洪聖街八號冰室 (已結業)

朋友帶我去了附近的茶餐廳食午餐，估唔到又幾好食。我點了素餐蛋三文治 同埋 素餐蛋麵。估唔到素餐肉都好似真餐肉，味道也很相似。認真，我真係似為食緊真餐肉，鍾意食素嘅朋友可以一試。朋友點了雞米花配台式蛋餅 及 香蔥滷肉飯。雞肉粒真係炸到好脆，入邊都好有肉汁，好好味。蛋餅有蛋味，好有台灣嘅感覺。滷肉飯勁好味，滷肉唔太肥，同我在台灣旅行時食嘅味道差唔多。滷肉飯個汁都係精粹，飯加埋個汁一齊食，無得彈👍🏻👍🏻

牛扒配火腿奄列🐮🐮🍳，牛扒🐮肉質鬆軟，望落去唔會話薄切切。咬落去牛味香濃，而且一啲都唔靭。奄列蛋香🥚🥚味濃，雞蛋都做得比較滑身。口感一流。即磨咖啡☕️☕️咖啡味道香濃。飲起嚟都幾滑。絕對可以話係一杯回魂咖啡😋😋。炸雞髀配薯條🍗🍟，🍗肉汁豐富，連同小量雞油，質感滑溜，炸漿唔厚，加上雞皮的酥脆。就算減緊肥嘅人都難以抗拒。炸薯條🍟，清脆口感與馬鈴薯的獨特香氣加埋一齊。令人忘記熱氣兩個字點樣寫。香蔥滷肉撈烏冬🍜🍜，滷肉上桌香氣撲鼻，配上夠爽彈嘅烏冬，多多滷肉都唔夠食😂

過開嚟做嘢，估唔到體育館內會有呢啲茶記，唔係大排檔嗰種，好乾淨！好有學校canteen嘅感激😛 懷舊feel😋 嗌咗咖喱雞滑蛋飯、招牌素和牛漢堡、香炸雞中翼，食物大致上okay😜 最正係佢嗰burger，食落唔太覺食緊素🤪 不過最值得一讚係佢嘅避風塘海景🤪 呢嗰價錢有得咁chill望住嗰海景食飯都真係幾寫意❤️ 可能因為自己唔係住呢邊，所以感覺都好特別😛 如果做完運動一班人一齊上嚟食下嘢傾下偈，都係一個唔錯嘅選擇😎

自從南港島線通車後，去利東那邊探望朋友方便多了。大街那邊有些地道特色的食物，這間冰室很很簡約，就是一家小小的士多及廚房，卻帶點懷舊味道，營業時間只是上午十時至六時，所以供應的都是早餐、常餐、輕食及飲品。炸雞脾薯條雞脾大大一隻，外皮炸得酥香脆口，肉汁多。薯條則是粗條，較有口感及薯香。素餐蛋麵健康版本的餐蛋麵，皆因餐肉是用了新餐肉，即是素肉製成。味道跟平日常吃到的差不多。上面加隻荷包蛋，還有蔬菜，份量剛好。咖喱雞滑蛋飯咖喱味甜甜又濃香，微辣，很下飯。雞蛋嫩滑，雞件大粒。香蔥滷肉飯滷肉是餐廳自家調味、醃製，還有滷水蛋，全部都滷得很入味、鹹香，把肉碎、蔥花、白飯拌勻，停不了地一直吃，很滋味。

咁岩今日要去鴨脷洲做野，肚餓行過見到呢間冰室，成個裝修風格好特別，好懷舊又簡約。-牛扒配火腿奄列，味道唔錯👍🏼牛扒夠大塊，火腿奄列煎得岩岩好，蛋又夠滑身😋-咖喱雞滑蛋飯。份量又大碗，咖哩汁又夠多撈埋飯食岩岩好😆呢個價錢抵食又飽肚-招牌素和牛漢堡，味道好有特色，同埋好岩唔想食太油膩或肉類朋友，佢成個口感都好似真實既和牛漢堡包感覺-忌廉菠蘿冰，細個成日都飲，突然見到呢個飲品，飲完充滿住滿滿回憶

📍洪聖街八號冰室 (鴨脷洲) 早排去咗鴨脷洲一日遊，途中入咗一間冰室食返個靚tea~ 🌟呢到嘅身物款式都算新穎，仲會有植物肉，即使素食人士都有唔少選擇~ 呢間冰室嘅裝修好靚好簡約，仲可以望到啲海景，😌超寫意!! 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️招牌素和牛漢堡 ($60)Burger嘅賣相好靚好吸引🍔，漢堡和牛係素和牛嚟嘅，不過其實味道都唔錯，唔會好奇怪，仲煎得幾香~ 🧀配料方面半溶芝士好誘人，生菜就好新鮮爽口，而且仲有粗身波浪紋薯條，超香脆！▪️炸雞髀薯條 ($40)炸雞髀薯條係最經典嘅下午茶之選!! 呢到嘅雞髀超大隻🍗，而家係即叫即炸嘅，上枱時仲係熱辣辣，超吸引！佢嘅外皮超脆身，但內裏依然保持到肉質鮮嫩，😍咬開仲有好豐富嘅肉汁！配埋薯條perfect match，係兒時嘅味道~ ▪️炸魚蓉燒賣 ($20)燒賣好抵食，$20就有10粒！燒賣粒粒都炸到脆卜卜，🤤加埋豉油或者辣椒油食超正，好有港式風味！▪️雲呢嗱雪糕紅豆冰 ($33)下午茶就係要飲紅豆冰！佢嘅奶味好香濃，上面仲有一球雲呢嗱雪糕🍦，底下嘅紅豆唔會太硬🫘，煮得好軟綿，亦都唔會太過甜~ 𝑨𝑫𝑫𝑹𝑬𝑺𝑺:📍鴨脷洲洪聖街8號鴨脷洲體育館1

新裝修嘅鴨脷洲體育館，剛剛十月才開放，，趁未有太多人知道，都算容易book到場😏（(而家可能已經好多人知哈哈)。一樓新裝修熟食樓層，有機會去到要試下洪聖街八號冰室，價錢經濟，食物大份，有驚喜，素食人士都啱食。素餐蛋三文治價錢同普通茶餐廳差唔多，一般沙嗲牛雪菜通都有，特別啱素食人士仲有得揀素餐肉素火腿面。咖哩雞滑蛋飯賣相經已經好吸引，味道不錯，份量夠，做完運動啱晒食。香葱卥肉撈烏冬卥肉非常多，夠味，烏冬是日本的粗烏冬，唔會煮得好淋，挂上卤肉汁剛剛好。香炸雞中翼邪惡之選，做完運動必食！總括，有時候未必係book場，行開鴨脷洲，上黎食一食都是不錯選擇，鴨脷洲必食。

.上星期同朋友去開港島區 佢帶我去左鴨脷洲呢間冰室食著名既炸雞髀🍗薯條呢間店距離利東站只係1分鐘路程 非常方便 唔好以為好遠呀🤣店內座位好大 仲有望海景位添呀 好舒服❤️店家既雞髀外脆內軟 大大隻 雞肉嫩滑唔嚡口 即叫即整上枱熱辣辣😍薯條厚切 仲有啲薯蓉感 好正👍🏻平時最愛就係食呢款薯條.朋友就食香葱滷肉飯 滷水蛋入味 滷肉都唔會太咸 撈飯一流💗配埋特飲 忌廉菠蘿冰 啖啖果肉唔會太甜 好滿足啊～下次過開黎呢邊一定會再食！

今日嚟到鴨脷洲體育館打波，打完之後又好肚餓費時周圍搵嘢食，就嚟試下體育館入面嘅依間餐廳。咖喱雞滑蛋飯咖喱雞都幾入味，少少辣，咖喱都係偏甜嗰一隻，幾好味。加埋滑蛋，送飯一流。招牌素和牛漢堡漢堡包即叫即整，好新鮮。雖然係素，但食落都勁似肉嘅口感同味道，配埋溶緊嘅芝士，真係夠晒邪惡。幾鍾意佢嘅厚薯條，唔算炸得好勁，每條薯條都夠飽滿。炸魚蓉燒賣炸燒賣仲邪惡。炸到外皮勁趣，入面魚肉彈牙。咬落去嘅時候真係要小心食，係咁俾佢熱親。

洪聖爺八號冰室，位於鴨脷洲體育館之外，完全無想像過體育館餐廳都有冰室，做完運動可以馬上補充一下。冰室餐牌食物選擇尚算多，最緊要有大大隻雞髀薯條。炸雞髀皮脆肉嫩多汁，調味剛剛好，薯條脆卜卜份量足。特色食物有素和牛漢堡，漢堡材料豐富，生菜芝士素和牛，素和牛口感軟嫩，味道與一般漢堡扒無異，感覺較為健康。另一款特色食物，雞米花配台式蛋餅，蛋餅味道香濃，不會太油膩，雞米花即炸雞粒，香脆鬆化。最後嘆一杯即磨咖啡，完美的一餐。

喺鴨脷洲嘅體育館做完運動見餓餓地，就喺入面呢間洪聖街八號冰室食返個Tea，可以補充返啲體力同埋消耗咗嘅脂肪。香蔥滷肉撈烏冬：呢度嘅烏冬煮得剛剛好，軟硬度適中，加埋佢哋秘製嘅滷肉，撈勻一齊食，滋味無比，仲有啲香蔥，令滷肉多添一份清新新嘅香蔥味。炸雞髀薯條，香炸雞中翼：呢度嘅炸物都係用即叫即炸，確保每樣都係熱辣辣脆卜卜。雞髀大大隻，薯條份量都唔少，CP值極高。雞翼外脆內嫩，肉汁非常豐富，完全係超水準之作。雲呢拿雪糕紅豆冰：紅豆冰嘅紅豆煮得夠腍之餘，仲可以見到粒粒分明，而且甜度適中，加埋面頭嗰一球雲呢拿雪糕，都唔會太甜，係非常之透心涼。

某日入鴨脷洲搵朋友打波，打完波勁肚餓就去咗體育館嘅冰室醫肚冰室除咗有港式茶記食物，仲有台式食品，我就叫咗個香葱滷肉飯，配杯凍檸茶，$50嘅滷肉飯都幾大碗，仲有全隻滷蛋，滷肉唔過咸又有少少油香，份量啱啱好夠送飯，唔會食到尾乾哽白飯，滷蛋都好入味，唔係外表有色水裏面白雪雪冇味嘅。凍檸茶就正常茶記水準，茶味濃但唔會澀朋友就試新嘢叫咗個素餐蛋麵🤣🤣🤣嚟到個賣相又唔差喎，個餐肉係而家好流行嘅新餐肉，幾可亂真👍🏻👍🏻讚我地仲叫多個小食雞米花配台式蛋餅，開頭唔知咩叫雞米花，原來係炸雞粒，熱辣辣夠味，蛋餅皮煙煙韌韌，包住蛋食無得輸值得一提呢度個景好靚，可以望到海景，平民價錢高級靚景，得閒真係可以嚟hea一個下午

星期日約左fd行山，行山前去左呢間冰室食野，環境唔錯，幾乾淨同埋食物選擇多，有好多小食如：地瓜丸、南瓜薯餅、芝士蛋餅等，係冰室都比較少見🤤炸魚蓉燒賣一份$20有成10粒，可配豉油或者辣椒油一齊食，炸得好脆，粒粒都脆卜卜，唔錯😋雞米花配台式蛋餅第一次試呢個配搭，蛋餅熱辣辣好正😍餅皮唔會好厚，帶點煙韌，雞米花好似炸雞粒咁，一粒一粒好快就食哂🙈素餐蛋麵太陽蛋煎得好好，焦邊之餘蛋黃又唔會過熟，餐肉好香脆，非常邪惡早餐🤣

疫情一直持續，好耐都冇同朋友打過波啦，今日山長水遠走左體育館同朋友打羽毛球先打完波出左身汗就緊係要補充體力，三點三咁岩又係下午茶時間，所以我哋二話不說，即刻衝左 入八號冰室醫下肚先炸雞髀配薯條又點可以抗拒，下午茶食呢個餐是常識吧，大大舊雞髀，竟然中間部分係咁嫩滑，外皮仲好似薯片咁脆，真係一試就上癮台式蛋餅都好特別，平時係冰室根本就搵唔到，煎香左既蛋餅，散發住啖啖既蛋香，令人特別想念台灣最後仲叫左個飽肚d既撈烏冬，秘制辣椒醬令人一試難忘

原來屋企附近開咗間新冰室，身為街坊一於去試試先🤗冰室樓底高，窗邊位仲望到避風塘景色，亦有board game可以玩，感覺都幾chill😊💛咖喱雞滑蛋撈烏冬 $50呢個咖喱係偏日式的，食落不太辣，而雞同滑蛋份量都幾多，另外仲有不少薯仔同紅蘿蔔，整個配搭味道都好好，不錯呀🥰🐥雞扒三文治 $30呢個係常餐B，有幾款三文治可選，跟餐亦附送熱飲，三文治都幾足料，好厚身，有雞扒，炒蛋同生菜，配埋沙律醬好惹味🤗💜紫芋薯餅(2塊) $20紫芋薯餅炸得香脆，入面包住滿滿嘅紫芋，未到到好香濃😉