泰風SO (已結業)

又到葵廣掃食既時間諗起泰國🇹🇭小編最鐘意既就係芒果糯米飯🥭大學讀書果陣去泰國旅行👩🏻‍💻係非常瘋狂咁每晚一盒做宵夜🙊.今次到葵廣 見到呢盒四色芒果糯米飯咁𥄫睛🌟一試之下又幾讚啵😝4色分別係原來、紫米、斑斕味、加左紅色既原味🍽每種味道都好出 仲好軟糯煙靭🤪椰漿濃濃得黎帶點咸咸地 係泰國既風味啊🥰芒果係甜甜的 但就有點少😖.總括黎講 好彩小編唔係住附近如果唔係經常買黎食既話 實肥死🥶.人均消費：$30推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）

麻芝雞全翼 $15/2聽小店個名就知道，呢間主打泰國食物。呢個麻香雞全翼其實係海南雞嘅變奏版，雞翼唔算多肉，但調味唔錯，對於唔食辣嘅小編來講，辣度温和易接受，而且好惹味！

分店設有桌子讓客人於店內堂食，方便得多！店舖內亦有泰國零食出售。四色芒果糯米飯 ($30)色彩斑斕的四色芒果糯米飯，白色是白糯米、紫色是黑糯米、綠色是斑斕味，至於粉橙色就不太清楚。芒果份量十足；糯米飯粒粒分明，質地偏硬身及有嚼頭，但不太吃到糯米飯的香料味道。椰奶味道略嫌不夠濃郁，但甜度適中。整體來說，味道是可以的。雙拼泰式船河 ($38)泰式船河配料可選牛丸/豬肉丸/魚蛋/扎肉，追加配料$8/款，麵款可選河粉/米線/金邊粉/泰國MaMa 麵。湯底深沉濃郁，金邊粉盡收濃郁的湯汁，十分惹味。牛丸有咬口、魚蛋非常彈牙，價錢親民亦好吃！

小弟最近識左個葵芳女朋友，所以多左好多機會去葵廣食野。好多人話葵廣好多野食，係就係無講錯，但其實黎黎去去都係個Ｄ野，淨係泰國野都講緊四五間，要脫穎而出，除左需要不斷地提升自己，亦要著重每一個細節。細到一件伴碟，大到湯底同粉麵既選擇，都反映左鋪頭既誠意。今次食既係冬陰功海南雞湯河，呢間鋪見你外賣仲會好細心咁會問你需唔需分湯，以免Ｄ河粉浸淋哂，個湯底一定要特別講下，飲得出係落足料，味道濃郁，辣味適中又酸酸地，Ｄ雞肉浸完Ｄ湯吸哂Ｄ味，再加埋同冬陰功最襯既河粉，兩個字，好味道，湯都飲哂咁濟。總括黎講，泰風ＳＯ係葵廣ＴＯＰ３食店之一，其餘兩間之後再講。

放工後去左葵涌廣場搵食，第一站當然去左2樓食碗船麵醫肚先. 店鋪門面都幾大一眼就見到，不過有樣野唔好係就係要企喺度食同埋入邊好焗好熱😅雖然係咁，但呢間泰國野都食過幾次，有試過外賣同堂食而且菜單種類都多選擇，好多經典泰菜既小炒沙律都有，同埋點單個哥哥仔同煮麵姨姨都係泰國人黎（聽到佢地用泰文溝通🙊）味道都應該有返咁上下水準😂今次就叫左個泰式船河金邊粉加牛丸（$30）湯底好濃真係好似係泰國食咁樣，除左金邊粉同牛丸亦都有好多配菜，例如牛肉片通菜豆卜同埋炸豬皮. 牛肉片都有3-4 塊而且好林有牛味，炸豬皮好香口浸落啲湯度仲好吸味添👍🏻👍🏻

在寫此篇食評前，筆者已光顧過「泰風SO」幾次。因為個人偏好冬蔭功湯，每次都獨沽一味的吃冬蔭功湯河。今日決定跳出comfort zone，試試其他口味：泰式船河。筆者事後上網惡補知識，粉麵命名為船河是因為創造者是一位移民到泰國，在水上巿場工作的潮州人。船河湯底是用滷水熬成，顏色偏深。筆者淺嚐了一口湯，感覺偏咸：據說是當年勞動階層出汗多，鹽份可為他們補充流失的水分。但湯底配以粉麵齊吃則咸度剛好。粉麵有4款選擇：河粉、米線、金邊粉和Mama麵。筆者今次點了金邊粉，粉麵份量不少，食量不大的女生可能會吃不完。船河可配札肉或其他丸子。圖中的船河是配以札肉，札肉有4片之多。札肉入口彈牙，咀嚼之間帶有豬肉香。船河還附有少量炸豬皮。炸豬皮脆卜卜的口感和惹味，令整碗船河生色不少。但炸豬皮泡浸在湯中後會令湯底變得有點油膩。最近店舖和電子錢包apps有合作，筆者今日只用了25元便購得這碗船河，更加物超所值！

平時去食泰國菜，一碗船麵閒閒地都要5-60蚊，但原來葵廣都有平靚正既船麵可以食！餐廳位於葵涌廣場二樓，店鋪位置夠曬當眼，有多款泰國小食。之前試過佢嘅芒果糯米飯，木瓜同海南雞沙律都相當唔錯，今次就決定試吓食海南雞船麵($38)。唔使5分鐘已經有得食，呢度冇位坐，但有枱仔可以用。值得一讚既係船麵既湯底，味道稍甜，質感不算濃稠，味道雖然唔算好濃郁，但呢個價錢黎講CP值好高。海南雞尚算幾香滑，雞皮有油香，豬皮香脆，金邊粉份量十足，不錯👍🏻但如果湯既份量可以再多啲就更好🤪

海南雞飯帶泰式酸辣汁好基本，叫外賣竟然無，無既不如唔好食！雞已經普通、連汁都無，叫咩海南雞飯。整果個有無去泰國食過？建議不要幫襯呢間餐廳既海南雞飯，浪費金錢，時間！ ..............................

經過見到有間泰國鋪，比佢個色彩繽紛既芒果糯米飯吸引左，幾種色既糯米飯其實食唔出有咩味道，只有甜味，芒果都好甜，唯一唔好處只做外賣，要企係到食，食完都飽飽地，可能糯米飯比較滯。

買野飲既時候見到旁邊呢間泰風so個海南雞撈麵張相幾吸引，鋪頭都有幾個人食緊，於是就叫泥試下！買之前都估到會係印尼撈麵，而小妹不嬲都幾鍾意食既諗住衰極都有個譜。點知...我錯了...叫完無耐就有得拎，速度之快令我都覺得瀨瀨地野。點知個麵食落真係好硬...好似無點煮過甘，然後啲海南雞係無味，整體泥講真係一個字講曬 - 差！或者你話伏都得👎🏻絕對無下次，然後忍唔住要上openrice劣評，見到一個劣評都無我懷疑係咪有打手

海南雞飯 $32價錢平但係都有好多🐥仲好滑😋😋😋😋油飯都好夠味無湯好似差緊d野🙈🐥🐤🐥🐤🐥🐤🐥🐤🐥🐤四色芒果糯米飯 $30有四隻色☺️好特別色彩繽紛見到都好開心白色💟原味夠煙韌綠色💚淡淡斑蘭味紫色💜紫米比較有咬口不過難消化d紅色❤️紅菜頭味🤫 唔係好食得出芒果好厚身好甜椰漿夠稠香濃🥥葵廣掃街一定要留肚食呢兩樣

收工同朋友過黎掃下街，試下呢個招牌芒果糯米飯💰HKD 30賣相都唔錯，有三隻色聽講本身係有四隻色，仲有一隻係白色（原味），唔知係咪太夜所以無曬（？）比得三隻色P.s.店員半句都沒有提過🤭好啦，但佢都應該有比大舊啲我地既🙈·我又聽講💁🏼‍♀️粉紅係紅菜頭，綠綠係班蘭，而其實我食唔出😂只有黑糯米是完全的黑糯米，但因為質地偏硬，我只試左一口（怕難消化😣）只知道幾煙韌，椰汁幾好味·芒果切得太接近皮位，有一兩舊帶點澀，但大部分都係甜甜的。·價錢實惠，有下次，其實我好想試下佢果啲泰式沙律系列😆

葵廣係個每次黎都搵到新鮮感嘅地方，重點係我每次都係等到人地過哂氣先試，哈哈。原來去左同層另一間泰式野，但見唔係太吸引，轉戰呢間泰風so。位於二樓角落位，鋪面幾大，仲有企位堂食。講真，如果冇堂食，下下要棟篤企或者外帶，對我黎講吸引力大減小店以言，食物款式實在多，泰式沙律、生菜包、鳳爪、海南雞撈麵、湯河、糯米飯等，都係啲飽肚野，人均消費3、40。平日晚上生意都唔錯，相對週末，平日嘅人比較集中醫肚吧。唯一店內冷氣有點不足，加上漏水。馳名芒果糯米飯 $30呢個糯米飯已經書籤左好耐，一份本來應該係有四色，我諗係太夜，所以成品只有三色，賣相幾吸引，顏色鮮豔，睇落開胃，而且份量頗足。糯米飯微溫，兩隻色味道唔明顯，都係椰汁味。飯粒煙韌，唔會過硬或者過黏，兩者配合不甜不膩黑糯米唔係我杯茶，質地有點實，我怕消化不良，未敢食太多。芒果熟透，有細半個份量，八成都係好香甜冇渣有兩件可能切得太近皮位，食落有點苦澀。我諗要睇運氣啦，見過有人話芒果好酸。以30蚊而言，整體合格有餘，難怪咁多人推，呢間我都有下次。

黎葵廣掃街前做左下資料搜集，泰風ｓｏ有兩間，一間係地下一間係２樓，地下要外賣～上左去２樓食，因為可以立食嘛！黎之前諗緊要撈麵定河粉，因為有朋友介紹，話佢地有兩個人覺得海南雞撈麵超正，好頻密地係返工放飯時間老遠冒住趕唔切返公司既危險都要走黎買威力好大咁樣，所以今日就試下海南雞撈麵！因為仲要掃街，所以就叫左個細ｓｉｚｅ　＄３２俾完錢之後要等佢叫號，人唔算多，但ｋｅｅｐ住有人入黎食～入面有幾大個空位可以企黎食，又唔會迫，仲好貼心係咁熱既夏天棟左把夠哂涼既企風扇吹住ｄ客仔，唔洗食到滿頭大汗，特別係我地呢ｄ女仔最怕食到出汗啦，檯面唔算污糟，冇乜殘留物，得一兩粒野～有少少潔癖既我用紙巾抹左下，紙巾上面冇漬喎！竟然咁乾淨！１０分鐘左右，終於整好啦！撈得好均勻～我見到ｄ汁同ｄ麵已經混埋一齊，唔會一忽忽，連配料都平均咁分佈！入面好多配料，意外有林林地既生菜，不過量極少，唔會響成兜野口感～仲有炸豬皮！海南雞：雖然唔係我鍾意果隻一咬就咬到既口感，但雞好滑呀！！撈麵：淡既營多撈麵味道同見到香口既營多炸洋蔥配料，我鍾意食少硬既麵質，對我黎講有少少林身豬皮：超級香口又脆卜卜，好惹味！我鍾意為本身唔濃味既撈麵同雞點

[ #葵廣掃街系列 | 船河⛵️]••成日睇到人地介紹船河，見到勁深色既湯底🤢我好膚淺既認知，深啡色/黑色都一定係苦味💊點知原來係鮮甜架喎🤣-有枱比我地企係度食🥡咁樣仲算唔算係掃街呢？🧐⋆ ⋆ ⋆ ⋆ ⋆🔹海南雞泰式船河($30)⭐️8/10真係無諗過有咁多舊雞，起碼有成6-7件🐔雞係無骨既，都幾嫩👍🏻湯底真係好鮮甜，見到隻色覺得會好口渴，點知又無😋有幾粒豆卜，有堆炸脆豬皮🐽但有啲韌唔脆，可能係一早炸定，淋左😖個湯底好味，令成碗河粉都加分不少👅▫️男朋友揀左豬肉丸，分左一粒比我😋我下次都要揀豬肉丸，好彈牙！-🔹四色糯米飯($30)⭐️7/10Lunch都有甜品食👅白色係原味糯米、綠色係斑蘭、紫色係紫糯米、紅色係紅菜頭？🤔其實我覺得除左紫米之外，其他3隻都一樣味😹芒果都甜既，但食完糯米飯再食就好淡...糯米飯上淋上椰漿🥥唔會太甜，又有咬口，幾好食~-🔹生菜包($30)⭐️5.5/10唔知發生咩事，啲肉碎調得勁酸😰又唔係辣，係勁酸...仲都幾油💦生菜又穿窿，滴到成手周圍都係油...下次不了🙅🏻‍♀️-🔺有兩間分店，只有二樓個間先有得堂食啊💁🏻‍♀️