洪記粥品 (新都城中心) (已結業)

如題，個人好討厭食薑但又仲意食粥，所以次次都會叫走薑。但呢間餐廳次次張單有落走薑但都無走到，究竟想點？？？請餐廳好好檢討，一係同我講無得走薑，我就直接唔幫襯，一係就同我走薑！！！！！

#小秘書 嘅 #舊患 #網球肘 似乎又發作，記起上次痛到連毛巾都縷唔到先去醫，見完 #中醫、又見 #西醫... 最終搞咗好耐先醫返好👉🏻👈🏻 呢日特登請咗半日假，去搵Dr Lee寫封referral letter我去睇 #物理治療。一般做 #治療 之前我都要食啲嘢先，咁啱比我喺 #地鐵站 對面搵到 #粥店 #洪記粥品，簡簡單單就啱哂喇👍🏻 #洪記 嘅 #餐廳裝修 都算 #乾淨企理。餐牌好簡單，無分任何時段，不過價錢非常貼地，#艇仔粥 加 #炒麵 都只係$35，而且艇仔粥嘅配料都唔少，其中我最愛嘅 #水魷魚 更係賣大包，炒麵我鍾意落好多 #甜醬，務求啖啖都食到炒麵同甜醬🤤 今時今日呢類型嘅 #粥店 已經買少見少，而且都算有質素。等我下次嚟試埋佢嘅 #腸粉 同 #白粥 先😉

態度差 態度差 態度差 態度差 態度差 態度差 態度差 態度差 態度差 態度差 態度差 態度差 態度差 態度差 態度差 態度差你叫外賣佢係想打你咁， 唔單止係我， 我買完企埋一二邊等， 啲人叫外賣佢同樣既態度， 點解俾錢仲要受氣！ 香港係咪咁對自己人！ 仲要間野我知係咩料！ 唔好再俾錢受氣 唔值得俾錢佢賺！！！！！！啲外賣歪黎歪斜 根本亂黎 同埋佢係想掉落地下 多過想俾你， 佢俾其他人都係咁！真心唔會有第二幫襯！。 間野擺明唔憂做 野食已經唔係話好好食！

平時喺新蒲崗食開好多街坊粥店、返到將軍澳又想食所以就外賣左呢間洪記！因為佢新開未試過而且對面嗰間靠得住實在太貴。➡️外賣左兩款粥、滑牛粥同埋菜乾豬骨粥。滑牛粥冇乜味但牛肉都唔鞋，起碼好過寶琳街市生滾粥但一樣冇乜味、菜乾豬骨粥好似好足料但係又係淡茂茂 ⋯ 一大舊豬骨好貼切粥名但真係冇肉哈哈！➡️蔥花炸丙好靚而且醬料齊全、但極速9秒9返到屋企食都唔脆，不過外賣冇得話人。牛肉腸都麻麻、唔知點解越食越掛住海皇粥店！起碼有間粥店喺寶林萬一將來病到死死下都可以食下、橫掂食乜都唔會有味。

其實都幫襯過好多次 :）其實開張無耐 ，一直都想試.........咁有次同事放飛機就獨自一條友食宵夜 又唔知食咩好， 咁就試下幫襯喇點知腸粉有驚喜wo試左叉燒腸同埋蔥花炸兩 腸粉熱辣辣又唔多點hea 底， 算係好誠意咁炸兩仲係脆卜卜 ， 再加埋甜醬 ， 花生醬 ， 芝麻再食， 簡直係正正 咁身為蔥控人既我又真係好滿足個蔥量之後有一次就試埋外賣我覺得好細心， 全部唔會因為外賣而hea做又超多蔥， 俾齊醬料包 ， 食完個身都暖笠笠呀粥都ok wo

係寶琳呢類型嘅粥店真係等咗好耐！油炸鬼次次買到熱辣辣，炸兩，艇仔粥都好好食，好足料。平時放假早餐，收工宵夜都成日幫襯，店員又好好禮貌！值得欣賞，買少見少嘅粥店。

第一次嬲到要比劣評！極度懷疑尼間野搞到我地一行二人痾到7彩！！！星期日晚，一入去叫左兩碗粥同其他小食，點知有一碗職員聽錯，落錯左單，但死口唔認，話係我朋友講錯，咁我地廢事同佢嗌，就話算啦...可唔可以換。咁佢就話換比我地（但一路行一路同佢同事講，佢冇聽錯，係我地講錯.....等等）之後佢拎碗粥黎嘅時候，變得好好態度，仲話比多左啲料我地。但我朋友見到碗粥啲色好黃，覺得怪怪地，但我就估係因為黃沙豬膶粥，黃黃地都應該正常嘅，同埋廢事再搵個啲職員，諗住快啲食完走就算。但星期一7點幾起身就即刻痾左一次，諗住普通痾下姐，點知10點幾好肚痛又痾過，5點幾又痾，連個胃都痛埋。開始覺得唔對路，已經痾到水了，即刻去睇醫生，醫生話我個肚個啲仲咕緊（類似絞緊）🤦🏻‍♀️再問一問我朋友，原來佢都痾左成日，痾到腳軟，未見過佢個樣咁難受😵因為當日我地都冇食其他咩特別野，所以先好懷疑碗粥有野！食完第二日痾到死，睇完醫生食左藥，都仲痾緊！個肚同胃仲咕哩咕嚕緊！😡未試過出街食野會痾到咁😡就算有時食錯野，都係肚痛痾一次，痾完就冇事！真係好奇怪，個啊姐開始仲死都唔認，話番我地轉頭，但轉頭就變到勁好態度話幫我地換！🧐希望大家小心

其實我幾喜歡食傳統粥店的粥品，好開心寶林開了一間新店，就同老婆去試吓。不知是否因為疫情關係，顧客不多，連服務員也不多，我們自己找到座位後，也要等一陣才能找到服務員，舉手示意他過來收拾枱面，但是他看到我舉手即時擰轉頭當看不見我，再隔一陣才能再找另一位服務員過來收拾枱面。點了以下食品：艇仔粥-足料，但不夠熱，唔知係咪啲料本身好凍，所以放咗粥底後成碗粥就無咗咁熱呢。魚片粥-比艇仔粥熱，料都足。炒麵-本身係唔錯，算係夠乾身，唔會太油，但成碟都係凍既，如果熱啲，或起碼暖啲，會好好多。豬潤腸粉-微暖，豬潤份量多啲會好啲。油炸鬼-好味，夠脆，亦唔會好油。煎堆-凍既，又唔脆，咬口好”煙銀”，賣相亦唔得，好扁身，無下次。總結：全部食物整體來說都是偏凍，唔夠熱，煎堆完全唔得，但粥品及炒麵的味道唔錯，份量亦足，價錢抵食。

寶琳已有很長一段時間沒有專門的粥品店偶爾想食的話，就會去到坑口那邊！今次來到洪記，就點我愛吃的黃沙豬膶粥及炸兩，來比較一下哪一家較好吃啊！老公這次就選生滾粉腸粥，另加$4要半隻皮蛋黃沙豬膶粥，豬膶份量又多又大塊 ！洪記的豬膶比起另一家粥品店的更大塊～～～若豬膶煮得過熟，質感就會變得粗糙而不好吃這裡的豬膶明顯還帶點粉嫩，讓熱熱的粥把它慢慢浸熟，口感爽脆嫩滑但有些人可能會怕生而抗拒啊！粥面上的黃油卻不多，少了陣油香味～～～生滾粉腸粥，粉腸的份量同樣多！粉腸稔得來帶咬口，重要的是洗得夠乾淨，沒半點苦臭味！皮蛋都OK～～炸兩，包裹著的油炸鬼好大件！外層的腸粉皮爆開了一點點，皮有點過稔油炸鬼略為硬身，不夠鬆脆唯一勝在份量夠大份！論價錢的話，算是抵食～若然食物質素能稍稍改善就好啊！

等左咁多年寶琳終於終於都有一間粥店，舖頭距離地鐵站唔遠，位置方便。今晚都係買外賣返屋企，喺呢個疫情都係買外賣返屋企穩陣啲。雖然多左人叫做外賣，但等候時間唔長。及第粥－佢個粥d料好多，有一次d料多到食唔哂，抵讚。粉腸粥－呢個同樣地d料足以同埋個粉腸一d都唔苦，因為有時d粉腸洗得唔乾淨會好苦。👍🏻👍🏻炒麵－炒麵根本上每次都必食，因為炒得乾身，味道又好。😋😋油炸鬼－呢個就一般，因為已經食過兩次都係炸得太乾，油炸鬼中段嘅位置因為炸得太乾所以太硬身。👎🏻👎🏻👎🏻

同媽媽去食早餐要左兩款粥，一件牛脷酥同炸兩我食窩蛋碎牛粥賣相好靚雞蛋好滑滑～粥底睇落好綿咁，但其實係水多過米不過食落覺得偏鹹同侍應講呢個問題佢提議下次可以叫無味粥底再加料炸兩幾新鮮仲脆脆地牛脷酥好大件都香脆最細心係已預先切開4件方便食👍

多年前仲有海皇粥店，不過依家已經冇左，得返間一粥麵叫做有粥食下。。。但係又唔係專門嘅粥店，次次要走去坑口食。依家唔洗喇，價錢差唔多，環境好好多，地點又就腳呢區咁嘅價錢算係咁，唔飲野嘅廿幾三十當一餐，經濟又實惠煎堆等等嘅油器$10件，不過相比坑口果間，睇落就遜色左啲，外形太細，剪完感覺好少豉油皇炒麵$ 12，例牌會叫，不過麵質古怪，粗身又淋身，同平時近鹼水麵果種唔同鹹肉粽$ 16隻都可以接受，不過餡料就只有一舊肥油同咸蛋黃齋腸$ 11，汁醬自己落，鍾意邊款加邊款。兩老話坑口嘅比較滑同彈，呢間粉皮做得太厚又唔滑。。至於粥我冇影到，不過兩老叫同款艇仔粥，居然呀爸果碗多肉碎，呀媽果碗冇，分配好奇怪，佢地都話料唔夠坑口多除左就腳同環境好少少之外，我建議都係行過去坑口食，因為果間味道品質更好，行過去當做下運動啦！

見佢新開張同唔少人幫襯，走入去睇下張餐牌先。呢區黎講佢個價錢真係無敵，好平！入到去坐4人卡位有d窄，轉左坐6人卡。首先叫左個生滾牛肉粥加生菜，生滾肉丸粥同炸兩，等嘅途中見到有人問樓面攞杯水，咁我又問啦，本身個阿姐帶口罩已經帶得衰，淨係遮住個口，點知佢行埋黎覆我要咩時，竟然痴埋黎除低口罩講野，喺呢段需要高度衛生嘅時間咁做真係嚇怕左我。終於等到2碗粥黎，同一個阿姐送餐，佢唔小心將其中一碗倒瀉左d落枱，咁我諗住佢會搵塊抹布抹啦，點知佢又唔知喺邊度搵左張2手紙巾黎抹大佬呀。。衛生小小好唔好？粥嘅味道唔錯，略嫌肉丸有d太淋，炸兩應該係即整，但佢擺喺枱上d醬開得太稀落左好多都冇咩味。總括而言，食物方面可以接受，但個阿姐嘅衛生意識，特別係新開張+呢段疫情嚴重之時，我真係俾佢嚇怕，要blacklist佢。