泰灜

營業中

休息中

中午時分打算外賣自取，因為時間不多所以先問了店員需要等多久。店員告知大概10至15分鐘，所以我亦沒有問題下了單，便到附近行街。正常時間回到餐廳，一直在等，外賣也沒有準備好，結果足足等了30分鐘，而我的午飯時間只剩下了15分鐘.....回去打開食物，點了濕炒雞河和肉碎煎蛋飯，濕炒雞河是淡而無味的，肉碎煎蛋就被半兜油浸住豬肉碎，非常肥膩，在剩餘極短的午飯時間要吞下油膩的肉說實在不容易。經過今次經驗，這間餐廳應該不會再去了。

泰國菜既招牌菜非芒果糯米飯莫屬最近因爲有屋企人生日，佢話想食依個蛋糕我先知原來有芒果糯米飯蛋糕，非常適合唔鍾意食蛋糕嘅人👍🏾平時話要提早一至兩日訂，個衰女包當日先話想食，臨時臨急膽粗粗打去問有無一個現貨，又甘岩真係有😍咁就等餐廳落完場6點去拎，去到前面都有兩個人訂左。我哋10個人買左個細既，啱啱好，食得晒！芒果好甜，就算擺左兩個幾鐘先食啲糯米飯都無硬，好好味，又送埋生日牌同蠟燭，唯一啲汁得一盒芒果汁兩盒椰子汁，有啲唔係咁夠喉。

同朋友慶祝生日，揀左呢間泰國餐廳試。點了豬肉串燒，生蝦，馬拉盞椰菜苗，咖哩蟹同蒜蓉多士。而最特別就係個‘生日蛋糕，其實係芒果糯米飯。味道方面除左個芒果糯米飯比較好味外，其他食物味道都係一般般。應該試一次就夠

同事介紹我黎呢間泰灜食泰國菜，話抵食又好味，講完就即刻去左試！午市套餐，唔算多選擇，既然同事介紹我食炭燒豬頸肉個餐，就即管試試佢啦～48蚊個餐，包一碗湯，飯餐，同一杯熱飲。餐飲種類比較少，只有咖啡奶茶檸茶檸水，今次我係叫左熱奶茶嘅，唔算好出色。碗湯都係一般般啦有啲咸，正當我諗緊同事係咪有心fake我黎食嘅時候，個飯終於到喇。講到咁好食，就一黎就食塊肉先！唔係講笑，豬頸肉好厚身好有炭香，而且仲脆脆地，並唔係一早整定晒個隻。調味亦都唔會過咸，而豬頸肉本身嘅油份都唔會令你感覺好膩好漏，燒得剛剛好！雖然我平時少食泰國野，但小店黎講真係超晒班，列入左我心目中最佳燒豬頸肉嘅第一位❤️

家人早早就預佐時間齊齊去吃飯為2位家人慶祝生日🎂🎉🎊原本想去食火鍋放題，但其中一位寿星公我先生唔想打邊炉想去食泰國菜，那唯有我地再去搵，最後俾我地搵到呢間在佐敦吴松街的THAl-ln泰國餐廳😆😆😆我地7個人點佐8個菜，8個菜都好好味👍👍👍值得介紹给喜歡食泰國菜的朋友仔😉😉炭燒猪頸肉、火焰燒春雞、传统咖哩炒肉蟹、泰式鲜蝦金柚沙律、菠蘿炒飯、馬拉盏椰菜苗、泰式大拼盤、惹味蒜蓉包，配埋一杯冰爽的青檸梳打，正呀！😋😋下次再去試埋其他菜😉😉😉

星期六下午時份，在街上行了很久，尋找著食飯的地方，天氣酷熱的情況下，在佐敦街頭上，給我發現了這店。我們一行十多人，等了一下便有位，在餐廳樓上食飯。地方看起來小，但又不錯。然後我自己點了一個芒果糯米飯，一個珍多冰，其他朋友則吃得比較多，前菜，小食，沙津，一切也不放過呢。這家店還有泰式奶茶!我叫的食物等了一些時間才到！個人很喜歡那個珍多冰，其他地方的都是很水，很稀，絕不入流。這邊的珍多冰卻很足料，而且很強味道，絕不似水。這個很讓我驚訝！我很喜歡飲珍多冰呢。至於芒果糯米飯，因為是甜品，所以份量偏細，但也很足料，很大個芒果，飯也很夠甜。這家店的老板也十分幫忙，非常好客招呼，真的很好！

聽媽媽講佐敦都有唔少泰國餐廳，而且都幾唔錯，所以就黎呢度覓下食，發現有間餐廳門口有兩個泰國銅像擺設，出面望個menu又幾唔錯，就決定入去食下喇。/麵包咖哩軟殻蟹 💰188 8⃣點5⃣分麵包既賣相睇落好似軟殼蟹，望落十分足料。 軟殻蟹多肉而且酥脆，配埋個咖哩汁，口感更豐富。 小編覺得麵包先係重點，本身個麵包已經好鬆軟，點d咖喱汁食又係另一番風味。整體真係唔錯。😊😊/Thai-IN虎蝦炒金邊粉 💰108 8⃣分呢個金邊粉外型看似好少，但其實入面d料係實一實，仲有芽菜，蕃茄汁同炒蛋。兩隻虎蝦，都算新鮮，而且外殼好香脆。小編直程連殼食。😋😊另外，佢仲有辣椒粉，砂糖，同花生碎係旁邊，比你因應口味同個金邊粉攪勻黎食。 花生碎絕對係唔錯既‘伴侶’。/ 沙嗲雞肉串燒💰88 8⃣分六串雞肉，四件蒜香包，醃菜，同埋滿滿既沙爹醬。雞肉本身既燒香味已經很不錯，所以個人認為點唔點個沙爹醬都可以。蒜蓉包都好香口，呢個點醬汁反而會更惹味。😍😍/香茅炸魚餅💰88 8⃣點5⃣分四件大大舊好似雞槌咁。魚餅入面有長豆角，香芽，檸檬葉同芫荽呢d配料，可能唔係個個岩食，但係小編就覺得好唔錯喇😋而且又唔會太油膩，食落好有口感。/芒果糯米飯

- 呢間位於橫街地鋪既泰國菜，經常滿左，黎之前最好就預約左先，唔係就要係出面等等到寂寞到夜深架lah~|| -菜色都係由泰國廚師主理，正宗得黎，又會迎合翻香港人既口味去選用食材同烹調味道，真係好有heart😊😊. -地方雖小，但環境卻係唔錯。牆上有簡單的泰圖像同佈置，坐位都大多係卡位既設計，所以都坐得幾舒服，枱與枱之間有足夠既私人空間😊☺️-1️⃣麵包咖哩軟殻蟹 $188 好味指數：9/10十分足料既軟殻蟹😍 炸得好香酥，肥美多肉，索左d咖喱汁黎食真心好正👍🏻👍🏻😋😋😋。麵包入面載住咖哩椰香，洋蔥三色椒同蛋汁等，就咁食又正，點麵包食仲正，好惹味，。😍😍2️⃣Thai-IN虎蝦炒金邊粉 $108 好味指數:8/10 兩隻大隻虎蝦，好酥香而且蝦肉鮮甜，金邊粉炒得黎帶點濕潤，入面有芽菜，炒蛋，少辣，同蕃茄汁味。就咁食個味道都好唔錯。 但佢側面仲有三個調味料，辣椒粉，砂糖，同花生碎，等你因應口味去攪勻佢。（估唔到配砂糖都幾滋味😋😋）3️⃣沙嗲雞肉串燒 $88 好味指數:8/10雞肉串燒 配蒜蓉包 同醃菜，雞肉都幾嫩口，加埋沙嗲醬 ，味道都唔錯。蒜包味唔算重，但一口蒜包，一啖醃瓜，又一啖雞肉，都幾過

［繼摩洛哥後］［超長文慎入］［如實負評］📣熱門食店也會名過其實，本人覺得只要有一定誠意面對顧客都尚可接受，但部分食店水平跟網絡傳言差距太大，依靠網評指南確實會大失所望。今次光顧一間繼<摩洛哥>後的出名食店，食物質素與網評差天共地，建議對食物質素有要求又嘴刁的，宜先深思熟慮一下。▪️⚫️牛油焗小龍蝦 HKD 188泰國河蝦作為最濃郁蝦味的種類之一，以牛油烤焗是最有效呈現食材特色的手法，豈料用大量濃味調味料焗制，變得無甚蝦味，味道更與普通小炒大同小異。▪️泰式酸辣烏頭 HKD 178味道傳統且濃度恰當，不過烏頭魚未清洗乾淨，魚肚肉帶腥，打開一看還有異常顏色，基本功不足。▪️泰北冬陰公 HKD 118風格跟傳統泰菜相似但味道太酸，菜色主次不分又無甚層次感。考慮到海鮮份量，還算得上合格水準。▪️惹味青咖喱軟殼蟹 HKD 118味精太多，當晚就異常口渴而且在用餐後第二天仍然感到不適，在外飲食多年也是頭幾次遇到過，非常失望。▪️黃金炸蝦餅 HKD 78普遍泰式食店炸物，不過不失。在這裡就不多花筆墨。▪️沙嗲串燒 HKD 78口味單調，跟普遍食店大同小異，無甚特色。▪️惹味蒜蓉包 HKD 38普遍菜

每月聚餐，梗要找找新嘗試，很久沒吃泰國菜就黎尼間試啦｡入門口放有兩個泰國人像歡迎、歡迎好特別！店鋪內部雖不大，但枱椅擺放都濶落，坐得都舒服。肚仔開始有訊號啦！快快👀吓有乜好食，其實都好多款選擇，我地好快揾咗……泰式蟹肉炒飯、炭燒豬頸肉、泰式盬燒魚、馬拉盞椰菜苗、金柚沙律、火焰燒春雞首先尼咗碟椰菜苗，－陣陣馬拉盞香氣撲鼻，椰菜苗炒得好青綠，唔會炒過火，食落口好香甜，跟著泰式蟹肉炒飯，個飯無乜特別，飯不是炒到－粒粒，蟹肉唔多覺，有Ｄ失望再黎個炭燒豬頸肉，食落好香好 juice，唔'鞋‘口 ，跟著泰式盬燒魚，面頭真的鋪滿－粒粒粗鹽尼燒，揭開層魚皮，內裡魚的肉質，好像女人 敷了－層mask ，皮膚鎖住水分既效果，食了一口好嫩滑，食完—輪，食Ｄ甜酸既金柚沙律幫助消化，真係原粒柚子－粒粒，配埋青瓜甜酸醬汁，好開胃呀，最後主角出場啦……火焰燒春雞，呢個要訂位時order埋先有，每晚限量供應嫁，黎到成盆用鉄枝承托，由頭插到尾，好似係鋼管上跳舞；哈哈，然後侍應就用火槍燒隻雞啦，一開始Ｄ火已佈滿全隻雞，好厲害然後Ｄ火慢慢熄滅，等－陣隻雞無咁熱，就用手撕開食；嘩……好正呀！Ｄ肉好嫩滑，唔會老全晚各人食得好滿

For lunch , this small coconut cost us 38 HKD but the jelly part cannot be peeled off at all, we asked the waitress to change but she said no arrogantly, like we owe her money won’t go again and suggest you to do careful decisions. DON’T CHOOSE THIS RESTAURANT!!!!!

由於住喺附近，所以經常嚟呢度食午餐，晚餐反而就未試過，搵日都要試一試。五一勞動節嚟呢度食，因為唔使返工，所以午餐唔多人食，平時就好多打工仔。因為無乜人，我同男朋友就安排坐卡位。本身坐係風口位，店員好好，安排我坐其他位置。我叫咗個香葉肉碎炒河，男朋友叫左個燒豬頸肉飯。先講講個炒河，其實我次次黎親都叫呢個，因為真係好惹味，好有鑊氣。河粉同出面食嘅有啲唔同，佢係大塊啲、薄身啲同滑啲，加埋d肉碎、香料、蔬菜去炒好好食。至於個燒豬頸肉飯，佢會配埋個冬瓜湯，但冬瓜湯偏鹹似落咗味精，同埋佢個汁啲味道較為複雜，但係燒豬頸肉係好食嘅，好香口。

都有一段時間冇食泰國菜，朋友搵左呢間叫Thai In既泰國菜餐廳。餐廳內外餐廳座位都唔算少，有大枱可以比一大班人食飯一齊座，適合家庭聚會，亦岩同朋友一齊食。食物選擇沙律、小食、麵食、湯類、主菜應有盡有，價格大部分亦由$68-188不等。泰 · 生蝦(6隻) $98好耐冇食過生蝦，仲附有炸蝦頭，生蝦新鮮，鍾意食辣可以配埋辣椒、蒜片一齊食，否則只沾附上既醬汁就可以。Thai-IN虎蝦炒金邊粉 $108望外型唔覺，原來好大碟，金邊粉炒至上色，不過食落味道就偏淡，金邊粉食落唔會漿口，條條分明，但就水分多左啲，而炸虎蝦就好香口。麵包咖哩軟殼蟹 $188有一款叫劈開椰青見海鮮，為紅咖哩海鮮，而呢款麵包咖哩軟殼蟹就係黃咖哩，兩款造型都好吸引！但又冇理由叫兩款咖哩又太多，最後就揀左呢款麵包咖哩軟殼蟹，貪佢有埋麵包配咖哩，份量夠多，咖哩煮得好稠身，軟殼蟹好索汁，炸皮唔算油膩，幾香口，配麵包食好夾。珍多冰 $28好耐冇飲過珍多冰，最底係綠色既粉條，面頭再有啲雜果，唔算太甜。無論係一大班人，定係兩個人/情侶黎食都幾適合，份量又夠大份。

香港咩國家菜式既餐廳都多，以及你想食咩都有，當中東南亞菜必不可少係泰國菜，由清新既生蝦到味濃既冬蔭帶少辣又唔會過油，世界各地都中意食泰國菜。環境位於佐敦吳松街，都近地鐵站，而且係街舖，唔難搵，餐廳設計幾親切平民，有啲溫家感覺。餐牌選擇不少，圖文並茂，唔怕揀唔落手。Leo Beer $30食泰國菜緊係要飲返枝泰國啤，冇象啤就揀左呢隻Leo。泰式斑蘭葉炸雞 $68成日都食生蝦，今次試下呢個泰式斑蘭葉炸雞，有4隻，原本以為係有炸粉果種西式炸雞，原來唔係，係醃好既雞肉連同斑蘭葉一齊炸，雞肉用黑胡椒、蒜等醃製過，雞肉因為包裹係斑蘭葉入面唔會被炸老，肉質嫩滑，醃料份量岩岩好，再沾泰式酸辣醬好惹味。麵包咖哩軟殼蟹 $188造型十分精緻，如同菜名，就係以麵包裝住咖啡蟹，旁邊仲有烘過既麵包比你沾咖哩食，如果點呢一份唔需要再嗌飯。咖哩裝滿成個麵包，軟殼蟹份量好多，雖然浸住咖哩，但仍然食到外層酥脆，而炸皮又會索咖哩汁，啖啖都係咖哩味，咖哩味比較重椰奶，帶淡淡既香料味，唔算太甜，如果整返辣啲更好。Thai-IN虎蝦炒金邊粉 $108又點少得Pad Thai，最上有兩隻炸過既虎蝦，份量比預期中多好多，Pad T

以一間小店來說 食物賣相算是很有誠意看得出用心製作 質素不差但整體味道偏甜欠辣沙爹雞肉串燒 | $78雞肉燒得剛好 唔乾肉質依然嫩沙爹醬是精髓 好有花生味如果再辣一點會更惹味配的麵包粒有點令人失望 很乾亦唔脆泰式鮮蝦金柚沙津 | $78醬汁永遠是沙津成敗的關鍵這個甜辣汁做得很不錯(其實仍是偏甜的)夠惹味再加上有碎花生又有腰果增加脆感柚子不算最juicy但清甜清爽好食馬拉盞椰菜苗 | $68椰菜苗不會過淋有咬口 馬拉盞炒最惹味除了散叫菜式 周末午市都有套餐 幾抵食青咖喱雞飯 | $48黃咖喱牛腩飯 | $58兩款咖喱都只帶甜而不夠辣 亦唔夠香建議少點糖多點辣炭燒豬頸肉 +$38豬頸肉燒得好香 肉爽邊位微脆最正係配個酸辣汁 調得好好味鳳爪沙津 +$38套餐加錢有小食 份量都不少喎鳳爪辣度剛好但要再加點酸會更正