39
12
1
開飯介紹
推介只於星期日供應的越式番茄蟹檬，份量足，湯底鮮甜。而蟹是附近漁民即捉即送到餐廳的，非常新鮮。
繼續閱讀
附加資料
招牌菜只在星期日限量發售。
營業時間
星期一至日
07:30 - 17:30
以上資料只供參考, 請與餐廳確認詳情
相關文章
上次行山 愉景灣>>>梅窩 因為平日行, 呢度冇開! 今次再行呢條路專登揀星期日，目的要食呢間津津。成條街Ｄ人都係等呢度，烈日當空，大約等左１５分受鐘。星期日個個都叫蟹茄湯檬，但要拆蟹戴在太麻煩，冇工具地方又唔大，顧唔到咁多嘢，而且有好大舊牛骨，對於唔食牛嘅人就當然唔會考慮。越南烤肉串撈檬：肉串好惹味，比想像中好，但越南香葉嗰啲就冇乜。越南春卷：呢個仲好食，外面炸得好鬆脆，裏面係蔬菜蘿蔔絲，用生菜包住春卷點埋個甜酸醬非常好食，感覺又唔會好熱氣。越式豬扒湯檬：好耐都冇食咁韌嘅豬扒，湯好淡，同一般D越式湯底唔同。咸檸樂／咸檸七：大熱天時行完山飲真係一大享受，尤其食完味精野（魚露）。P.S. 阿姐見我走時未飲晒杯鹹檸樂，就主動俾個外賣杯我（加埋冰底），叫我飲埋佢，真係好人🥹
繼續閱讀
不用多說，之前有明星介紹過呢到既「蟹茄湯檬」令好多遊客慕名而來，但此檬粉只會在星期日或公眾假期售賣，如果檬粉賣曬，小編都有個推介。咖哩雞扎肉米： 咖哩不是濃稠狀態個款，反而比較水流流，但不要少看！咖哩黃姜粉味突出，咖哩雞炆至軟身，好易脫骨，扎肉好考力功先可以切咁薄，帶點黑椒味，毫不吝嗇，比埋幾舊咖哩薯仔🥔，炆至軟焾入味！米粉吸盡咖哩汁精華，差點連湯都想飲埋。越南春卷：總共有六條，一定要趁熱食，如果吾係均米紙部分好快變焾，用上米紙包裹著雲耳絲，蘿蔔絲，十分健康，而且提供生菜包著春卷蘸上泰式辣醬！ 不錯。總結：小道消息此店做到9月15日 要食要趁早咖哩雞無得輸
繼續閱讀
入梅窩staycation，未夠鐘check-in房間，於是走去醫肚先，朋友介紹話去梅窩一定要食呢個「蟹茄湯檬」只有星期日賣，而且賣晒就冇，真係要睇吓你有冇緣份㗎！我哋去到大概12點，已經有人排隊，店內人山人海。坐低之後，即刻點返一個馳名必食嘅「蟹茄湯檬」，就咁睇碗野賣相係正嘅，大大嚿嘅豬骨，但食落去就有少少失望，因為佢主打係有蟹，但完全唔覺得又蟹嘅鮮味，有沒有蕃茄味，反而仲係好淡，不過舊豬骨可以食埋啲骨膠原咁都幾好嘅。影相呃like都抵啦。如果以梅窩，都係一間普通嘅茶記，用作醫肚都可以接受。
繼續閱讀
一大班朋友入去梅窩玩，行完附近嘅景點就去醫肚。津津食店地方不大，但可以話係梅窩人流較旺、知名度較高嘅其中一間食店，今日weekend入到嚟，等咗幾張枱就入到去坐😬順化辣雞湯檬，呢碗粉有好多件雞，仲有一舊豬手，湯底好鮮甜，好入味。今日我入得嚟算晏，雖然食唔到佢最出名嘅蟹茄湯檬粉有啲遺憾，但係試到呢個辣雞湯檬都有啲驚喜！西多士，香港茶餐廳最出名嘅邪惡美食之一，充滿蛋香，配上牛油、糖漿，簡單嘅美味😋
繼續閱讀
疫情期間，冇得旅行嘅大家都鍾意去離島行下。今次小妹難得平日放假，趁人少少都去左梅窩一趟！呢間⭕️津津食店⭕️既網上曝光率好高，朋友指明要食佢。 事不宜遲，立即講食物！有睇我開我食評既朋友都知道我好鍾意食撈麵/檬，所以我唔洗經歷選擇困難。😂1) 串燒雞絲撈檬串燒係肉碎加工既。我特別問過伙記，入面係無牛肉既，唔食牛既朋友可以放心。串燒、雞絲、同檬粉都係正常發揮。撈檬汁係幾出色既！ 唔會太咸太酸。2）蕃茄雞湯Pho朋友鐘意蕃茄，佢話好好食喎～食物方面，我認為係不過不失。環境方面，梅窩大部分餐廳都係果個樣。下次入梅窩會想試其他餐廳多啲。到時再分享！
繼續閱讀