泰金國 (已搬遷) 新店位置

嚟到九龍城搵食 當然係食泰國菜啦泰金國每晚出面都大排長龍 傍晚六點左右 餐廳啱啱開門 我同朋友即刻衝入去幫襯 漸漸越嚟越多人 好快就坐滿咗 埋單之後原來出面已經排咗一條長長嘅人龍泰國生蝦 必食蝦身用嚟做刺身 肉質爽口彈牙 蝦頭炸得香脆 連殼都可以食埋辣椒膏炒蜆 蜆肉冇沙而且肥美 辣度適中 配合金不換一齊炒 香味獨特 惹味非常白灼螄蚶 份量都幾多白灼嘅時間啱啱好 螄蚶程半生熟嘅狀態 入口鮮甜 肉質爽口燒牛肉 配上秘製辣汁生熟程度本人非常喜歡 牛肉燒得好香 中間仲係粉紅色 牛味重 吾鞋囗馬拉盞炒椰菜苗 辣辣地 非常有泰國特色炒粉絲 鑊氣十足 粉絲唔會黐埋一舊 入口依然彈牙椰青 非常清甜 可惜唔夠凍芒果沙冰 必飲 用新鮮芒果打成 真材實料 解暑解渴之選

又黎到我最鍾意嘅泰國餐廳，一個月起碼幫襯兩次，可想言之，呢度啲泰國嘢有幾咁好食。九龍城眾多泰國菜之中，覺得呢間小店最正宗，嘢食最正日本甜蝦刺身就食得多，今次第一次食冰鎮生蝦，非常新鮮，味道鮮甜，點埋個酸辣汁，啱啱好闢走啲腥味，超正，蝦頭好特別，炸到脆卜卜，小小咸，唔洗點醬都已經好好食。下次來都會繼續嗌生蝦，熱烈推介已經第三次食炭燒豬頸肉，好爽，有少少肥膏，配埋沙嗲汁，小小辣，好好食原隻燒雞翼，熱辣辣香噴噴，燒到有少少燶，食得好滋味！皮蛋炸蝦餅，個皮蛋，係溏心架，蝦餅炸到脆卜卜，呢個配搭好特別！我的至愛冬陰功必食！呢個唔係一般嘅冬陰功，比起其他餐廳嘅冬陰功湯粉麵，呢個湯超級足料有啲餐廳餐牌寫冬陰功湯粉，但就嚟咗碗酸辣湯粉，根本就唔係冬陰功！呢個冬陰功湯係正宗嘅冬陰功，又有好多塊魷魚同蝦，少少肉碎，叫小辣啱啱好，大大碗，抵食！誠心推介酸酸甜甜好開胃，唔辣嘅金邊粉，唔錯！食辣野，梗係唔少得飲番杯凍嘢啦！大大杯用果肉整嘅沙冰，成兩隻杯咁高，食完餐飯啲冰都未融哂，好抵飲！芒果沙冰都係用果肉整，好飲！比菠蘿沙冰甜，但唔知點解融得好快。小店應該冇攞酒牌，但比啲客人出面買啤酒拎入嚟飲，對面就有間士多，

每次行過九龍城都見到幾多人排呢間呢次我就趁早少少黎，諗住試返次差唔多等左over半個鐘先入得睇完餐牌後叫野食，冬陰公粉絲湯，燒牛肉，脆肉炒通菜，同埋炸鰂魚諗住有野食黎，先再叫沙冰，廢事野都未食，沙冰就溶哂～～燒鰂魚～～有普通炸鰂魚($128)，同埋香茅炸鰂魚($158)， 見價錢差$30咁多我地又唔太鐘意香茅，就叫普通鰂魚算啦，反正第一次黎試下味先黎左個冬陰公粉絲湯先，就食左先等緊下一樣野時，我行開左去toilet， 返黎朋友話我知，阿姐走黎話：炸鰂魚要$148, 好無？朋友問加香茅呢？阿姐答：$168朋友都係話要返炸鰂魚我聽完之後再望返餐牌，係$128喎，做乜無啦啦改價錢，都唔係明碼實價既，俾人感覺唔老實，但朋友話算數就算係照食，阿姐都係欠我地個原因，話加就加呀？不過就算阿姐話因為條魚大條d，我地都不得而知，我地係第一次黎最後食哂其他野，炸鰂魚先黎，我亦發現隔離枱原來都有叫炸鰂魚，但我同朋友都無聽唔到有阿姐黎同佢地confirm炸鰂魚價錢，亦有可能我地無留意，係一個謎～～跟住食燒牛肉，勁肥，完全失望～～沙冰～～當我叫返阿姐想落杯沙冰時，阿姐求其答左我句野，我完全聽唔到佢講乜，又唔見佢

突然間好想食泰菜，二話不說就想去九龍城，之前朋友都講過有間幾抵食，所以諗住過去試下，去到大約7點半等左30分鐘就入得去，去到都幾迫而桌比較細 ，我地2個叫左4樣野，結帳$259,即每人$130堅抵食仲要我地係食吾晒...冬蔭公湯..飲落後去都夠辣度同椰汁香，但偏咸，入面菇入晒味吾錯但蝦就冇咁新鮮有少少梅身但勁大隻（2隻開邊）。但因為太咸關係，我地最後飲左一半就放棄左。牛肉沙律...朋友推介也是我地覺得成頓飯最好的餸，牛肉好濃又香配上辣辣沙律，整體味道吾錯，最重要係超級份量大，食極都食吾晒。炒金邊粉...份量正常，材料都吾少但整體偏甜而冇辣味，配上花生碎增加不少口感。生菜包...豬肉味道吾錯但零辣度，份量都正常而生菜都新鮮勁多。

Weekend 就係俾個胃放縱一下😂食下好野係正常吧！ 因為好耐無食泰國野，結果去返成日去嘅老地方-九龍城。 去得九龍城，其實唔使怕搵唔到泰國野食。 去親九龍城，香港人總會有幾間心水在左近我當然唔例外。 我嘅心水係依間-泰金國。 我差不多兩，三個月無黎依到食囉！ 所以諗住再回味一下。 其實依間野，由我第一次幫親都知道招呼麻麻，等又要等超耐，每次等到成肚氣時，入去食返野，條氣就順返曬。 因為野食真係好食，好入味。 諗住今次都一樣啦去到門口，發現面目全非，原班人馬唔見咗。 果時即刻係到諗唔通轉咗手？唔理啦！ 食物好食緊要d, 結果我繼續等。。。結果等咗一個鐘。樓面唔夠人，有位都安排唔到我們入坐，又開始火起。 因為諗住野食好食，結果都忍到入去坐😅叫嘅野都一樣： 生蝦刺身依個依舊好好食，夠鮮，蝦肉夠實。蝦頭炸得甘香。值得推薦嘅！ 泰式脆肉抄通菜夠鑊氣，菜夠嫩，不過太油。椰汁沙冰變曬質，好難飲。大家都係叫返提子沙冰順啦！泰式抄金邊粉味道差少少。偏酸燒雞翼不過不失之作。 整體認為係轉咗手，野食味道唔同了，唔再係我best 1. 但如果我想再食生蝦都會返黎嘅！ 希望他們有進步啦！ P.S 可能轉手關

星期五晚七點到，已經要等位了，結果等左大約1個鐘至入座，都幾誇張。入面鋪頭細細，好有小店feel，環境唔算太企理，但勝在氣氛搭夠。今晚食左5樣嘢，加杯飲品，埋單$403。泰式西瓜沙冰（$25）：食咁多熱氣嘢梗係要叫杯冰涼下啦，同埋呢杯飲品都幾大杯架。泰式燒雞翼（$16/串）：燒得香口、醃得入味，讚！泰式燒牛肉（$70）：呢個價錢好抵食wor，個辣汁好正，點埋仲好味啲！泰式炒椰菜苗（$60）：叫碟蔬菜平衡下，呢碟菜調味偏重，下次可以不叫。泰式咖哩炒蝦（$188）+蒜蓉包（$28）：呢度嘅咖喱調得幾好，唔係好辣，蒜蓉包同咖哩簡直係絕配！要彈的話就係點解佢會炸左啲蝦嘅？！呢間店係九龍城黎講都算排隊店，質素唔錯，環境就一般啦，但風味同氣氛搭夠！

今晚同老朋友去咗九龍城食晚餐，去九龍城當然要食泰國餐。我地行咗行咗兩條街，決定試下泰金國。打開Menu, 好多樣都好想試，所以點咗好多野，每樣都有水準yummy yummy, 特別一提個豬手同蝦餅真係好正，美食當前，我地兩個發揮到最高景界，KO晒佢地，好厲害。今晚泰國之夜，好滿足。

是日與昔日戰友相聚友人們表示不想吃日， 西式料理 便選擇了泰式說起泰國餐廳 想起舊同事極力之前極力推薦的泰金國因公眾假期 無法事前預約730到達接近810才入座小店座位不多 裝修簡單本想點生蝦沙律 但老闆娘指最近天氣炎熱 暫不供應點了冬陰公冬陰公跟平常吃到的味道有點不一樣很好入口 而且喝到香料的香味跟蝦的鮮味香料應該有點跟別家不一樣螄蚶沙律這個比較一般 可是那個點的醬汁 辣辣的 很開胃泰式明爐魚酸酸辣辣很好吃下次試試看燒魚必點的咖喱蟹超多蟹膏!咖喱不會辣 很滑口 還有淡淡的椰奶香廚師打了雞蛋 超正👍👍跟蒜蓉包一起配著（男友人還點了一碗白飯😂）是晚還點了蒜蓉包 泰式海鮮炒飯 馬拉盞炒通菜跟椰青因為沒有吃到（被搶光了😂😂） 故沒有拍照 但友人均結予

九龍城嘅泰國餐廳林立，從街頭到街尾 每處佈滿唔同嘅泰國餐廳。但要數最正宗，最地道嘅 絕對係泰金國。位置於衙前圍道，位置並唔顯眼，門口細小加上另一個門口長期落閘。唔係經常去九龍城嘅人，的確好容易走漏眼！店內全部是操歪歪口音的泰國人 服務親切 餸菜地道 價錢便宜又大碟，所以話如果去過九龍城冇試過泰金國嘅話實在太可惜了！首先值得推薦，我每次去都一定會點嘅 ，就係呢碟 皮蛋炸蝦餅！必食首選！香脆既外表 加皮蛋既流心！真係相當吸引但記住一定要趁熱食，因為放耐左，啲皮就會變淋嫁啦其次就係燒牛肉！通常去泰國餐廳 啲人一定會點 燒豬頸肉，但去泰金國記得一定要試吓佢嘅燒牛肉！ 只係70$左右 但分量十足，火候都剛剛好！ 不會太生不會太熟配佢地辣辣地既醬汁 每次都好快一掃而空哈哈然後就係佢嘅生蝦頭盤之前去親嘅泰國餐廳試既生蝦都細細隻但呢間啲生蝦 大得黎又夠彈牙都係必食推薦 而且醬汁都係偏辣 作為開胃菜 味道十分刺激PS*炸埋個蝦頭 送酒一流由於佢已經列入左我最喜愛嘅泰國餐廳所以好多菜我都試過炒金邊粉 相對其他菜式來講比較普通 不過超大碟 我一個人完全食唔晒，最後仲要打包返屋企如果多人食嘅話，我推薦食咖喱雞

啱同班同學仔做完個Pre 辛苦成個月 決定慶祝下食個宵夜 於是由BU行到九龍城 經由朋友推薦（不過佢話好多人排隊 自己都未試過）好味！不過冰沙等好耐 燒牛肉同雞亦大大推薦！無得彈！冰沙可以Feel到系即製 等好耐 提子一般 芒果好味D

星期五晚，喜歡泰國菜的我心癮又起，決定放工再會泰金國。這小店，門面絕對不是美麗，說實話，若不是朋友曾介紹，我也未必會去。但食過很多次，水準依舊，晚上8 點正，門外人龍已經很長，懷念從前不用排隊的日子，不過一場來到，當然要等啦！約30分鐘，終於有位了，已經超級肚餓。什麼也沒想就叫了金邊粉，這是必食，明爐魚，炒椰菜苖，還有燒雞翼，燒牛肉，西瓜沙冰。上菜速度十分慢，但店員服務態度很好，也明白是食客比較多，耐心等候吧。第二道菜是馬拉盞炒椰菜苖，本來以為炒菜實無死，一定好味，但今次卻炒得非常辣，只是一味得辣，吃不出其他味道，有點失望。再來是酸辣明爐魚，明爐烏頭是我喜歡的泰國菜之一，尤其是秋風起冬天吃，熱辣辣特別爽！先說湯底，酸辣味十分重，也有些豬肉醉和秀珍菇，魚肉鮮味，吃到停不了口，十分讚！燒雞翼來了！！ 在泰金國吃燒烤是要比耐性等候，因為他們即叫即燒而很多人叫，試過有一次因為太多人叫燒烤，而店員要求我們轉其他餸菜，今次終於食到喇，好開心：）燒雞翼真是超超超好味，雞皮燒得乾身但肉汁依舊能鎖住，不出一分鐘已給我吃光。這個燒牛肉是我朋友推介給我，她說這是好味到在香港找不到另一間泰國餐廳能比得上。所以

由食第一次已經愛上既泰國菜，開鋪時間由6點改到6點半，未夠7點就滿座，每次去都要早15分鐘去門口排隊，餐廳環境一般，但抵食又夠地道。芒果沙冰每次必點，見到哥哥仔用芒果肉加冰打成，飲出濃濃芒果味，配辣野一流。燒牛肉等待需時，皆因即點即燒。牛肉外層燒香，內裏淡淡紅色，相當有咬口，牛肉味重，配泰式辣醬特別辛香馬拉盞炒椰菜苗第一次點這個菜，辣辣地相當惹味，餐廳將菜苗切細，每條菜都沾上馬拉盞醬，配上辣椒，兩隻味道幾夾。炸蝦餅蝦肉略嫌未夠爽口，但正體上都不錯，下次試理個皮蛋蝦餅

今日黎到聚集好多泰國餐廳既九龍城，當然就係要食泰國菜啦！呢間舖平日都好多人，排隊排到出馬路咁濟，所以我地book左位，去到即刻就有得坐。落左單之後，大約等左十分鐘左右，食物開始陸陸續續送上。夏天飲椰青最好不過，清熱解渴。炸蝦餅比出面既泰國餐廳大舊，仲啖啖肉。生菜包既菜一啲都唔孤寒，絕對唔擔心食晒啲菜之後唔知點算。其實餐廳其中一項受歡迎既係皮蛋炸蝦餅，大家都可以去試下，一樣都係咁正架！唔好睇佢呢碗冬蔭功湯紅卜卜，但佢一啲都唔辣又唔會好咸，酸酸甜甜咁，材料十足，啲蝦仲好多膏添呀！最後就係食泰國菜唔少得既生蝦沙律，我要大讚好鮮味之外，仲有樣野好欣賞佢地，就係將個蝦頭炸埋，又食得又可以減少廚餘！整體黎講呢餐真係食得好滿足，雖然冇特別既裝修，但位置唔算好狹窄。服務態度唔稱得上特別好，但足以令你感受到泰國人既交流方式。

如果吾係朋友強力推介！我都吾會知道有呢間甘好味又正宗的泰國菜。生蝦刺身生蝦爽口彈牙有鮮味,蝦頭拎埋去炸來食夠鬆脆可口木瓜沙律：朩瓜沙律泰國菜經典之一，但食得多今次就試下加蟹仔的食法如果食吾慣會覺得腥，但其實是鮮味十足的！炸蝦餅：金黃色的炸蝦餅夠足料啖啖蝦肉送啤酒一流！燒牛肉：火候燒得啱啱！保留反曬D肉汁配埋特製醬料一齊食真係冇得頂！泰式香茅炸側魚強力推介的手工菜！本人很少食魚因怕魚骨！但食呢個就冇呢個煩惱了！因為佢會去左大部分的骨所以食起來是啖啖肉的！上面有特製醬汁加木瓜絲花生食起來酸酸甜甜好開胃！但美中不足的地方就是味道咸咗啲！菠蘿沙冰新鮮菠蘿打成的解辣消暑一流！泰國啤酒飲反杯泰國啤酒加泰國菜呢個組合無得輸！如果你要食裝修加好服務呢度就俾唔到你喇但要食好味正宗同超值的泰國菜呢就一定唔會令你失望

終於有機會再寫食評，而令我寫這個的原因又是一些負面的原因，感覺有點傷感。很多時去食飯都是朋友的推介，當然有時會遇到一些好的食店和差的食店，但很多人都會因為是朋友的推介而「比面」只說食店的好處而盡量少說食店的壞處，因為這也是現今社會大家為了得到朋友間的認同要作出的一種行為，害怕朋友的推介而你說他的壞處時會得失朋友，但我都不想寫一些違心的說話，對不起，我只能將我心中所想寫出來。這間食店在服務上大家都會有同一種的感覺，好聽點說就是有性格，難聽點都是沒有禮貌，當然我們不是要店員個個都要笑笑口扮到好開心的樣子，要好像是殺了他的家人似的樣子，黑口黑面好像欠了他們的錢就不能接受，因為這是基本的禮貌，連基本的禮貌都沒有說什麼有性格，好像入去食野害了他全家似的，入來時黑口黑面要檢查你電話預約的Whatsapp，說了落一次單不能再落，再叫時叫你不要叫啦，經過這些的「待遇」之後都入內坐下了。坐的地方又窄又有一點的污穢，「環境」上不是太好，想必這些原因就有了落一次單不能再落，心中的感覺不太好，在這些的「待遇」和「環境」之下看了食餐牌。叫了一些的食物來，今次我不詳細講這店的食物的味道，因為之後才知道這些味道是人