泰金鍋

營業中

休息中

晚市有8款湯底 有辣有唔辣任君選擇🍲可以任食120分鐘 同朋友傾著食都很可以😝因為同朋友都唔想咁熱氣所以就無嗌辣湯反而叫咗個藥膳豬骨白湯鍋🐷會見到佢都幾真材實料 表面浮左啲紅棗人參枸杞補血又養顏♥️跟餐牛肉有澳洲產極選殼飼黑安格斯 特選金錢展澳洲產極選殼飼黑安格斯好有肉味唔會羶特選金錢展超級少肥膏 感覺紮實啲好好咬🐮自助區重有我最愛嘅酸辣鳳爪 越食越開胃配埋爽脆嘅沙律菜紅蘿蔔絲同青瓜絲😆辣度會比出邊一般食到嘅低 唔食得辣嘅朋友都可以試試！

抵食指數：⭐️⭐️⭐️⭐️⭐️今日同男朋友嚟咗旺角創興廣場一間新開左冇幾耐嘅火鍋放題店，上網睇先知道原來呢間泰金鍋咁出名，我就叫咗澳洲產極選穀飼黑安格斯套餐🙈🙆🏻‍♀️湯底就揀咗:馬來娘惹叻沙鍋馬來西亞嘅喇沙真係唔講得少，因為真係好香好濃郁。就算就咁飲都勁好味😝最緊要係佢加埋我最鍾意嘅椰奶喺喇沙湯底入邊❣️🙆🏻‍♀️湯底就揀咗:青檸椰奶雞湯鍋雖然係鴛鴦鍋，但係兩個鍋底都各有特色，一啲都唔Hea 㗎💖呢一款都係有椰奶，而且青檸味都幾突出，配埋甜甜嘅椰奶，確實真係幾開胃。尤其是係最後淥菜，啲菜特別甜。另外佢嘅美國產特級牛板腱係勁好味，估唔到佢個份量都唔少㗎一碟。而且仲要好香牛肉味👍🏻泰金韭菜餅亦係佢哋嘅特色之作，一開頭會贈送。好味到不得了，佢嘅韭菜好香🙊飲完嘢啲胃氣啲味都聞到🤣

我好怕去食放題咩都冇得食㗎，好怕得好少選擇今日同事介紹咗我哋一齊嚟食泰金鍋😘我哋就揀咗最貴嘅澳洲產極選穀飼黑安格斯套餐，大家可以選擇一人一鍋，或者一個大鍋一齊分享一齊食🙈淨係講緊個湯底已經有好多唔同嘅味道揀🤪我哋一班辣椒怪梗係無辣不歡啦，揀泰麻辣鍋一定走唔甩。估唔到個辣真係做到色香味俱全😆辣到我哋每個人個嘴都紅卜卜😂除此之外我覺得呢度嘅甜品都好有特色，因為有好多唔同嘅椰汁糕同埋可以自己DIY珍多冰㗎。以前成日去食泰國菜都好想試吓自己整一杯五顏六色嘅珍多冰，今日終於有機會啦😝肉類方面我自己就最推介澳洲安格斯牛肉或者美國牛板腱，因為肉質嫩滑之餘，油脂分布又平均‼️另外仲有好多泰國特色小食大家都可以去自選台嗰度任揀🙊呢度連榴槤炸彈都有啊😋😋😋

兵仔真係好鍾意食泰國菜，🇹🇭今次呢間泰式邊爐除咗可以烚吓烚吓，仲有好多款泰式小食，同埋活蝦任你捉🦐！一行入嚟就聞到好香冬陰功味～果然係佢哋嘅signature!🔥80品放題澳洲產頂級草飼黑安格斯$268💂🏼《湯底/調料/火鍋配料》冬陰功湯底真係一定要叫！超級惹味，酸酸地好開胃！調味料方面，比起普通打邊爐舖頭更多，有個綠色嘅酸辣汁送肉超級惹味！一定要額外拎一兜！🫶🏻火鍋配料都好整齊好新鮮，芝士雞肉肉、萵筍都好味，另外落泰式米粉同冬陰功麵落去煮都超級正😝評分: 95/100💂🏼《泰式小食》各種泰式美食同飲品都有！烤魚非常香口，泰式肉碎再配海鮮炒飯，呢個都係必須嘅配搭🥳不過珍多冰同泰式奶茶就唔夠凍評分: 85/100💂🏼《單點美食》牛肉種類都唔少，黑安格斯、下肩胛肉眼都唔錯，其他選擇都好多！墨魚仔配呢個湯底亦好有鮮味。泰式串燒有豬同雞，兵仔比較鐘意豬肉串🐷燒得啱啱好！仲有雞寶同春卷都唔錯。鍾意食蝦嘅朋友出面仲有流水蝦可以自己撈～幾好玩，蝦肉亦唔會霉😝評分: 88/100總結：超級值得去食嘅一間泰式打邊爐，基本上想食嘅泰式嘢食呢度都有齊晒😌環境好大好舒服，嘢食新鮮擺放又整齊，最重要嘅肉同埋個湯

呢間餐廳好食之餘仲要好好玩🤪不過有約唔好處就係太多人識佢哋啦！嚟到一定要排隊。偷偷地話俾大家聽今日已經係我第三次嚟呢度食嘢啦今次就叫咗最貴嘅嗰個套餐！因為今日真係好肚餓啊就可以食多啲唔同款式嘅食物💁🏻‍♀️呢度嘅火鍋配料我自己就最鍾意炸魚餅、炸豬皮同埋炸響鈴。點解我會話呢三款最好食？因為我自己今日就叫咗個馬來西亞喇沙湯底，我自己竟然覺得啲山房火鍋配料係最吸味，響鈴就更加唔使講啦一放落去就已經吸晒啲湯汁😍估唔到其他個兩款咬落都有湯汁索住👍🏻👍🏻👍🏻除咗嘢食之外呢度嘅飲品亦別具特色。呢度有我最鍾意飲嘅珍多冰，我男朋友見到之後仲同我講話可以DIY 㗎我哋就自己覺調左一杯俾大家，佢整比我個杯五顏六色好吸睛😝

見食評好好就試吓，選中價餐，每人一爐，一坐低就放左成8盆牛肉向枱（低價牛品質）應該等你哋食晒平價牛就唔使叫中/高價牛喔……..火鍋配料選擇勁少，鍋底係特色泰國湯底，但勁咸，飲品方面 zero 攞咗一次飲完想攞第二罐己經無貨，個位吉左無 refill……炸物己放太耐上台己經唔熱同淋晒，晚市多人啲蝦都比人夾晒或者比人夾到死死吓，又係無 refill……..總結係試過就算，無下次……

相信大家作為香港人都好鍾意食火鍋，火鍋我都成日食，無論係日式、中式、台式都各有特色。但係泰式嘅火鍋真係第一次嘗試，究竟位處於旺角鬧市區嘅一間新開泰式火鍋有啲乜嘢吸引人嘅地方？火鍋最核心最影響口味嘅當然就梗係湯底啦！今次嘅放題有好多唔同嘅湯底選擇，亦有好多泰國特色嘅湯底，例如：冬陰功、青檸椰奶雞、喇沙、藥膳湯底等等。以上四隻，都係我曾經試過嘅湯底，我比較推薦冬陰功以及青檸椰奶雞作為鴛鴦鍋。當初我都擔心冬陰功會偏鹹，但係出奇地有味道而不至於太濃烈，亦唔會有咸嘅感覺。而肉類嘅選擇亦都算多，本人會比較推薦羊肉。肉質爽滑，脂肪比例均衡，羊肉味道濃而不騷。而係熟食方面，有香港人都鍾意食嘅海南雞，真係好想瘋狂食雞呀！甜品方面，我比較推薦其中一種炸物，炸榴槤。睇整體上，我覺得以二百幾蚊嘅價錢喺旺角鬧市區可以識到一啲太耐未食過嘅味道，滿足左香港人太耐冇去旅行嘅心，非常值得大家去試一試。

泰式嘢一向是港人最愛今次仲系泰式火鍋聽個名都好想試吓🥳🥳🥳🥳還可選1人1煱，我6人揀左1大檯2大煱建議最好揀1人1煱，可以食多幾個口味😋海鮮類有蝦有蜆自己夾，蝦肉非常彈牙，蜆入面豐富嘅海水味😋😋😋😋一坐低自動比7客牛牛肉不肥膩重牛味🥩🥩🥩甜品有花型斑蘭糕好好食，仲有多款雪糕雪條任你揀👍👍👍👍👍

其實piggy好鐘意cheap邊(即係百零蚊任食邊爐🤣)，呢間雖然連加一埋單位位$250(有3個價錢piggy今次食中間價錢)，但個青檸椰奶雞湯湯底好有驚喜，同朋友一行四人，我地叫四個唔同湯底，以呢個椰奶湯底最好味，佢仲有啲泰式嘢食好似海南雞，原條烤魚，同可以活捉鮮蝦(嗯piggy掛住食無影相👻)， 所以呢個價錢都ok㗎其實😏

𝗶 𝗵𝗮𝘃𝗲 𝘄𝗮𝗶𝘁𝗲𝗱 𝘀𝗼 𝗹𝗼𝗻𝗴 𝗳𝗼𝗿 𝗮𝗹𝗹-𝘆𝗼𝘂-𝗰𝗮𝗻-𝗲𝗮𝘁 𝘁𝗵𝗮𝗶 𝗵𝗼𝘁𝗽𝗼𝘁🤩 𝘄𝗶𝘁𝗵 𝗼𝘃𝗲𝗿 𝟭𝟬𝟬 𝗰𝗵𝗼𝗶𝗰𝗲𝘀 𝗼𝗳 𝗶𝗻𝗴𝗿𝗲𝗱𝗶𝗲𝗻𝘁𝘀, 𝘁𝗵𝗲𝗿𝗲 𝘄𝗲𝗿𝗲 𝘀𝗼 𝗺𝗮𝗻𝘆 𝗰𝗵𝗼𝗶𝗰𝗲𝘀 𝗼𝗳 𝗺𝗲𝗮𝘁, 𝗺𝗲𝗮𝘁𝗯𝗮𝗹𝗹𝘀 𝗮𝗻𝗱 𝗵𝗼𝘁 𝗳𝗼𝗼𝗱 𝘁𝗼 𝗰𝗵𝗼𝗼𝘀𝗲 𝗳𝗿𝗼𝗺! 𝗮 𝘀𝗽𝗲𝗰𝗶𝗮𝗹 𝗮𝗱𝗱𝗶𝘁𝗶𝗼𝗻 𝘄𝗼𝘂𝗹𝗱 𝗯𝗲 𝘁𝗵𝗲 𝘀𝗵𝗿𝗶𝗺𝗽 𝘁𝗮𝗻𝗸 𝘄𝗵𝗲𝗿𝗲 𝘄𝗲 𝗰𝗮𝗻 𝗰𝗮𝘁𝗰𝗵 𝗳𝗿𝗲𝘀𝗵 𝘀𝗵𝗿𝗶𝗺𝗽😝 𝘁𝗵𝗲 𝘀𝗼𝘂𝗽 𝗯𝗮𝘀𝗲 𝘄𝗮𝘀 𝗿𝗶𝗰𝗵 𝗮𝗻𝗱 𝘁𝗵𝗲 𝗰𝗼𝗰𝗼𝗻𝘂𝘁 𝗰𝗵𝗶𝗰𝗸𝗲𝗻 𝗳𝗹𝗮𝘃𝗼𝘂𝗿𝘀 𝗿𝗲𝗮𝗹𝗹𝘆 𝗽𝗼𝗽𝗽𝗲𝗱! 𝘄𝗼𝘂𝗹𝗱 𝗱𝗲𝗳𝗶𝗻𝗶𝘁𝗲𝗹𝘆 𝗯𝗲 𝗯𝗮𝗰𝗸 𝘁𝗼 𝘁𝗿𝘆 𝘁𝗵𝗲 𝗼𝘁𝗵𝗲𝗿 𝘀𝗼𝘂𝗽 𝗯𝗮𝘀𝗲𝘀!.講咗勁多年點解香港無任食泰式火鍋終於比我等到！揀咗青檸椰奶雞鍋做湯底，襯未用嚟打邊爐前飲咗啖，味道同平時嘅又差唔多，熟食有基度嘅沙嗲串燒、蝦餅、韭菜餃等等都幾出色😛 肉類都係牛豬雞加海鮮，特別一讚海鮮真係幾新鮮！而啲丸大部分都係爆漿丸，有啲都未食過都係第一次食

係ig見到post好似好正咁樣，跟住就約左朋友一齊試下⋯⋯本來見到好似話無得網上預約，點知臨去前幾個鐘，打算入openrice睇下條路點去，居然俾我見到有得約5/5:30，立即book左位！我地差唔多5點到，一出黎就好多人排係門口，book左位都等左十幾分鐘入座，二人座，無咩位好選，張台細，擺唔到d咩嘢食講講個環境啦，都選新的，不過d餐具都唔算乾淨，出面的杯更加可以用油膩咁講，可能係飲過椰奶……好難洗乾淨，地下都係好油膩，一唔小心就冼親跟住就到嘢食啦，我選左冬陰功湯，fd就選左椰雞湯，選左B set，湯底無咩特別，B set的嘢食都唔多，羊係非常臊，牛滑爽係唔爽的，好大陣肥膏味，肉類唔係話好好食，海鮮類的無叫到咩，墨魚滑都幾腥下，小食方面，蝦餅係ok的，其他唔掂，然後串燒嘎度上黎係凍的，應該係整熱左一段時間先送上黎……而流水蝦，我同朋友無試，因為我地兩個都懶，唔想食有殼的蝦，哈哈 同埋要夾蝦都遠，所以就無同其他搶蝦到出面的嘢食，唔算好多，但都可以接受，熟食的魚同海南雞好快就俾人拿曬，嘢飲無左冷泡茶，得泰式奶茶/綠色的唔知咩/龍眼冰，都係好甜的嘢，罐裝飲品全部都係甜的，想飲杯無糖的解膩都

餐廳：泰金鍋 (旺角)地址：旺角彌敦道601號創興廣場6樓呢間4月21號先開嘅泰式火鍋放題店🇹🇭 ——泰金鍋 @thaipot.hk ，開咗唔夠兩個月已經差唔多日日大排長龍，我都喺勁早5點鐘去先拎到個靚位🙈7:30pm前離座有早鳥優惠，我去嗰日咁啱喺公眾假期前夕要額外加$10，所以埋單$238加一就食到呢個中價位嘅B餐——澳洲產頂級草飼黑安格斯120分鐘火鍋放題🐂，有超過80款食物比你任食，8款肉類、泰式炸物同小食、串燒🍢、沙律🥗、主食、甜品🍰、雪糕雪條🍦、唔同特式飲品，當然唔少得仲有好少見到嘅流水蝦啦🦐湯底可以揀一人一鍋🍲，都喺想減少疫情下嘅交叉感染，有好多充滿泰國特式嘅湯底，例如泰金冬蔭功鍋🌶、馬來娘惹叻沙鍋、檸檬香茅鍋🌿、青檸椰奶雞湯鍋等，叫完湯底坐低唔夠30秒就送到過嚟，勁快手👍，仲比咗4碟B餐主打嘅澳洲產頂級草飼黑安格斯牛肉我哋食住先其他肉款包括特級牛胸腹、丹麥產皇冠豚梅肉🐷、美國產下肩胛肉眼、牛舌、澳洲產草飼羊肩肉🐑、牛胸爽同美國牛板腱🐮；出面比較少有嘅泰式炸物，有宋卡蝦片、雞寶、清邁炸豬片、芒果春卷等，我尤其鍾意佢哋嘅泰式雞肉同豬肉串，畢竟平時出面食一串都要十蚊八蚊🤣，食

配料區有超多配料：青蔥花、芫荽、蒜蓉、指天椒...醬汁方面由豉油到泰式綠椒汁、泰式紅椒汁、泰式豬頸肉汁都有👅啱哂一眾醬料怪 我身為醬料怪都即刻九秒九調配左個醬汁辣椒，溝埋一齊超重口味🤤三款醬汁都有濃濃嘅泰國風味 味道酸酸甜甜又辣辣地 好惹味🌶️最鍾意係個泰式綠椒汁 比其他有陣更加突出嘅香料味道🫑特別驚喜系重有細路最鍾意嘅海南雞 系最嫩滑嘅髀位🐔雞味濃 而且無骨啖啖肉 肉質肥美而且有肉好厚身👍另外都有好多款牛肉 豬肉 同埋雞腿肉作火鍋配料🐮最後添左豬牛雞肉沙嗲串燒各兩串🍢

泰特色飲品總共三款：泰式奶茶、特製龍眼冰、泰式秋葵水🧊今日同媽媽試左泰式奶茶同泰式秋葵水各一杯～泰式奶茶融合左「苦、甜、香」三種味道🇹🇭,經過最重要嘅步驟「拉茶」令茶接觸到更加多空氣,口感會更加濃郁🤩配搭香濃順滑嘅煉奶味道甘醇,因為味道偏甜少少所以如果有朋友仔食完麻辣鍋想解辣都幾適合🥛🐷西班牙白豚肉油脂同埋豬肉分佈均勻 無豬臊味而且口感十足!!!!!!任食蔬菜方面除左有平時常見嘅生菜 娃娃菜 重有比較少見嘅秋葵同埋羽衣甘藍🥬羽衣甘藍帶微微苦味 生食會食到比較粗嘅纖維感, 滲湯渌一渌口感會無咁粗糙 更容易入口👌

平時食開日式台式港式川式火鍋，但泰式火鍋都係第一次食😂呢間岩岩新開業嘅泰式火鍋，一入去就見到泰式風情嘅環境，好有泰國度假feel，再加上店員都著住啲泰裝😂感覺嘅有feel🌝Set C澳洲產極選穀飼黑安格斯 $298 (1930前離座$268)可以揀一個大鍋/ 一人一鍋，🤰🏻揀咗一人一鍋嘅麻辣+冬蔭公湯底，冬蔭公湯底飲落都幾濃郁，酸酸地帶點微辣，好惹味，而麻辣湯都係屬於微辣，唔食得太辣嘅朋友都接受到，🌝牛肉推介澳洲黑安格斯牛/美國牛板腱，肉質唔錯，油脂分布平均👍🏻🌝海鮮最驚喜係有現場即捉即食嘅流水蝦，自己蝦自己捉自己煮夠晒新鮮！另外連殼鮑魚都係任食，非常抵食！🌝泰式熟食有泰式烤魚、海南雞、泰式串燒、炸韭菜餅、泰式鳳爪，榴連炸彈、黃油飯、泰式肉碎、菠蘿炒飯、木瓜沙律等等….平時食開嘅泰國菜式呢度都應有盡有，可以每樣試少少，岩晒眼闊肚窄嘅人士😂🌝飲品除咗普通啲汽水同盒裝飲品，呢度仲有自製珍多冰龍眼冰嘅材料比你自行發揮創意🌝甜品除咗雪糕雪條，最推介係呢度嘅泰式甜品，斑蘭椰汁糕同椰汁西米糕都好食👍🏻😋