活水和風食堂

營業中

休息中

今個星期開始喺荔枝角返新工，最開心莫過於每日午餐可以探索新餐廳 😋。今日就試咗呢間主打日式定食的小店，感覺非常唔錯！我12:50pm到達，等咗5分鐘左右，老闆即刻安排我坐窗口吧枱 ，位置舒適又有自然光，坐低嗰刻已經覺得心情好咗一半。佢見我猶豫，主動推介燒黃花魚定食 🐟。我一開始仲擔心會唔會有鯖魚嗰種腥味，老闆信心十足話「唔會！」結果真係冇令我失望… 魚肉鮮甜，不太多骨，燒得剛剛好，皮脆肉嫩，完全係一種驚喜 ✨。好彩我早一步到餐廳，當我坐低之後，1:05pm左右就見到有十幾人喺門外排隊 🚶‍♂️🚶‍♀️，人氣真係唔少！買單嘅時候，我同老闆講話黃花魚好好食，多謝佢推介 🙏。佢好自豪地話整個區只有佢有燒黃花魚！仲叫我得閒多啲去幫襯 😄。$76 燒黃花魚定食配前菜、沙律、味噌湯及白飯 ，真係幾抵！📝 總結：如果你喺附近返工或者經過，不妨一試佢哋嘅黃花魚定食。唔止食物有水準，老闆親切又識因應唔同客人推介唔同菜式，令人感受到一份溫度 ❤️

本來想試隔籬沖繩料理，但朋友話試過，最後揀咗【活水和風食堂】。呢區日式餐廳選擇唔算多，見到有期間限定天婦羅冷稻庭烏冬，就試吓啦😆！🍤期間限定天婦羅冷稻庭烏冬（$82）沙律配日式芝麻醬🥗，味道普通。天婦羅拼盤有炸軟殼蟹🦀、炸大蝦🦐、炸南瓜🎃、炸蟹柳🦀，炸漿唔會太厚，保持到酥脆口感，亦唔會油膩。軟殼蟹正常發揮，大蝦雖然唔算彈牙但勝在有蝦味，南瓜炸完依然甜糯，蟹柳就中規中矩。稻庭烏冬🍜彈牙煙韌，冷食特別爽滑，配天婦羅醬汁味道更豐富。喺呢區嚟講，呢間日式餐廳水準正常，天婦羅炸得唔過火，價錢合理💰，如果想食個簡單又穩陣嘅日式定食，都可以考慮😌！

行過路過 長沙灣-福華街 見到這間名叫「活水和風食堂的餐廳」，即時想起 聖若望福音 所記載 有關「活水」的聖經章節 ....「誰若喝了我賜與他的水，他將永遠不渴；並且我賜給他的水，將在他內成為湧到永生的水泉。」(若 4:14)相信開這間餐廳的老闆，都必定是基督徒，於是入去幫襯看過究竟，當然也要醫肚； 正如所料，餐廳都有很多聖經金句的掛飾和擺設，就肯定知道老闆是 基督新教的 弟兄姊妹，一定支持啦 ~我點的是 銀鱈魚西京燒定食 ~銀鱈魚西京燒定食 (前菜、味噌湯、沙律、主食、米飯) : 銀鱈魚冇骨又夠厚肉，燒得夠火喉夠香口，味道鹹香且惹味 , 魚皮烤得夠脆 , 魚肉又有肉汁又嫩滑，而且又不失甜麵豉醬的味，還有Q韌彈牙的米飯，真樂透 ~本篇完 ~

一早去長沙灣戲院睇武替度，就是新舊經驗的融合，是得與捨的無奈。戲院附近就有一間有日式小店，佈置簡單舒服，每嗰位置也有足夠空間，放著輕音樂令人疲憊得以舒緩。想食鰻魚定食，又想食滑蛋豬扒飯，又想食日式叉燒烏冬。。。終於選擇了安格斯牛肉鍋配前菜，沙律，味噌湯及飯。最開心有一隻蛋可以撈飯，真係可以食多兩碗飯。前菜螺肉及沙律令人開胃醒神，味噌湯足料除海帶外仲有紅蘿蔔同白蘿蔔，令口感更豐富。鍋就不用說，安格斯牛肉真心有牛肉味，亦易咬開，唔少件數，蔬菜類就以我最愛的豆腐要推介。

見到好多食評都讚～咁去完睇戲即刻黎試一試佢！厚厚既餐牌有好多選擇～而且價錢好抵～好親民！唔怪得咁多客人用餐！ 雖然用餐當日好多人，好好彩我哋唔使等就可以即刻入座🥰餐廳環境好舒服～有光猛有好多靚靚嘅基督徒裝置擺設，仲有少少詩歌嘅背景音樂🎵店員都好friendly，笑容滿面😁叫咗一碗照燒雞扒手打烏冬烏冬大大碗～又彈牙，口感啱啱好～成個用餐體驗都好舒服同朋友可以慢慢坐低傾偈 完全冇俾人催你食或者趕住交枱嘅感覺👍P.S. 好重要：餐具/枱面都好乾淨 感覺良好！下次再嚟睇戲都會嚟返呢間餐廳度食😋真實付費支持～做得好就要讚～同埋要支持小商家！

由基督徒老闆開設的日本餐館🇯🇵店內佈滿基督教的裝飾以及擺設🙏也有很多聖經金句及播放著柔和的聖詩🎼很有神同在的感覺😇先點這裡的招牌菜🥩採用日本鹿兒島黑毛豬的里肌肉🐷是日本列為高級別的豚肉🏅特色是肉質纖細柔嫩，脂肪清甜不膩😋加上自家制醬汁混合即磨白芝麻🧂份外惹味，味道層次大大提升😙由北海道進口的蟹柳，啖啖鮮甜🦀配上煙韌彈牙的日本烏冬🍜再加入鮮味高湯，清香中帶著濃濃鮮蟹味🤩大蝦天婦羅爽口彈性🍤秘製粉漿以多種麵粉混合而成♻️炸得金黃香脆，口感Juicy💦帆立貝大大粒，非常厚身🦪以日本燒汁調味，味道鮮甜軟嫩😃黃花魚於烤爐上烤至焦香🔥是居酒屋其中一樣必點佳餚🐟入口甘香鮮甜，油脂十足🫶更含有豐富蛋白質😍

長沙灣MCL睇戲平，二次睇九龍城寨，所以又喺附近搵食！打開餐牌，勁多選擇，價錢唔貴！選了一個泡菜豚肉鍋定食，配有沙律，麵豉湯&飯。份量多，豚肉厚薄適中，易於送飯，而且味道唔錯，如果泡菜份量多d更好另外叫咗燒黃花魚一夜干，原來都係定食，配有沙灣，湯&飯，特價只係$72咋，魚質地口感正常，夠大條，整體滿意！叫嘅時候唔知道係定食餐，仲叫咗一個甘栗紫薯餅，配有粒粒喺餅內，完全係我鍾意食嗰隻，但忘記了影相！本身每個餐都唔貴，仲要免加一服務費，服務態度都好好，下次睇戲時會再試其他款食物！希望多d 去試，在港消費💪

去荔枝角搵朋友，朋友介紹食呢間日本菜。去到個門面，都幾靚，同對面車房勁大對比餐牌都幾多選擇，聽朋友介紹試左吉列豬扒烏冬，勁大塊，又十分脆，以呢個價錢黎講勁抵食烏冬大大碗，彈牙，湯底就清。朋友叫左便當，佢話便當會定期更換，每次都有驚喜我見佢份便當都好豐富，味道方面朋友就話好食，不過我無親口食就廢事係度評論了另外我地叫左份小食，炸薯餅，又係即叫即炸十分脆口，薯餅中間流流地心，食落又脆又軟咁，味道都好好總括而言呢間餐廳真係幾抵食，可以再黎多次

餐廳環境舒適，佈置簡約而溫馨。入門時睇到隔籬有一啲基督教嘅宣傳單張。餐廳亦都係播一啲詩歌輕音樂。服務員熱情迎接，幾好人我叫左一份月見豚肉丼，$70，都幾大份仲有隻生雞蛋，味道都OK。但係啲飯應該唔係用珍珠米，除咗呢個飯仲會有埋沙律，螺，同埋麵豉湯我男朋友叫左滑蛋豬扒餐，佢變咗個豬扒好食我覺得個豬扒唔係好脆，但係都有落足料嘅店家衛生狀況ok,桌面乾淨整潔，餐具&杯都睇落好新，重點就係佢係冇+1服務費最後就係，我冇收到任何餐廳邀請，係我自己付費去食，沒有任何宣傳成份

早幾晚約左兩位朋友仔，一行三人來到長沙灣食晚飯，上網搵到呢間日本餐廳，價錢親民，所以就決定去試下。店舖唔算好大，但坐落都唔算太逼。上網睇過其他reviews，好多人都推介牛肉鍋同埋吉列豬扒，所以我哋決定叫一個2人餐，入面有齊呢兩款食物，再另外加啲小食。呢到嘅店員好nice，會主動同我地介紹食物，成餐飯亦會主動走來走去幫食客加水執枱，完全唔洗特登舉手叫人來。~~~~~~~~~~~~食物介紹~~~~~~~~~~~~🤩精選二人餐(HKD 298) 以下為套餐內包括嘅食物:🐂安格斯牛肉鍋牛肉鍋內嘅牛肉份量十分多，牛肉食落新鮮，湯底偏甜配飯食一流，食客可以根據自己口味另外加上芝麻同七味粉。🐗吉列極上鹿兒島黑毛豬我哋最期待就係呢個吉列黑毛豬，上菜前店員先送上一碗芝麻同炸豬排醬，客人可以根據自己喜愛嘅口味同口感去磨碎啲芝麻，再倒上炸豬排醬一齊攪拌，然後用來沾一陣嘅豬扒。到主角吉列黑毛豬，size唔細，咬落十分之脆口，但外層嘅炸粉唔會太多，豬肉唔會炸到好乾身。呢個絕對係今晚嘅VIP🐓鹽燒雞翼相比套餐內前兩份食物，燒雞翼就比較遜色，雞翼有啲乾，食落味道上較淡。~另外仲有煙鴨胸沙律，白飯，味噌湯，日式甜品

今日去咗長沙灣食呢間街坊日式餐廳價錢親民兼份量夠大🧡⇢🍱 照燒雞扒定食 $68定食包咗麵豉湯、螺肉同埋沙律🥗雞扒好大塊 肉質幾嫩滑照燒汁俾得好足 好入味啲汁撈埋飯食真係一流🍚⇢呢間勝在價錢夠親民 份量又大相信男仔都夠飽💛

今次就係晏晝同另外一個朋友過咗嚟呢邊食飯，咁係食飯時間都見到一啲人喺出面等緊位，咁入面懷疑係老細嘅男人就同我哋講好快就會有位，咁入面就分開咗兩個人嘅位同埋四個人嘅卡位，咁大概等咗15分鐘之後就入咗去，咁坐低嘅時候個老細就會同我哋介紹今日有啲咩特別嘅套餐，同埋佢哋招牌嘅極上吉列鹿兒島黑毛豬扒飯。咁我同個朋友就叫咗呢樣試吓，咁好快就有個姐姐上咗一碗芝麻，同埋一支木棍，咁就俾我哋用黎磨啲芝麻，我之後就到個醬汁落去個芝麻度，最尾就用塊豬扒點落去。大概等咗15至20分鐘，一塊超大嘅豬扒就係我哋面前出現，佢已經幫我哋切好咗，而每舊其實望落去都幾厚。如果要批評下嘅話就應該係佢豬扒肥嘅部份都幾多，而且雖然望落去係好厚，但我嗰塊都只不過係個脆漿厚啲，而唔係塊豬扒真係咁厚🤔而且個價錢都比佢餐廳嘅其他食物貴，如果你係好鍾意食厚豬扒嘅話你都可以試吓嘅🤣

走進呢間和風食堂，食到既日式咖哩豬排定食，真係岩晒茶飯無間！豬排嘅外皮炸得脆口，入面既肉雖然略為乾身，但都算夠嫩，沾上咖哩汁食，話唔上頂級但都算滿足日常味蕾。再講講佢個月見極上牛丼呢，實在打正食己啦！飯面鋪滿牛肉，再加上一隻嫩滑既生蛋黃🥚，攪拌之後嗰個口感，滑溜得o地～真係流口水咯！同桌仔嘅中華沙律都出奇地令我回味無窮，啱啱好嘅酸甜調味，解膩又開胃！呢度既食物份量都幾大方，差不多食到撐，飲品就要另外計，咁樣睇落都仲算抵食。餐廳擺設簡單整潔，啲竹藝裝飾添咗幾分和風氣氛。固然間地方有啲逼，不過望望那拉開式既桌板，真係巧妙過人，得個讚👍！而家呢邊越整越熱鬧，熱鬧過火鍋加麻辣燙🔥，吸引街坊街鄰。總體黎講，如果剛好行過呢度，又諗唔到吃咩好，不妨試吓呢間食堂，其實有幾款都算係出色既美食等緊你架！🍛🍜🌟

去完深水埗做運動，求其搵咗間食肆食lunch，呢度11:30就已經開咗門，有好多lunch set 選擇，價錢都大衆化，最緊要坐得舒服，服務又唔錯。🥢日式炸雞烏冬 $75 ⭐️⭐️無南蠻炸雞唯有叫炸雞，炸漿唔厚，咬落外脆內軟，不過我覺得佢無雞嘅口感，口感過份諗，而讚岐烏冬煙靭好味。🥢吉列極上鹿兒島黑毛豬 $128 ⭐️⭐️⭐️呢個餐一啲都唔馬虎，同吉列豬專門店做法一樣，白芝麻要自己磨碎加醬，而豬扒厚切味濃，不過略嫌太瘦口感唔夠豐富，如果係豬柳就perfect。🥢日式唐揚炸魷魚 $39 ⭐️⭐️⭐️⭐️⭐️炸魷魚佢真係no.1，由炸漿夠薄脆，到魷魚夠軟諗，大大隻份量又多，完全係味覺享受，感覺好新鮮，真係好食過所有酒樓同小食店。二人共消費：$242

因為近運動場，而且地方夠大、坐得舒服，差不多每次跑步後都同跑友來到此吃飯。餐牌以定食為主，有足夠三人份量的二人餐，亦有小食，任君選擇。誠意推介：2人餐Set C有入口滑溜的#西京燒，再配炸得剛剛好的#吉列廣島蠔 ，非常惹味。仲有壽喜燒牛肉鍋/泡菜豚肉鍋，二選一。我喜歡壽喜燒，有不少蔬菜的微甜味，用湯撈飯剛剛好。還包括：鴨胸沙律、餐前小食（螺肉/中華沙律）麵豉湯，飲品、甜品，2個女仔一定食唔晒～#月見豚肉丼定食也很抵食～薄切豚肉軟滑，加埋生蛋黃更惹味。#照燒雞扒定食這個我每次必點！雞扒燒得皮脆肉嫩，加點照燒汁，很惹味。香港夜繽紛，各位跑友去完深水埗運動場可以捧吓場，支持小店💛📍#活水和風食堂地址: 長沙灣福華街571號曉悅地下3號舖電話: 23181318