洋麵屋 五右衛門 (已結業)

放假食咩好，諗起附近有間五右衛門食個lunch Set都幾好呀。好彩今日人唔係好多….好快有位。咸牛脷意大利麵 - 好重芝士味唔覺有青蘋果味~牛脷既味有啲似午餐肉~不過都好淋~麵軟硬適中~整體唔錯。另外嗰個豚肉芝麻醬意大利麵，我個fd話啲麵硬喎~但其實我唔覺~同埋佢話佢個麵無咁creamy~會清新啲，食落唔算太膩。

午餐時段時常經過<洋麵屋 五右衛門>，看看MENU，心郁郁想試，但價錢相對昂貴，所以決定在較悠閒的日子來試試!   在今天風和日麗的下午，抱著好心情，決定去<五右衛門>食番個滋味套餐! 經過內心交戰後，選擇了以下2個SET LUNCH (因為C-F餐加配和風沙律，實在食不下了!) A) 蕃茄火腿鴨絲意大利麵 B) 温泉蛋雞肉菠菜意大利麵送餐湯: 忌廉磨菇湯配餐飲或甜品:白玉紅豆抹茶啫喱配雪糕 當肚快要餓扁了，店員在落單後9秒9便端上濃郁的忌廉湯，作為心急的食客，滿意其上菜速度!  忌廉磨菇湯十分香滑濃稠，除了甜甜的忌廉奶香，還有很多配料如洋蔥和煙肉，有肉味的調劑，所以不會太寡!  蕃茄火腿鴨絲意大利麵個人來講，我很喜歡日式餐廳對食物的色、香、味的追求! 蕃茄火腿鴨絲意大利麵的賣相非常精緻、講究，充滿意式風情的蕃茄意粉，配上鮮艷吸睛的碟，真的未食已經令人為之一振! 而且，佢的黑色托缽，令桌面保持乾淨! 可見<洋麵屋>的師傅，在食物上碟前花過的功夫和心機! 蕃茄火腿鴨絲意大利麵"茄味"香濃，而且配料十足，有新鮮蕃茄塊、火腿絲、鴨絲

最喜愛食西式野。 餐牌非常吸引 叫左芝士意粉。烤多士配炸薯。芒果布丁雪糕 食盤方便進食 呢個芝士意粉非常好味，濃烈的飽到我同個仔晚飯都食唔落了 芒果布丁雪糕！布丁味係我最想食到既味道！唔似個d 啫哩杯裝既味！雪糕就典型味道。 。

難得平日放假，出屯門市中心搵野食，網上見這間多好評，就和老公試試，鋪內食客不多，侍應安排我倆坐4人卡位...老公叫了午餐，日式咖喱豬扒飯，上枱夠熱，豬扒炸得唔乾身，整體好食，但配菜靠少凍綠茶牛奶，綠茶同牛奶份量剛好，味道不會互搶我另外叫了有2款意粉既套餐，卡邦尼同牛油果蝦肉紫蘇醬意粉，份量不少，卡邦尼個汁好稀，意粉有咬口唔會太硬，另一款比較多油，2舊蝦肉，味道還可以最後甜品，焦糖燉蛋，好香蛋味好

今晚叫左個星期一至四先有的二人套餐！有好多野食，十分抵！湯：面鼓湯（送的）我就唔鐘意飲，味道不好，無乜味 飲品：因為戒凍飲關係，飲熱抹茶牛奶太甜，太「結」了，最後要加入一杯暖水先balance番 前菜：芝麻醬豆腐沙律，好fresh，配青瓜好好食 小食：炸雞，十分juicy，d肉汁一咬落去就bi哂出黎，好鬼正！ 主菜：墨魚面，食到成口黑蚊蚊一D都唔馬虎 大蝦白汁意粉，必食推介個白汁mix得好好 食到兩個人都好飽加埋一都係$200左右，抵啦！

之前一知道有LTS既期間限定野食我同朋友已經一早夾好日子一齊去依次都係幾年後第一次再踏足屯門 星期六我地去到差不多12點，但一入到去大把位坐由於選擇不多，我最後揀左肉醬芝士奄列飯，朋友揀左脆蝦配薯圈等左大約十五分鐘後，野食終於黎喇，好期待 兩碟碟外貌都好靚，好用心decorate但奄列飯既飯不夠熱，凍左少少，醬就一般般，有蕃茄粒同少少肉碎，整體味道一般同埋脆蝦飯內的蝦太硬，不太有咬感，薯圈正常味道，整體味道都係一般，冇咩特別之處服務都幾好，會好主動REFILL水 但係價錢都偏貴，加一後要120幾。。。 如果唔係LTS既關係，我地都唔會突登入去食，但兩碟都係好睇麻麻好食，所以食完應該冇下一次

由於little twin stars 40週年，所以最近周圍都有佢地嘅踪影，見到屯門哩間餐廳特別推出幾款食品，我梗係要黎食喇！首先點左兩款飲品，叫雙子銀河特飲，藍色的係青檸菠蘿味，而粉紅色的係西柚椰果。每杯$43。兩杯飲品味道都好清新，味道很夾，又唔會好甜，真係幾好飲。這個是雙子星意大利麵，哩碟麵分別有兩種味道，藍色的係應該蒜香味，粉紅色的係白汁芝士味。意大利麵好煙un，有蜆肉及巴馬火腿，味道很好，可是份量太少。星星型麵包印有little twin stars，真係唔捨得食左佢地。另外，亦有點其他食物，不過掛住影雙子星，唔記得影其他，只係影左這碟日式蕃茄醬海鮮燴飯。賣相與餐牌照片相差甚遠，好像多水，海鮮好細粒，好像只有蝦，魷魚及蜆肉。不過，飯嘅味道唔差，端上來時熱辣辣，蕃茄味唔會太酸，但又幾開胃。最後，梗係要食埋甜品啦！叫星星雲彩泡沫，哩個甜品要預返時間order,因為侍應話廚師好難整得好，有時候可能會失敗，所以我地都等左超過15分鐘先有得食。不過，廚師真係做得靚，個棉花糖圓菇碌咁圍住一團，好似一朵雲，但要快啲食，因為棉花糖會慢慢塌下會好快溶化。 對我來說

      日本人是我見過最崇洋的民族，但同時也是最擅長採他人之長發揚光大的民族。經國大事如是，入廚烹飪亦如是，和式西餐不僅在日本成行成市，更對外輸出，在亞洲各地大行其道，五右衛門算是代表之一。      五右衛門在日本已經有差不多40年歷史，擁有多家分店，早年進軍香港，屯門這家是第二家分店。店名開宗名曰洋麵屋，以用筷子吃意粉作招徠，用東方的餐具吃西方美食，和洋合流之意，不言而喻。      這裡的意粉分「和風」和「洋風」兩類，和風主要是以一些東瀛食材煮意粉，洋風就是西餐常見的卡邦尼意粉之流。另外這裡的酥皮pizza也是不可不試的，店家提供「雙重滋味套餐」，客人可以在8款指定輕量意粉中選取一款，再配酥皮pizza(五選一)和餐飲。      我們一行四人點了兩個「雙重滋味套餐」，另外單點兩份意粉，補錢加配飲料，四款意粉分別是卡邦尼意粉﹑忌廉蝦肉蟹肉意粉﹑炸雞肉醬意粉和煙肉雞肉野菌意粉，肉眼所見套餐的輕量意粉和單點的意粉，份量上分別不大。鰹魚清湯             主菜之前侍應先奉上每人一碗小小的鰹魚清湯，透著淡淡的茶色，上面浮著點點昆布，底下有幾粒極細碎的滑豆腐。鰹魚即平常吃日式

個人一向比較喜歡有"咬勁"嘅粉麵😆🍜🍲星期日放假，訓晏左，起身已經4pm，所以去左屋企附近嘅商場尋覓我嘅"早餐"😂經過洋麵屋，望一望menu ，原來星期日都有下午茶餐(至到5:30pm)，平時食晚餐要成$3xx埋單，今日只係$48一個餐咋！仲有半個鐘頭就夠鐘，好啦，肌餓嘅我同另一半咩都唔理，立即衝入去，點餐！🎶另一半揀左:❤️溫泉蛋脆煙肉波菜意大利麵 配 皇家奶茶 $48+1因為呢蝶意粉黎先，我好唔客氣已經首先食咗一啖！個人本身比較鍾意白汁，平時食開嘅都係白汁配嘅意粉。。呢碟意粉同平時嘅好唔同，一啖咬落口已經感受到佢嘅鑊氣!食完一啖先至發現，原來我犯左一個好大嘅錯誤:將温泉蛋遺留左。。於是，意猶未盡嘅我，協助另一半將溫泉蛋同意粉撈埋一齊，再食咗幾啖。。簡直不可思議，只係簡單一個動作，將兩者撈埋一齊。即時將成碟意粉嘅口感提升！滑溜嘅感覺加上我最喜歡嘅鑊氣，一絶！食咗佢碟意粉接近一半，我嘅終於來喇😂: ❤️大蜆周打湯意大利麵 配 抹茶奶 $48+1唔知道大家平時有冇飲過某某牌子嘅罐頭周打蜆湯呢？我夠膽講，呢一個周打湯嘅味道比起佢濃起碼一倍。。係介乎于汁與湯之間嘅狀態，濃烈，爽！洋面屋嘅意粉不嬲

其實之前已經食過一次，座位寬,坐得幾舒服!今晚同朋友聚會，再試多幾款意粉同燴飯，最終都係覺得香辣八爪魚魷魚意大利麵係最惹味既 ! 仲有，必試既就係pizza, 批底又鬆又脆，配料充足，真係好香口，但係好細份，所以叫左2個唔同款，但食落根本分唔到，都差唔多味!就連主菜意粉既份量都較少，如果大食既朋友，相信要食2個意粉先至夠! 而且，意粉多數都較油，特別係牛油果蝦肉紫蘇醬意大利麵，草青味較濃，食完後，仲有一層油留於碟底全店以意粉為主，只有3款燴飯揀，墨魚汁燴飯夾雜少少蕃茄味，幾得意!至於杯皇家奶茶，奶味較重，茶味較輕，都幾滑，我覺得ok !本來想叫d小食同甜品，但小食選擇少，甜品價錢又貴，所以無叫到!

睇戲前去了這裏食晚飯點左一個套餐加一個廚師沙律. 套餐入面係有一碗日式清湯,一個PIZZA,我們選了和風PIZZA,一個白酒蜆肉意粉,一杯飲品,朋友叫左綠茶.廚師沙律有隻窩蛋,不過唔夠流還有一些沙律菜,蕃茄仔,火腿等,都好味呀和風PIZZAPIZZA係酥皮嚟架,熱辣辣,朋友話呢度的PIZZA唔同其它PIZZA,但都好味,配料係芝士火腿,芝士都溶晒架.正.白酒蜆肉意粉意粉好好味,辣辣地,幼身,有些辣椒,好多蜆肉,真的幾GOOD.綠茶朋友話好濃,好好飲呀

第一次幫襯五右衛門洋麵屋是在台北國父紀念館站附近，那次好肚餓隨便行入去，想不到他們的食物頗有水準；怎料一年後重回舊地發現該舖已結業，很可惜。直到上星期在名古屋巧遇他們的分店，在日本再食亦一樣咁好味 。返到香港，今日突然很懷念他們的意粉，唯一嘅辦法就係千里迢迢去佢哋嘅屯門分店來滿足我嘅欲望。好開心！原來香港分店一樣唔差，我試佐大蜆蕃茄意大利麵，鍾意味濃嘅人一定啱。跟餐還可配比薩 (即薄餅)，我點佐個海鮮酥批比薩，都好好味呀！ 希望佢地係香港開多d分店咁我就可以幫襯多d喇  加油！

日本食店比我既感覺總會好整齊好清潔衛生，五右衛門既廚房面向食客既一面係用左透明玻璃，所以食客可以完全睇到廚師整緊咩，廚房既衛生情況亦都一目了然。餐墊上面有啲透明粒粒，係要防止杯具，湯碗滑走，非常細心既設計。雖然有啲細杯，但係會飲到好香滑既牛奶味，之後就會出現微微既綠茶苦澀味，值得一試。跟餐送既麵豉湯，其實有啲淡，而且料唔多，不過唔係主菜，可以接受。蛋黃醬味濃，不過最好熱既時候食哂，因為小妹食野慢，所以去到後期啲醬有啲結埋一舊，不過食有醬既通粉經常會有咁既情況，所以可接受。可見上圖，下午茶黎講，料量算正常。大蝦真係好大隻，不過都係唔多，而紫蘇醬香而不膩，值得一讚。牛油果入口即溶，不錯。

上面是我接連兩天嘗試的食物, 第一天單點了一個漁夫海鮮意粉, 蕃茄醬底, 用料很足, 會送一個小小的麵豉湯和生菜沙律. 吃一個麵份量剛好, 加一杯熱抹茶鮮奶非常滿足, 可以挑剔的是抹茶鮮奶太小杯, 幾口就喝完.第二天再來一次, 今次叫晚餐套餐, 價錢比散叫貴很多, 分別是多了一個前菜, 牛肉片拌以醋汁, 牛肉片不是全熟, 但以醋汁入味, 很醒胃, 主菜是大蝦青口芝士忌廉意粉, 辣得來有芝士香, 大蝦肉味鮮甜, 兩個青口的肉也好吃. 不過價錢就比散叫貴好多. 下次我還是散叫好了.順帶一提職員態度很機械式, 不可說無禮貌, 但就沒有暖意,木口木面, 很機械人的感覺. 還是可以接受的.

第一次試這家主打洋麵的食店是在上海，相隔數年才在香港一試，但味道好像不同以前了。抹茶牛奶抹茶味香，口感算幼滑，唯一缺點是實在太細杯了。洋麵屋自家酥皮比薩酥批焗到好香脆，配料有粟米、香腸和煙肉，基本上配料非常少，感覺淨係食到酥批，但欣賞其創意。墨魚汁意粉墨魚汁嘅味道咸香，味道層次單一，得個鹹味，麵質尚算煙韌，有咬口，食到尾都有好多油。大蝦茄醬意大利麵茄醬味道有些酸，蝦算彈牙但份量很小，意粉都尚算彈牙，還配上半孰溫泉蛋增加醬汁層次感。