浜 (已結業)

尋晚同個friend去完,又唔係大家講得咁差雖然真係幾細碟~~有1d係幾難食,但有1d真係幾好味10蚊碟~~差不多la玉子釀雞翼~~超好味ar,so食左2碟七味雞軟骨~~正,味度好好xx天使面~~ok la,都幾大碟美式燒豬仔脾,正ar,好大隻,好香ar揚豆腐~~bad,不要叫ar芝士白汁焗年糕,d芝士好香,但d年糕無味,勁難食燒餃子,好細隻~~算吧三文魚炒飯~~好重三文魚味,正鹽燒魷魚鬚~~無味,超級難食看見隔離檯叫了拉面同秋刀魚,好吸引似的下次會試下2個人~~食了10碟野,加埋一先110~~10蚊可以咁~~藉得1去最少我覺得好過"和民""和民"真係又細碟又唔好味又貴la

入到去一坐低, 位又唔齊水又無, 叫待應比佢竟然比隔離個張桌飲完個瓶, 天呀!還差過大排檔.大家唔好以為$10碟好低, 其實份量少到嚇死人食物又難吃......白拖羅: 好像光光溶雪.清酒煮蜆﹕無酒味蜆肉梅手卷: 重慘~咬唔開架.我打死都唔去第二次,最奇怪門口還很多人等位??

好耐之前係雜誌見到有一間食日本野樣樣都係$10，剛好星期五經過咪去試下，咁我地ORDER左…番茄牛尾- 好好好多油茄子天婦羅- 一般因為揚物，都不需要講味道牛肉粒- 唔好食，D牛整得太硬雞軟骨蟹子飯- 超難食蟹子沙律- 蟹子可以數都出，你地話恐唔恐怖…冷簥麥面- 一夾落去就斷利害軟殼蟹卷- 又係一夾落去就散叉燒拉面- $10差唔多貨仔算數牛油雜菜- 等於食牛油佢樣樣都細碟到冇人有，因為唔夠飽係咁叫不斷係咁叫，不如食其他日本野好過，唔知係唔係D野平，D服務員都差D，全程除左帶位叫既人出過聲，之後入面D人一句野都冇講過，落ORDER唔出聲、埋單唔出聲、收錢之後更加唔出聲，我見到佢地之間係咁講笑喎依下先勁…我以後一定唔會去依間野食。

由踏入門口一刻接待員亞叔- 態度奇差, 佢話我地態度唔好, 你諗清楚先決定食唔食啦, 安排混亂, 最後擾攘一輪才可入座, 呢個亞叔傻傻地ga, 小心小心環境- 上手食市原有裝修, 執到唔執下待應生- 你坐低, 唔叫佢, 唔會比茶你飲點菜- 好耐好耐先會上菜, 仲會漏單, 記得check 單, 記得不停追單, 如果唔係, 仲有排等食物- $10 四小塊西蘭花, $10 兩薄片魚生, $10 翡翠螺剌生連腸上, $10 窩物暫定, $10 杯飲品要等半個鐘....仲有好多好多.....埋單- 四大一細(3女1男1細路) 埋單............. $600 大元連加一, 仲要唔飽

晌尖嘴做完運動，9點幾，唔知食乜好，報紙又介紹完，諗住去試試，點知就中招喇。雖然，$10碟o既期望都唔係咁高架喇。但係落到去有D煙霧迷漫o既感覺，仲要冇人帶位。企門口o個個已經radio o左地庫D同事話有兩個落緊o黎，點知落到去行到好入o下先有個侍應問幾多位。個環境感覺唔係咁舒服，張枱都幾細張，D碗碗碟碟都係自己清潔o下先用。講食乜喇:刺身----- 三文魚- 不過不失- 白拖羅- 似係牛油魚，口感唔係咁好- 赤貝- 師傅刀功勁呀，切到薄一薄，味道一般卷物----- 軟殼蟹卷- 唔熱，冇蟹味，一夾就散，幾油o下揚物----- 吉列生蠔- 唔熱，好油o下，D蠔唔太新鮮(好彩冇屙)一品料理--------- 金蒜牛柳粒- 梳打粉"拿"完都係唔夠"霖"，味道OK- 鴨胸釀鵝肝- 冷盤唔夠冷，預o左唔係真鵝肝，但係完全冇鵝肝味，口感麻麻- 清酒煮蜆- 叫做清水煮蜆會貼切D爐端燒------- 串燒牛柳- 同金蒜牛柳粒味道差唔多- 鹽燒雞翼- 不過不失- 黃金焗帆立貝- 即係用薯蓉焗，但係D薯蓉好粉，帆立貝好乾- 牛油炒什菌- 味道唔錯，不過太油膩飲品----- 荔枝梳打- 味道OK，不過好大

我媽咪見到報紙介紹講到呢間野好似好正咁, 又平又低食, 咁我咪book枱試下囉, 點知一試就後悔囉.book左7點半, 我都準時到既, 點知門口個男人同我講, "遲左少少, 本來無得比你架, 不過算啦, 比你入埋啦"咁講野喎...我使唔使多謝你呀?? 我早知係咁, 我寧願你唔比位我好過囉!一開頭點左幾様野, 情況如下:燒鰻魚: 我以為食緊普通寿司上面塊鰻魚咋, 陰公...鹽燒牛舌: 10元得三小塊...加上咬唔開荔枝梳打: 好難飲呀~~~軟殼蟹: feel唔到蟹羔或蟹肉, 只有麵粉後尾等左成半個鐘, 追佢個鰻魚飯, 點知佢過黎同我講話仲要等一排喎...咁我咪問佢有咩飯可以即刻黎架, 佢話三文魚炒飯, 好啦, 咁我咪轉囉..嘩..無味架好似食白飯咁囉。仲有佢d三文魚寿司, 真係好薄囉...想叫石守鍋, 又話咩鍋物都無..d野又黎得慢, 我之後都無再叫野喇...費事再受罪啦待應態度又差, 個個都好似岩岩訓醒咁, 叫叫下都食左成160蚊, 我寧願加返d錢食和民都無咁嬲..食慣比較好既日本野既人, 一定唔會like呢間野囉...好o徒錢呀!!!(如果可以比0分, 我係會全0呀!)

好似其他網友咁，都係睇咗個email介紹，就去試試咯~~$10一碟野，當然唔會祈望佢大大碟，但係份量少都唔該精致啲...最唔掂係啲侍應，我落咗一張order紙，要1個鰻魚炒飯，但佢居然嚟咗兩個，咁梗係叫佢收番啦，話俾佢聽嚟多咗，點知個侍應居然走去攞住兩張order紙番嚟，好凝重咁同我講﹕呢兩張order紙係我頭先企响呢啲收架喎....即時收埋咗嗰把火都燒起埋，同佢講我淨係寫過呢張咋喎...之後就好不情願咁攞走咗....莫講話我無點過2張，就算嚟到話唔要，侍應先生都應該無野講啦...食評﹕花之戀﹕由兩片三文魚及一舊飯組成，就好似將2粒壽司加埋一齊包咁...片魚仲有少少咬唔開添...清酒煮蜆﹕無酒味，應該叫鹽水煮蜆牛油雜菇﹕ok既，好香牛油味鰻魚炒飯﹕唔捨得攞鰻魚招呼人客，就不如唔好賣啦，鰻魚??喺邊度??生蠔﹕認真攞命，隻蠔瘦弱就預咗，淡到似水咁就真係驚肚痛咯清酒﹕都ok既，酒精味都好夠，飲開又純又靚既就唔好叫咯話就話10蚊碟，但食起上嚟都成80-100一位，但係啲野真係好差，去食韓國燒烤或bbq好過咯...

9 October 2006 (Mon) - 晚飯尋日check email見介紹呢度，又咁啱去開尖沙咀，決定一試，嘩．．．真係．．．．　食放題好過啦，食物都係咁上下，放題起碼唔怕點咗唔鍾意，又唔洗就住食．．．尋晚點咗：刺身- 翡翠螺，三文魚，白拖羅，魷魚，甜蝦，赤貝：樣樣都好的骰，尤其是赤貝，白拖羅太林，似唔新鮮多啲，魷魚OK，翡翠螺切都好碎，攪咩呀？卷物- 鰻魚卷，軟殼蟹卷：好一般，兩樣入面既料都好細少，爭啲搵唔到佢！壽司- 蟹籽沙律，花之戀：蟹籽沙律個樣好嚇人，我哋開頭都唔肯定係咪，但我又記得自己好似有剔，所以問多次個waiter，又真係黎喎，但係個樣好奇怪，係綠綠地色架，通常蟹籽沙律都係紅紅地色，總之真係好嚇人；個花之戀得嗰一舊仔，我都冇食到．．．不過都唔恨啦．．．天婦羅- 炸蝦，冬菇：天婦羅唔知點解漏晒單，我咪再叫過，因為唔夠飽，其實都唔想試，但又怕餓死．．．好熱，因為剛剛炸起，不過真係好細件啫．．．一品料理- 白汁焗西蘭花：嘩，細到呢，得嗰四舊．．．　咁又$10蚊．．．burp~~爐端燒- 日式炒什菜：因為我同友人一定要食菜，所以叫咗呢個同西蘭花，但真係好細碟．．．金菇烏冬

This is definitely a ridiculous resturant. I was been there last week. Before having the meal, we ordered some drinks which one was hot green tea. First taste, my thorat was being burnt as i thought some chemical substances were insides the cup ! Lucky , we were fine eventually, but i am now questioning the hygenics of that resturant.I am now writing a letter to food and hygiences dept to follow that case! I have no comment about the foods but not much good i think at all becuase i suffered alre

千其唔好信報紙介紹,好大出入,我試過啲嘢好唔新鮮,除非你剩係鍾意食中翼,因為燒中翼本身係雪藏嘢同埋係熟食比較穩妥.雖然話$10碟,啲嘢細到唔細,又唔新鮮又唔好食,我一個月前喺度食咗舊三文魚都驚生蟲驚到而家!

上星期收到e-mail有好介紹,見到十元碟好吸引,立即約朋友去試,book咗8點,而我朋友7:45已入座and order咗食物,到8:00我和兩個朋友到咗餐廳再加order,到8:20才有一樣嘢食,我哋已經很唔耐煩(狂追order),直到8:35都無嘢食,跟着我就問一個似大家姐的物體(因見她點人做嘢)可否食煙,她擰頭說唔好意思,咁都無所謂,但不夠五秒我見到對面抬有人食煙,我即刻問她點解,她問我响邊度,咁我指比佢睇,她睇完無出聲就走咗,我問我朋友咁即係點,大家都得個笑字,服務態度已經0分..到食物....十元一碟,聽到就好吸引,但份量就少得可憐,刺身十元兩片,精形通透(起碼貴出面兩倍)都不太新鮮翡翠螺....食完都唔知,又無咗十元花之戀....十元一舊,可能我哋筷技太差,四舊都一夾就散到煱物....十元一煱,味道普通無要求la,到壽司....啲飯很特別,唔識點形容(怪)鰻魚飯....啲鰻魚變咗汁,一粒都找不到(特別)整晚最抵食又最正常都算豬磓,十元兩舊大大舊到最後我哋叫埋單,佢又出返之前留單啲嘢(張order起碼45分鐘前落的)真吹漲總結...服務差,食物普通,價錢都唔平

之前睇雜誌介紹，$10碟好似好抵，今日去試試，但真係好差，都無侍應serve，係有好多侍應呀但無人會理你囉，咁都算啦，等下d食物黎，點知都係咁差，等左勁耐先拎黎但已經凍哂︰1. 鹽燒魷魚鬚- 好硬，都咬唔入2. 白拖羅- 勁細塊，無鮮味3. 翡翠螺- 不知所謂，除左覺得爽口就無咩味道4. 軟殼蟹卷- 得一隻軟殼蟹腳，居然用普通米做壽司飯，九唔撘八5. 炸蝦天婦羅- 勁厚炸粉，隻蝦仲幼過手指尾...6. 金蒜牛柳粒- 放入口好似幾得，但3秒後就覺得咸，5秒後好咸，10秒後激咸...7. 芝士白汁焗年糕- 唔知點解會有廁所味，得好少芝士粉，個白汁好稀，總之怪味...8. 牛油炒什菌- 好香牛油味，不過都係好咸...9. 合鴨鍋- 勁少料，超多沙，係鴨肉ok囉10. 清酒煮蜆- 漏左單喎，好彩無黎，都唔會好得去邊...真係好想問d廚師味覺係味有問題，唔係太淡就係太咸，無一個合格，最慘customer service完全唔得，總之我係唔會再去食野，費事受氣！

俾門口的亞叔坤入去話有位! 點知入到去原冇位, 企係度等左勁耐先有位, 仲要係搭檯個隻!有位但係冇人執檯, 9點入席19點先有得食! 個度根本就嚴重唔夠人, 攪到眼見d野黎左都未有得食! 要等佢拎黎! 試左好多樣, 有一半都係求其之作! 但係d炒飯同意粉係ok既! 份量係少, 但係10蚊一碟仲想點?千祈咪食佢d火鍋! 一拎黎, 我以為上手食淨既tim! d菜勁多沙, 同勁多雜草! 好明顯係冇洗過d菜! 同埋個湯底係超級多味精! 廚房last order都唔通知, 攪到想食埋個雪糕都唔得, 所以一蚊tips都冇比佢地!同埋呢度都係捉心理, 見平d人就黎食, 叫下叫下埋單都幾舊水了, 不值一試! 但我都會比ok佢既, 咁既價錢真係唔可以要求高...

好激氣...9月22日一行8人到此和朋友慶祝生日，一步入已覺得環境與網上介紹有所出入。食物方面更"的式"得離譜，不要以為$10碟好抵，質素普通至差，質量極少，例如$10碟三文魚壽司有兩件，三文魚薄至可以透光及不新鮮。最終我們草草吃了30碟頭盤仍然餓著肚子轉去沙爹王再食。總評語兩個字--極差。

之前睇雜誌sell得佢\好勁咁,諗住$10一碟,平啦,又以為好食,點知...完全失望而回...冷氣又唔夠,d野食又唔得,又細碟,最大問題係佢\地d customer service差到不得之了,完全係BAD service...一句講哂,唔會再有下次...亦都唔會叫人去食...垃圾...