洪記士多 (已結業)

很久沒同食家郊遊，呢個星期日就去石澳relax下﹗日日返工等放工，日復日年復年，唔接觸一下大自然遠離繁囂真係人都會癲，在筲箕灣搭小巴，唔洗半個鐘就入到石澳喇﹗在巴士站行入去後灘，經過之前食過超難食又貴到無比既black sheep，驚見佢對面有檔露天麵檔人山人海，當然唔執輸試番下﹗坐底問下姐姐有咩好食，佢介紹話呢度最出名是牛腩同埋燒鴨，牛腩無咩興趣就要個燒鴨瀨，而食家就要左鹵水鴨腎魚皮韮菜餃麵，大家再加多碟炸魚皮share﹗大廚忙於淥麵淥餸，俾我偷影到佢手起刀落0係度斬鴨，見佢三兩下手腳已將成隻鴨斬件上碟，台型十足確厲害﹗燒鴨瀨竟然係成隻肶，見到都相當驚訝，鴨大隻多肉味濃，咬落啖啖鴨羶香，唔算肥但多汁，成隻肶真係超正，開頭我以為都應該會好貴了吧﹗埋單問一問價錢，原來只係$18碗，抵到爆炸，五分呀﹗食家的鴨腎醃得鹵水入味，彈牙好o趙。韮菜餃菜肉比例勻稱，香口好食﹗炸魚皮$15碟，見差唔多枱枱都叫就知好野，食落真係好酥脆，送麵一流﹗在石澳見到好多對情侶在影結婚相，真幸福啊。埋單三樣野再加多包檸檬茶竟然60蚊都唔洗，抵抵抵﹗好味又抵食，在石澳一定係呢間隱世麵檔。

呢度真係十分隱閉, 我呢種唔識路既外來人一定搵唔到呢個地方! 如果唔係有阿SIR帶路都唔會識得黎! 果然冇介紹錯!!我點左牛腩河, 牛腩好腍、好入味! 仲有淡淡既南乳味! 但其實本人有少少討厭南乳, 但都覺得好夾! 好好食!同學仔點左燒鴨米, 碗燒鴨米黎到, 個個同學都即係"嘩"一聲! 成隻脾上ga!! 問佢好唔好食佢話超正!!! 唉! 好想食! 燒鴨米比起牛腩河更大誘惑!! 另外點左片魚頭齊齊分享, 本人就唔太喜愛呢樣, 好油! 冇咩魚味...連同學仔們都大表失望! 即係可以叮走la....Anyway, 咁既價錢, 咁好既食物, 咁隱世既地方, 咁靚既view! 一定會再黎la!!!

昨日去左石澳一去到媽媽叫左好多野食最初例牌燒鴨同米粉燒鴨好正...好甜.又唔肥...的汁都好甜........後來..因為太好食叫埋雞翼好新鮮,同大隻個汁做得好好.......期望下次試埋其他食物

石澳鴨粉分享 昨天 14:04 發佈 | 編輯網誌 | 刪除哩間鴨粉係石澳村230號, 係粉紅屋經橙屋入左轉會見到佢有menu放左係路口佢地既燒鴨好好食, 鴨有鮮味, 連湯都係甜既...我地隔左3個鐘又食多碗...我地咁多次試左燒鴨, 紅腸, 墨丸, 自家水餃, 大腸, 豬肚鴨就唔洗講, 必食, 大腸同豬肚都做得好好, 不但冇怪味, 又有彈性同整得好入味, 仲有佢地自家制辣椒油, 就算你唔食辣, 我都會建議你落少少,因為真係香好多我就鍾意係咁落辣椒泎, 因為真係太好食啦我建議大家去試就唔好食一般食到既牛丸魚蛋果d啦

一行四人到石澳游水必到洪記食粉。因它必能滿足我們所有人。燒鴨是香港人最熟的食品之一，做得好唔好真的騙不了人。差如大家樂之類到庸記都食均，它又怎能走得出我們的味覺呢。。。又試問。洪記的燒鴨皮脆肉香，肥瘦適中，真的十分出色。但我 又不見他們有燒爐，於是問老闆鴨從何來？哦！原來係攞貨的，吓？有那麼好的行貨？？？好奇怪呢？？佢當然無講同邊個攞貨啦 anyway,這可證明老闆係一個識食之人。所以佢地的牛腩又真係洪記做的係清湯腩，好有牛味，有牛筋，夠林，不過不夠肥。同九記呀，大利清湯腩都不同。各有特色，喜歡食牛腩都可一試，應該不會失望。麵都幾彈口，湯底亦不錯。最後介紹佢地的白灼墨魚，不是天天有的，要有人出海攞到先有架。好鮮好彈牙，不會太熟，真的要讚呀事頭婆的灼功，好到呢車仔麵呢，好老實就真係好一般了。價錢正常啦，服務好親切好街坊有人情味嗰種，我最鍾意。老闆會同你傾吓講吓食，EVEN你第一次去。咁你都要在人家無咁忙的時候同人傾的。。好怕好怕。。。『唔好意思幫你收收隻碟吓』。。。想死，好似好好服務，但有事問佢就啞晒。。『等等，我唔知過喎』。。機械人咩？

今年第一次落水, 但太晏先起行入到去食碗麪,呢間小店最出名係牛腩麫,但我對牛腩的興趣唔大,所以我叫咗韮菜餃麫,都好好食啊,加埋汽水都係$21咋,冇因為獨市好貴,我d fd 話牛腩真係好食,仲有d辣椒油勁正啊!

今日是我生日, 男朋友為我準備了一個看似平淡但其實十分窩心的午餐我們到了石澳食洪記洪記士多是我們年多前一起到過的粉面鋪我一直暗暗地記著這美味的小士多粉面想不到年多後的今天, 我們會在這特別的日子, 再來回味一番!! 燒鴨牛腩米粉這裡的牛腩只屬一般, 但燒鴨卻十分抵讚!!三次來洪記叫燒鴨, 老闆總總會給至少兩大舊淡淡肉的燒鴨, 其他幾舊雖然有骨, 但也很不錯燒鴨肉不油不韌, 皮又薄又脆, 正正湯底好甜好香, 可能因為d 鴨令湯油左少少, 下次我諗可以試試分開d 鴨另上, 咁就可以飲埋d 湯喇 油菜我們點了碟油菜, 洪記不是用劣質菜心, 是用北京菜心在這經濟差的市道, 很少店舖會用優質的食材了~聽聞洪記得雞腳也好正, 下次一定會再試試~來到石澳這漂亮的地方, 除了食海鮮之外. 坐下來食食洪記粉面, 吹吹海風, 確實是一天的最大享受

食完個早餐, 就起行去石澳行下.今日因為係平日, 冇咁多人, 但bbq個邊有d年輕人巳經霸定位燒緊野食等過除夕.沙灘好少人所以好清靜, 好舒服, 同bb行完沙灘, 就行下d橫街窄巷, 點知發現到呢間小店, 好多人食啊, 一定不錯 更係即刻坐得試下喇.我地要左餛飩麵, 魚片頭菜肉餃河加生菜餛飩麵: 湯底好小味精, 餛飩好食, 都底就痳痳地魚片頭菜肉餃河: 魚片頭不是原條魚片頭尾, 只是在出面賣的扮的魚片頭, 街市都有買, 菜肉餃, 好好食菜的份量剛比肉多少少, 份量比例恰當.生菜: 正!!食完飽飽搭車出去準備除夕晚飯和count down.

Went to the beach with gf ytd morning and we had lunch at this restaurant. I ordered saulted fish chicken fried rice and a cha sew egg rice. The fried rice is quite good, the rice stiffness is just right and it absorbed the saulted fish taste, very very good and its not oily at all. The cha sew rice is also quite good but the cha sew is a bit too fat and the rice has very little soy sauce, but its still good maybe cos theres an egg to go with it.

12/4黎個大潭行山之旅, 跟住搭的士黎石澳, 去完石灘就黎左醫肚, 下午四五點超肚餓啦, 我地叫左一碗燒鴨墨丸油麵, 同埋牛腩油麵, 佢個墨丸好好味, 好墨呀!哈哈! 另外加左碟菜心, 老闆好好客, 親自企出黎講邊d好味, 好有屋企feel. 本來以為又係果d好重味精o既車仔麵, 點知一食就有驚喜, 見佢d墨丸禁得, 叫多碗淨墨丸, 不過老闆話唔夠, 就兩溝啦, 係墨丸溝一大碗牛腩, 好抵食. 牛腩好入味, 碟菜亦都好甜, 冇油的菜心, 就咁咬落去好嫩, 一咬即斷, 好耐冇食過禁好味o既菜, 好似自己種咁, 哈.最後加多枝忌廉, 邊坐邊望住d狗狗走來走去, 真係寫意~

4月6日媽媽話老爸次次入石澳都必定0黎呢度食碗麵, 哇, "0"掂我個奄尖老爸把口, 出品0既質素0係我心目中無疑有個很高的期待~還好, 不負所望~ ^^我要0左個筋腩米加腩汁, 又唔錯喎!! 米粉淥得剛好~筋腩都很腍!! 湯底清清地但又有d味~~菜餃係老爸在此店的心水選擇~~一食, 菜味濃, 配合著那些豬肉, 口感不錯!! 唯獨餃已浸水太久, 皮已不行了...都係因為當日太多人啦...淥定0左...噢...>< 不過唔緊要~~仲有機會去試過!! 燒鴨, 幾得細佬0既歡心, 因為肉很鬆軟, 很入味, 又沒有好可怕的厚厚的皮下脂肪層~~幾好食!! ^^雖然咁忙, 但招呼都唔錯呢~~~~mau下路邊食下0野咁, 一樂也~!!! ^^

記得某電影的關係而認識這店主打是車仔麵, 每次去beach 都會係度食一餐.湯底很清甜，牛腩好淋，豬大腸很乾淨+ 好甜，菜餃也很好味.明顯是做街坊生意，因為店長同個個都好熟.值得一去呀!!!

牛腩撈麵$17牛腩麵$15油菜$5本人0係洪記已經食0左十幾年!!<br />

還記得以前來石澳游水多數會幫襯呢度，平當然是主因，但這裡的食物又係幾有水準的。位於石澳巴士總站﹝唔係沙灘果邊﹞後面，天后古廟隔離，雖然難搵但經常都坐滿人，仲有好多呢度的街坊tim！除左一般丸類，想食豪一點仲可以叫叉燒或燒鵝。每次都會叫牛腩撈麵，牛腩炆得又林又入味，還有牛筋及腩頭腩尾的邊位，幾好食。牛腩麵17蚊，油菜就統統7蚊一碟，都叫做幾經濟。當然位處大排檔，無冷氣得幾把牛角扇吹住，環境亦不會太好，且十居其九要搭檯，腳底仲會有隻小貓在巡來巡去，要有心理準備至好幫襯。