活水和風食堂

營業中

休息中

由海員免檢疫同慶回歸群組等引發嘅第三波疫情開始緩和，戲院終於重開，可以帶住口罩去鬆一鬆😌 既然嚟到長沙灣，無理由唔會一會附近嘅高質餐廳😛照燒雞扒 $62>攞嚟時雞扒個燒烤味勁香>雞扒燒得出色，樣靚，味香，皮脆，肉滑，不過雞味就略淡>白飯飯量ok，有飯味，軟硬適中，但食到尾比較多汁，攪到偏鹹>麵豉湯同配菜好味>成大半年無食，仲保持高水準==================推介指數 🌕🌕🌕🌖🌑天婦羅盛盒 $78>靚仔，吸引>天婦羅熱辣辣，天婦羅漿出色，薄薄一層脆卜卜，虎蝦肉質新鮮結實，南瓜味甜而濃，青椒矮瓜新鮮，唯獨少少油扣點分>白飯飯量ok，有飯味，軟硬適中>麵豉湯同配菜好味>等得比較耐，成20分鐘先有==================推介指數 🌕🌕🌕🌖🌑上次食都應成大半年前，咁耐無食，無論服務、環境、食物等都保持高水準🥰 仲要下午2-3有85折，真抵食🤩 期待下次再嚟👅💦

第二次來午餐，餐廳仍然企理乾淨，坐得很舒適。本身我不特別喜好炸物，今天因為想吃海鮮類食品，選了天婦羅手打烏冬定食。等了約10分鐘便上菜，店員細心講解如何放芝麻和七味粉。一吃更是驚喜！大蝦兩隻，是鮮味的海蝦，炸粉鬆脆，質素非常高，好吃很連蝦尾也不想浪費；野菜有蕃薯、冬菇、茄子，都炸得夠透，內裡軟糯綿綿；所有炸物一點也不油膩，配上湯底清澈的手打烏冬，真是一頓豐盛的午餐。但若拉麵定食能附帶前菜便更好了。經此一試，真令我對天婦羅午餐改觀了，回味回味。

午市定食好多選擇，主要係食丼飯、鍋物同烏冬，定食有前菜、沙律同麵豉湯，記得下午茶時段係有折架，環境幾舒服整潔，可以慢慢坐，所以成日都會黎呢到~~~~滑蛋鰻魚飯 $78 鰻魚啖啖肉，半熟既滑蛋加上香甜既醬汁同索晒汁既洋蔥，呢個配搭正正常常，幾抵食~~~月見豚肉丼 $78 睇落都唔錯~~月見牛肉丼 $78 厚切牛肉牛味濃郁，煮得夠入味，牛肉上面仲有生蛋黄，不果如果有多啲牛肉汁就更好~~~吉列鹿兒島黑毛豬 $128 厚切既黑毛豬好食，炸得香脆唔油膩，有一兩件會比較鞋肉，配埋個醬汁食好開胃~~

疫情期間，午餐叫咗活水外賣，叫咗天婦羅烏冬，我將佢兩隻蝦轉哂全蔬菜，感覺健康啲，其中一樣轉成金菇，另一樣轉做青椒，其實本身我唔食青椒，但呢間嘅青椒我會食，因為真係幾好味！

夜晚係隔離MCL睇完戲已經9點幾，超級肚餓！呢條街都有不少餐廳仲營業中，見呢間依然燈火通明無人排，就決定入去食得，店員表示抹埋張枱就入得去坐😍未幾，一行三人家庭入內，店員竟然探埋熱打算叫佢地坐先😡好彩男友表示我地先後次序後有得坐番🙈我都明四人枱比兩個人係唔抵🙈但係係我地到先又應承左呀嘛👉🏻👈🏻Anyways好彩野食質素都好😍條氣gur番哂💨-定食Menu🍱包有前菜、沙津🥗、主食同味僧湯🍲-前菜：-味咐螺肉🐚，質地比較黏身、醬汁比較多、都有5-6粒-沙律：-生菜🥬、粟米🌽、蕃茄仔🍅再淋上醋、酸酸地幾開胃-味增湯：-味道正常，配料有豆腐、海帶、蔥🍲-滑蛋豬扒$68🐷🥚-❌❌不推薦不推薦不推薦❌❌滑蛋相當老兼且過熟😂就咁睇圖都睇得到個蛋好係老🎅🏻，而豬扒個粉都幾厚，基本上我係咬走哂個層炸粉先食。估唔到少少汁都無，食落成碗飯好乾。。。月見牛肉丼（配生蛋黃）$68🌕🐂-⭕️⭕️推介高質⭕️⭕️督爆個蛋黃後好流汁，再撈埋整碗飯感覺juicy，個牛味道拿捏得好，甜甜地又好香，有啲似壽喜燒個味😆最為不足係個洋葱🧅真係有啲多，就黎一比一咁制，整體超好送飯🍚另外加$7叫左罐裝道地蜂蜜綠茶🍵

之前未試過黎長沙灣食野，因為有事要到呢頭食野，上網見呢間係黃店就想試下。大約點半到店面，無諗已接近lunch hour尾聲入面都仲係咁多人，但係Ｄ人都食得七七八八，所以都係等左５到１０分鐘就入得。打開個餐單，發現佢都幾多款野食可以選擇，主要都係定食同烏冬，我同朋友一人叫一個定食。見到個餐送到黎，就覺得都幾抵食，佢除左個主菜，仲有中華沙律同味噌湯，加埋都係六七十蚊，ＣＰ值高。我叫左個滑蛋鰻魚定食（每日限定數量），蛋同鰻魚好滑，而且份量唔少，再上多汁（應該後加鰻魚汁），所以Ｄ飯好入味，不知不覺會食好多。朋友叫左個鹽燒鯖魚定食，好唔好味唔知（佢覺得好食），但係上菜果下好香。如果有機會再黎呢頭，一定會再食。

喺荔枝角，長沙灣呢區嚟講 算係高CP既和食店味道價格都ok 裝修座位都舒服而且都多人食 去左2次都要等一陣先有位第一次食安格斯牛肉鍋 好有驚喜！牛肉好好味 個鍋都足料 （有5-6片牛肉，2-3舊大既軟豆腐，一粒冬菇，有啲金菇同其他菇，菜）不過叫呢個就要等耐啲 差唔多15-20分鐘同事們叫既野食到齊晒 有啲人食到一半 我個鍋先嚟 第二次食月見牛肉飯 味道都ok 佢用日本蛋 ，有唔少爽嘅洋蔥 牛肉係普通啲 如果佢轉用埋安格斯牛肉就好啦～ 價錢貴啲都會食！ 同埋午市冇加一

🥢長沙灣CP值高抵食好食日本料理🥢從來都好鐘意食日本野，由其係牛肉鍋仲有天婦羅，今日就捐窿捐罅，去到長沙灣新戲院附近成條街都車房中的日本野食🥢入到去覺得裝修光猛有，而半間位置是卡座感覺舒適，門口放了很多文宣可以自取，而坐低後店員說現在是不用加一兼有九折優惠，夠曬抵食🥢Set B $298 ,折後$268🥢煙鴨胸沙律煙鴨胸肉質軟淋有肉汁，不死咸而帶有煙薰香氣🥢汁燒帶子燒得較乾身，醬汁味道濃厚🥢安格斯牛肉鍋這個重點推介，因為安格斯牛肉軟滑有牛肉香，底部放了菠菜大白菜豆腐流心蛋，仲有大大一隻冬菇，通通都吸收曬湯底的精華，甜甜的很好味🥢海老天婦羅炸得非常鬆軟可口，蝦很爽口有彈性而且夠蝦味，絕對是高級天婦羅級數🥢跟白飯，麵豉湯🥢日式甜品係煙韌抹茶蕨餅，煙韌蕨餅上充滿綠茶粉，感覺唔錯🥢罐裝飲品x2🥢折完每人先$134 有咁好的質素真心抵食，而且除左套餐仲可以散叫不同款式的日本丼飯，除了有文宣黃店要去懲罰一下之外，menu 上印了聖經金句，如果是教友的話去食更加親切活水和風食堂 

食咗屋企飯、屋企早餐接近大半年，外出用餐傾向揀啲自己煮唔到，或者時間有限懶整，又或者整得唔夠人地好食嘅野，吉列豬扒係其中一樣～月初連假雖然好多人都去咗行山、郊外之類，我地都係外出食個lunch就買餸番屋企。隨手搵到長沙灣呢間日本料理，即管試試。感覺似家庭式經營，主要係食丼、鍋物、烏冬等熟食。午市定食28款，天婦羅啊/豬扒/雞扒/鰻魚/鯖魚都有，附白飯、前菜、沙律、味噌湯，定價$62-128，合理價錢。滑蛋鰻魚定食 $78吉列極上鹿兒島黑毛豬定食 $128明太子雞翼 +$20前菜沙律、味噌湯都係普通野。滑蛋鰻魚飯賣相唔錯，份量不少，鰻魚ok肉質軟腍，但如果鐘意烤得香口𠴱種，我諗要點蒲燒鰻魚(?)吉列豬扒似模似樣，上菜前店員送上醬汁、芝麻~豬扒大塊厚身，已經切開，份量方面男士相信都足夠外層炸更脆身，雖然唔係酥脆，至少咬落唔會皮肉分離可惜有幾件肉質偏老，口感丁點柴咬到脂肪嘅部分會軟啲。醬汁酸尾尾，伴碟嘅椰菜絲幼而爽，我當日係收貨了。雞翼正常發揮~好耐好耐冇食吉列豬扒，香港比較好食嘅大多數係集團式。呢間可以，尚有空間進步

人流都幾多，雖然唔算近地鐵站，不過都keep住有入話曬都係黃店，一定要多多支持啦！午餐選擇亦很多，而且唔洗加一而店內的座位都是卡位，因此都坐得㡬舒服～🌙月見豚肉丼 $78同事話味道都不錯，但整體味道都算偏淡🌙滑蛋鰻魚飯$78鰻魚飯不錯，不過略嫌個飯嘅味道偏淡，但價錢嚟講日本菜+鰻魚飯嚟講都算好抵有沙律配都不錯，加上有麵豉湯，成個餐都幾有飽足感，女仔嚟講成個飯食完都仲有少少剩午餐嚟講都幾值得食，下次會再幫襯！

又去掃黃掃到黎長沙灣，搵到間平價日本餐廳，地點比較近長沙灣戲院都幾就腳。一入面口已經好多文宣同Postcard老闆娘仲好熱情咁話有興趣可以拎幾張返去架😎😎 老闆娘好好客架，不妨傾下計交流下，服務認真一流👍 野食方面選擇都幾多，定食，炸物，串燒，拉麵，鍋物都有，實有岩你心水😉一黎到老闆娘誠意推介，我地就叫左個日式豆乳雞鍋，成個餐有哂前茶，味噌湯，沙律，都幾抵食。雞鍋湯汁係奶白色，入口非常滑，雞味都好濃，加上金針菇，娃娃菜同豆腐等等非常足料😋😋另外我地仲叫左個滑蛋鰻魚飯，蛋係岩岩半熟非常嫩滑，加埋爆香左幾洋蔥配上蒲燒鰻魚，味道都上中，幾抵食😁😁不過最有驚喜嘅係炸芝士年糕，年糕炸到外脆內軟，一咬落去半溶嘅芝士仲要爆哂出黎，真係幾唔錯😍😍總括黎講野食中上，服務一流，價錢抵食，仲要係良心小店，大家多d黎支持下啦🥰🥰🥰P.S：早前去仲做緊晚市9折，午市85折，外賣全日9折安心食☺️❗️更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/

提早一日食母親節飯臨時臨急話要食，好彩卜到位！呢間野幾個月前同朋友食過一次，覺得唔錯，今次帶屋企人再黎。吉列極上鹿兒島黑毛豬$128店員擺底芝麻同醬汁，食之前要玩磨芝麻for陣間用既！好豐富既樣子，個豬絕對唔差，只係我係日本食過太好食既同會比下去....但呢度係香港，唔好咁高要求...滑蛋鰻魚飯$78天婦羅手打烏冬$82天婦羅拉麵$82安格斯牛肉手打烏冬$72炒雜菜$48胡麻豆腐沙律$48以上既食物味道全部都ok，但有進步既空間！總括黎講：以價錢同質素黎講係中上水平！

放工食飯，未食過喱間諗住試下，差唔多8點都仲要等位睇嚟好受歡迎。間舖主打靚牛肉，可惜最近有d皮膚敏感唔食得諗住頹頹地食個照燒雞排定食食飽就算，點知有驚喜照燒雞排定食 $62，做緊9折優惠，折實$55，抵沙律，麵鼓湯正正常常啦，湯係海帶豆腐湯，唔會太鹹，飲晒唔會見到好多味粉。平時泡菜食日本嘢比較少見到泡菜，但係原來都幾夾架，少少辣好開胃。重點係雞排，外皮好脆，咬落去真係卜卜聲，好明顯係啱啱整好，裡面d肉唔會太乾，又唔會鞋口，咁嘅價錢，性價比真係好高

係荔枝角做完嘢都8點幾，周圍好夠地方都唔開，行下行下來到長沙灣，揾到間都幾多選擇嘅日本餐廳.由於疫情關係，入面嘅卡位與卡位之間都痴左啲好高嘅版，感覺有啲似個人包廂😂再望望個menu，原來唔只散嗌，仲有套餐，二人餐都有4款，多嘢揀之外仲全單9折添😍.晚餐D$298🍽4個二人餐大致上都一樣，有煙鴨胸沙律，安格斯牛肉鍋，味噌湯，白飯，日式甜品，唔同嘅地方在於每個餐嘅兩個小食都唔同，有帶子，芝麻雞翼...小金就揀左隻鰻魚同雞翼於一身嘅D餐🙈.蒲燒原條鰻魚🐟雖然食落可以再燒耐少少兼有少少骨，但塊塊都份量十足架😏.明太子雞翼🐥食落充滿住濃濃嘅明太子味，微辣😋.安格斯牛肉鍋🥩甜甜嘅壽喜燒湯底，加上滲透曬湯汁嘅蔬菜，配埋唔太薄身嘅牛肉同隻比湯浸到半熟嘅蛋，豐富得來仲好有細個同屋企人去屋企附近間日本嘢食二人套餐嘅感覺(小金吃的是童年回憶🤤).煙鴨胸沙律🥗鴨胸食落啖啖肉，口感上好有滿足感😚沙律醬汁唔少，幾開胃.日式甜品：厥餅🍬配上黃豆粉嘅厥餅，除左煙韌之外，最大嘅感覺係痴牙，箍左牙都係唔敢食咁多🤣.鹽燒牛舌$28/1串🧂小金每逢見到餐廳有牛舌都會好期待，但呢個真心都幾硬，啲牙唔係好頂得順😅味道就還可.天婦

今日同朋友喺長沙灣戲院睇戲，睇戲前去咗附近搵食，搵到依間日式食堂試試-芝麻雞翼$42其實我好鍾意食雞翼😛😛咩味都鍾意❤️依到d雞翼都炸到好香脆可口🥰-鰻魚炒飯$80幾欣賞！通常出邊食我諗得幾舊鰻魚，但呢度食極都仲有🙈🙈仲有加左洋蔥🧅紅蘿蔔🥕蔥花雞蛋🥚青椒，同埋佢用左珍珠米，更似日本食堂‼️全部野加埋食落覺得又豐富又健康💚-咖喱豬扒飯定食🍛$78有配一人份量海帶&沙律🥗&麵豉湯。咖哩係日式咖喱，食落去d豬扒有少少硬唔夠鬆脆，但飯份量超多！好岩男士們食👍🏼