泰道 (已結業)

如果你搵緊一個地方想兩個人靜靜地拍下拖，呢個地方一定好適合你😈無意之間發現咗呢個地方，餐廳有室內外室外有大大個海景，而室內裝修好有心思❣️👇🏻我哋兩個人叫咗👇🏻- 香葉肉碎炒飯我個人認為唔夠辣，炒得未夠香，水準中中挺挺啦～ - 泰式炒椰菜苗反而呢個炒得夠香，而且平時少會叫椰菜苗，有蒜蓉加少少辣椒，又香又辣辣地，幾唔錯✨- 串燒沙嗲豬+雞肉串燒嚟講，肉質無咩驚喜，其實都係件好事，至少唔係驚嚇🤣🤣🤣 不過沙嗲醬我自己好鍾意！花生味好濃，而且多花生顆，偏甜☺️✨- 芒果糯米飯芒果糯米飯就有啲失望，都明白未必係芒果當造嘅時期，所以有啲酸😞 糯米飯都係正常發揮，但個椰漿又好正喎🤣都見到有其他枱叫大大條魚，好似好吸引，但兩個人食又好似太多，所以可能我哋未食到佢哋啲招牌菜，但其實水準都正正常常，再加上佢個景，我覺得雖然偏貴，但值得去！環境：不過位置較偏僻，可以係西貢市中心搭的士或者揸車就更方便啦！去之前最好問下有冇位啦！店員：店員都好nice，打電話去查詢，都好有耐心同詳細解釋👍🏻👍🏻👍🏻 用餐過程一樣好有善，驚坐室外嘅客人凍，所以落膠簾，又不停refill暖水，好貼心🥰

weekday 想遠離市區抖下氣，專登揸車入尼食晚飯，餐廳旁邊就有好大既停車場，星期一至五免費泊車喔夜晚唔算太熱，可以座户外地方望住海，聽住海浪聲吹住海風食飯實在係一大享受我地兩個人係OpenRice book 左位，餐廳俾左張大圓枱我地，座4至6個都無問題我地兩個就鬆動喇叫左麥沙文牛腩，牛腩好淋好入味，仲在薄餅配住食，好味！軟殼蟹有子沙律，柚子新鮮，個汁都調得幾好，軟殼蟹略嫌炸得太犀利串燒叫咗三款，都係好食既。

呢間餐廳小編bookmark咗成年，佢個海景真係好吸引🤩建議大家可以黃昏去，有日落睇之餘又有微微海風，唔會太曬，坐耐啲仲有夜景睇添🌌絕對會俾大家有去咗泰國渡假嘅感覺✈️ 大家去之前可以book定枱先，咁就可以確保有海景位🥰🦐泰式蝦肉炒金邊粉 ($128)Pad thai炒得好香，入面啲蝦都幾大隻，撈埋豆乾、菜脯、芽菜、花生碎一齊食，口感好豐富🤓🦀蒜香軟殼蟹 ($138)有冇人同小編一樣好鍾意食香口嘢😆軟殼蟹脆卜卜又厚肉，食得出蟹肉幾鮮甜，配埋炸蒜真係無敵🧄🍢串燒沙嗲雞/豬 ($38@2串)食泰國菜又點少得串燒😚肉質幾juicy，沙嗲汁食落好香好正，小編就比較鍾意豬肉😋🥥椰青 ($58)嚟到沙灘梗係要叫返個椰青先有feel🏝椰青水好清甜，係消暑解渴之選🌞🍹Drunk Coconut ($88)呢個一上枱就嚇親，冇諗過cocktail都可以原個椰青上🤣酒精味唔算太重，而且好香椰奶味，建議兩三個人share🥸*餐廳設加一服務費🌟8.5/10

相信女仔黎到一定俾個境攝住. 比起上綱睇仲要吸引果日突發想食, 一早11:00am 黎到,  indoor 已經得返最後一張.  outdoor 仲有少量, 行慢10mins 位已冇晒.(不過屋企人  掃興地話怕熱, 要坐返入去)  不過其實衛生問題都應坐入去, 始終出面太多人行黎行去了....   泊車真係算lucky, 泊到最近果位, 行1min都到. Full 晒好似入面仲有第2度. 不過其實都幾慘, 如果泊完先知冇位, 都唔知點算, 因為另一間餐廳好似係BBQ 黎.  而且同樣地勁多人. 呢度高消費, 份量大人少食既款式自然少.  小食併盤OK. 野飲好大杯呀,  高質. 小朋友好興奮.蠔仔蛋餅有點淡, 薄餅小朋友食晒. 所以俾唔到COMMENT. 牛肉有D乾.  食完好快已有待應係咁吹你走, 唔洗止意吹水呀.BTW 水吧位 搞伴機聲量較大, 唔講以為去左茶記....下次食完, 不仿係度玩嘛個BEACH 先走. 相信小朋友一定好開心.

上星期帶雙親大人同屋企狗狗去👨🏼‍🦳👵🏼🧑🏻🐶1）服務員態度非常友善👍🏻2）父親大人話好有佢當年去泰國旅行時食嘅味道👍🏻3）母親大人話比之前佢喺香港其他他方食嘅都要有泰國feel👍🏻4）🐶大人一邊吹住海風，一邊中眼瞓🥱，爽呀👍🏻5）🧑🏻居然有我最愛嘅生🦐，唔係所有泰國菜館都有架👍🏻

咁岩想搵一間餐廳食泰國菜，見到呢間咁好風景，特登入黎呢度試下～無揸車既話都有d難搵閒日入黎食原來都多人喎，不過一早訂左位，講明想坐室外，對住個沙灘食野都幾舒服一坐低就點左杯龍眼冰同椰汁紅豆冰，龍眼冰好清甜，爽呀炸軟殼蟹柚子沙律呢個都辣辣地，但個柚子係咸咸地既，同平時食既柚子沙律唔同點左個Phad thai，都幾好味，不過就少左d鑊氣點左青咖哩雞同烤薄餅青咖哩幾好味少少辣，用薄餅黎點岩晒串燒點左沙嗲豬同羊，$38兩串都ok既個沙嗲汁好食～呢個價錢食泰國菜係唔算平既，但感覺好似去左旅行咁，有一半錢係俾個環境既

又係一個帶狗帶BB嘅星期日晚上，為免等位，一早book定枱先！今次嚟到西貢呢一間泰國餐廳，佢嘅好處係有露天位置，適合帶狗狗人士。相信呢度日頭景色會比夜晚靚。一去到其實都好多人等緊，即使book咗枱，我哋都等咗一陣先可以坐低。服務員嘅態度好好，有求必應☻︎☻︎食物方面點咗一條酸辣青檸明爐魚配大量粉絲，味道酸酸帶鹹香，好惹味開胃♡♡冬陰功就算叫小辣對於我哋來講感覺係中辣，味道唔錯。最驚喜嘅係馬莎文咖喱牛坑腩配薄餅，非常惹味，送飯一流！下次有機會再去係必點之一♥︎♥︎而小食拼盤，炒金邊粉同埋椰汁西米糕就中規中矩。整體來講，餐廳有露天位置，亦都有泊車位，非常適合帶寵物同駕車人士。食完飯之後仲可以喺海邊散吓步，絕對係週末嘅好去處✌︎✌︎

冬陰公湯好正，但蝦不新鮮失敗，收得貴，最欣賞串燒牛舌同燒豬頸肉沙律，環境超正邊食邊欣賞海浪聲及玩風帆漂來漂去，我會再去的，因為可令人心情愉悅，尤其同兩三知己在吹水，特別愉快

【無敵海景晚上更浪漫🌹西貢超chill有水準正宗泰國餐廳🇹🇭】最近冇咗晚市堂食，變咗好多餐廳原本想夜晚去試都要改為試佢既午餐🥲見一埸入到西貢就去咗食依間bookmark再超耐既泰國菜😆之前見過依間餐廳夜晚對住無敵海景，加上佢掛咗好靚既燈飾，好有feel😍雖然今次係去食晏，但日頭對住個海好似真係去咗泰國食野咁，成餐飯都聽住聖誕歌，好chill，別有一番滋味😛餐廳係無午市套餐既，同晚市用同一個單點menu，午餐黎講未必算好抵食，但的確一分錢一分貨，每道菜都有比足料，份量都偏大😗平日黎就算無預先book位都仲有海景桌坐，食滿$200可以免費泊車，餐廳服務都好周到😽—《 #椰香青咖哩牛》$148 ⭐⭐⭐💥《 #烤薄餅》$32⭐⭐💥原本睇張相比個牛吸引咗，張相影到好似青咖哩配半熟牛小排咁，上到枱發覺唔係，係有少少失望☹️不過青咖哩味道調得好好，而個牛食得到有濃烈既牛味，比出面食開既更有質素🤩對於中意食咖哩既小編黎講，如果啲配菜有埋薯仔就更好啦😾烤薄餅都係同想像中有少少唔同，以為會係手抓餅個種好鬆軟既薄餅，結果其實係扎實既薄餅😪(睇番先發現其實menu張相都好明顯show到係咁🥶)依個烤薄餅用黎點咖

放假決定同朋友黎西貢行下於是就選擇左有海景嘅泰國餐廳。疫情期間冇得去旅行，悠閒地享受下短暫嘅旅程。步入主題今次叫左泰式生蝦🦐冰火兩重天交加係埋一齊，加上酸酸辣辣嘅醬汁，生蝦新鮮，口感冰冰涼涼亦彈牙。原本很期待呢度嘅咖喱結果有少少失望，味道不夠濃郁，唔似係食緊咖哩，都算佢d青口大隻。如果黎食嘅話就唔推薦呢度嘅咖喱了，可能辣醬青口會更加野味d。黎呢度必須叫嘅係:豬頸肉沙律酸酸甜甜非常開胃，肉質嫩。可以講係有驚喜！鴨肉生菜包🥬呢個稍微遜色了少少，鴨肉炒的有少少幹，味道也很一般，但也不至於太差。有驚喜嘅串燒(牛舌心/羊肉)搭配沙爹醬簡直有被驚喜到，牛舌心很嫩，羊肉也有羊味。讚另外叫左杯珍多冰味道唔算差，如果再濃郁一d就更好😋價錢相對比九龍城嘅泰國餐廳係高d嘅，環境都算闊落又有海景如果有太陽嘅話就更加好啦，不過夜晚嘅話可能就更加有氣氛😊。

已經黎左呢間餐廳3次，野食味道一般啦，但好彩近海有靚景，都幾浪漫。好鐘意個環境同埋服務態度，有個waiter送錯左木瓜沙津，最後請左我地食，話放低左係客人枱面既野唔會攞返👍🏻一碟沙津唔值幾多錢，但已經賺左我呢個回頭客喇！P.S 係今時今日既香港，客人除左黎享用食物，仲係享用服務。所以服務態度真係好重要架！

泰道泰菜我幫襯過好多次，價錢一啲都唔平，但唔知點解，當我想輕輕鬆鬆食lunch嘅時候，我就會想起這間泰菜館。位於西貢大網仔路，即係西貢海灣會燒烤會所旁邊，交通不便，如果自己揸車可以泊喺門外嘅停車場（沒有免費泊車），如果搭巴士，落咗車要行15 分鐘左右，或者喺西貢市中心坐的士過嚟都得。我鍾意黎呢間係因為可以一路食飯一路望住過大海，好寫意，個沙灘好少人游水，多數都係度玩獨木舟、風帆，有啲一家大細帶埋小狗🐶喺度玩。雖然自己冇玩但係見到啲人咁開心自己都覺得好開心。餐廳分室內和室外，其實大多數人都選擇坐室外，因為這間餐廳嘅賣點就係個海景，收咁貴點會坐室內呢 ，除非冇位。熱辣辣，炸得剛剛好，好香脆，同醬汁一齊食係一個好嘅配搭椰香咖喱雞，咖喱汁好香，但我覺得好稀，雞柳好鮮嫩，但係就冇雞味，同薄餅一齊食係最佳配搭。濕炒河粉, 河粉好滑，加埋啲雜菜同豬肉，熱辣辣好好食生菜包我哋揀咗豬肉走辣，味道非常之濃郁，生菜好新鮮。菠蘿沙冰失左水準, 好似偷工減料咁，味道好淡冇菠蘿味。椰青非常清甜總結：當日係假期，客人好多，訂咗位去到都要等，但員工嘅服務態度好，敏捷有效率，人手足夠，有求必應。食物方面保持水準，係稍為

星期日一早，揸車入西貢打算嘆吓好味嘢食，之前曾經book過呢一間餐廳，覺得環境好似幾舒服，又近海邊，所以就決定試吓啦。餐廳屬於海灣會，消費一定金額就可以以優惠價錢去海灣會泊車。先講環境。呢一間餐廳位處海灘旁邊🌊餐廳望出去就見到好多人喺度玩沙🏖放狗🐶感覺係好舒適寫意。配合藍天白雲☀️坐露天位置係非常舒適嘅☺️😬講到服務，我哋總叫咗三樣嘢食，但係每一樣都要等超過10分鐘先有。雖然時間上唔算等得好耐，但係由安排坐底、比水、追食物，每一樣野都係要叫職員，先至會得到安排，感覺唔係太受到尊重。可能佢哋真係好忙，午飯時間，餐廳真係超級多人嘅。而且枱與枱之間嘅空間並唔足夠，個人感覺係，疫情期間應該唔會再嚟，太迫人覺得好危險。到食物啦✨椰香青咖喱🫑味道正常，份量都幾多，雞肉都預咗係雪藏雞肉，啲豆比較硬食落好似未煮熟咁。好普通嘅一個咖喱但係就要買呢個價錢，性價比好抵😅泰式香葉肉碎炒飯🍛個飯配辣椒就夠辣嘅，但係無乜其他味道，而且肉碎好少，基本上可以當佢係普通炒飯食。呢個價錢完全唔OK🙄小食拼盤（細）🍢最正常都算係呢個拼盤，份量係足嘅，上枱嘅時候亦都夠熱。呢個價錢，算係正水平。本來仲有一個薄餅🌮但係上菜時都冇乜心

西貢（noun)解釋為香港好去處之一，香港人最鍾意後花園鍾意做乜都得，不外乎都係郊遊、出海、渡假。放假（verb)除咗留喺實驗室整實驗品😂冇機會開漫遊，仲可以去漫遊打卡。😊溫馨提示：去之前記得「配返啱度數」「擘大眼睇清楚」你眼前嘅無敵大海景同大靚女！最冇死系列之一，沙嗲串燒$38兩串，牛肉絕對比羊肉好食😋估唔到係大串。豬頸肉沙律我好鍾意❤️作風係比較卜卜脆同乾身，鍾意多肉汁同半肥瘦痴身Lam Gigi嘅就要諗吓啦😂香芋雞飯個容器顏值高，一百零蚊大大份，楊戩三眼仔都食得夠飽😂靚女千祈唔好諗一個人食得晒⋯個個都影椰青，我就影椰水😂

難得放假就揸車嚟咗呢度食泰國菜平時玩直立版都見到呢一度有餐廳今次專登過嚟食吓中午飯唔知係咪疫情關係只有泰國菜開門我哋嚟到呢一間餐廳試吓啦價錢都算貴比起九龍城但勝在環境靚，對住個沙灘，店員亦都好細心為我哋準備暖爐驚我哋凍，嘢食亦都好快嚟到，兩個人我哋叫咗黃咖喱雞蒜蓉包好好味，生蝦，令鱸魚，笑着頸肉，多到食唔晒特別係個明路魚好抵食超大條魚勁多粉絲下次我淨係帶呢一個明路魚就已經夠食啦其實總括來講食物好味環境好靚會下次再幫襯。