泰風SO (已結業)

小弟最近識左個葵芳女朋友，所以多左好多機會去葵廣食野。好多人話葵廣好多野食，係就係無講錯，但其實黎黎去去都係個Ｄ野，淨係泰國野都講緊四五間，要脫穎而出，除左需要不斷地提升自己，亦要著重每一個細節。細到一件伴碟，大到湯底同粉麵既選擇，都反映左鋪頭既誠意。今次食既係冬陰功海南雞湯河，呢間鋪見你外賣仲會好細心咁會問你需唔需分湯，以免Ｄ河粉浸淋哂，個湯底一定要特別講下，飲得出係落足料，味道濃郁，辣味適中又酸酸地，Ｄ雞肉浸完Ｄ湯吸哂Ｄ味，再加埋同冬陰功最襯既河粉，兩個字，好味道，湯都飲哂咁濟。總括黎講，泰風ＳＯ係葵廣ＴＯＰ３食店之一，其餘兩間之後再講。