泰發泰國餐廳

營業中

休息中

寒冬至至，本想約三五知己去九龍城食泰國菜暖暖身，恰好見有人推薦泰發，便決定一試。剛到餐廳，見餐廳半滿，還有數張枱空置，便禮貌查詢是否有位，門口希帶眼鏡束馬尾的呀姨熱情地說有位，本想帶我入去，卻見我未人齊，便要求在門外等齊人才入座，但我總共4人，已到了3人，其實枱的大小並沒有影響，再禮貌詢問因天氣太冷，加上有人感冒初癒，可否先入座，因朋友亦快到步，剛才門口的呀姨竟突然態度轉變，嫌棄般訴說："都話人齊先俾你入座，我頭先講左！"……我地即刻O晒嘴，其實如果我地同佢改3位，咁佢係咪會俾我即刻入？其實佢有枱閒置，但好似我地要乞求般向佢攞位，幾時食飯食到咁陰公🥲建議大家不想受氣，請勿光顧，九龍城還有很多泰國菜選擇，不只它一間！

呢幾個月好多生日飯局呀見呢間泰菜都幾好就再黎呀點左~馬拉戔通菜正常呀無特別香但又唔係差呀~生蝦刺身個汁係無得頂夠辣又香呀蝦OK啦可以再凍同爽身DD~冬陰功(中)我地3.5人諗住叫中SIZE每人飲多DD味道都幾好酸得黎唔會OVER左裡面有三隻蝦呀~酸辣鳳爪幾爽身未係好辣如果再辣DD更好呀~炒金邊粉粉既質感幾好少少煙UN咁配料有旦呀....蝦呀....少少花生碎個汁都幾好唔會太酸可以一試呀

訂左位同朋友慶生唔駛等位點左~生蝦刺身好似係虎蝦咁SIZE比平時既大DD口感都幾好肉筫幾爽口又夠凍呀~咖哩蜆蜆係大隻既又唔會有沙呀要讚既係個咖哩汁又滑又香我地用黎點薄餅一流呀~泰式炒金邊粉呢個正常呀SIZE都唔少料都多呀

🍪 【#九龍城】泰發泰國餐廳Thai Fat Restaurant💥急急腳食檸檬燒牛肉💥.🍪平時去九龍城最常食興隆😍今日試試隔離間泰發✧I used to go to Siamsiri Thai Food on the same street. This time I switched to Thai Fat Restaurant to see what it could offer! 🍪今次試好出名嘅檸檬燒牛肉🍋✧Come for the famous Roasted Beef with Lemon!~~~~~~~~~~~~~~~~~~~~~~~~~~~~~~🍽檸檬燒牛肉 $123（4.5/5）🍋🥩Roasted Beef with Lemon第一啖食落去就鍾意個醬汁！酸辣濃郁開胃。✧In love with the piquant sauce at my first bite! 牛肉大約5成熟，整體軟腍，偶有一兩塊較煙韌。✧Medium steak that is overall tender, with a piece or two to be a bit chewy. 份量比想

📍泰發泰國餐廳 ~ 九龍城城南道8號東昇閣地下九龍城最出名係乜，我覺得係泰國菜😂😂😂因為條條街都係食泰國嘢😋😋😋所以朋友就介紹咗我落去呢一間，好彩有訂位因為好多人，唔係就有排等😆😆😆1) 泰式生蝦，鮮甜美味勁新鮮。😁😁😁2) 泰式生菜包，豬肉啲肉汁好鮮甜，又唔會太乾身配埋啲洋蔥度好香口，🤣🤣🤣3) 冬陰功，雖然個蝦有少少唔太新鮮，不過個湯真係好好飲😋😋。啱啱好唔會太辣都handle到😆😆😆4)炒椰菜苗，食泰國餐必嗌😆😆😆5)泰式煎魚，條魚我就覺得好香甜，不過有朋友話有啲腥味🤦🏻‍♂️🤦🏻‍♂️🤦🏻‍♂️，我就覺得嗰啲係魚味😜😜😜6)黃咖喱軟腳蟹，我就覺得呢個麻麻哋，好似好多味精，食咗幾啖我啲朋友K.O.晒佢啦😌😌😌😌7)芒果糯米飯，泰國甜品食完開胃可以再食過😋😋不過我只係食咗一啖姐，我已經飽到想嘔啦😝😝😝環境喺座位比較少，不過佢呢泰國嘢係真係好好食，性價比算高汁，會繼續介紹啲friend去食😁😁😁食物質素好值得一讚👏🏼👏🏼👏🏼

宋王臺站開通，到九龍城吃泰國菜十分方便，本來想到泰金國吃晚餐，但見到人龍后便打退堂鼓，之後隨便走走，到了泰發，見餐廳也坐滿了人便等了一會，食物質素喜出望外，很地道：1. 檸蒙燒牛肉，似泰式生蝦牛肉版，很特別2. 生菜包，味道剛剛好,正3. 串燒，點了豬牛羊鷄腎各一串，很惹味😋😋😋😋😋4. 船河，超地道，一流😋😋😋😋😋除了可選擇幾間出名的餐廳外，若想試地道的，也值得推介此間👍🏻👍🏻👍🏻

服務一般，唔係個個侍應都識落單，所以落單要嗌好耐。平日都超級旺場，所以上菜上野飲都要啲時間。坐都好迫，八個人坐六人枱，中間加隔板。*泰式芒果沙冰 $28大杯又解辣，芒果香濃，沙冰細滑，冇啲奇怪大塊冰粒。*木瓜沙律 $55大份，青木瓜爽脆，加埋脆花生同番茄仔，又辣又fresh。生菜唔係好新鮮，包住木瓜絲食，另有一番風味。泰式炒金邊粉 $58金邊粉唔會好油，乾身但好張口，而且偏甜，甜得嚟又有啲死甜嘅感覺。配料有炒蛋雞肉豆乾，同埋花生碎，可惜冇生芽菜同白砂糖，好似就唔多正宗喇。馬拉盞炒通菜 $59少少辣，但好油，惹味，但都唔夠馬拉盞蝦醬味，勝在大份抵食。馬拉盞炒椰菜苗 $68同樣惹味但偏油，椰菜苗比通菜更好食，可能因為多咗個有咬口嘅菜梗。串燒 (雞) (豬) $15燒得好靚，雞同豬都入味，肉質唔會腍晒，有少少韌，唔洗點沙嗲醬都已經好好食。檸檬燒牛肉 $123燒牛肉原本係好生，落單嘅時候叫佢燒熟啲，而家熟度啱啱好五成熟，唔會太韌，牛肉味差啲，不過好香蒜頭味，檸檬味反而弱啲，少少酸味開胃，又會令人一啖接一啖咁食。鹽燒盲鰽 $119盲鰽外皮脆但全部都係粗鹽，一定唔會食塊魚皮，魚肉嫩滑，肉多骨少，啖

好難食 好難食 好難食 重要事情講3次.上次朋友食個話好食，所以今次我地揀左呢家來食，重特別由東涌坐mtr去宋皇臺站，點知中大伏，7時到，一個客都無，之後才陸陸續續有客人進店，食物簡直好難食級別，個蟹㷛又酶又臭，隻蟹420元，輸哂，真心食唔落，粉絲不夠味又硬又乾，虾又無味又硬，串燒又硬又乾，汁又不好吃，虾餅又淋，係個芒果糯米飯叫做好啲，0服務，人手明顯不夠，連老闆娘和阿婆2人，全程不見人。碟裝滿垃圾的碟，由頭放到落尾都冇人收，實在太差，所以忍不住寫評語。咁嘅食物質素廢事影相

疫情冇得去旅行 就食間地道嘅泰國菜啦呢間好多人黎食 所以最好book定枱啦生菜包份量較多 夠晒一家人食 冬陰功湯睇落好似好辣 湯底足料 蝦夠大隻 不會太酸 太辣 原隻椰青水食泰國嘢點可以少得飲椰青水

九龍城泰國菜多，這小店真的未試過 ...眼見店內每兩枱客總有一枱會有 個鐵板菜，打開菜單，應該是這 “鐵板蠔仔蛋”，當然“跟”！侍應端它上來時，鐵板還吱吱地響，很有鑊氣，蛋軟軟的，連蠔仔及下面的銀芽一起放入口中，味道口感都一流！值得一讚的是，老實說，“蠔”的確是很難烹調的，太快會很生、很腥，太熟，水份全失，會很柴。而這鐵板上的蠔仔其實不是很“仔”，火候、時間又剛剛好，蠔身還很飽滿，師傅功力可見一斑，食材也毫不欺場！那三條沙嗲，味道其實也不錯，但始終給蠔仔蛋拿了頭彩！同樣 ，後上的“冬陰功” 也有不合格之嫌疑，料實在太少，湯稀稀的，只有酸和辣，完全吃不出香料及蝦的味道。整體來說，不錯，可翻兜！

喺九龍城就梗係食泰菜啦😂經過呢間泰發，好似好耐都冇食過，下晝時段，唔算多人，好快入座😌叫咗個泰式菠蘿海鮮炒飯，熱辣辣好有鑊氣😍海鮮配料算多，又有好多豬肉鬆同花生，好惹味！另外叫咗碟炒粉絲，D粉絲索晒味，超正！😂😂但係都好味呀😋😋最後碟豬頸肉亦燒得剛剛好😍真係炭燒，好味👍🏻 點豬頸肉個汁好泰味 係有魚露味😍鹹鹹酸酸咁，老闆講個汁係用泰國青檸自家製❤️飲品方面，菠蘿沙冰好出色！飲得出係用新鮮菠蘿打出嚟😋🤤😍

泰發之前食過，覺得佢嘅招牌檸檬燒牛肉係超級惹味，醬汁調得啱啱好😍酸同辣嘅比例係perfect 👏🏻然後早兩日去九龍城接男朋友收工即刻嗌要去食😂招牌檸檬燒牛肉牛肉肉質細嫩，腌制得好入味！但係醬汁嘅調味就偏辣，冇以前整得啱啱好！🥲得返個辣字完全吊唔起個味🙃泰式雞肉炒粉絲上枱嗰刻，我有懷疑佢係咪唔記得咗落醬炒🥲點解咁既色既🥲🥲粉絲都尚算有味，不過啲雞肉真係完全冇味🥲生蝦炸左既蝦頭幾香脆，但隻生蝦係硬梆梆既。。。岩係雪櫃出來凍都未解好就比人上左枱🥲好彩都算新鮮既！馬拉盞炒通菜全晚最好食竟然係個菜🤗夠惹味夠獲氣d菜又夠新鮮😍😍椰青個殻係冰既入面係暖既🥲本身諗住飲啖冰凍嘅椰青水點知。。。。唉今餐真係失望到爆🙃

因為要慶祝，所以去九龍城食泰國菜。既然九龍城咁多泰國餐廳，梗係要仔細研究。最後揀左呢間，除咗由真正泰國人主理，仲有唔少正評，開左咁多年實冇死。諗住實好多人，所以提早6點幾7點就入座，直入唔洗等，果然之後就有人龍。講明係慶祝，幾個人就瘋狂叫左6個菜式share，再加飲品龍眼冰同青檸水咁。真係不出所料，味道同質素比起香港人開的泰菜餐廳好超多，而份量更係out of expectation地多，好慷慨大方，食到勁飽。冬蔭公夠酸辣，喺menu寫住細份for 2至3人，老實講如果其他乜嘢都唔叫淨係飲湯，可能真係2至3人飲得晒，否則我覺得4至5人每人可以分到3碗，再食埋其他餸岩岩好。檸檬炒豬肉亦夠酸，鐘意酸野既人要試，有d似手拍青瓜個d酸汁。個咖哩有好香椰汁，不過如果「傑」多少少就更好，我個人喜好prefer濃稠咖哩，而家較為水。炸野新鮮上碟，熱度剛好又香脆。其實每樣野都好新鮮炒/煮/炸出黎，夠熱。講真如果要食泰國菜，真係過九龍城食有質素、夠正宗又大份既，好過喺自己區內食香港人/連鎖餐廳整的泰菜，貴得黎又唔合水準。

終於星期五，放工路過九龍城，記得附近好多泰國野食，於是拎間餐廳chill下。好多唔同既沙律可以揀飲返杯啤一啤先木瓜沙律（$55）個木瓜都幾新鮮，汁酸酸甜甜好開胃。椰青焗海鮮飯（$78）有好飽滿既椰肉絲同椰汁，不過一個人食份量獨多了。鍾意個腰果，脆脆地令個飯口感好特別。都幾多

🐾 泰發泰國餐廳 (九龍城)🐾-泰式冬陰公✔️(s size$63)檸檬燒牛肉✔️($119)蒜蓉包✔️($25)咖喱軟殼蟹✔️($148)生蝦刺身✔️($85)木瓜沙律✔️($55)-泰式冬陰公: 份量都大，不過覺得佢同之前飲嘅冬陰功湯就比較淡，如果酸啲再辣啲就更好😍😍-檸檬燒牛肉 :呢個超驚喜，牛肉上面有啲辣椒同埋蒜頭，肉質嫩滑，一啲都唔乾，同埋牛肉唔係全熟，所以令到好有牛味同埋真係好軟熟，下邊有啲菜不過啲菜有啲生😂😂😂-蒜蓉包:蒜蓉包有五個，燒得唔乾但係蒜蓉分布得唔係好平均，但連埋啲咖喱食好好食🤤🤤-咖喱軟殼蟹:咖喱汁好食但係軟殼蟹就比較淋身，咖喱汁有蛋花，同埋配菜都有好多例如洋蔥西芹青椒等等，最主要都係想配蒜蓉包食🤤🤤🤤-生蝦刺身:呢個超推介生蝦夠晒大隻，而且超級彈牙，配埋佢個汁食，真係世界級正😍😍😍-木瓜沙律:呢個我自己就麻麻地，但係我朋友就好鍾意食，木瓜係泰國嘅青木瓜，口感係爽脆，味道係有酸酸地同辣辣地嘅，見到朋友有配生菜食，好似都OK大家都可以試吓👏🏻👏🏻👏🏻———————————————(非專業,完全跟據個人口味☺)食物:7/10環境:6/10服務:8/10人均消費:$300———