浜 (已結業)

此間"打開門口做生意"的舖頭只可用一個字形容, 就係"爛", 食物質素超"爛", 服務質素超"爛", 而價錢與食物質素完全不符, 簡直是可說句"光顧此店,真係時運低"!我在12月27日因為影聖誕燈飾太晚才到此店光顧, 點了以下食物及有以下評語:1) 北寄貝壽司/ 赤貝壽司(壽司飯勁酸,又係微暖, 海鮮唔新鮮)2) 蒜香牛肉(牛肉味可以, 但肉質比較硬)3) 天婦羅炸蝦(如果只食炸粉, 去此食店應該合你口味)4) 三文魚手卷/ 軟穀蟹手卷(紫菜超淋好難咬開)5) 三文魚刺身(都係個句"唔新鮮", 每客有2片)6) 清酒煮蜆(好似用清水煮蜆仔, 蜆穀多, 蜆仔肉真係一對手數到)7) 燒青花魚件(簡直係要等半小時先有得食, 佢似煎多過燒, 因為勁油, 適合咀唇爆裂人事)總之一句, 如有人重想光顧, 真係要"停一停, 諗一諗"啦!

本不太想低毀其他食客沒有要求，但能夠接受此店出品的質素的食客，未免對食物及其花費沒有判斷力了。每間食店的食品味道當然未必啱所有客人的要求，但質素應該是可以分辦得到的。這間店我很久之前食過，真係不提由自可，一提就把幾火，完全係等『水魚』游埋黎，完全係零誠意做食物，完全當食物係圾垃咁比食客食，一D都唔專重客人同食物，依間嘢可算是我至今食過最差最差的食店。

回到家上來才見到47個喊面實在後悔事前沒有訂位吃飯搞到平安夜3個女仔在尖沙咀行來行去最後貪便宜走進這間店此刻感到極氣憤食物總類多我們ORDER了20樣全部都細細碟的1. 三文魚手卷+ 軟殼蟹手卷(圖)- 三文魚碎- 軟殼蟹骷髏骨手指飯很碎- 什麼醬也沒有青瓜絲5條- 1分(紫菜叫做脆啦=.=")2. 芝士忌廉焗年糕(圖)- 極難食貌似忌廉湯- 上海年糕- 0分3. 炒野菜(圖)- 比較穩陣的菜色- 少許辣OK吃得下的- 7分(其實如果這道菜也FAIL真是沒話可說)4. 牛油炒什菌(圖)- 牛油味重- 幾好食(其實是因為菰好吃吧....)- 7分5. 牛油煉奶格格厚多士(圖)- 不夠熱- REMIND ME OF N年前流金歲月!- 面層頗脆OK吧- 6分6. 加州卷4件(圖)- 冇味- 0分7. 唔知乜乜浜千色卷(圖)- 一小粒鰻魚+一小粒三文魚皮(沒錯!)+蛋+生菜- 好難食- 0分8. 天婦羅南瓜+ 天婦羅X魚(圖)- 南瓜很熱- 叫做有南瓜的甜- 吃不出X魚的存在只是在吃粉- 4分(FOR南瓜)9. 鰻魚飯(圖)- 超超超迷你- 沒有任何醬汁10. 餃子鍋+ 野菜豆腐鍋- 好難

星期6去食,真係好難食~~~d 海膽sushi超唔掂,完全唔知係咩,一d 都唔似海膽,個肥牛窩拎黎時只見d 菜,仲以為送漏左,夾夾下至見到有""兩片""肥牛鰠 窩底,即時o咀!!牛仔骨一份只有1片,咁就10蚊.樣樣10蚊好似好抵,但一d 都唔抵.仲好把鬼tim~~

之前去過幾次都ok, 上2個禮拜再去, 水準大跌, 不可接受!1. 環境(Environment)：地庫冷氣不夠, 燈暗(可能搏你睇唔到食左咩)2. 味道(Taste)：差了很多. 雖說波羅炒飯只是10蚊, 但又凍又生叫人點食！3. 服務(Service)：坐低問waiter攞茶, 竟然話冇茶提供! 之前食過都有la, 宜家改左, 分明"焗"人飲佢10蚊杯既特飲!4. 抵食(Price)：塊"牛仔骨"真係細到爆, 可以改名做"牛BB骨". 炸雞軟骨...真正雞軟骨不夠10粒, 其他都係炸粉碎. 個厚多士又唔夠奶又唔夠醬, 10蚊我好似食緊剩麵包!5. 乾淨(Cleanliness)：no comment6. 總體上：7個人食左幾碟已經覺得唔可以接受, total 食左$140 (是次每人消費20蚊), 唔係因為佢平, 而係我地食左15min就走左! 之後去左打邊爐, 勁嬲!

午市不想等位，便到了浜，先前兩次食物尚可入口，第三次去，想不到自討苦吃。這間餐廳是收加一的，可是今次沒有人倒茶。算了。先前點三道菜送飲品，現在點飲品加$10，沒有明文標示，也算了。我點了鰻魚飯、炸帶子和牛柳粒。炸帶子理所當然是雪藏貨，牛柳粒過咸，肉質0鞋口。最最恐怖:鰻魚飯!想撈勻燒汁，將鰻魚反轉，表面上看，它是一條鰻魚，實際上，它是一舊炭!焦炭!我自恃接受力高咬了一口，下面的飯乾成一團團，我極有理由懷疑是隔夜飯。$44買個經驗，就算是一分錢負分貨。不是做給正常人吃的，是做給吳剛師父吃的。

全部都是十元一碟．只是十元．當然不可要求太多啦．．選擇都好多．．

好難得在九龍塘與老婆一齊放工，所以兩人就相約到尖咀晚餐。原本兩人無打算吃這間鋪頭，但經過見到$10一碟好似幾抵，又覺得幾得意，所以就入去試下。落到去餐廳，見到環境都吾錯，但只有兩圍人食緊，D侍應就行行企企，圍在一起交談。坐低後，就叫野食，打開餐牌，見到選擇都算多，就叫左幾個餐牌推薦的菜式。其中一個系肥牛雜菌煲。菜上得非常快！！10個菜轉眼就上曬，但可憐的是每個菜都好細，轉眼又食完曬。講真，D野味道真系好普通，個綠茶冷面仲系我食過最難食的。因為要等個肥牛煲滾，所以就最後先食。但當我們吃完兩片肥牛（只有兩片）後，翻一翻D金菇，竟然見到一隻中型的曱甴，嚇到我們大叫，隨即叫個侍應埋來……之後他換左個新既比我地，食完後即刻走人啦！！這麼不愉快的經歷，相信以後都吾會再去啦！大家去都要三思！！

食物不是那麽差，可以接受。十蚊碟，唔覺唔覺會叫好多。幾個人連啤酒，每人埋單都要百幾蚊。餐廳冷氣有時唔多夠，坐下坐下，會幾熱。

跟人來吃晚飯，叫了不少食物和啤酒。因爲每樣都是$10，唔覺意會叫了很多。。。。食物不是那麽差，幾個朋友來喝喝啤酒，談談天，還是可取的選擇。

今天又和朋友來食晚餐,因為佢話好耐無黎過食..叫左秋刀魚,多春魚,燒雞翼,雲吞鍋,餃子雞翼,饅魚飯,焗豬扒意粉,魚頭千祈唔好叫雲吞鍋,d雲吞勁難食..同埋去到時問有冇水/茶,點知個侍應話依度無架,跟住我話'下,上個禮拜黎都有架',佢話搵左第二個侍應黎,第二個侍應一黎到就瞪大隻眼問咩事,好似我黎搞事咁,我問'我只係想問有冇水者',佢話'今日個熱水爐壞左',跟住就以9秒9速度走左,我心諗'壞左咁點煮野食呀你地?'其實如果你話唔好意思呀,依家無水/茶供應,有冇興趣試下d飲品我條氣都順d...真係荒謬...@@..搞到都無咩心機食野lu

放工同朋友慶祝生日去左依度食晚飯,叫左秋刀魚<=都幾抵,但d內臟全部無洗度,要小心d食三文魚頭<=好細個,無乜肉燒雞翼x2 <-退步左,之前食好味d蜆肉鍋<-無乜點食,因為比我個friend食晒肋骨<-都ok牛肉粒<-幾好味饅魚飯...<-幾大塊饅魚

以前返工返TST，同事話有間10蚊日本店..我都知道10蚊唔係好野黎架喇..邊有咁好樣樣10蚊丫，都知道一定少少地咁俾你食..我記得話要叫夠30蚊(3樣野)，杯野飲先可以+2蚊就有..唔係就10蚊杯..咁個LUNCH點都要叫到32蚊，仲要加1..D野食就真係麻麻..叫左一碗拉麵同一碗烏冬唔可以填飽我個肚仔..我叫左青口，其實10蚊有3隻，係唔錯架喇..唔係幾新鮮，梅梅地咁囉..算啦..真係想點丫..野飲又唔係話好飲..好難頂..係喇，D烏冬同拉麵既湯底，好似人地出前一丁果隻豬骨濃湯味既湯底..好呃人囉，一食就知係味精水..= =講真，對呢間店既感覺真係麻麻..我碗拉麵同匙羹都有條毛囉..想嘔..= =唉，算啦...我以後都唔去呢間野食囉..咁恐怖!!

都認同其他人講，質素唔係特別出色，不過貪過癮既，可以試哂自己想食既野, 因為10元一碟, 個份量唔大，可以一次叫6-7碟咁上下...叫左個硯鍋(呢個好食)，鏝魚飯，秋刀魚, 燒雞翼(我冇食), 三文魚頭(我冇食), 燒牛柳粒(呢個好食)，ribs(呢個都好, 不過有d油)，最後悔叫左杯阿華田咖啡(唔係唔好飲, 不過都係10元, 有d白痴)...生日飯, 朋友請, 食得異常滿意

都認同其他人講，質素唔係特別出色，不過貪過癮既，可以試哂自己想食既野, 因為10元一碟, 個份量唔大，可以一次叫6-7碟咁上下...叫左個硯鍋(呢個好食)，鏝魚飯，秋刀魚, 燒雞翼(我冇食), 三文魚頭(我冇食), 燒牛柳粒(呢個好食)，ribs(呢個都好, 不過有d油)，最後悔叫左杯阿華田咖啡(唔係唔好飲, 不過都係10元, 有d白痴)...生日飯, 朋友請, 食得異常滿意