洪記士多 (已結業)

平安夜既大清早，約左妹妹同另一個朋友行山， 早餐嗰時先決定行大浪灣加石澳。 行到石澳就諗起成日都有人話石澳好多野食， 難得黎到緊係search下有咩好地山方啦 。 最後決定去洪記士多。 聽聞呢度出名燒鴨， 當然要試下燒鴨瀨啦。碗燒鴨瀨黎到見佢俾左隻燒鴨肶， 我同朋友都諗係咪佢聽錯左呢？ 不過都整左無謂要人換啦，反正就算係鴨肶都係36蚊， 比市面食都算係抵既。 佢個燒鴨食落好香好滑，鴨肉一d都唔“un”， 又唔似平時出面食嗰d咁“鞋”， 真心覺得好味。 之後我地仲叫左可樂， 但因為餐牌無可樂價錢， 我地仲話最多咪收15蚊， 點知我地計番支汽水都係7蚊支。 以石澳呢個都算偏遠地方，佢真係平。 值得推介。

黎石澳何止有陽光與海灘？除了游水之外，最緊要係第一時間行入少少，食左洪記的燒鴨和牛腩先。四點左右，加上係紅日，遊客特別多，遲了一步燒鴨同雞翼就賣光了。所以男朋友試左牛腩，個牛腩炆得入味又濃，好淋唔會痴牙，湯底同出面廿蚊碗的真係無得比！你以為好貴？錯錯錯，價錢方面單拼只係$26真係扺食嘅😎💪🏻。加支大可樂，有無人估下呢個size 的可樂幾錢？七蚊，係七蚊！真係扺到你唔信！下次黎洪記一定要做第一站！

石澳這個僻處港島一隅，情調迷人的地方，除了有漂亮的沙灘，獨特的小鎮風情，美麗的海景外，其實還有美食。這天來到多時沒來的石澳，我在細賞過這兒的漂亮景色，如畫風光後，便在這兒光顧了網上口碑不俗的「洪記士多」，吃了這裡評價不錯的「燒鴨粗麵」（$26），而和我同遊石澳的太太，更幸運地在沒有叫髀位下，吃到一碗「燒鴨髀瀨粉」（$26）。這兒雖名為士多，但其實有粉麵可吃，除了較為少有的燒鴨外，一般港式粉麵的餸，好像魚蛋、牛丸、雲吞、牛腩等，以至較為特別的叉燒、豬肚、雞腎等都有，選擇可真不少。不過既然這兒最多人讚好的是燒鴨，初次到來的我，當然是吃燒鴨啦！事實上，這兒的燒鴨確是不錯，肉質與味道都有中上水準，加上味道不錯的湯和沒有鹼水味的粗麵，才賣二十多元一碗，絕對物有所值。太太的「燒鴨髀瀨粉」我雖沒吃，但她的評價，也很正面呢！ 兩碗燒鴨粉麵，加上一碟「蠔油生菜」（$12），把肚子填飽後，這天的石澳半天遊也告一段落，要到下次才再探訪這個美麗的地方了。

假日走入石澳，除了可以呼吸下新鮮海風，當然要找尋隱世美食。這里有不同的餐館可以提供All day breakfast, 西餐，法國餐，真的可以由早食到晚。燒鴨髀瀨是必吃的。甘香軟滑！牛腩牛丸雙拚亦非常滋味！分量亦不算多，加上小白菜，有營健康！

一行四人到石澳，本來諗住是旦搵間坐低醫肚，有人提議行入d去天后廟隔離食面。來左石澳咁多次都冇食過，所以決定試下。友人推介燒鴨，真係估唔到石澳咁隔涉都有燒鵝食。叫左燒鴨大腸河粉。一吃之下不得了，燒鴨肥瘦恰到好處，唔會太油，又冇蘇味。而且皮仍然香口。一碗粉雙併有4舊燒鴨，30蚊左右，但我覺得值回票價。反而大腸比較普通，冇咩味。炸魚皮都推介。

Off the beaten path type of restaurant. The soup I ordered tasted amazing. Good value for the money.

每年夏天, 石澳係我去得最多既地方每個星期入黎曬個太陽, 必食既一定係洪記之前每次黎都係一人一碗燒鴨瀨,為左捉緊夏天的尾巴, 我地一行5人豪一次, 叫多半隻淨燒鴨 $120份量好大, 每件斬得適中, 唔似出面d 燒味店斬到大大舊好求其, 呢到贏左, 鴨肉肉嫩, 皮有光澤,皮下脂肪正常另外每人再叫一碗單拼燒鴨瀨 $24呢個價錢出面真係食唔到, 份量都好足料, 肉多過骨, 湯底有鴨香味, 真係會飲晒成碗湯

星期六放假見天朗氣清,同男朋友去石澳行下影相,向住目標情人橋岀發喺大路入口行入幾步轉個彎經過啲間洪記士多,聞到陣香味就忍唔住坐低叫碗粉面食燒鴨脾米清湯配上肉汁 再加枝冰凍梳打水簡直一流！下次黎可以叫老闆唔好切原隻上^_^不過男朋友點嘅牛腩"碎"豬腸車仔麵就普通喇

傳說中隱世燒鴨瀨，有幸來到這裡，一定跟朋友食好西，一試之下，果然名不虛傳，口感剛剛好，肉質較比一般的燒味店更細膩，得來又唔會覺得好油膩，啲皮真係脆皮，好有口感，所以我地1成枱都忍唔叫多碗，仲要聽到剛剛好賣哂，心裡暗爽囉哈哈

呢幾日咁好天入石澳游水朋友帶我地去醫肚先, 一定要食燒鴨瀨喎大約12點到, 剛好LUNCH TIME都坐都爆爆地, 5個人迫埋啲1人1碗燒鴨瀨 ($24)到最後果碗, 仲比左燒鴨肶 (無加錢) 一黎到, 飲啖湯先, 甜甜地, 肉味濃, 完全感覺唔到味精 我自己就食鴨胸肉肉厚, 咬落仲好JUICY, 好濃嘅鴨汁 加上仲有少少脆嘅皮, 一食就愛上粉同肉嘅分配剛好, 食完唔會太飽,可以食其他美食, 又或者去游個靚水

各區大街小巷趴趴走，乃小妹最近沉迷的活動也。2015年第一天，陽光普照，相約Cc和云，去大澳曬太陽，遊山水，聽海的歌唱，看天的變幻，兼吃燒鴨也。吃燒鴨，乃一大要事。甫落車，即去洪記士多吃鴨去。洪記士多瑟縮於小巷一側，天后廟旁。看其歲月斑斑的門面裝潢，已知歷史悠久。飲品乃自助式的，自行到飲品櫃拿取。我哋決定要玻璃樽裝可口可樂，Cc推開鐵蓋，拿出一枝汽水，再自行用開瓶器打開汽水樽蓋子。士多側邊的檔口，沒甚裝潢可言，連舖名也沒有，乃洪記麵店也。檔口前有一車仔檔，以石油汽罐煮食，旁邊放有碗碟、醬料、各款麵條、配料及燒鴨等。麵店以燒鴨及燒鴨髀為招徠，燒鴨單併也不過是$22，三併也不過是$36；燒鴨髀單併則$28，三併$48，超級抵食﹗不過，一隻鴨只有兩隻髀，人人坐下，均要燒鴨髀麵，店家應接不暇。因此，店員每每落單時，也不忘提醒客人，燒鴨髀可遇不可求，店家會順序斬切燒鴨的。換言之，若上一位客人剛要了左邊鴨髀，店家會順序先斬切右邊鴨上部份，直到去到鴨髀位為止。除了馳外的燒鴨外，麵食配料還有大路的雲吞、韮菜餃、魚皮餃、魚旦、魚片、炸片頭、紅腸、叉燒、雞翼、雞腳、牛腩、大腸、豬肚、雞腎、墨丸、牛丸和貢丸

入大澳影相，影影下唔知時間。個肚又餓餓地，見小巷裏面有間士多，又咁多人係度，諗都諗就入左去食。可能臨收檔，好多野都賣晒，我只叫左個雲吞麵$20和汽水$5。雲既賣平實，咬落實在有不少驚喜。麵好爽口，不會太淋，而且沒有鹼水味。雲吞好新鮮，食到蝦肉，而雲吞皮滑得來又唔會散。原本諗住出市區再食其他野，但麵的份量好足夠，食完已經飽飽。在旅遊區這個價錢好超值

炎炎夏日與女友入到石澳，試吓好多人讚好既洪記雖然名字叫士多，但主打係粉麵食，燒鴨更是眾人推介閒日黎到，咁啱每枱都有人，唯有撘枱，見人地碗粗麵好靚，打消了食瀨粉既念頭我急不及待先點一碗燒鴨脾粗麵，阿姐竟然話依家無（對後來我女友聽到原來佢要賣完一隻燒鴨，先再開一隻，果個時間才有燒鴨脾供應，這點令我很不滿，如果我每次好似今日咁撞唔啱時間黎，咁我咪呢世都食唔到燒鴨脾？）我簡直情天霹靂，雖然我平時對鴨脾只是普普，多肉的鴨胸先至係最愛但山長水遠來到總是有點失望，只好點一個燒鴨麵，女友則點了燒鴨米，另外再點一碟雞腎由於天氣好焗，加上戶外只有兩把風扇，點完就自己去懷舊的汽水機開兩瓶汽水解解渴沒多久兩碗粉就黎，我的燒鴨是「格甩底」位置，知道既朋友都知呢個部份望落似脾，但其實相距甚遠無肉多骨之餘，肉仲係會比較靭，女友的燒鴨則是淡淡肉的胸肉好！雖然燒鴨令我雙重失望，就先試試湯底，湯底濃得黎唔覺係「開出黎」應該由大量既肉骨煲成，至於係咪骨我就飲唔出，總之很濃而不膩，不禁另人飲多幾口再試試粗麵，簡直令人驚喜，很香的蛋味又彈牙，呢個質感應該係鴨蛋造至有，而且一點鹼水味都無失望的燒鴨味道唔錯，難得我全程唔落辣油，怕

到訪洪記當然要一試名物—燒鴨另外重叫左雲吞水餃濕下口雲吞水餃都係一般水準，都係講返鴨。沒有配套（沒有醬料），但燒鴨依然出色，皮脆，肉有彈性，有鴨味。沒有華麗裝橫，也沒有一流服務。平時看食評，最多人批評的是服務不周，其實餐廳如果想做到平價賣靚貨，就係要用最簡單既裝修，最基本既服務同最用心既煮意，依到正正如此，同時係我樂見，因為我只係想比錢買野食，唔係想買裝修同服務，只要整整齊齊服務唔太差，好既食物就自然可以招來四方客。

After a whole morning of the sun and beach, my friend and I were starving! Then, I recalled someone telling me that there was a very famous restaurant that serve very yummy noodles. My friend and I went to hunt for it and this is where we ended up. The walk from Shek O beach to the restaurant wasn't very far, but you'll have to keep your eyes out because it's hidden inside a small alley, behind 2 other restaurants. I adored the petite little restaurant with its open tables and chairs outdoor. Th