洪瑞珍 (朗豪坊) (已結業)

記住我啱啱話嘅，這家店嘅三文治好食到叫你喊！🤤🥪 我就嚟試下其中幾款，話你知有幾正。首先，討論度最高嘅藍莓起司，一啖落去就覺得自己似飄咗起來，藍莓嘅酸甜撞擊到嗰份濃郁嘅起司，簡直係口中嘅煙花，爆炸咗我嘅味蕾。跟住試個柑桔柳橙起司，每一啖都有陣陣清新嘅果香，啖啖都係驚喜，酸酸甜甜嘅橙味同滑溜溜嘅起司絕對係拍檔好手足。而家呢塊，話你知，絕對係唔可以錯過嘅美味。經典火腿起司就更加唔使多講，火腿嘅咸香夾帶嗰份融化嘅起司，正到喊，完全係返工日嘅救星，食咗個早晨保證精神好過飲咗三杯咖啡。總的來講，呢啲三文治真係幾可以，無論係食起上車遲到嗰急味，抑或係夜晚肚餓無奈嗰餓味，馬上變成滿足嘅甜蜜味。掂啊！😋👌🏻

今次嚟到位於朗豪坊嘅洪瑞珍 🥪原來係hk已經開咗咁多間分台🤣當年阿姐我仲辛辛苦苦係台灣買返嚟hk食🥹當時嘅味道確實有比佢驚艷到🤣雖然咁耐冇食 但今次選擇就試下佢新嘢先🤍🤍————————————————❶ 芥末蟹棒三文治 雖然睇落係芥末味道🤣但其實食落一啲都唔辣😋再配上薄薄嘅蛋皮及蟹棒✨令到成件事豐富咗💛❷ 朱古力戚風三文治 ❸ 芒果戚風三文治➍ 草莓戚風三文治❺ 藍莓戚風三文治 朱古力味道濃郁 而且唔會好甜🤣但如果想揀fresh啲嘅味道✨一定係考慮依款水果味嘅戚風三文治🤍入面仲有mix埋水果肉嘅mousse 🤣食落好smooth又唔會好甜✨兩層蛋糕好鬆軟濕潤 一啲都唔會有好乾嘅感覺😚新款嘅戚風三文治除咗會喺朗豪坊分店售賣之外 仲有喺下面四款分店都有賣呀！😚有興趣快啲去試吓！🤣📍地點：銅鑼灣時代廣場B2層B214B舖🕒營業時間：8:00a.m - 9:45p.m📍地點：沙田東鐵站27號舖(閘內)🕒營業時間：8:00a.m - 9:45p.m📍地點：九龍灣德福廣場1期G96-97舖🕒營業時間：週一至週五 08:00a.m - 8:45p.m/

🥪 #洪瑞珍 蛋糕三文治？！ 🍰#台灣過江龍 「洪瑞珍」又出咗新產品喇😍 今次出嘅係戚風三文治，有四種不同味道，正餐定甜品，由你決定🥳！🍓 草莓戚風三文治🫐 藍莓戚風三文治🥭 芒果戚風三文治🍫 巧克力戚風三文治今次我就一口氣買晒四款洪瑞珍「戚風三文治」，色彩繽紛真係令人胃口大開🥰 蛋糕非常之軟腍，加上中間一層醬料，香甜可口😚！ 個人推薦味道濃郁嘅朱古力🍫，另外幾種水果味都好清新！但唔係間間分店都有得買㗎，要去以下呢五間：1️⃣銅鑼灣、2️⃣沙田、3️⃣九龍灣、4️⃣將軍澳、5️⃣旺角

每逢去台灣，必定會買洪瑞珍三文返港，當地大約港幣$8/件，價錢足足平香港三倍!!!!!由於疫情關系，不能外遊，想吃的時候唯有只好在香港店舖購入。是次買6件，減$20，大約$17件。買了三件滿漢 (王牌、必食) +一件火腿+兩件橘子 🍊每份都是以四層麵包夾著而成，麵包新鮮鬆軟，但三文治之精粹在於美奶滋醬，簡直是洪瑞珍的靈魂，火腿雖薄，但細嚼後散岀咸香，建議將三文治放入微波爐加熱約10-15秒，半溶的芝士和美乃滋融合，滿足味蕾！

又想念台灣嘅三文治味道，又買返兩件洪瑞土珍食吓。呢次買咗滿漢同原味起司。據食過幾次嘅經驗，即使響台灣，果醬味道大多一般；第二最好買返傳統台灣有得賣嘅口味。首先食滿漢三文治。呢個係招牌火腿同原味起司嘅合體，火腿、蛋皮跟足，有埋芝士，麵包鬆軟，不過醬就略嫌未夠多。原味起司係我嘅至愛。撈埋芝士鹹中帶甜，響台北第一次食就已深深愛上。前嗰排呢個三文治個醬落得好少，完全唔係嗰回事，而家佢哋多返啲醬開始似返嗰個味道了，不過我覺得可以再落多啲。兩件三文治食完，仍然意猶未盡。整體上都復刻到台灣嘅口味，明白唔係所有原料都可以跟足，至少香港嘅水同台灣嘅水已經唔同，就算有八成已經收貨。香港店雖然無台灣咁齊，但主打嘅口味都有了。不過我想香港跟埋台灣出麥包款，多過開發嗰啲味道奇怪嘅香港限定囉。

洪瑞珍三文治係台灣主打簡約傳統口味呢個口味係藍莓芝士～但係啲餡料份量少得可憐🥲同埋麵包唔夠鬆軟，佢係粗硬身🥲廿幾蚊一件有啲想佢回水，完全唔值呢個價！自己整唔洗排長隊。

知名台灣No.1國民三文治品牌「洪瑞珍」，品牌能夠為三文治加入創新嘅口味，簡單中顯出不平凡。終於，我今日就黎到旺角朗豪坊分店，買左一份招牌火腿三文治加一枝綠茶。招牌火腿三文治 ＄20三文治好厚身，一份三文治總共有四塊麵包，入口鬆軟，質地軟棉，不錯！餡料方面上下層各有一片蛋皮，中間層加上一塊火腿，火腿味道鹹香，加埋中間搭配最出名嘅酸酸甜甜特製美奶滋醬，變得層次豐富，酸甜醬料更突顯火腿嘅香味，最令人深刻～茶一刻綠茶 ＄8最後，加埋一枝綠茶，原片沖泡綠茶，選用台灣出產嘅特級綠茶葉，入口既甘甜又清澈，欣賞！總結，果然名不虛傳「洪瑞珍」三文治，最鍾意就係三文治中間層嘅醬料，令三文治更加滋美。下次再黎，要試下新口味黯然銷魂三文治先～

雖然成日都會去台灣旅行，但係食洪瑞真又真係第一次，媽咪就揀咗一個橙味嘅三文治，唔知係咪自己係土生土長嘅香港人，始終覺得三文治係鹹嘅會好食啲，所以覺得麻麻地，同埋$19呢個價錢來講，有啲貴😅😅😅😅😅

我相信好多人都會認識呢間三文治店，喺台灣好出名，連去韓國旅行都會見到洪瑞珍分店，有人覺得生果果醬芝士三文治，唔明白有幾多人鍾意食，究竟有乜嘢令到大家咁喜愛呢款三文治呢？等我今次試吓，芒果🥭草莓🍓及藍莓🫐呢款藍莓起司🧀️🫐🥪三文治不單止可以做鹹點，做甜點也好正。雙層藍莓🫐果醬，中間芝士，配搭好match，食上癮，其他味道連小朋友很喜歡吃又係宵夜時間食咗呢個三文治，臨瞓前食好嘢，心情特別興奮開心🥳

覺得店員態店好系。 我見到塊borad上面藍莓味旁貼住售罄但雪櫃又好似有藍莓味所以問清楚店員， 我問完當下發現原來board上貼售罄原來係另一隻味 只不過係張貼紙太大 遮住啲字。 但個店員好不屑咁款，眼神又勁西，冇出聲答我，啲服務態度真係好差。。。。之前去荃灣個間又係，啲店員冇心去理客。。7仔啲收銀都有禮貌過佢哋。。。已經唔想再光顧任何一間洪瑞珍 連啲sales 都咁冇heart 呢啲門面嘢都做唔好 唔覺得啲三文治會幾有心去整係6月5號 晏晝4點個陣

聞名已久，曾經上過新聞的台灣甜味知名「三文治」品牌食店「洪瑞珍」 ，以前沒有在大型購物商場裡面設置門市，只是選擇在「觀塘」工業大廈設置工場製作食品，然後在地下設置攤位售賣給食客。結果現在「洪瑞珍」終於踏出了第一步，選擇在九龍「旺角」大型購物商場地庫，鄰近「旺角港鐵站」出口位置，設置了大型門市，售賣「洪瑞珍三文治」給有意享用，聞風而至的客人。而且「旺角」「洪瑞珍」分店門市裡面還設置了檯櫈，讓食客可以選擇在購買「洪瑞珍」「三文治」食品之後，趁「三文治」還在最佳食用狀態之下，不需要奔波勞碌，直接在門市裡面享用獨立包裝「三文治」食品就可以了。於是我購買了三款口味「洪瑞珍」「三文治」食品，包括有「芒果起司」、「柑桔柳橙起司」，還有最近新推出的口味三文治食品「草莓起司」。我上次享用過「洪瑞珍」「三文治」食品之後，才發現原來「洪瑞珍」「三文治」食法十分簡單，食客不再需要撕開「三文治」，直接大大口咬「三文治」，很快就已經食完。「洪瑞珍」「三文治」跟一般「三文治」食品的最大分別，就是「洪瑞珍」「三文治」由三塊麵包加上甜品餡料組合而成，共有三層餡料，中間位置餡料屬於「芝士」，跟橙色疑似「香橙」的甜味餡料。

台灣過江龍洪瑞珍係香港越來越多分店，咁岩喺朗豪坊行街見到先知原來旺角都開咗！實在太耐冇去台灣旅行，所以買咗舊嚟食下！店員有提醒要1小時內食完，否則要擺入雪櫃。滿漢三明治(火腿+起司) $22餡料分咗三層，中間果層有火腿、起司，同埋美乃滋醬，而另外嗰兩層都係一片好薄嘅蛋皮同埋醬，望落去好似細細件，但係其實食晒成件都幾漏下。坦白講同台灣食嘅味道真係差唔多，但係價錢貴咗成幾倍，索價$22一件，抵唔抵食就見仁見智此外，店員俾咗張傳單，原來而家有個新食法，係用氣炸鍋，都幾有趣，可惜我就未有氣炸鍋就試唔到喇

以前有講過旺中分店嘅三文治導治食物中毒早排又有個KOL講到質素同性價比好差一開始喺旺角見到都冇考慮過下但每次經過都見到店鋪明亮又簡潔俾人舒服乾淨嘅感覺終於機緣巧合之下第2朝早餐食左件藍莓三文治個果醬唔會太甜但又好香麵包又幾軟熟下 🍞 雖然20蚊一件真係唔平但都個味道真係有驚喜嘅😆經唔中食都ok嘅冇得去台灣旅行但買到台灣野食真係幾幸福😋而且喺唔同地區有分店都幾方便下次有機會又可以買番件第二日做早餐

9点钟左右到店 看到其中一个员工在数钱 以为收铺 就问了一句关门没有 另一个戴黑色眼镜的女生就很不耐烦的说现在只有满汉和柑橘 因为display柜展示只有两个 就问是不是剩下这两个 然后她就问 你是要多少个 最后要了两个满汉和一个柑橘 但打包的时候 把我买的三明治扔进包装袋子？ 这我无法理解 之前在其他店光顾的时候 也没见别人是用这种方式帮我打包走的

「洪瑞珍三文治」被譽為「台灣No.1國民三文治」，但原來佢唔止喺台灣出名，喺香港都好受歡迎 👏🏻 之前喺屯門開設第一間香港分店時，淨係推出4款經典口味都吸引到好多香港人排隊排成個鐘都要買 😳 後黎喺荃灣再開分店依然人龍不絕 🙈 所以我最後等到佢地喺旺角開埋分店無咁多人先第一次買 😂今次買嘅口味包括招牌火腿‭ ($20)‬、原味起司‭ ($20)‬、芒果起司‭ ($19)‬、柑桔柳橙‭ ($19)‬、可可脆脆 ($22) 🤓我覺得夾火腿、芝士、蛋皮嗰幾款比較普通，正常味道 😂 搽芒果醬、桔子醬、柳橙醬嘅三文治d抹醬搽得比較薄，所以味道唔太特出 😬 新出嘅朱古力味多咗d脆脆口感同可可醬，我覺得比果醬系列更好味 😙