影片
更多
2015-10-19
1516 瀏覽
個人一向比較喜歡有"咬勁"嘅粉麵😆🍜🍲星期日放假，訓晏左，起身已經4pm，所以去左屋企附近嘅商場尋覓我嘅"早餐"😂經過洋麵屋，望一望menu ，原來星期日都有下午茶餐(至到5:30pm)，平時食晚餐要成$3xx埋單，今日只係$48一個餐咋！仲有半個鐘頭就夠鐘，好啦，肌餓嘅我同另一半咩都唔理，立即衝入去，點餐！🎶另一半揀左:❤️溫泉蛋脆煙肉波菜意大利麵 配 皇家奶茶 $48+1因為呢蝶意粉黎先，我好唔客氣已經首先食咗一啖！個人本身比較鍾意白汁，平時食開嘅都係白汁配嘅意粉。。呢碟意粉同平時嘅好唔同，一啖咬落口已經感受到佢嘅鑊氣!食完一啖先至發現，原來我犯左一個好大嘅錯誤:將温泉蛋遺留左。。於是，意猶未盡嘅我，協助另一半將溫泉蛋同意粉撈埋一齊，再食咗幾啖。。簡直不可思議，只係簡單一個動作，將兩者撈埋一齊。即時將成碟意粉嘅口感提升！滑溜嘅感覺加上我最喜歡嘅鑊氣，一絶！食咗佢碟意粉接近一半，我嘅終於來喇😂: ❤️大蜆周打湯意大利麵 配 抹茶奶 $48+1唔知道大家平時有冇飲過某某牌子嘅罐頭周打蜆湯呢？我夠膽講，呢一個周打湯嘅味道比起佢濃起碼一倍。。係介乎于汁與湯之間嘅狀態，濃烈，爽！洋面屋嘅意粉不嬲
個人一向比較喜歡有"咬勁"嘅粉麵😆🍜🍲
星期日放假，訓晏左，起身已經4pm，所以去左屋企附近嘅商場尋覓我嘅"早餐"😂
經過洋麵屋，望一望menu ，原來星期日都有下午茶餐(至到5:30pm)，平時食晚餐要成$3xx埋單，今日只係$48一個餐咋！仲有半個鐘頭就夠鐘，好啦，肌餓嘅我同另一半咩都唔理，立即衝入去，點餐！🎶
另一半揀左:
❤️溫泉蛋脆煙肉波菜意大利麵 配
皇家奶茶 $48+1
因為呢蝶意粉黎先，我好唔客氣已經首先食咗一啖！個人本身比較鍾意白汁，平時食開嘅都係白汁配嘅意粉。。呢碟意粉同平時嘅好唔同，一啖咬落口已經感受到佢嘅鑊氣!食完一啖先至發現，原來我犯左一個好大嘅錯誤:將温泉蛋遺留左。。於是，意猶未盡嘅我，協助另一半將溫泉蛋同意粉撈埋一齊，再食咗幾啖。。簡直不可思議，
只係簡單一個動作，將兩者撈埋一齊。即時將成碟意粉嘅口感提升！滑溜嘅感覺加上我最喜歡嘅鑊氣，一絶！
食咗佢碟意粉接近一半，我嘅終於來喇😂:
❤️大蜆周打湯意大利麵 配 抹茶奶 $48+1
唔知道大家平時有冇飲過某某牌子嘅罐頭周打蜆湯呢？我夠膽講，呢一個周打湯嘅味道比起佢濃起碼一倍。。係介乎于汁與湯之間嘅狀態，濃烈，爽！
洋面屋嘅意粉不嬲比我感覺都係比較挺身，有嚼口！加上呢個濃味嘅周打蜆汁，成件事超match。。
好耐以前第一次試完呢間啲意粉，試過專登去超級市場買意粉返屋企，好想煮到好似佢咁嘅感覺，發現係完全唔得嘅！
堅挺，有趙口而爽滑彈牙嘅感覺，只係係呢度先至搵得到。🍝
凌晨2點幾，真係寫寫下食評都覺得肚餓🍗🍡
張貼
