泰萊 (已結業)

星期六晚，去完一個佈道會，就同友人四出覓食啦我地目標係泰國野，因為粉嶺都有多間泰國菜，揀左一陣，我地就試依間Let's Thai，比較新派ge泰國菜本人最愛冬蔭公湯，所以依個係必叫ge，我地3個人，叫左個4人餐🙈餐廳環境唔錯，都坐得舒服，好彩我地早一步入去，因為入到去都見有幾檯俾人訂左個4人餐有超多野食🙈😋可以先講係食唔灑架🤣分別揀左冬蔭功湯、泰式炒菜、柚子沙律、椰青海鮮焗飯、黃咖哩雞冬蔭功湯唔太辣，重酸味柚子沙律食落幾清新，唯柚子可以整細絲，會更加好黃咖哩雞配蒜蓉包味道都幾好，岩唔好辣人士泰式炒菜，食落都可以唔會太油椰青焗飯，味道幾特別，少少甜配炒飯好易入口，因為太飽食得唔多🙈但可一試仲配杯椰青水清甜小食拼盤，最鍾意係個魚球，其他都還可以，雞串都唔錯，但會偏愛正宗泰式魚餅多點個洛神花蘋果茶值得一試好好飲，唔會太甜，食依個餐必叫，同蘋果粒好夾，希望自己都可以整到我地都坐左差唔多2個幾鍾，無人趕我地，食下傾下幾舒服ge…查看更多

星期一平日諗住食個下午茶，見呢間裝修ok,就入去試下啦，入到去老闆已經即刻講無下午茶，得lunch set，咁都ok la,試下啦！我同我媽各叫一個lunch再加錢轉飲佢d所謂特飲（薑蜜同青檸梳打），個青檸得4份1舊，仲要舊青檸係黑黑地唔係新鮮🙈我覺得自己係加左錢飲梳打水。肉碎茄子飯：普通，唔係好食但又唔係難食，餸既份量比飯少，雖然2者份量都唔係多。安格斯牛肉炒意粉：肥牛就肥牛啦，安格斯牛肉😅又咸又油🙈份量又係少😔埋單：$20X😨聯和墟食個lunch同尖咀價錢一樣都算，但你比下午茶份量人地食，會唔會過份左d呢？我會去番球場對面個間“金邊粉泰國菜”，呢間長期咁多人食係有原因。😌…查看更多

We waited for half an hour from 11:00, then we are informed that the Opening Hours is at 12:00 not 11:00............... …查看更多

炎熱的夏天來了嗎,又熱又焗,今晚想食酸酸辣辣醒下胃既泰菜,食過一次晚餐,仲有午餐同下午茶都有大約10個set。*泰式青木瓜絲沙律,青木瓜絲較紅蘿蔔絲爽口,仲有花生,蕃茄撈埋泰式辣汁好醒神,做前菜一流。*冬陰公湯配虎蝦,酸辣度系我的口味,湯底的料好足,味道好豐富,加埋小小奶香,同我平時飲的唔同,好中意呢個冬陰公,好香滑(4人每人大約飲左一碗半)。*椰青,今日熱到想中暑,要飲椰青精神下,好大個好清甜涼透了。*流心蝦丸,上次都有叫,個個都好中意今日再食,剛炸好出哂煙,粒蝦丸大到要切開一半先食到,蝦肉新鮮爽口彈牙夾埋流心芝士,蘸埋附上既酸甜汁仲正。*蝦膏炒飯,唔馬虎既炒飯加左唔少蛋絲,粟米,青豆,炒飯唔多油粒粒乾身,仲有幾隻新鮮蝦。*家鄉鹽焗烏頭,魚身包左香茅等等既香料去焗,大條又多肉,肉質淋滑,蘸酸甜汁更好食。…查看更多

老公諗起上次經過呢間餐廳冇試過就嚟試下，整體嚟講真係冇下次，食物質素詳細再講，我地叫三樣嘢，三樣都冇，泰萊炒飯話因為太辣已經冇整，burger又話冇，仲有樣唔記得係咩又係冇:(雞肉串燒係好大舊多肉，但食落唔似出面舖頭食個啲有燒烤味，食唔到雞味，個醬比較多花生粒金邊粉味道同其他地方食嘅差唔多，但份量偏少，配料亦比較少芝士流心蝦丸芝士完全冇流心，蝦丸外層炸過龍，非常韌，肉質算彈牙，但食唔出有蝦味咖喱麵有雞扒伴麵，另外分開有碟炸過脆脆嘅麵，雞扒肉質一樣冇雞味，肉質有啲梅，底部嘅麵索晒咖喱汁好入味軟殼蟹卷有菜同酸姜夾埋軟殼蟹，味道唔多夾，好怪…查看更多

很久沒到聯和墟吃飯了，適逢梁妹妹約食飯，推介這間新派fusion泰菜（她說吃過兩次覺得不錯），就索性帶上mum和各自的男友／老公去吃個晚餐。這次又是駕車去，但真的不要奢望能泊在餐廳外面 －－和泰街兩旁基本上都泊滿了，那時候還未夠七點呢。幸好我們來早了，因為沒book位打算walk-in，侍應哥哥亦很快安排了一張長枱，進去時大概只有三枱正在用餐吧。翻開餐牌看到推介的海鮮小吃拼盤（前菜），本來應該有三文魚＋蝦＋帶子，但點菜後不久就有人跟我們說三文魚已暫停供應，但，晚市才剛剛開始啊？？然後就看到這個。也許是少了三文魚，所以刻意給了double份量的salad，一口蝦是好吃的，上面是泰式酸甜醬，呃是有點辣，mum吃了半口就叫救命，我自己覺得還可以，多喝兩口水就好。蝦肉夠爽，但應該不是新鮮蝦，因爲沒有海水鮮味（利申：我超愛吃海鮮，所以要求比較多，哈）。帶子必須讚！煎得剛好，我很怕那種過熟的o趙極也o趙不開，完全浪費了一粒帶子的鮮嫩口感。芝士炸蝦丸這種香口野是最安全（又邪惡）的選擇，一切開就看到芝士流出來，燙嘴的，不太鹹，是淡味芝士。蝦膠彈牙，難得的是size夠大，比乒乓球／哥爾夫球還大。鮮蝦炒金邊粉（又是蝦...）用一個蛋黃漿造的網包著，挺有趣的。又是fusion元素吧。這個可以叫不辣／少辣，拌碟的花生碎好香！但如果不小心撈入辣椒碎就真的辣到喊。另外芽菜是全生的，我們就吃不慣。香葉肉碎拌飯的香葉很有泰國風味，肉碎頗油膩，看得見有很多肥豬肉，是精華啊（笑）。飯只是白飯，配一隻荷包蛋在上面。吃泰菜必點的冬蔭功湯 －－偏甜，梁妹妹說椰汁味很重，不過我這個怕椰汁的人也喝得下兩碗，也許是微辣中和了，很開胃。到後來不夠飽我們又加了一個炸軟殼蟹墨魚麵（完全是西式），咦麵條煮得很正宗啊，中間的麵芯還在，不是全熟。在西餐廳工作的梁妹妹還說吃得出這裡用的是真。墨魚麵，因爲她那裡是將墨魚汁後加上去的，外觀跟味道都有分別...有幾款想試的菜式今次沒有空間再吃（哈），唯有等下次啦。…查看更多

呢間野開左好耐，都未試過，今日有機會試到泰國菜，幾好食，佢似泰式funison菜，泰式加西式元素，我去果日是星期日，都好多人等位，最好食是玫瑰雞，好滑，唔難口，已經起好骨，仲有菠蘿炒飯，有兩隻大虎海，size大約筷子咁長。整體上都唔錯…查看更多

數數下粉嶺聯和虛都有唔少食泰國菜既餐廳，今次介紹係呢間都算係新開既let's Thai! Gogogo!入面既裝潢做得好別緻，而且又好光鮮乾淨，係百忙既午膳時間都得到一絲絲輕鬆感覺呢間野其實我分別黎過2次，點左f 餐同d 餐先講個南瓜餐湯，佢個湯非常creamy, 南瓜味十足，絕對無偷工減料，好過平時d味精湯F 餐 青咖哩牛腩飯一黎到果陣真係驚到臉面同咖哩一樣咁青🤢點解個青咖哩可以咁青色既專業食家既我梗係問下啦原來師父係用左班蘭葉整，班蘭葉除左令到個顏色咁鮮豔之外，葉本身都有保健作用，一舉兩得不過味道上就唔係好食得出班蘭葉既味道咖哩就唔算太辣另一日就食左個d 餐生牛肉湯河生牛肉湯河，牛肉7成熟上，所以絕對唔會過老牛肉湯都算帶有牛香而唔油膩不過配料方面就過於簡單，只有少量葱靈魂所在既芽菜、九層塔就欠奉越南菜需要係配料上多下功夫埋單50-60…查看更多

20161016--WALK IN，要等約2-3張枱，等了約10分鐘唔算耐，侍應安排入座。店內光猛，跟一般泰國餐廳裝修有所不同，沒有泰國佛像，沒有泰國裝飾，取而代之是新潮的設計，座位舒適。2人點了:泰式生蝦--蝦肉新鮮，爽口鮮甜，配上泰式醬汁，味道不錯。青咖喱軟殼蟹--青咖喱好香，軟穀蟹香脆，有2隻完整份量，蒜茸包香脆，沾青咖喱吃，咖喱汁很多，最後多點一個白飯，青咖喱和白飯真是最佳拍檔。流心蝦丸--上枱時，眼前一亮，SIZE真的差不多拳頭咁大，食時內裏有芝士流出，要小心燙口，好食過很多酒樓粗製濫造的炸蟹鉗。唔記得埋單多少錢，除了印象之中青咖喱軟殼蟹價錢有點小貴，其他的也是合理價錢。我一邊用餐，一邊看鄰座客人上枱的食物，我已想好下次再到訪的食物:炸雞槌、芝心蝦丸、黑色的墨魚餅........…查看更多

放工後，同事帶了我去聯和墟試這間餐廳，首先蝦丸真係外脆內爽好彈牙，食得出無溝粉。蝦膏炒飯不會太肥，飯底好爽身，炒得岩岩好。不得不提燒豬頸肉，一定要連醬汁同夾生菜包豬頸肉吃，豬頸肉好爽身好脆，吾會太肥。還有海南雞都好新鮮入味。整體食物質素好唔錯好抵食,而且服務同招呼都好好,侍應一見到我地自拍就即刻主動過黎幫我地影相，又會好多時主動睇下我地有咩需要。呢個價錢可以有呢個質素，真心推薦!…查看更多

今日係粉嶺搵到呢間食泰國菜既野，3點幾見肚餓就入左去食。一入到去覺得間野裝修好靚，本menu d食野都勁吸引！揀左一輪，決定叫spaghetti with sea bass、芝士蝦球同埋燒雞串、椰青同杯雜果賓治。點菜時店員好貼心提我地個意粉係辣既，問我地使唔使小辣，因為我地都唔食得辣所以揀左小辣。上菜速度好快，賣相吸引同本menu 既相一模一樣意粉雖然辣辣地，但都比我地清哂因爲真係好好味芝士蝦球4粒勁大粒又好彈口，而個雞串加埋佢比個碟醬，一流！雖然間鋪遠左小小，但值得再去！會再搵朋友去試埋其他野而且價錢合理，比個好評…查看更多

因工作需要到了聯和墟，路經這間餐廳被它的裝修吸引，於是入去試試午餐。餐廳內環境舒適，似文青咖啡店多過傳統泰國餐廳，入座時已接近下午2點, 餐廳內不算多人，侍應安排坐在梳化位。我點了午餐泰式雞扒飯，加一個跟餐小食泰式蝦餅，一杯餐飲咸檸柒，貪吃的我還加了個泰色墨魚餅。泰式雞扒飯 雞扒不油不膩，咬落去有質感，調味適中，遺憾是送來時已不太熱，否則會更高分。泰式蝦餅 只看賣相已教人食指大動，蝦餅面頭炸到金黃色，咬落去爽口彈牙又不會太乾，蝦肉比例洽到好處，不消三秒已全碟落肚，必食。泰式墨魚餅和蝦餅相反，黑色的表面沒有金黃色吸引，但添加了神秘感和Fusion菜的感覺，食落口散發墨魚香味，粒粒粟米令口感大大提升。咸檸柒 沒想過跟餐已有咸檸柒，不必費神再選其他特飲，如果大杯啲就好了。寫意舒適環境加上美食，很滿足的一餐，決定下次找時間試試這裡的晚餐。…查看更多

今天和舊同學聚會，朋友說帶我到聯和墟試試抵食的西式泰菜。第一時間感覺係，咁舊既區會有咩好野？但朋友極力推薦下，就姑且一試喇，反正都係想聚埋吹下水...去到門口果陣，真係嚇一跳，感覺完全唔似平時既泰菜餐廳，環境比人一種幾舒服同乾淨既感覺。野食方面：粟米墨魚餅賣相幾得意，用黑色既墨魚膠溝埋粟米粒炸，食落爽口唔油膩，加埋個梅子醬，送酒一流。炸魚加青木瓜沙律炸魚起肉炸再用番魚骨墊底，加上酸酸辣辣既沙律，幾開胃Oppa雞槌有三隻醬可以揀，侍應介紹我地食腰果醬，都幾特別，好少響香港其他餐廳試到呢隻味生蝦好大隻好爽好新鮮！！芝士蝦丸真係無諗過係咁大粒，比出面果d蝦丸大一倍，而且一咬開仲爆勁多芝士出黎青咖哩軟殻蟹朋友話呢度青咖哩好出名，所以叫黎試下，青咖哩汁真係幾香濃，又唔會好稀，配埋佢個好香既蒜蓉包真係幾好食菠蘿炒飯食落菠蘿應該係新鮮菠蘿，炒飯好大個，同埋炒得好香黑森林（好似叫）朱古力味飲品，心機之作，佢另外仲有好多特飲，留番下次先試。（我見隔離個芒果特飲係插住成條芒果雪條@@)成餐都幾滿意，加上服務態度又好，係等位耐少少，因為真係好似好多區內客捧場下次有機會一定再黎試其他野😁…查看更多

放工後,朋友同我去左食呢間其待而久的泰國菜!!!!!首先環境清潔,裝修更加係呢區好難見到的!!!服務態度很好,很細心態!!!!餐廳食物賣相精緻,最喜歡黃咖哩 同芝士流心蝦丸,,咖哩唔會太甜,曼重要牛腩超淋,唔會咬唔到,芝士流心蝦丸唔係假,真係流哂芝士出黎,蝦丸重要好爽身!!!!!總有太多道菜都棍試,但真係太飽<<<<推介給粉嶺區朋友仔,　值得去一試!!!!!…查看更多

舊墟新派泰菜，平時晚飯時段價格偏中上，今次可以午市時段嚟食，覺得午市套餐較抵食。<牛柳粒紅飯 $52>牛柳粒估佢唔到咁嫩咁好食，個醬汁配個紅飯食，好夾!初時以為紅飯會係糙米飯，但原來係茄汁繪飯，但味道很好很開胃。這個飯值得推介!<玫瑰海南雞飯  $55>雞肉滑嫩，但雞肉份量太少，仲要係雞翼，唔夠食。個油飯不過不失，試過一次便夠了。…查看更多