泰金鍋

營業中

休息中

泰式流水蝦放題餐廳藤燈罩&木椅好有泰國風味今試B餐$268包80款食物，除各款肉類，有唔少泰式前菜及小食，全部QR code落單。另外仲有自助食物區，有泰式熱盤、蔬菜丸類、沙律、甜品&似飲品冬陰公湯底好正，夠濃又有蝦火鍋牛肉有幾款，款款質素都唔錯，回點左夾round，其他主要食炸魚皮同自取蔬菜熟食最鍾意炸蝦片、串燒、榴蓮波波自取熟食有炒粉絲、咖喱、金邊粉、明爐魚等，好豐富除盒裝、枝裝&罐裝飲品，攞介泰式香茅水，香但冇過甜泰式甜品器皿&賣相七彩繽紛好吸引，但超甜食物款式多，味道正宗，不過兩小時食得有d趕。

想試呢間喺旺角新開無耐嘅火鍋放題餐廳好耐，佢之所以咁受歡迎全因為餐廳嘅特點係泰國風，無論裝修、湯底、配料、熱盤、甜品甚至飲品都貫徹泰國🇹🇭主題～今次都係朋友手快快先成功上網訂到位，呢間餐廳真係長期爆滿🤯澳洲產極選肩胛牛小排套餐——咩都有得食，最令我驚喜嘅竟然有牛胸爽，牛脂豐富爽脆，可以喺放題食到牛胸爽真係好幸福🥹湯底亦都唔係普通豬骨湯沙嗲湯嗰啲，呢度有泰麻辣鍋& 泰金冬陰功鍋——湯底超正，用冬陰功嚟打邊爐超入味😍呢個套餐仲可以任食串燒豬牛雞，沙嗲醬濃郁，甜中帶辣好香口😋餐廳一路keep住滿座人好多，不過自助區嘅食物仍然補充得好快，當食物就快冇晒嘅時候，店員就會好迅速咁更換，呢一點真係值得讚賞👏🏼

一家人總共9大1小+1BB(1歲）訂咗枱去食飯慶祝生日，佢個流水蝦位置非常吸引我兩個仔去夾…食物方面牛肉都好食，重有個榴連爆蛋我老公同阿妹食到不停口🤣佢個炸蝦餅都好新鮮好好味！湯底方面有好幾個選擇，最鍾意係佢介紹我地食一人一鍋，可以選擇自己喜歡嘅湯底又衛生，我自己比較鍾意食辣，叫左個麻辣湯底，但感覺唔夠辣同麻，有點失望…細仔叫左佢個椰奶雞湯底，都唔錯，最多屋企人揀藥膳雞湯底，香味濃，聽佢哋講都唔錯！最後食雪糕種類都幾多。雪櫃夠哂凍，雪糕好夠硬，尾聲大家熄哂爐全部人都覺得冷氣勁凍…連我同老公不嬲勁怕熱都覺得好凍…不過總體表現好滿意！埋單$2800幾，感覺都值嘅因為好味兼衛生

呢間泰式火鍋近日爆紅，特色嘅泰式湯底同熟食喺餐廳嘅招牌菜，新㯋有gimmick🤩1️⃣套餐有3個套餐可選，本人認為C餐最抵食😉價錢介乎$268-$298，視乎入座時間及日子而不同。2️⃣湯底一共有8個湯底任君選擇，亦都可以加錢轉鴛鴦鍋🍲分別揀咗養生菇菌清湯鍋同青檸椰奶雞湯鍋，兩個湯底調味一流，少油少鹽飲落無負擔✨3️⃣肉類&海鮮試哂咁多款肉，最鍾意肩胛牛小排、肉眼、牛板腱、牛舌同豚梅肉，肉味濃郁；魚柳、水魷魚等海鮮都十分新鮮，每碟肉&海鮮嘅質素都keep住咁高，升級最貴嘅餐係正確嘅選擇！4️⃣自助區諗得到咁火鍋配料同蔬菜都齊全，意想不到嘅係竟然有好多泰式熟食，好似海南雞、燒魚、木瓜沙律、炸豬皮、炸魚餅⋯⋯淨係食熟食都值回票價😍除咗現成飲品外，仲可以自製椰汁珍多冰，有得玩又有得食，快啲約埋朋友嚟飲飲食食啦🥳

記得去泰國旅行嗰陣，當地人好鍾意用冬陰功湯底打邊爐，但香港真係好少地方有泰式邊爐可以食😞皇天不負有心人，上網見到呢間新開咗一段時間嘅任食火鍋店係由泰國廚師主理，食物味道同款式都還原返泰國當地，未食已經好興奮😝期待已久嘅❤️‍🔥泰金冬陰功鍋❤️‍🔥果然冇令我失望，湯底越煲越濃，就算加咗湯都仲食到冬陰功酸酸辣辣嘅味道，用嚟打邊爐好開心☺️另一款湯底❤️‍🔥泰麻辣鍋❤️‍🔥 夠哂麻，辣油好香，火鍋配料朔晒湯底超級惹味🔥五顏六色嘅泰式甜品亦都充滿泰國風味，甜蜜蜜椰漿味突出😊另外仲有串燒、榴槤炸彈、炸雞寶⋯⋯款式又多又齊，不愧係一間超級高質嘅仼食邊爐店🎖

最近閨蜜生日🎂，米book咗一間餐廳同佢慶祝！聽講依間餐廳平時都幾full，入座嘅時候，店員會問我哋係咪第一次嚟，自動介紹下每個食物分別有咩特點，態度都好好👍🏻！泰式甜品，火鍋配料，流水蝦，飲品，全部都係出面自助可以拎。澳洲產極肩胛牛小排套餐有好多野食，🥩我地選左藥膳豬骨白湯鍋，清甜滋味，有好多藥材配料，感覺好滋補，就咁飲都好好味💕。招牌雞翼串，🍢🍢雞翼燒得好juicy，外皮有好多蔥粒同蒜粒，非常惹味，雞肉鮮嫩多汁，調味剛剛好。炸肉丸，外皮酥脆內裡軟糯其他食物有肥牛，豬肉，，墨魚仔，蔬菜食完大滿足👅👅。總括而言，呢間店嘅食物質素真係高👍🏻👍🏼全部都好岩胃口，支持支持！

濃郁椰子湯底🥥湯底椰子味濃郁，唔需要再點醬汁已經好夠味！加過幾次水之後，湯底依然有椰子味！用餐時間120分鐘剛剛好 一坐低係用QR code點菜，上菜都算快，同埋冇乜點甩單。唔使怕食放題但係坐喺度好耐都冇嘢食。一入餐廳就已經見到有一個水缸嘅蜆，仲有‘’活蝦流水缸‘’ ，可惜啲蝦就好似唔多郁，全部訓曬係度。不過餐廳始終唔係主打流水蝦🦐，所以都唔會太影響食放題嘅興致。飲品甜品肉類選擇多飲品有啤酒🍻啱晒我地。甜品方面，驚喜地有好多特色泰式甜品，全部賣相都好靚，唔會係啫喱或者普通放題甜品。我同朋友都食咗幾轉甜品呀！呢間火鍋店肉類多，甜品又有得食，而且飲品又任飲，環境舒適光猛（都算係新裝修），絕對係可以一試的一間泰式火鍋店!下次會再來試其他味嘅湯底！

打邊爐嘅癮又起，但普通嘅打邊爐已經食過好多次，冇咩新意😔難得見到有泰式邊爐，仲有得任飲任食，好似冇咩理由唔去試吓喎🤪🔥澳洲產極選肩胛牛小排套餐🔥比較過之後覺得C餐最抵食，有成90樣嘢食可以選擇，鍾意點食都得🤩藥膳豬骨白湯鍋&檸檬香茅鍋湯底一濃一清，可以隨時轉換下口味😋套餐豬肉、牛肉、羊肉都有得食，特別係牛肉嘅款式好多，每碟肉賣相都好靚，切得厚薄適中，非常之新鮮呢😉醬料同飲品都可以自己調較，最開心嘅係可以無限任食由泰國直送嘅小食，好似有串燒、炸蝦片、炸豬皮、炸魚皮等等，小食嘅質素一啲都唔差，拍得住泰國餐廳嘅質素😍

唔知有冇人同我一樣都咁為食，想喺同一間餐廳入邊打邊爐，食小食同熟食，最後仲想食埋甜品呢🙉如果你都同我一樣鍾意咩都食啲嘅話，咁就一定要嚟泰金鍋～！除咗任飲任食邊爐之外，餐廳更會無限量供應泰式小食同甜品，一次過滿足你所有嘅食慾🙊🌟🌟佢哋嘅任飲任食火鍋套餐分別有三個，湯底選項都幾多～而我就鍾情泰麻辣鍋，配牛肉（特別係牛胸爽同安格斯😍）更加惹味😋鮑魚仔都包括埋喺我哋叫嘅套餐入面，好新鮮爽口🤩🤩單單邊爐梗係滿足唔到一班為食友啦🙈呢度仲提供唔同嘅泰國菜式，好似滑一滑嘅海南雞、脆卜卜嘅炸豬皮同每日鮮製嘅椰汁糕甜品等等，總有一樣嘢啱你食🤩

日式台式一人一鍋好常見，旺角呢間開業冇耐嘅「泰金鍋」就非常特別，主打泰式一人一鍋，鍾意試新嘢嘅我哋當然要會一會呢個泰式火鍋啦😍既然嚟得，梗係要揀個最多嘢食嘅C餐啦！我哋揀咗泰金冬陰功鍋🌶同泰麻辣鍋🌶可以一次試晒兩個唔同味道嘅湯底。QR code落單後，海鮮同埋肉類好快就上枱😍不過最吸引嘅都係自助區嘅食物，超多款式嘅丸、腸仔、蔬菜全部都可以自取，實在眼花撩亂🤩記得買食埋佢哋嘅泰式小食，特別係沙嗲串燒同炸豬皮，我哋encore咗好多碟😆呢度又可以打邊爐，又可以食到泰式小食，今次真係有口福啦😋

位於旺角創興廣場6樓嘅呢間泰式火鍋放題專門店，我已經bookmark咗一段時間，今日終於可以約到朋友嚟食，令到我好期待⭐️唔知泰式火鍋有咩食㗎呢？餐廳嘅區域劃分得清楚，拎嘢食嘅路線線亦都十分明確👣👣中央位置係自助醬料、食物、泰式炸物、甜品區，好方便就可以拎到嘢食👍🏻嚟得食泰式邊爐，梗係要揀返個｛泰金冬陰功鍋｝先夠正宗！如果唔食得辣，可以試吓｛日式蕃茄濃湯鍋｝，湯底好鮮甜，都幾好飲㗎🍅我哋嘅套餐好豐富，肉類方面有有牛胸爽、牛板腱、牛小排、牛呑等；海鮮更加有鮑魚仔、魷魚仔⋯⋯新鮮又彈牙👅鍾意食香口野嘅話，炸豬皮同榴槤炸彈就要試啦！呢啲特色泰式炸物都係可以無限自取，真係泰精彩啦👏🏼👏🏼

好耐沒搵朋友聚會、但系又想食好D，就首選左呢間位於旺角既泰金鍋，我地都係食澳洲產極肩胛牛小排套餐。總體來講食物多種類🍝用餐環境都簡潔，舒服。😛🇹🇭泰金冬陰功鍋🔥係泰國獨有既辣味，辣得來唔會嗆、可以食好耐都唔會覺得膩。🇹🇭雞肉🐔每口也是精華所在，肉質彈牙，入味，令人回味難忘。🇹🇭 肥牛🐮好吸引，食落去滿口油味，非常塊，夾雜著淡淡的冬陰功湯底味，而且肉質彈牙。🇹🇭豬肉🐷豬肉五花部分紋理清晰，好好味，冇渣。真心覺得呢間餐廳的菜式都好新鮮，而且飲品，甜品等等都係自助，店員好用心準備食材🥬🧄。下次會帶埋朋友一齊encore!👍🏻😁

湯底種類選擇令我眼花撩亂~太多選擇，我決定今日泰金冬陰功鍋，湯底好濃郁，辣度好適中，仲有不如配料，湯底係特別惹味!有好湯底果然要配肉類，我揀左個 澳洲產極選肩胛牛小排🐂套餐，仲叫左1不同牛部位分別係西班牙白豚肉、特級牛胸爽、極上牛舌、澳洲牛小排🐮牛胸爽都比較少見，係牛心臟旁邊嘅脂肪膜，唔會太油反而香口，我仲碌左蝦，蝦🦐🦐加埋冬陰公湯真係好入味見到即食區有不同美食，包括青木瓜沙律🥗、咖哩大蝦、油飯、海南雞同泰式烤魚，海南雞肉🐔真係好嫩滑，encore左一碟，泰式蝦片仲卜卜脆，超脆口，仲補響鈴一入湯，未夠1分鐘上碗即食，好棒，超口味~整體來說，呢度環境超寬敞，又以泰式裝修為主，卡位以啡色為主，店員🗣️都好有禮貌又友善，食物又新鮮，下次絕對會再來，真係好推薦!🉐

之前生日月份仲會去泰國度過，可惜因疫情關係，無法去泰國，所以拉左男朋友去泰菜超多又係主打泰式任食打邊爐🆕呢間餐廳裝修以泰日為主，淺啡色嘅木同埋卡位坐位，感覺更舒適寬敞‼️‼️我點左特級牛胸爽、澳洲產極選殼飼黑安格斯、牛板楗、肥牛、牛小排同牛舌，肉質唔係爽脆可口就有油花同油脂香，真係啖啖肉，我係揀澳洲產極選肩胛牛小排套餐!🐮🐮🐮然後泰國菜必食泰金冬陰功鍋🌶️帶香辣又唔會搶咗牛肉或者其他配料嘅味道我點左鮑魚同泰式鳳爪，鮑魚超彈牙，泰式鳳爪係無骨而且配料超好味😋😋🤤感覺未夠喉，走左去攞雪糕~🌟種類繁多的雪糕🍦🍨🍧，淋瑯滿目，好難揀，仲有新興的熊仔雪條，選擇困難症的我只好攞左一埋雪糕，慢慢嘆哈哈總括而言，整餐飯好吸引又惹味，完全符合個人的口味，而且服務員態度友善又願意幫忙執枱，環境又舒服，有機會再黎試~🤎

最近朋友介紹一間的排長龍火鍋，真係高朋滿座咁，見到食評都有介紹呢度有超110款的食品，而且係任食，飲品，醬料都有好多種類，其實對於我呢位甜品控的人最特別係有不同泰國甜品，例如係有椰汁糕，超好味，好興嘅泰國熊貓雪條、西瓜雪條都有呀！🍮🍭🍰🧁🥧🍦🍨🍧而且呢度環境係營造到好似去左泰國咁，無得去泰國旅行，呢度係一個唔錯選擇，旺角泰金鍋(泰式火鍋)正呀！🥘🥘食控邊爐最緊要湯底，今次叫左泰金冬陰功鍋，仲有超多種類的肉俾我慢慢涮，牛板楗、牛胸爽係我必食之選，牛板楗肉質好有口感，牛胸爽好彈牙，讚!🐂🐄仲有唔同熟食等緊我，泰式烤魚烤得好香口，魚肉好嫩滑，最重要無魚骨，方便食!串燒🍢好多沙嗲醬，沙嗲醬有濃味的花生味，夠特別又好味!🥜泰式蝦餅，鯪魚球都係好好食，一定要試!💞流水蝦好生猛咁游嚟游去，食完完全返屬味!我會再黎呀！🤤🤤