泰金國

營業中

休息中

6:30去到已經排長龍，果然好有人氣，但人流去得算快，等半個鐘就有位。燒雞翼冇得輸，外皮燒到焦香，內裏仍然好有肉汁，外焦內嫩，抵讚！皮蛋炸蝦餅好食，皮蛋靚，係流心嘅，蝦餅就彈牙，唔錯。但有朋友覺得皮蛋味唔夠出，所以扣一粒星。咖哩炒蝦，味道都唔錯，用嘅係泰國蝦，蝦頭多蝦膏，切開一半，食起上嚟比較方便。其實叫咖哩主要係為咗配蒜蓉包，呢度嘅蒜蓉包實在太好食啦，因為用炭火烤過，所以有陣炭火味。飲品就推介菠蘿沙冰同芒果沙冰，比較多人叫芒果，但我地都覺得菠蘿好飲啲，好清新嘅感覺。因為係大家上一輪食得好飽，所以試唔到太多嘢，呢間抵食又好食，絕對會再幫襯！💛

九龍城·泰金國依間泰金閣自從搬左位之後就搵唔番平日去都勁多人等位朋友介紹 果然唔錯👍🏻👍🏻👍🏻價錢合理 同埋都好大碟❤️雞翼$18 好好食😋😋😋但係就叫一次 就冇得加單中意食雞翼既 一次要試炭燒豬頸肉💕💕$78燒完好香 好有咬口又好淋 唔會好似食像根甘冬陰公湯💕💕💕$98 細碗兩個人飲都覺得好多 可以每人飲到3-4 碗 仲要好足料 有成4 隻蝦😚😚泰式海鮮炒粉絲$88 依碟就一般 唔太特別好食 但就勁大碟🤩同埋顏色就淡色啲整體來講 依到既野食 都算幾好食覺得好食過 同抵過食小曼谷😝😝#泰金國

九龍城最愛泰菜⋯⋯泰金國由佢舊舖開始食到新店以前剩係開晚市而家12點就開門仲要乾淨企理好多·叫左最出名既燒牛肉 （$88）每次都必點已經切好上枱聞到好香既炭烤味但牛肉仲好粉嫩仲好juicy唔會乾柴咁個醬汁無得彈我次次都要兩碟汁真係好好好味·泰式生蝦刺身（$98）蝦頭拎左去炸一蝦兩味蝦好新鮮個醬汁辣辣地好開胃·泰式海鮮炒粉絲（$88）佢既炒粉絲炒得好乾身而且海鮮量都算多但略嫌唔夠味·泰式皮蛋炸蝦餅（$88）我見網上好多人讚但呢舊野我都真係不敢恭維無論分開食定一齊食我都唔真心麻麻地🤭整體而言我絕對會為左個燒牛肉再番黎☺️

最近入咗好多唔同嘅關注組，其中一個係牛扒關注組，見到呢一間餐廳嘅泰式燒牛肉超級多人推介，基本上10個post入邊有八個post都係講緊佢😆😆😆//因為網上面嘅力量，令到呢一間餐廳無時無刻都好多人排隊。我嗰日嚟到大概等咗30分鐘，終於都有得入座。落單嘅時候叫咗店員將牛肉整生啲，嚟到見到牛肉嘅顏色好滿意，不過食落去就有少少韌，但係都可以接受得到，以呢個價錢來講真係幾滿意㗎！今次重視左佢嘅蝦滑皮蛋，估唔到又幾特別🥰

食物質素ok，但服務好差。叫左燒牛肉、蒜蓉包、乾炒豬肉河、飲品。燒牛肉、蒜蓉包、飲品好快就到，但乾炒豬肉河足足等左45分鐘，隔離檯遲來但d炒粉面仲快過我地上檯。見唔對路就問問店員，全店最後生嘅店員check完電腦後就黑面叫我地繼續等。最後有另一個店員幫我地跟進先有得食。用餐後去openrice睇comment，原來d負面comment都係話服務差，甚至話該後生店員黑面/反白眼。其實食野我唔需要好好服務，但唔洗受氣和等好耐啊，冇下次。

難得去到九龍城呢個小泰國，梗係要食泰國菜啦。💛泰金國💛 六點左右去到已經要排隊！等咗差唔多半個鐘終於有得食食泰國嘢唔少得生蝦，生蝦好新鮮，仲炸脆咗個蝦頭，配埋個酸辣汁，非常開胃另外仲叫咗燒豬頸肉同燒雞翼好惹味同有風味！冬蔭功都好出色唔會太辣，好鮮甜！如果唔想排隊，記住早啲去食！

來到九龍城，泰國菜的選擇實在是太多了，而這間絕不缺人氣！星期六的6:15黎到大概排了20分鐘。首先叫了他們馳名的燒牛肉😍果然名不虛傳！還叫了燒豬頸肉、燒雞翼、燒鯽魚和冬蔭功湯。全部都好好食！一定會再黎!

呢間餐廳喺九龍城好出名，嗰日六點幾早咗嚟，都要排30至45分鐘左右，睇嚟佢嘅人氣真係唔係講笑！🤩.生蝦 🦐蝦身新鮮，彈牙有鮮味，點埋佢嘅泰式醬汁，酸酸辣辣咁令佢嘅鮮味更突出；至於蝦頭佢就拎咗去炸，一蝦兩食咁樣，佢有好香嘅蝦味同埋好脆口，好香口！ 🥰.炒通菜🥬夠晒鑊氣，配料嘅香氣出晒嚟，通菜唔會好老，份量都幾多，抵食！ 🔥 炒河粉唔會太鹹，蝦嘅份量都幾多，食落都蝦味，肉質都叫紮實，唔係好廉價嘅急凍貨，值得一試！ 🍝 呢度嘅沙冰非常出色，大大杯，有新鮮天然嘅果味，飲落消暑開胃，食慾大增！！😋😋.呢間餐廳要排咁耐隊都唔係冇原因！食完一次終於明白晒…encore泰國嘢嘅首選！ 🇹🇭

一早聽聞過呢間泰菜，想試左好耐，但泰金國係無得訂位，但甘岩有朋友呢排係附近番工，佢放左工就去到餐廳等位。我大約六點半到，已經排左一條長龍，好彩有朋友一早去排隊，等左陣就入得。我地叫左五樣野食，覺得炒金邊粉一般，食得出加左茄汁炒，但正宗既炒金邊粉係應該用羅望子汁去炒，所以有少少失望，飛天通菜發揮正常，爽脆多汁，鹹香中帶辣。燒雞翼燒得岩岩好，香嫩爆汁。燒豬頸肉有炭火香氣，油脂感啱啱好，配埋泰式辣汁一齊食，非常野味。而全晚既MVP 一定係泰式燒牛肉，牛肉燒得岩岩好，顏色粉粉嫩嫩，入口軟棉棉，只需輕輕咀嚼。係九龍城食過幾間泰菜都無留低深刻印象，唯獨呢間，我會想再番桌🤤

又食泰國野啦！泰金國好出名，假日超多人，仲要等75分鐘食…所以如果你想食烤魚或串燒，就要一去到就叫啦！唔係會唔俾叫架！金邊粉，夠鑊氣，好味。鍘魚沙律，比泰皇閣辣，可惜係花生唔係腰果，唔夠惹味。蒜蓉包，香軟，好食。炸蝦頭令人驚喜，頭尾都唔浪費。燒牛肉，燒得剛剛好。必飲椰汁沙冰！

第一次去宋皇臺站🚊竟然係為咗食泰金國😳〰️泰金國既出名程度真係唔講得笑 我5:45pm左右去 以為已經好早到 點知都係要排隊😶‍🌫️一路排隊一路聞到好香嘅燒肉味🥓😍超級肚餓 不過無令我失望既 真係每碗都驚呼連連🤤〰️燒牛肉 $88黎到泰金國點可以唔食燒牛肉！🥩🤓唔洗多講都知超級正❣️燒牛肉依然保持肉汁 半熟食落感覺會嫩啲☺️而且份量都多架〰️最緊要點佢個泰式辣醬〰好惹味️😳食泰國菜就係要重口味🙋🏻‍♀️🇹🇭白灼螄蚶 $88第一次食螄蚶〰️ 我見好多枱客都有叫到😳白灼螄蚶煮法唔係全熟的 唔知係咪食咗幾隻唔靚既 我覺得有啲腥🥲同埋聽聞煮得唔好 好易中毒😈所以我食咗幾隻就無食了 佢另外都有一個泰式醬汁點配既〰️ 泰式乾炒海鮮河 $88一上枱大大份🤣比起普通餐廳既乾炒河粉 我中意泰式既多啲🇹🇭❤️泰式炒河多數都會有芥蘭同蛋🤤蛋又唔會好碎 加埋一齊口感豐富好多 味道都較香同濃味😋❣️泰式鮮蝦膏炒飯 $78有驚喜既炒飯！我以為蝦膏炒飯會平平無奇 點知🤓有蝦乾仔！🦐脆脆地咸咸地咁 幾得意架！亦都有大蝦😛炒飯粒粒分明 蛋炒飯加埋蝦膏既香味 無得輸😙❣️蒜蓉包 $28$28有6大舊蒜蓉包 幾抵食〰️可惜係 佢係食緊主菜途中先上 咁

今次去咗泰金國食晚飯，喺九龍城都算好出名，歷史悠久，好多人都介紹個燒牛肉，一於去試吓。啱啱好6:00去到，坐咗最尾一張枱，走嗰陣出邊已經排長龍。兩個人，叫咗燒牛肉、蝦膏炒飯、生菜包、飛天通菜、百香果沙冰同埋泰式奶茶。燒牛肉好大碟，基本上枱枱都有叫，燒出嚟隻色好靚，大概五成熟，好多人都讚個汁，但係我覺得就咁食好食啲。蝦膏炒飯新鮮炒起好香，大大碟幾抵食。生菜包同通菜都唔錯，冇乜特別。至於兩杯嘢飲，個百香果沙冰應該係糖水溝出嚟，味道麻麻哋。泰式奶茶就幾好飲，茶味香，同港式奶茶相比係第二種風味。聽過人講喺嗰度加單會俾人鬧/黑面。我哋落單嗰陣已經同我哋講只可以加一次單，我哋加單之後就收咗我哋本Menu，但就冇唔友善嘅態度。兩個人最後食咗$396，食唔晒要打包。總括嚟講，食物質素幾好，性價比幾高。服務都唔錯，有求必應，係坐得迫咗少少。但係都推介嘅。

九龍城一直都係泰國菜既集中地 當中最出名既莫過於呢間泰金國 雖然寫左有wts/電話訂位 但係鋪頭話只有walk in😂 禮拜日都預左多人 由1800開始排 排到1840先入到座 都算係咁架啦 一行5人 叫左8樣野 味道同價錢相符 都叫抵食 （笑話一則... 以為側邊蝦頭係伴碟用 食哂生蝦就叫人收左隻碟 店員提醒先知炸蝦頭都食得.... 失禮失禮😂）整體黎講不過不失 價錢同質素都相符但係又未至於去到要排咁耐去試🙈 店鋪內疫情問題都擺少左座位 通道較窄 店員上菜都有d困難😂 環境衛生就小店水準啦 唔好期望好乾淨 有緣經過可以一試 太多人就唔好排啦 限時食飯75分鐘 可以加單一次 大家排隊就好睇定食咩啦🤤

星期日六點左右黎到已經見人龍，等左40分鐘終於有得入去啦！環境企理光猛，不過waiter就好似唔想做野咁🤔等左陣都未攞餐牌黎。見到空碟，檯面又唔夠位擺野食都唔會主動幫手收碟。生蝦平均$12隻，肉質彈牙。蝦頭炸到脆卜卜，又唔會好奇怪wo！好似平時食炸野咁～都係第一次見會炸埋蝦頭，有心思蒜蓉包燒得岩岩好，香脆有濃濃牛油味可惜就無咩蒜蓉味啦泰式冬陰功入面有菇、番茄同少少蝦，配料味道正常。不過個湯好酸仲鹹到苦泰式燒雞翼雖然只係好普通既燒雞翼，但火候控制岩岩好。唔會太熟保留肉汁燒牛肉見好多人推薦滿心期待咁叫，但真心失望。舊牛本身就好瘦仲要有筋。加上燒既火力唔平均搞到中間全熟，真係咬都咬唔開。另外個醬同牛一d都唔夾。泰式燒豬頸肉相反豬頸肉爽口，香得黎唔會肥到漏。醬雖然同牛肉一樣少少酸辣重香料味但帶出到豬味。泰式炒金邊粉大大碟粉，過濕，味偏淡。馬拉盞炒通菜又係成碟水呀⋯唔係太食到馬拉盞既味道。泰式西瓜沙冰、芒果沙冰、百香果沙冰沙冰類質地打到好綿密，明顯都係水果加糖水。最好飲就係芒果沙冰啦，飲得出係用泰國青芒，清新味道好適合濃味泰菜呀。椰青每次叫椰青都係靠運氣，因為隻隻既味道都唔同。今次叫左兩隻椰青，

講九龍城有間水準好高嘅泰國餐廳，即刻慕名而至(*^^*)味道果然有驚喜，招牌菜式例如燒牛肉同肉碎生菜包嘅味道都令人喜出望外！🇹🇭✨ 📌燒牛肉 ($88) 必點之選✨ 雖然覺得呢道菜冇咩泰國特色，不過牛肉唔會太多肥肉，呈粉嫩色超吸引，韌度亦燒得啱啱好，味道十分濃郁同入味，絕對唔會令你失望～ 📌泰式乾炒河 ($78) 份量比想像中大好多，上檯時仲冒住煙熱辣辣，味道鑊氣十足之餘，配料份量幾多 📌泰式肉碎生菜包($65) 有冇人同我一樣去親泰國餐廳都鍾意嗌呢道菜？因為fresh得嚟仲好香口！生菜啱啱洗完，食落十分新鮮同清新🥬💦 同香口嘅肉碎配合得完美，結果忍唔住一個人食曬成碟生菜包🤣 📌椰青($42) 食咁多嘢梗係要飲返個椰青解膩！味道新鮮，而且好清甜，成個人都醒神曬～ 💡泰金國都算係遠近馳名，當日我地係閒日放工時間去到，都要等大約九個字位，如果唔想等咁耐可以喺正佢落場之後（冇記錯係6點）準時到達門口🤣 💡環境比較似大排檔，比較熱同衛生一般，不過啲食物好食我就唔計較咁多喇 💡見到有啲人評論話員工態度好差，但嗰日我地都冇遇到呢個問題，落單同上菜速度都幾快，唔錯！ Visited Thai Col