泰金鍋

營業中

休息中

呢間想試好耐，諗住係openrice book位，見到有優惠既餐飲券，$213食澳洲產極選肩胛牛小排泰式火鍋放題，睇返佢本身呢個餐既餐牌，呢個餐都好多款肉類，所以就買左2大人2長者點知去到佢話原來午市係得1款肉類任食，再加出面自助既熟食同打邊爐配料。當刻感覺好無奈，如果得1款肉類任食就唔屬於原價$29x個個餐，如果知道$213得一款肉就唔會揀呢個間同埋呢個優惠，明明券入面內容係包括多款肉類，其實唔想做優惠比人就唔好開呢個優惠出黎。而且有樣野令到我地更加覺得被騙既原因係個度係用電話落單既，一開始都有幾款肉，小食同串燒等等既野比我地揀，仲黎過幾碟唔同既牛，之後想再叫就得返一樣，當我地問其中一位職員點解落單得一款牛揀既時候，個職員本來都想幫我地睇睇，點知另外一位女職員即刻衝埋黎，推開本身個位職員，就同我地講午餐係得1樣架咋，之前黎左當請你地啦。唔知係咪因為個日佢地要接待好多團泰國團，我見個d團應該係每枱有指定6碟肉（牛就係我地食個隻）加出面自助，唔知係咪因為咁，費事攪亂佢地，就唔怕得罪我地，淨係比我地揀一款牛揀。因為佢地一枱食大約個鐘左右就走，好快執完枱就入下一枱。食物方面牛小排質素任食黎講

呢間餐廳幾有驚喜，叫咗個穀飼肩胛牛小排套餐，一人一鍋，夠衛生，來個椰子雞湯同冬陰功湯，泰式嘅湯底之餘，仲有泰式嘅熱食，比想像中好食，海南雞飯、大蝦炒粉絲、串燒等都係我嘅至愛。最特別嘅就係可以活足水流蝦，喺個池度見啲蝦有得幾生猛，捉上嚟放落個鍋度食，雖然有啲殘忍，但呢個體驗好似真係冇咩地方做到。佢都幾多牛嘅選擇，另外蔬菜同肉丸種類都唔少，飲品都有泰式，仲俾我搵到泰式炸春卷同榴槤炸彈，味道幾唔錯。食到飽飽都唔可以忘記甜品，都有泰式嘅風味，有糕點仲有雪條，食到我津津有味。走嘅時候仲見到原來門口係一個打卡位，仲可以着住泰式嘅服裝。每人$268算係幾抵食。

香港人一年四季都鍾意打邊爐依家連泰式鍋都搞埋放題自助火鍋店舖感覺系清爽泰風格而且重有泰式玩味既-自助流水蝦任夾任食，跳下跳下好新鮮先講外圍野，平時食開個啲丸，蔬菜都有之外重有啲泰式甜品，西米糕，泰式奶茶同好幾款既泰式醬汁添而且重有撈面位-泰國秘撈面會用蝦，魷魚，洋蔥，車厘茄之類再加一啲秘製醬汁，食落好特別到主題，先講個湯底有四個系泰式，今次揀左以下兩個-冬陰功鍋 少不了，唔算辣，合番港人而最奪目系-青檸椰奶雞湯鍋一入店就已經聞到好香同埋重有唔少配料，同牛肉類就用Qrcord 落，牛質一啲都唔差嫁

近期我幾鍾意食嘅一間任食火鍋店 - 「泰金鍋 Thai Pot」。以「泰」命名，當然要有泰式風情。門口已經有靚靚嘅打卡位，可以配搭泰國服飾同道具添！ 場內有唔少草帽吊燈同綠色植物做裝飾。有流水蝦任夾，中段會不斷refill，揀啲生猛嘅游水蝦，先用水桶加冰水減低蝦嘅活躍度，唔駛驚啲蝦跳彈發生危險 。即場夾即埸食，特別新鮮鮮甜。即製嘅「泰國秘撈」，有專人幫我撈！泰式湯底有泰金冬蔭功鍋、馬來娘惹叻沙鍋、青檸椰奶雞湯鍋等⋯⋯檸檬香茅，香茅、青檸檬檸葉，味道清新！泰式飲品嘅泰式綠奶茶、泰式小食嘅沙嗲豬肉串沙嗲雞肉串，仲有我最鍾意嘅泰式甜品千層椰汁糕椰汁西米糕都好值得推介。我哋揀咗B餐澳洲產極選肩胛牛小排，已經包咗好多款牛肉、豚肉同蟹籽墨魚滑，成枱都係嘢食好豐富。自助區仲有其他泰色美食例如海南雞、泰式熱盤等，港式、日式打邊爐食得太多，轉吓泰色風味都幾有特色～

湯底是打邊爐的重要一環，港式代表有沙嗲、皮蛋莞茜，台式首選麻辣鍋、膳藥鍋，日式則以壽喜燒及昆布湯聞名。今天來到坊間少見的泰式火鍋放題店【泰金鍋】，試試充滿東南亞風味的特式湯底。火鍋店位於創興廣場6樓全層，佔地約7,000呎地方闊落。店內裝潢以金色及淺棕色為主調，編織竹藝吊燈，加上花紋圖案帳篷，充滿泰式渡假風。入口處有太陽傘、沙灘椅及泰式服裝，打卡一流。火鍋放題套餐有分3個等級，只需$208起，就可任飲任食120分鐘。選了$268「澳洲產極選肩胛牛小排」放題套餐，可享80款肉類、海鮮、蔬菜、炸物、沙嗲串燒。湯底有8款選擇，一人一鍋既衛生又可以多試幾種口味。"青檸椰奶雞湯鍋"是曼谷有數百年歷史的名湯，入口椰味濃郁，加上微微酸度開胃清新。"馬來娘惹叻沙鍋"濃稠得來辣度適中，不用額外蘸醬也很惹味。肉類海鮮、炸物串燒以QR Cord下單，當中"澳洲產極選肩脾牛小排"油脂分布均勻，肉質細嫩甘甜。"特級牛胸爽"是胸腔肋骨中間的軟骨部位，吃下啖啖爽口。炸物"泰國宋卡蝦片"炸得乾爽不油膩，吃下鹹鮮酥脆，佐酒一流。"泰式榴槤炸彈"一咬爆漿，滿口榴槤濃香，番點了幾次。沙嗲串燒可選猪或雞，肉串上枱時熱辣辣不會

🇹🇭泰國火鍋120分鐘放題加流水蝦任食，淨係呢個賣點已經夠殺食！有三個餐俾你揀，由70品至90品放題，晚市價錢由$208起（小童$128起） 有8款泰式湯底俾你揀。自助區火鍋配料多達60款！多嘢食到根本試唔晒😂當日我哋去到食客比較多，流水蝦隔半個鐘左右就會加一次，小朋友可以體驗捉活蝦都玩得好開心🫶🏻 最重要嘅係真係好新鮮，加埋泰式湯底，食落去啲蝦又彈牙又甜，我一個人食咗十幾隻😂每晚19:30-20:00、20:30-21:00兩個時段會有泰國秘製撈麵檔開檔，有個泰國靚姐喺度煮麵，見到佢倒咗好多泰國香料落去撈，絕對唔係就咁開包泰國麵撈嗰調味包咁敷衍😂😂佢開檔嗰陣聞到好香，就算飽都忍唔住食咗一碗🤤熟食區有4款主食，泰式炒飯、炒金邊粉、泰式咖喱都有，泰式海南雞勁滑，不過上一轉好似係炸雞😂款式會轉～～ 仲有佢個冬陰功湯好好飲！另外仲有泰式沙律同埋水果🤭呢度嘅自助調味料吧都超誇張，勁多泰國醬汁選擇，其實係多到唔知攞邊樣好😂（選擇困難症無誤🤯）飲品區有三款泰式特飲，仲有多到數唔到嘅罐裝同紙包飲品，連啤酒都有🫣甜品除咗有雪糕放題，都有好多泰國甜品，斑蘭千層糕同椰汁西米糕每30分鐘refill一次～

泰式火鍋在香港算是比較少見，而且這間還有特有的流水蝦，真的挺有賣點的，而且價錢不算貴，挺有性價比！B澳洲產極選肩胛牛小排（黃金時段２６８元）這個是性價比最高的一個套餐，跟再高一級的差別不算太大，但就比低一級的多很多東西！單是這個牛小排的性價比就很不錯了，油花十足，吃起來非常嫩滑。還有其實牛胸腹和肉眼可選！而且還有很多人都喜歡的牛胸爽可以任吃，口感又嫩又爽！牛舌都有意外驚喜！我們坐的位置剛好是一人一鍋的地方，所以就可以選兩款湯底，變相是鴛鴦鍋了！我們選了馬來娘惹叻沙鍋和青檸椰奶雞湯鍋，前者味道香濃，後者口感奶滑，都挺不錯的！而這裡主打就肯定是外面自取的地方，有多款泰式食物，如海南雞，炒飯，冬陰公，咖哩等，味道都挺不錯，特別是海南雞和油飯！而且甜品也有驚喜，有很少見的泰式配料可以自己任加！還有個特別意外的，是有個蝦缸給你親自夾新鮮蝦來吃，蝦的個頭不少，而且挺新鮮生猛的，吃起來特別爽滑鮮甜！另外每天的１９３０就會有個特色攤位，由店員新鮮弄的泰式拌麵，配上泰式酸辣調味和各種海鮮，味道清爽酸辣，特別開胃！其他食物還可以下單，有炸物和串燒，最開心是有榴槤波波，外脆內軟，非常流心！

餐廳是泰國版火鍋自助餐，跟平日吃的港式自助餐，真的很不同，每樣都很有驚喜～中央位置有很多火鍋配料可自取，有熟食、丸類、菜類、流水蝦、甜品類及飲品等，鍋底味道也有數款可選，味道都很香濃；甜品類除了有牛奶公司雪糕雪條外，更有珍多冰及泰式奶茶等，味道跟當地吃到的味道一樣～熟食的有海南雞任吃，肉質嫩滑，旁邊的海南雞醬酸酸辣辣很惹味，還有數個火爐箱有熟食～飲品雪櫃內也有超多款的飲品可供選擇，冷泡茶類也有～晚上7點半時，近門口位置有泰國攤檔，即席製泰式撈麵，材料有蝦、魷魚、小番茄及蔥段等，即製撈麵的店員更是泰國當地人，味道酸酸辣辣很開胃～

今日行開旺角想打邊爐，但已經食厭咗日式火鍋同埋港式火鍋，朋友介紹底下就試咗呢一間係創興廣場6樓一間叫泰金鍋嘅泰底火鍋🇹🇭🥘湯底 打邊爐最重要之一嘅當然係個湯底，呢間餐廳有八款湯底可以揀，咁我今次就選擇咗最有泰式風味嘅泰金冬陰功鍋同埋馬來娘惹喇沙鍋，冬陰功鍋嘅味道非常出色，未落肉就咁飲番一碗都覺得好正，至於娘惹喇沙鍋有好香嘅椰奶味，辣辣地咁好好味🥩澳洲產極選肩胛牛小排 呢一個係B餐嘅肉，口感同肉質都唔錯，牛小排新鮮，唔會有雪味，而且唔會雪到硬梆梆，此外呢個餐仲會包埋牛胸腹、皇冠豚梅肉、羊肩肉同埋下肩胛肉眼，全部都幾好食🦐自助區有新鮮嘅流水蝦可以任食，只要自己去攞個夾夾佢哋上嚟就得，餐廳都提供左冰桶雪一雪隻蝦，咁就唔會彈黎彈去，之於蝦肉，全部都係彈牙爽口，而且仲可以配埋泰式醬汁點嚟食，簡直係一流🍢 小食選擇亦都有好多，有泰式沙嗲豬肉串、雞肉串、泰式蝦片、泰式春卷等等，喺自助區亦都有唔同嘅小食可以自己夾，除咗海南雞之外，泰式鳳爪亦都係非常美味🥬蔬菜類型好多，任君選擇，而且全部都好新鮮，除咗蔬菜之外，肉丸亦都係一個唔錯嘅火鍋配料之一，但因為食得太多肉，今次冇食到肉丸，試過嘅朋友不妨同我講返好唔

經OpenRice 第一次試呢間餐廳首先我地預付左448$雙人午市放題B餐入到去行個圈已經心知不妙沙嗲（無）活蝦（無）海南雞（無）椰汁糕清一色（無）無既意思吾係無哂，係完全連碟野都吾見！算啦，坐低掃QR code 掃完店員黎話除咗牛小排乜都冇下？？？咁你個餐牌到底有D乜？明明你個餐牌咁多野食我山長水遠岀黎仲衰過我樓下果D日式火鍋都多嘢食過你仲要同班30人左右既泰國團拎出面只有幾包既公仔面完全吾知黎做乜，勁失望

日式、台式、港式任食邊爐就見得多😋 泰式任飲任食無限時嘅火鍋係第一次食🤩🌟 今次黎到旺角創興嘅泰金鍋🥰 一黎到已經俾佢滿滿泰國風情嘅打卡位吸引住🤩 入面裝修充滿泰式渡假村feel😚 感覺好chill 勁放鬆🤭 同成班朋友黎聚下就啱曬👍 火鍋湯底選擇又多，又充滿泰國菜特色🥴 冬蔭功、叻沙、椰奶雞奶湯底等都有得㨂😋 又辣又香又濃郁真係勁正😚 火鍋配料可透過QR code 無限落單，或者係出面自助吧任拎🤩 種類包羅萬有👍 豬、牛、羊、雞樣樣齊🫶 仲有多款丸類、海鮮、蔬菜等等，超級豐富👍 最特別嘅係，自助區中設有水漕養著新鮮活蝦🦐 客人可以即席夾起活蝦返位滾煮😍 保證新鮮🥴 除咗火鍋配料多，餐廳同時提供多款泰國地道熟食❤️ 必食嘅海南雞飯、串燒、炒粉絲、辣炒肉碎、炸蝦餅等都有得食🤤❤️ 全部都好惹味😘 餐廳係特定時間，仲設有特色攤位，即席製作泰國秘撈🤩🌟 撈麵酸酸辣辣又夠彈牙，真係好過癮🥰 最後點少得🐧 最喜歡嘅甜品😋 甜品吧有提供泡芙、椰汁西米糕、斑蘭千層糕、雪糕等等🥰 其中仲俾客人自己調配加入各款珍多，製作泰國風味十足嘅椰汁甜品❤️ 好吸引🤩🌟 飲品除咗基本嘅罐裝飲料，仲有泰式奶茶、泰式奶綠等又

旺角創興廣場人氣泰式火鍋120分鐘放題泰金鍋，位置交通方便，4樓全層佔地約7,000呎，200個座位平日夜晚接近爆場!由門口打卡到餐廳內的裝修都充滿泰國特色，繼上次食完限定榴槤火鍋之後再返來ENCORE，新增一人一鍋食得更自由更安全衛生。除左多達60款火鍋配料以及飲品可任飲任食之外，更有多款泰式主菜、小食、甜品等任食。湯底主打數泰式口味，更設有一人一鍋可供選擇。更有長度達3米兩個蝦池比大家即捕本地有機海蝦，用冰筒凍暈鮮蝦後，夾返位就有新鮮流水蝦任食!Set B 澳洲產極選肩胛牛小排 $268湯底有8款選擇，招牌湯底有泰金冬蔭功鍋湯 、 馬來娘惹叻沙鍋、青檸椰奶雞湯等。兩個人各自選擇泰金冬陰公及自助熟食區一定要食秘製海南雞配雞油飯，另外有冬蔭公湯、泰式炒飯、辣椒炒香葉肉碎、鮮蝦炒粉絲、必食冬陰公湯及辣椒炒香葉肉碎! 加個泰式Mama麵更正~肉類選擇唔少有澳洲穀飼肩胛牛小排、特級牛胸腹、丹麥產皇冠豚梅肉、美國產下肩胛肉眼、極上牛舌、澳洲產草飼羊肩肉及特級牛胸爽等。款款肉質鮮嫩泰式炸物小食及沙嗲串燒類，要感受泰國特色小食，一定要叫有香脆胡椒味的泰國宋卡炸蝦片，另外香脆炸魚皮、榴連炸彈都係必食

👧🏻😋👅🍽✨抵食泰式放題 🇹🇭 -泰金鍋🇭🇰 旺角彌敦道 601 號創興廣場 6/F 全層 🇭🇰-🇹🇭 門口有泰服打卡, 亦有大量座位可坐低休息等齊人先入座🇹🇭 店內座位非常闊落, 創興全層都真係幾大, 有大量大枱方便多人聚會-😋😋😋120分鐘 澳洲產特選肩胛牛小排 80品放題 $268 -🥩 肉類💯多類肉類最愛牛小排同牛胸爽, 肉質軟滑, 同個青檸椰奶雞湯都好夾, 另外加$68可揀鴛鴦鍋, 養生菇菌清湯鍋清清地都好岩海鮮-🌴 泰式主食✨必食海南雞飯! 次次一出就排晒隊, 全隻雞有髀有背有胸勁正, 雞油香, 配埋秘製辣醬仲正, 拎晒都fill得好快✨另外仲有海鮮炒飯, 泰式肉碎, 咖喱雞, 泰式串燒等等-🍡 泰式甜品 / 飲品💯有三色冰配料溝椰奶做甜品, 黃色條狀大樹菠蘿最好食☺️ 仲有我最愛煙煙韌韌綠色三角形椰汁糕!!💯飲品有泰式奶茶/奶綠/香茅水, 亦有普通冷泡茶同罐裝飲品

平時任食火鍋食得多，以泰式做主題真係第一次試！上星期嚟到創興廣場嘅泰金鍋，食120分鐘火鍋放題。除咗佢有火鍋料同埋泰國菜可以仼食之外，最吸引我嘅係佢個流水蝦！湯底方面點咗椰奶雞湯鍋同埋冬陰功鍋。兩款個味道同平時喺泰國餐廳點嘅好相似，水準相當高！喺自助吧可以拎到唔少泰國菜，例如海南雞、生菜包、咖喱、泰國炒飯等等。我encore咗好多次海南雞，啲雞肉超嫩滑絕對唔會因為放題而張貨就價。火鍋方面，選擇相當多，牛肉有特級牛胸腹、澳洲穀飼肩胛牛小排、美國產下肩胛肉眼、極上牛舌、牛胸爽等。另外仲有豬肉同羊肉多款選擇。特級牛胸腹好嫩好腍，肉香充足，對得住個價錢有突！估唔到牛胸爽都有得仼食，好爽口，好好味！火鍋配料都好多選擇，菜、丸都應有盡有！另外有個流水蝦道，可以自己夾蝦，都幾好玩，起碼保證啲蝦係新鮮！我都食左成10幾隻蝦，好滿足！泰式飲品都有唔少款式，我就更喜歡飲冷泡茶。整體個體驗都好好，價錢又唔貴，值得下次再嚟！

朋友介紹一間位於旺角既火鍋放題，最特別地方以泰式料理作主打，自助吧任食泰式料理如海南雞、冬蔭公湯，仲有泰式甜品、飲品如泰式奶茶等，嘗試非一般的火鍋放題！一入到門口未埋位目光已經比自助吧吸引著，最左邊一排仲有得自助夾生蝦，飲品琳瑯滿目任君選擇，最特別位置在於泰式甜品：椰汁糕、千層糕，仲有好多三色冰配料！當然仲有好多火鍋配菜，香菇、蔬菜、丸肉等等自助夾，QR Code就可以任叫唔同部位牛肉，仲有唔同吸引既熟食例如炸魚皮、炸豬皮、炸魚餅、沙嗲雞豬等等！當然火鍋湯底都好重要，有成8款湯底選擇，我就品嚐泰式冬蔭公、青檸椰奶雞湯，兩款都非常和味，整體感覺都值得一試既泰式火鍋放題！