25
6
1
所有分店 (2)
電話號碼
29847727
開飯介紹
推介只於星期日供應的越式番茄蟹檬,份量足,湯底鮮甜。而蟹是附近漁民即捉即送到餐廳的,非常新鮮。 繼續閱讀
附加資料
招牌菜只在星期日限量發售。
營業時間
今日營業
07:30 - 17:30
星期一至日
07:30 - 17:30
付款方式
現金
食評 (39)
1. 蟹茄檬$63賣相幾好,材料比想像中豐富,除咗蕃茄同蟹,仲有舊肉同貢丸。舊肉有驚喜,煮得好稔,脂肪入口即化,啲蟹鮮味同茄味入曬。貢丸就正正常常,隻蟹無肉咁滯,但增添左香味。湯底真係幾鮮甜!蟹味濃,蕃茄酸酸甜甜,仲有香茅味,榨啲青檸汁更清新。2. 辣雞檬$64依個都唔錯,有雞肉,豬手,豬骨。湯底都有香矛味,但係唔好expect 好濃厚既湯底,只係辣油湯,有香料味,雞肉好少,都係骨位,豬手好淋好入味。豬骨都食得,有辣油既味,整體唔錯。3. 拼盤$85有炸豬扒、扎肉、炸扎肉同雞翼完全唔掂,炸豬扒又乾又柴,雞翼一啲都唔脆仲有浸雪味,扎肉係鬆既,來貨野。 85蚊完全唔值。總結食物唔錯,但係如果夏天要係門口等好耐曬到傻左就唔值,餐廳環境都一般,太多人所以服務唔周到,但係態度都好好。如果要黎就要早小小12點左右黎,咁就唔使等喇! 繼續閱讀
(以上食評乃用戶個人意見 , 並不代表OpenRice之觀點。)
津津食店以其蟹茄湯檬粉🦀出名,遊客不禁遠道而來,親自品嘗梅窩「名物」,但餐廳主打越南🇻🇳料理,除咗蟹茄湯檬粉,識食一定食咖哩雞扎肉餅米粉。咖哩雞扎肉餅米粉(HKD 45): 米粉份量都算多,咖哩不辣也非重黃姜粉個隻咖哩味,反而係啖口版咖喱粉煮成,濃而不辣,色澤呈深黃,加上大量香蔥,軟糯薯仔紅蘿蔔🥕,別有一番風味。重點是雞件用上雞翼位,咖哩完美地融入雞身,焾到軟骨都食埋,肉嫩,仲附送幾條菜,感覺健康。老闆是越南人,扎肉都是越南直送,肉餅食落扎實有胡椒味,比較煙韌有咬口,必點!越南🇻🇳式春卷(HKD 78): 一碟有六條,新鮮熱辣,包裹著生菜🥬、蝦🦐肉同檬粉,檬粉炸後口感軟糯,蘸上泰式辣醬,外脆內軟。總結:梅窩名物不止蟹茄湯檬粉仲可以試下咖哩雞扎肉餅米粉 別有一番風味 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-09
0 瀏覽
星期日十二點山長水遠入到梅窩有啲肚餓,一google就搵到呢間越南餐廳。佢最出名係星期日限定嘅茄湯蟹檬,🍅🦀見到差唔多檯檯都有嗌,不過我同朋友全部都唔想食蟹,於是果斷放棄。估計我地係全場唯一一檯無叫佢地嘅招牌菜😂😂😂😂。走嘅時候好多人等位,大家要食就請早啦!咖哩腩湯檬 $39 🥘咖哩味濃,唔會過辣;牛腩超入味,略嫌啲肉散咗啲,鐘意佢有好多配料,洋蔥、蘿蔔同薯仔味道香濃!🧅🥔🥕 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-02
84 瀏覽
聽講佢假期先會供應蟹茄湯檬,所以今次係特登為咗佢而入去,都好好彩唔駛等就有位。蟹茄湯檬價錢真係唔算貴,$63一碗。佢嘅湯頭頗鮮甜有蟹味,湯底都幾滿意。料都幾多下,不過個豬肉丸味道有啲怪,都幾難食下。另外佢都有少少嘅蟹肉,始終呢個價錢都唔可以要求太多。但係我個人覺得,佢個檬粉就唔叫合格,檬粉有啲碎,我基本上唔需要用筷子食,用匙羹食已經足夠。其他評價:湯底唔差,不過其他野就普通,如果入梅窩可以順路試下,但環境就唔太OK,衛生情況都有待改善,佢拎個蟹鉗俾我用嚟食蟹,然後入面有塊蟹殼……(如果其他人用完,你洗過嘅話應該唔會有) 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-02
1604 瀏覽
特登星期日入黎就係為左食津津既星期日特產佢既特產有三個,一個係茄蟹湯檬,一個係辣雞粉,一個係蕃茄牛腩湯粉見多數人都係推介茄蟹,所以就佢上到枱,另外有碟小配料自己加,粉唔算大碗見到兩個蟹蓋,加半隻無腳既蟹身,係咪覺得好正好多蟹呢!對唔住佢地係for 打卡😐,蓋係真係得殼,無肉架,兩個都無蟹身細,有一啖肉,所以我會講佢係茄蟹殼湯😶不過唔係話佢唔好食,佢用喺殼煮既湯係幾正,同應該係豬(?)一齊煮,再加蕃茄,個湯真係飲到一滴都無淨!佢個茄唔係濃湯蕃茄既茄膏,所以唔好話佢點解咁啖口既茄,個人覺得呢種茄湯更啱一口飲盡成碗清甜帶微酸既茄湯然後有舊好淋既肉好好食、貢丸正常、肉碎整成既丸都正、粉正常不帶食蟹肉既期望食佢應該可以9分,如果係為左食蟹就2分😂,反正你expect 無蟹肉食就得喇另外有個香茅豬拼越南肉餅飯肉餅幾正鐘意佢可以咁樣兩拼 繼續閱讀
(以上食評乃用戶個人意見 , 並不代表OpenRice之觀點。)