影片
更多
2022-11-22
4768 瀏覽
泰金鍋主打捕捉活蝦放題+泰式邊爐，但其實係gimmick多啲，個人覺得港式元素：泰style係一半半。肉類質素、任食吧都比較普通，可以當係一個泰邊爐體驗。*澳洲產頂級草飼黑安格斯 set B $268+10%80品放題，共120分鐘*湯底、醬料：可以選擇一人一鍋/大大煲一齊滾，湯底有好幾款，泰式為主，椰子雞、喇沙都唔錯，前者有淡淡椰香，後者微辣重口味。醬汁偏向港式，豉油、麻醬等等，亦有泰式酸辣汁、冬蔭功醬等，不過大多係死鹹鹹鹹！捕捉活蝦放題：大大個蝦缸捉蝦，攞啲冰放入個桶入邊，用鉗夾蝦丟入桶入面，再用個碟蓋住個桶，以防佢哋跳出嚟。實不相瞞，好難捉，邊夾邊跳走，仲會跳落地。夾完仲要記得洗手，啲水食落肚會痾架。味道方面，就係志在玩🤪肉類：牛胸腰、肩胛肉眼、黑安格斯比較普通，牛肉味一般般。牛舌相對好，薄切彈牙又有肉味。豚梅肉肉質唔韌，食到肉味。羊肩肉最好，肥肉少、唔膻、有羊肉味。各種泰式小食：泰串沙嗲豬肉、泰串沙嗲雞肉、泰式酸辣無骨鳳爪沙律，屬於落order嘅種類。串燒很一般，得醬汁味，鳳爪微辣卜卜脆。任食吧仲有熟食：黃咖喱、粉絲蝦、菠蘿炒飯，整體都幾好食。任食吧：基本火鍋配料齊晒：蔬菜、菇
*
澳洲產頂級草飼黑安格斯 set B $268+10%
80品放題，共120分鐘
*
湯底、醬料：可以選擇一人一鍋/大大煲一齊滾，湯底有好幾款，泰式為主，椰子雞、喇沙都唔錯，前者有淡淡椰香，後者微辣重口味。醬汁偏向港式，豉油、麻醬等等，亦有泰式酸辣汁、冬蔭功醬等，不過大多係死鹹鹹鹹！
捕捉活蝦放題：大大個蝦缸捉蝦，攞啲冰放入個桶入邊，用鉗夾蝦丟入桶入面，再用個碟蓋住個桶，以防佢哋跳出嚟。實不相瞞，好難捉，邊夾邊跳走，仲會跳落地。夾完仲要記得洗手，啲水食落肚會痾架。味道方面，就係志在玩🤪
肉類：牛胸腰、肩胛肉眼、黑安格斯比較普通，牛肉味一般般。牛舌相對好，薄切彈牙又有肉味。豚梅肉肉質唔韌，食到肉味。羊肩肉最好，肥肉少、唔膻、有羊肉味。
各種泰式小食：泰串沙嗲豬肉、泰串沙嗲雞肉、泰式酸辣無骨鳳爪沙律，屬於落order嘅種類。串燒很一般，得醬汁味，鳳爪微辣卜卜脆。任食吧仲有熟食：黃咖喱、粉絲蝦、菠蘿炒飯，整體都幾好食。
任食吧：基本火鍋配料齊晒：蔬菜、菇菌、腸仔丸類，亦有啲唔常見：寬薯粉、豬紅、花生豆芽、魔芋條。
*
飲品：紙包、罐裝飲品種類繁多，有啤酒任飲，仲有泰式飲品：泰奶、綠奶茶、香茅水。最誇張係有得自製珍多冰，鍾意幾多料就幾多料，但真係太甜了。
雪糕、甜品：雪糕有mega、雀巢等等，甜品有斑蘭糕、糯米糍、brownie等，比較普通，可以選擇跳過。
張貼
