洪聖街八號冰室 (已結業)

今日去鴨脷洲做完運動，想食下啲平民美食！見到開左間洪聖街8號冰室，啲嘢勁平！個飯加飲品都只係$53-$65蚊左右。同朋友一個叫左飯，一個叫左烏冬，加埋人均都係$6X. 平到爛😂 最特別係有個雲呢嗱雪糕紅豆冰🍦又幾好食😋有d好香濃既奶味加紅豆味！主菜我哋都叫咗香蔥滷肉飯同埋香蔥牛肉烏冬，台式滷肉飯其實真係好好食。滷肉飯嘅飯粒粒粒分明，嫩滑同入味！個人會鍾意配飯多過配烏冬haha 而且配上香蔥，仲有一隻滷蛋，喜歡台灣嘅人必食😆

今次入鴨脷洲搵朋友，其實之前一直未入過去，依家有機會睇吓環境，同朋友一齊食個下午茶，估唔到有素餐三文治🥪配杯紅豆冰。雞米花配台式蛋餅皮好薄，蛋餅口感唔錯，比較鬆軟。素餐蛋三文治三文治有驚喜，竟然用咗素午餐肉，另外有菜，蛋仲係半生熟，幾好喎。雲呢拿雪糕紅豆冰上面有雲呢拿雪糕，紅豆軟綿，甜度適中。總括而言唔錯，懷舊冰室，一件三文治再配紅豆冰，咁熱天氣，真係唔消暑好選擇，仲可以同朋友仔坐耐少少暢談一番。

個人對冰室有一種情意結，雖然食物不是非常特別，但偶爾就是會想到冰室食個快lunch。今天來到鴨脷洲一遊，找到這間洪聖街八號冰室，也豪不猶豫地步進了茶記，食個快靚正的港式茶餐。 素餐蛋麵 餐蛋麵基本上是每間茶記都會有的食品，但這裡卻有素食的餐肉，味道及口感跟真正的餐肉其實相約，只是多了點大豆的味道🤣我還真是第一次在茶記找到素餐肉 香炸雞中翼 - 炸得尚算金黃香脆 炸魚蓉燒賣 - 炸燒賣點甜豉油汁及辣椒醬，是香港獨有的味道

前幾日去左鴨脷洲搵好野食，搵到間超正嘅茶餐廳！真係太吸引了！同朋友即刻入左去醫醫肚！食落都幾正，平價之選素餐蛋三文治炒蛋熟度岩岩好，仲有啲蛋汁流出黎！餐蛋鹹香十足，唔講以為真係食緊餐肉！超正！香蔥滷肉飯滷肉份量好多，每一啖飯都沾滿滷肉，食落半肥瘦，超邪惡呀！香炸雞中翼雞中翼外皮炸至金黃香脆，食落非常可口，雞肉保持嫰滑多汁～ 值得一試嘅小食！洪聖街八號冰室 (鴨脷洲)鴨脷洲洪聖街8號鴨脷洲體育館1樓4室

早排去開鴨脷洲體育館同朋友打波，打完波想坐低一齊食少少嘢，就去咗呢間喺體育館嘅餐廳休息吓～除咗有主食仲有小食，啱哂打波前後去食～炸魚蓉燒賣炸到個外皮脆卜卜，入面依然軟林林😋邊傾偈邊食真係好快食哂😂有時小弟真係覺得炸燒賣比蒸燒賣好食😆$20有10粒都算抵！香炸雞中翼雞翼即叫即炸，雖然係好邪惡不過炸起嗰刻真係熱辣辣好正！炸雞髀薯條隻雞髀都係即叫即炸，仲好大隻！入面d肉仲好juicy~配埋波浪紋嘅薯條真係無得輸🤤

假日坐渡輪嚟鴨脷州半日遊，去洪聖街嘅洪聖爺廟潮聖，逛埋鴨脷州大街，去洪聖街八號冰室食嘢，餐廳裝潢簡約，玻璃窗望到綠悠悠嘅景色，感覺好chill。餐牌內嘅食物種類多，發現素餐蛋三文治，素餐肉成份係植物食材製造，味道跟肉差不多，整份三文治多了點健康嘅感覺。牛扒配火腿奄列，牛扒油花豐富，味道甘香，口感軟腍，味道濃郁而且有彈性。鮮嫩滑溜的蛋加上滿滿的香口嘅火腿，食起來滿滿幸福感。即磨咖啡，品嚐出沖煮者的技術，咖啡沖煮方法不同，喝起來的味道也不同。咖啡沒有苦味和酸澀味，回甘悠長，醇和細膩，味道芳香。洪聖街八號冰室鴨脷洲洪聖街8號鴨脷洲體育館1樓4室

打開餐牌有好多食物款式雞米花配台式蛋餅係必食之選，上枱時聞到香噴味炸雞香味，而且份量很多，雞粒口感酥香且外脆內嫩，帶淮鹽味道，雞肉外脆內嫰滑；台式蛋餅包裹著芝士醬同葱花，芝士味濃郁，食落有葱嘅清爽香味。素餐蛋麵嘅素午餐肉口感與罐頭午餐肉味道分別不大，用植物成份，食得更健康。麵條爽彈，配雞蛋更好味道。炸魚蓉燒賣，燒賣皮薄且呈深黃色，魚肉夠足料，食落有濃郁魚味，麵粉感頗輕。凍檸茶味道香濃，茶味透徹且具琥珀色，用新鮮檸檬片，有提神功效，有股回甘嘅味道。洪聖街八號冰室鴨脷洲洪聖街8號鴨脷洲體育館1樓4室

洪聖街8號冰室如果你嚟到鴨脷洲，一定要喺體育館入邊嘅餐廳，我都係第一次聽到體育館入邊可以有，而且佢嘅環境同佢嘅地方咁特別，嘢食都唔錯㗎，打完波都可以有多個地方消遣下。𝐎𝐫𝐝𝐞𝐫:⧐ 咖喱雞滑蛋飯 ⧐雞米花配台式蛋餅 ⧐檸茶 因為係體育館嘅關係所以佢有啲特別嘅擺設，所以感覺同一般餐廳好唔同。—📝評分味道 ⁴/ ⁵環境 ⁴/ ⁵服務 ⁴/ ⁵衛生 ⁴/ ⁵抵食 ⁴/ ⁵—洪聖街八號冰室 (鴨脷洲)鴨脷洲洪聖街8號鴨脷洲體育館1樓4室

喺鴨脷洲意外地發現一間經濟性價比高 而且非常高質嘅冰室💯入到去環境相當寬敞 唔似一般冰室要側身先過到🚶‍♂️食物選擇非常之多 揀咗好耐👀🍛咖喱雞滑蛋飯 個咖喱雞同埋個滑蛋都係嫩滑到一個點🤤咖喱汁濃度剛好 配埋一齊食好容易一啖一啖食到底👍🏻🍗炸雞脾薯條 呢個堪稱係茶餐廳最邪惡食物榜首🥇不過亦都係最好食嘅榜首😋正所謂more fat more taste 一次半次冇所謂啦 老老實實佢又真係冇晒到我啲quota 真係好好食😍🍳牛扒配火腿奄列 呢個又係冇得輸嘅組合 牛扒煎得啱啱好 配埋奄列食 一流💯☕️即磨咖啡 最後梗係要嘆番杯熱嘢飲👏🏻總括嚟講呢一間真係性價比相當高嘅茶餐廳 附近住嘅街坊唔幫襯真係有損失🥲

鴨脷洲體育館入面原來開左一間冰室，今日係到做完運動即刻想食野簡直係一流！佢呢到個環境比起熟食中心乾淨同舒服，仲要燈光光猛，我幾鐘意～招牌素和牛漢堡難得黎到緊係要食一食佢地個招牌野～擺盤幾靚，薯條份量岩岩好，而且炸得香脆素和牛好特別，有嚼口，煎得不油膩，食唔出係素肉咖喱雞滑蛋飯另外仲叫左咖喱食，正呀喂咖喱味好香，唔會話好Spicy，雞肉都煮得好滑～香炸雞中翼3隻份量岩岩好～唔會話炸得好過，好香口好食最後仲order 左杯忌廉菠蘿冰好少可而家仲可以order 呢D 獨特飲品，飲完成個人醒曬～

今日嚟南區同朋友打波，餓餓地...朋友帶我嚟體育館呢間餐廳落地玻璃望出去就係避風塘嘅海景，超舒適✨招牌素和牛漢堡🍔厚厚嘅漢堡用料十足，半溶芝士．夾著蕃茄．生菜好新鮮爽口。素和牛比想像更好味，加咗沙律醬令味道更豐富。仲有最愛嘅粗薯條，即叫即炸 熱辣辣✨牛扒配火腿奄列🥩牛扒成隻碟咁大塊，肉質唔靭，又無筋位，好味。奄列夠幼滑，加入火腿絲好正。價錢唔貴都好抵食，套餐仲跟飲品添。下次可以再Encore😋

本身都好想支持後生仔，但食物質素真係需要大大力改善先可以吸引我再次幫襯。咖哩魚蛋令人好失望，唔可以叫做咖哩魚蛋。只可以叫【咖哩汁撈炸魚蛋】😕😣咖哩魚蛋應該係要用咖哩汁煮過啲魚蛋先會入味，而唔係就咁將啲咖哩汁淋落魚蛋到😓而且佢用日式咖哩亦不太適合做咖哩魚蛋。環境係幾舒服，員工服務都好好，滿心歡喜去試，點知失望而回。本身都好想繼續幫襯，所以希望食物味道有改善，如果唔係，都真係難再吸引我再次幫襯了。

做咗鴨脷洲街坊咁耐都唔知體育館內有一間冰室。冰室位置要經過活動室後，又另一天地。比起熟食中心那邊又乾淨又舒服，下次打波後又多一個聚腳點。常餐特餐有多款選擇，全日供應。常餐A素餐蛋麵配牛油多士多士即烤脆卜卜，鬆化。甚少素食，嚟個素餐肉好特別，有種獨有香味，有嚼口，煎得不油膩。麵煮得夠爽口，合我要求。奶茶味道好與不好，對一間茶餐廳來講好重要。呢杯奶茶口感順滑，味道濃厚。奶與茶嘅比例得到平衡，恰到好處。

係下午茶時間既人少得可憐，一黎可能d人唔知有間餐廳，二黎做運動既人少左，人流自然少左，去鴨脷洲有下午茶嘅舖頭有好多。要做到好食又有少少名氣都唔容易。餐廳台同台之間好多位，好空曠，之後叫左個炸雞粒蛋餅下午茶，好有進步空間，雞本身應該有醃過，但個面又加啲鹽，太重口味。蛋餅就應該係正常，但係都係加咗鹽本身芝士又係咸，成個餐咸上加咸。其實個餐廳可以有返正常茶記有既餐就可以，呢個蛋餅餐太奇怪。一班後生仔努力啦。

一家人去完鴨脷洲玩，有咩地方可以輕鬆下？洪聖街八號冰室 話唔定就岩曬你🥸依間餐廳係體育館入面，我都係第一次先知原來體育館可以經營餐廳😂😂然後餐廳入面有少量桌遊同漫畫，所以如果行到攰攰地，可以嚟依到食啲野，玩下桌遊睇下書咁（想睇更多書可以去4樓有圖書館）😎而且餐廳旁邊亦都有一個兒童遊樂地方，所以你有小朋友嘅話就可以扔佢地入遊樂地方放電，而自己就係餐廳到休息一間先😂餐廳食物都係以小食為主，我就叫左個咖喱雞撈烏冬（＄50），味道同價錢都係普普通通，但勝有桌遊，漫畫同旁邊嘅兒童遊樂🤣再加上佢係體育館入面，所以你做完運動係到依到休息下都唔錯👍