洪瑞珍 (朗豪坊) (已結業)

台灣過江龍洪瑞珍係香港越來越多分店，咁岩喺朗豪坊行街見到先知原來旺角都開咗！實在太耐冇去台灣旅行，所以買咗舊嚟食下！店員有提醒要1小時內食完，否則要擺入雪櫃。滿漢三明治(火腿+起司) $22餡料分咗三層，中間果層有火腿、起司，同埋美乃滋醬，而另外嗰兩層都係一片好薄嘅蛋皮同埋醬，望落去好似細細件，但係其實食晒成件都幾漏下。坦白講同台灣食嘅味道真係差唔多，但係價錢貴咗成幾倍，索價$22一件，抵唔抵食就見仁見智此外，店員俾咗張傳單，原來而家有個新食法，係用氣炸鍋，都幾有趣，可惜我就未有氣炸鍋就試唔到喇