浜 (已結業)

最先認識浜是看到壹傳媒食網中的介紹文章，一直都想試吓，一個星期一放工後不想回家吃飯，在火車中未到九龍便致友人在老尖等候一起晚膳，逛一輪後四處找吃輾轉走到亞士厘道，見到浜便決定進去試吓這間十蚊和食店的味道。這裹的食物有很多種類，有魚生、壽司、燒物、拉麵、串燒和煱物等等，另外有十蚊的啤酒、日本清酒和汽水等飲品。枱上也有很多張不同的點菜單，我跟朋友二人胡亂點了一些壽司、炸蝦天婦羅、叉燒拉麵、鹽燒鯖魚、雜菜關東餃子鍋、燒雞軟骨、串燒牛柳肉等多款食物及一樽清酒。食物質量沒前文所述那麼差劣，但並不十分出色，當然每碟的份量也不會很多，最值得推介的有叉燒拉麵、鹽燒鯖魚、清酒煑蜆，鍋物也不錯份量也足夠兩人一同分享，其他的串燒也可以，但有一個咖哩燒魔鬼魚不夠熱度，而且咖喱味掩蓋了魚味，壽司的質素只是一般，鋪面的魚生味道很淡，可能不太新鮮吧，看來這裹還是熱食較好！整體來說食品質量一般，以尖沙咀區及十蚊一款來說，不能要求太高，有些來道比較好但亦有些較差，像十蚊一個的明蘊火鍋也算抵食，相信小心挑選食物會改變你的印像，大家路過都不妨一試。

supershit food (tasteless, rotten)supershit hygiene (u'd find siu keung on ur chair all of a sudden)me n my fds kept shitting da whole day afta having lunch there, gonna report to da relevant department

朋友帶左我地黎e 間日本餐廳食晚飯﹐佢話好低wor﹐$10 蚊碟又真係既﹐但都有心理準備唔會嘩嘩聲架喇。細碟就預左﹐所以我地三人行就叫左12 樣野﹐包括各類sushi & 炸蝦天婦羅。$10 蚊兩件sushi 同出面價錢一樣﹐但quality 就差得多﹐唔低﹗炸蝦天婦羅就ok 啦。另外點左曼魚飯& 咖哩飯﹐完全唔得﹐咖哩飯仲型到得兩粒好細既薯仔﹐D 飯又硬﹐洗唔洗咁﹖同樣價錢出面食到一盒好得多既燒味飯啦﹗較為好食D & 食得過既係果D 鍋物同埋爐端燒﹕我地叫左燒牛利& 肥牛鍋所以咪俾佢$10蚊碟既利誘欺騙﹐其實唔低食﹐除非你諗住平平地一次過試運所有日本菜又唔介意quality 既話﹐都ok 既。

我前日同好朋友一行3人，佢地以每款$10來作招牌既日本料理店試吓啦！企係reception果個經理好好人，但係d待應就唔係咁醒目。我地叫左鹽燒秋刀魚︰唯一哩個值得推介，因為$10黎講有咁大條都算係咁，味道都ok，不過不失。豬扒焗意粉︰味道都ok，不過可能$10關係，份量都係好少。三文魚壽司兩客︰其中一客d三文魚ok，但係另一客好唔新鮮，我食食吓忍唔住吐左出黎>o<金菇肥牛鍋︰好普通不過以哩個價錢黎講食到都算係咁！炸雞軟骨︰味道一般，但係勝在夠掋食。蟹子沙律︰普普通通，唔算勁好食，蟹子夠多, ok!飲品︰巨峰梳打，味道唔錯，幾好飲，不過唔係滿晒既甜品︰特色泡芙，得2粒，size好似手指公咁大既，朱古力面，內面係雪糕餡，味道ok，不過唔掋總括黎講，如果平時諗唔到食咩可以去當平時普普通通一頓晚餐都ok。座得夠舒服，可以座好耐，唔會趕你走

夜晚出返尖沙咀，諗住搵食啦！點知好多食舖都關了！走到去亞士厘道，見到買哂廣告的$10一碟日本料理，諗住試下新野啦～～食物種類係好多，我地叫左以下的野：酒煮蜆：味道其實唔錯，但老公竟然覺得人地唔係用大蜆而作出挑剔＠＠咖哩魔鬼魚：有感咖哩完全蓋過魚味炸蝦天婦羅：個麵粉做得好差，一Ｄ都無鬆軟的天婦羅效果，而且無汁點星鰻壽司：最好的一樣，兩件壽司已用左成條鰻魚（老公竟然挑剔話鰻魚有雪味？哦！恕我無佢咁識食，我食唔出＠＠）蟹子沙律：青瓜切得完全無技巧可言生蠔：哈！不值一提，老公話又腥又唔連殼，仲要無汁，第二日仲肚疴＠＠哎，我都知老公一定煩我一日一夜架啦！我都係想試唔同新野啫．．．下次佢都係食ｍ記算了！

雖然見一直既評語都唔好..但友人話食過一次唔係好差..而且個價錢好吸引..全部都係$10..於是6個人o係早幾日去左試下... 一路行落去都覺得環境算唔錯...都算坐滿人...所以我地要坐入間房仔度..心諗可以自成一各..但果度又冇開到冷氣..而且d 侍應係唔會行入黎,次次落單都要行出去...叫佢地開冷氣d 態度都唔好...我地點左10 幾樣野食..因為會落多幾次單但d 野食越黎得多想再落單既意欲就越少..吉列生蠔唔預佢會比得多...但都唔好細粒到好似1蚊錢咁細粒..仲要得2粒..白汁芝士年糕..啖到冇味...只係食到面粉味..芝士真係少到得可憐而且係得燶味.幾個意粉都偏啖但係算最唔錯同最多份量的了..但意粉都偏硬...之後係鍋物..我地叫左幾個...可以話係雞粉湯煮緊幾條菜頭茱尾, 一粒豆腐同一粒冬菇...加3片肥牛3個鍋呢個竟然係最多野食...意粉沙律..d 意粉係硬的..好似未解涷又係冇味..只係格硬用沙律醬撈埋咁..牛柳粒..冇牛味..有鬆肉粉味..菠蘿炒飯..用雜豆炒埋d 飯放o係半個細菠蘿度..6個人都唔飽..但都唔想再order d 咩了..寧願出去再食過..$10 係好

游完水行經阿士厘道見到呢間"浜",個侍應話入面d野食唔錯, 試過好食就介紹朋友去食.既然佢咁講, 我同男朋友就走左入去食, 坐落先知道中計..雖然我地好肚餓,見有d唔對路, 我地唔敢叫太多, 6-7樣左右啦,上檯速度極快, 更見擔心,我地已經揀menu推介既野order.首先係清酒煮蜆, 望見個樣冇乜期貨望, 食落口更差, 完全冇味道.軟殼蟹手卷, d紫菜係"林"晒, 超市買既都好食好多BBQ豬肋骨, 尚算有d味, 都係唔好食關東煮鍋, 算係咁多樣之中, 好少少, 基本上係雜菜煲, d湯又鹹燒尤魚鬚, 真係千其唔好食, 又少,又凍,又硬不特止, 仲要好難咀嚼,差到極綠茶冷麵, 我男朋友食左話好唔得囉我地食晒d野即刻想離開呢個地方, 真係食同坐得好唔舒服, 雖然話碟碟$10, 期望唔應高得去邊,但食物質素咁冇誠意, 點樣想顧客返轉頭幫襯?我就一定唔會囉.呢間野我會俾1分, 係俾外面個侍應既, 因為佢把口可以令咁多人中計,多得佢唔少.

行開見到原來就係早前介紹既$10過千尺食日本野個到...記得雜誌寫過話幾好咁咪唸住試下..結果...叫左其實都不少野食,好快上曬天婦羅南瓜佢一上我同男朋友都呆呆地, 因為一d都唔似天婦羅,佢只係用d粉係咁依炸下就上碟而且得3小塊, 人地天婦羅係炸但食落感覺唔油,但佢油到爆雞翼餃子(咖哩味)賣相似返d樣,但一食....咸到不得之了!!!!食左一啖吐返出黎壽司數件三文魚顏色已經話比我知唔新鮮, 而且飯又實米又硬!!!!鰻魚, 同樣失望去到呢到我地已經對將會上既食物不抱希望...三文魚菠菜飯一碗勁細, 見到既時候真係問左出口"咩黎架?"個d三文魚唔知係邊, 白色一堆汁咁?! 見到都唔開胃,食落味道勁怪燒多春魚3條, 我想是我12碟中最正常的一樣, 但是對食物無要求而言的正常,可以放入口其他既我都唔想再講, 都係咁上下...真係食友既對食物無要求既就去啦, 但都不見得係抵食, 係..$10唔應該有高要求但最低限度都要似一樣食物

4/18/20077:30PM請各位勸告身邊朋友, 千萬不要到此店!!不要貪平! 一定後悔~ Bf同我講, 亞士里道有一間日本餐廳, 所有食物都係$10. 於是走去睇睇.去到門口, 一個男經理同我地介紹, 話:”d野好正架! 可以試下, 比d comment, 介紹朋友黎食啦~ “見四周貼左d 報紙介紹, 佢好似好有信心, 就入左去.入到去先發現, 原來我之前黎過, 前身唔係食日本野, 但裝修就無變. 人唔太多, 都奇怪喇, $10 咁平, 好既話都排晒隊食啦….打開menu, 好似好多野食, 但點了幾樣野而已. 不到10分鐘就上齊.叉燒烏冬: 份量好少, 食兩碗都唔夠! D湯9成似出前一丁d味精,都算! 但d烏冬味道好怪, 好難食, 仲衰過$10/3包d即食烏冬! 我同bf食左幾條都放棄! 無謂難為我個胃!!鯛魚魚生: 四個字, 不知所謂. 唔新鮮, 魚物身, 啞色, 食入口都唔知食左d咩咁. 唔似係魚. 懷疑食完會唔會肚痛~三文魚手卷: 有4件. 好似一早整定咁, 好涷, 又硬, 死實實一舊野. 唔掂!芝士焗西蘭花: 得一碗西湯咁大既size, 4舊左右, 用白汁焗, 加左dddd

之前睇報紙介紹過，咁岩今日路過就試下...行落樓梯已經開始覺得冇冷氣+焗，落到去見成間舖冇乜人(大約六點)，可能咁所以唔開點左八碟燒三文魚頭: 味道一般肥牛鍋:三小片肥牛+菜+一粒鮮冬菇，個湯底勁味精味，最危險係佢個火，因為個鍋細，d 火燒到出黎，差d 燒左落點菜紙(二人檯好細)三文魚壽司: 魚唔新鮮特長鰻魚壽司x2:一碟一件，真係幾長，味道似百佳買返黎果d 即食鰻魚蒜香牛肉粒: 幾冧，似係落左好多鬆肉粉燒豬脾骨:一般，枝骨得好少肉叉燒烏冬:唔掂，烏冬都未熟，有一片日式魚蛋，兩片薄到似打邊爐薄肉片o既叉燒計埋加一$88，冇限坐幾耐，或者自己一個人唔知去邊度食飯時先會再黎

我其實都第2次去食架喇~見第一次同親戚食都唔差~咪帶男朋友去食tea囉~星期六下午3點幾去到都只係得2-3有人食~d侍應仲要係咁跟住d歌黎大大聲咁唱=_=好難受囉...我地叫左9樣野食~食完一d都唔飽啦~咁都算啦~我地返到屋企一齊【肚痛】呀~真係有錢都唔會再去食第3次呀~

星期五晚已食了晚餐,但22:00經過時又想試吓點抵法.食吓食吓居然食咗10碟了.1.吉列生蠔~~ (一碟兩隻)2.金蒜牛柳粒~~ 都OK.3.紅酒薯仔煮牛尾~~ 凍冰冰,一粒薯仔都無.一碟得三粒仔牛尾,仲要有好多汁包住舊肉咁.都唔知食到D o麥.4.鴨胸釀鵝肝~~ 超咸,見到都唔想佷,一喋四片.5.蒜泥焗青口~~ 一碟三隻,唔好味.6.黃金焗帆立貝~~ 全場最唔抵係呢碟,得一隻咋,好細的7.關東餃子鍋~~ 兩舊餃子,其他是菜.8.雪花牛肉鍋~~ 三片肥牛囉,其他是菜.9.'差'燒烏冬10.鹽燒三文魚頭~~ 應該最抵係呢碟掛...

今次其實已經係第二次去，當然依度唔可以話好好食，但$10一碟，佢已經做到$10的質素，同埋我貪依度地方大，坐得舒服d，又唔駛急住走，出街食飯不單只買"食物"，仲要買"環境"0架嘛~~今次食0左：玉子釀雞翼- 我0既至愛，真係好食!；清酒煮蜆- 可惜無乜酒味；雜菜鍋- $10都有得玩火鍋喎~ ；海膽壽司/三文魚壽司/北寄貝壽司/海螺壽司- 一般啦~~；芝士焗年糕- d年糕似上海年糕多d~~；牛油多士盒- 新款菜式，多d煉奶，好好味! ；肥牛金菇卷- ok0架~ 紫番薯粥- 都ok0架! ...順帶一提，上次食過：咖喱飯- 咖喱汁好味，不過只有兩三粒著仔~~；蕃薯天婦羅/海蝦天婦羅- 趁熱食好味~ ；日式炒雜菜- 唔夠熱(所以今次只食雜菜鍋)~

我係個學生..錢唔太多..所以覺得..$10 碟..當ｄinnｅr 都幾抵食*=]所以睇左咁多食評評佢唔好..都o係聖誕夜去試下*其實都唔係話太差* 十蚊碟..要求都唔可以太高嗎^^兩個人食左十樣野+ 一杯檸茶*雪花牛肉火ｗo:: 幾好食*但得３塊牛肉少左d..三文魚壽司:: 幾好ｗo*都切得幾厚幾好肉*三文魚刺身:: 厚度同個壽司差唔多..炸蝦天婦羅:: 岩岩炸起就上碟*好新鮮..但太多粉..鴨胸釀鵝肝:: 呢個ｄ味真係唔錯*試下=]蒲燒饅魚壽司:: 最最最抵食係呢個!!!*條饅魚好長!!!睇圖都知~~!!!!秋刀魚:: 呢個都唔錯*加左檸檬汁好好食*焗豬扒意粉:: 呢個好好食!!*岩岩焗起好新鮮*白汁雞皇意粉:: 都唔錯..芝士好香*咖喱飯:: 咁多樣..最唔好係呢樣..千祈唔好叫呢樣!!!總括黎講*其實十蚊碟都算唔錯架*=]係細碟左ｄ*都建議大家試下*其實o係尖咀..食ｄinner 都真係好貴..所以十蚊碟呢間當ｄinner 食..真係好抵=]*

昨晚同gf 去左浜, 見佢$10蚊料理咪凡去下lor. d野份量少同唔係咁好食我係預左, 咪比多d $$lor, 點知今次真係貼錢買難受!!!先坐低左, d位唔窄, 唸住都ok,點知旁邊張枱d人剛走左,我見到個樓面掃左d野落地下, 我唸點解咁似大牌檔ge?全場最好食就係個雞翼, 但個虾天婦羅點解炸完上枱係濕ge?濕到好似浸過水咁lor.樓面d人好young, 都幾有生氣啦, 點知可能係太有活力關係,執蝶放蝶都好大力, 我個杯,鼓油蝶,自己個餐蝶都是崩的. 來食物的蝶多過一半都是崩的.餐廳內播住歌係好正常, 我都好鍾意, 但d樓面好心唔好跟住唱啦!重要大聲到d客似為有顛佬係度lor.最受氣的事要聽佢地d 有味對話, 笑佢個女同事,我肯定大半個場的客都聽到lor.好似受難咁.第一次上openrice 打感想就係咁....真係對不起, 但真係好想比人知道lor!!