(其實心入面都驚會唔會係伏，竟然會唔使排隊🤔一早諗好左食咩，所以一嚟就可以落單🤓食物上得都幾快，10分鐘左右就有得食我就揀左海南雞喇沙($88)喇沙湯麵同海南雞麵既賣相都唔錯喇沙麵除左有麵之外，仲加左米粉，令口感更加豐富湯底濃郁惹味，仲有唔少配料：蛋、粟米、車厘茄、冬菇等等。每樣都充斥住喇沙味，好食最特別係隻蛋，係一隻溏心蛋，仲有陣頗濃既酒味咁海南雞會配有三款醬，醬料就比較普通，無乜特別😛雞就有一半係嫩滑，但有一半就比較"鞋"朋友既蝦湯麵($68)~有5隻size細細地既蝦，都尚算彈牙，但味道就一般，未有特別~最後嘢飲加$12有杯凍檸茶，都係普通既貨色總括嚟講，$100係中環lunch time唔使等位之下，食到一碗好味既喇沙湯麵，有埋嘢飲，仲可以一次滿足食海南雞同喇沙既願望，已經尚算唔錯有機會會再嚟食

岩岩轉黎港島區返工, 收工就約左同係港島返工既男朋友食晚飯,本來仲諗緊去邊食好, 行行下就見到海南寶寶,大家望一望餐牌都有興趣, 就卜台不如偶遇, 直入去食飯啦男朋友揀左海南雞飯拼龍蝦濃湯烏冬, 龍蝦濃湯真係好龍蝦味好濃, 我就覺得有啲咸, 男朋友就覺得岩岩好,海南雞都好滑, 仲有3隻醬配上.我就揀左海南雞喇沙, 估唔到呢度啲喇沙係正宗喇沙,係有麵同米粉, 配菜都好多, 豆卜, 蕃茄, 流心蛋,海南雞就另外附上, 配以3隻醬, 啲雞好滑,女仔黎講, 呢碗麵同雞既份量都好多, 我最終都食唔晒,好彩有男朋友幫我食埋去, 唔駛徙野

和朋友俩个人点了个“龙虾泡饭”和“迷你海南鸡饭拼槟城喇沙”，再来一杯冻薏米姜茶和热消脂山楂水！这两杯饮料光是听名字就知道很养生，姜茶味道很浓，但薏米便硬；龙虾泡饭那个汤特别鲜甜，那个肉很弹牙；鸡特别嫩，拆了骨的，吃之前先淋上那三个小调料碟，那个酱油据说是自家调制，不咸，饭一粒粒，淋上那个调料，好吃😋；槟城喇沙是粗面和细粉混在一起，说是新加坡的掺掺，熬了九个小时，汤味很浓，那个鸡蛋有酒味，俩个人份量刚好，不会吃撑，很满足的一顿，店员很贴心，下完单就给我们送来两副碗筷，知道我们是要一起吃着两道菜

在公司裏午餐，想不到吃什麼。知道公司同事出去吃「海南寶寶」，我未試過，知道蠻出名，順帶請他帶外賣回公司。這兒的海南雞，聽聞很出名，銷量很高，日賣幾多碗云云。第一次吃，感覺是雞真的得滑，無骨，夠方便。不過醬汁不太出色，ok的，但沒有特別。飯亦是普通貨色，吃不到特別。餐內奉上一碗例湯，普通例湯味道，ok啦！可能之前聽說好吃出名，現在有些感覺名不過其實，也就如此了。個餐$80，都算貴，算不上平靚正，如果$70才值。

我個大婆同小三，又問我今日食乜我提議嚟試呢間啦，有龍蝦，有海南雞我就食龍蝦烏東龍蝦靠得住因爲此店前身係龍蝦寶寶呀但係個烏東就⋯⋯好似浸咗好耐，淋到一啲彈牙感都冇架大婆同小三就食迷你海南雞飯拼龍蝦湯烏東。海南雞係好味但個雞油飯就麻麻地啫個烏東佢地都話唔彈牙

五月初的某星期六，因為那天要到中環上課 所以我就去了海南寶寶吃我的 early dinner 先說我不是什麼食家，只是單純的吃過就分享 海南雞飯我是非常喜歡吃的 喜歡的程度是如果到一家店是有海南雞飯的話 我就會點來吃 所以我是滿期待海南寶寶的海南雞飯唷 先看賣相，不錯的說，雞起得很薄身 不過以味道來說，和我的期望有點落差 但絕對不是不好吃，就是有一點失落感 總覺得味道是「爭咁啲」咁不過雞肉還是很滑，我全部吧他清光光 油飯不錯唷，我喜歡這個油飯有時會食到啲油飯覺得好似落左味精咁但呢個唔會所以我鐘意個油飯仲食晒添唷 這個湯我個人覺得不錯，還入了冬瓜，會減低雞湯的油膩感 最後我加點了這個薑汁甘草薏米水外賣走沒有加冰，雪凍了所以不會邊飲邊溶冰變淡這個推介配搭唷 整體黎講呢我覺得我當日食個碟雞係可能有啲失準所以，我諗如果有日去開個度我會再去試多次的但如果你都鐘意食海南雞飯都值得去試下唷

晚上去到三聯書店看書，看完之後，就在附近看看有沒有東西吃，來了這間海南寶寶。早聞其名，今次親身到來品嚐，所有東西都很對板。服務員招呼甚有禮貎，晚上不是很多人，看到她們都會主動在門口介紹，笑容甚為親切。入內坐下，她們馬上耐心解釋落單可以經電子板自己叫，又或者向她們落單也可以。現時甚為先進，打開了電子板，可以看到餐牌：餐廳甚為乾淨。我很貪心，又想試海南雞又想試喇沙，就叫了一個海南雞喇沙。醬汁來了，甚為對板，尤其是黑豉油，真的是黑漆漆。奶茶也甚為香滑。喇沙的味道甚濃，我最喜歡濃味，湯底很紥實。喇沙有麵以及米粉：蛋也對板：配料還有豆卜，我甚喜歡；豆卜可以索滿了湯汁一口咬下去，很滿足。海南雞碟另上，無骨，很香滑。這個價錢，這個環境，這個招呼，這個食物質素，無得輸。

昨天試完個名大於實既沾麵，今天再試試近日傳媒不停推銷既海南雞飯先。坐低冇耐，侍應已經遞上平板電腦，可以自己落order。$68海南雞飯，加$12有冷熱飲品。海南雞飯一早就到了，先試試個湯，清清地，冇乜味。心諗:死喇!會唔會好似尋日咁中伏。再試一啖飯，啖啖飯香。再來一口雞，噢~驚為天人。係我食過最正既海南雞。3種醬料，我一向都只用黑色果隻。味道濃郁，可以撈飯食。橙色既帶少少酸也不錯。最後薑蓉，多舊魚。食薑蓉我食白切雞啦，食你海南雞為乜？要彈既係我杯凍檸茶要到我食左一半先黎到。和隻碗唔岩咀型。中國人食飯喜歡拿起隻碗趴飯。佢地隻碗似日式果種飛碟型碗，食飯和飲湯都唔太方便。最後一樣，收得人$80，碗飯大小小啦。食完都唔太飽，叫我呢啲做苦力工既點樣回頭幫襯喎。