泰濃麵 (樂道)

營業中

休息中

係疫症最嚴重的時候，我地曾經係銅鑼灣食過泰濃麵，果陣晚市都係得一兩台，相當慘淡。上星期我地黎到尖沙咀分店食lunch，等左10分鐘左右，門口仲貼住繁忙時間既用餐時間係45分鐘😅🥩頂級安格斯牛肉 船河 配黃麵牛肉湯好香濃， 隔住口罩都聞到🤤安格斯牛肉瘦且滑，但無咩肉味～豬皮份量唔少，可惜浸濕左淋晒。。。黃麵就正常發揮🇺🇸頂國美國肥牛 冬蔭公湯麵冬蔭公湯底幾balance, 唔太酸，可以再辣d🌶肥牛唔會一大舊肥膏，兩者我比較鍾意船面🇹🇭泰式小食拉盤芝士雲吞咬下一啖我就放低，太大陣油溢味🤮墨魚餅大塊但唔夠彈牙，雞翼略乾，不推薦~

店入面播住泰文歌，加上牆上嘅裝飾，真係好有泰國嘅感覺呀！芫荽山冬陰功湯底配泰式河粉 $79香茅斑蘭梳打 $18(跟餐價）果然冇改錯名，芫荽嘅份量真係山咁多！鍾意食芫荽嘅朋友千祈唔好錯過😍冬陰功湯底唔會好鹹，夠酸得嚟又唔算好辣。撥開啲芫荽，發現湯入面仲有蟹柳、菇、蝦、秋葵同青口添！餐廳用咗樽裝泰國勝獅梳打，成樽咁上，真係好似去咗泰國咁呀！黑豚肉清湯配金邊粉 $49 (下午茶餐)龍眼冰 $14 (跟餐價)清湯湯底清澈，配有秋葵、魚蛋、蘿蔔同黑豚肉。比起黑豚肉，魚蛋更出色🙈龍眼冰有大量嘅龍眼肉，龍眼蜜清甜，依家天氣咁熱，飲一杯真係好舒服啊！泰式小食拼盤 $69每樣小食各有兩件，包括蝦餅、雞翼、芝士雲吞。蝦餅厚肉，香口彈牙。雞翼本身已經醃得好入味，就算唔點醬都好夠味！可惜今次卜卜蜆賣晒，唯有下次再嚟過啦。

經過見到有好多人排隊就好心血內潮就試吓佢啦諗住，應該都唔會差嘅🤣等咗大概10零20分鐘左右就可以入去喇，睇完餐牌之後都好快落決定😆泰式炸腩仔 $69呢個真係最推薦嘅一樣食物，好特別，外脆內軟，食落去唔會太肥膩，最緊要要點埋佢嘅秘製醬汁一口咬落去真係好滿足！青木瓜沙律 $49食咗啲炸嘢當然要要個沙律嚟傾一傾呀，沙律嘅份量唔算好多，但係都好豐富㗎，仲有唔少花生碎喺上面，食落去好清甜，都好開胃。炸豬皮 $19叫咗個炸豬皮諗住可以食船湯麵嘅時候放上去🤣點知實在太香脆好食啦，碗麵都未嚟我已經食晒🤣🤣🤣🤣頂級安格斯牛肉船湯 $89我叫咗黃麵，麵質都唔錯，湯底都幾好飲，有啲鮮味，牛肉係有啲半生熟嘅，牛味好濃郁，配料都有唔少，食完一碗女士應該都好滿足😆📍 泰濃麵 (樂道) (尖沙咀)尖沙咀樂道7號嘉樂大廈地下A舖

好耐冇去泰國旅行，突然間好掛住泰國街邊個啲地道嘅小食檔😻一次食幾碗船麵嘅痛快感🤪今次就去咗尖沙咀呢間專食地道船麵嘅泰濃麵搵番泰國嘅味道。呢度嘅船麵可以自由選擇配料、湯底同麵底，除咗經典嘅船湯之外仲有得揀冬蔭公湯或者清湯，麵都可以揀薯粉、金邊粉、河粉等。呢度嘅配料都好講究，安格斯牛肉、卜卜蜆、廣島蠔、飛驒和牛、龍蝦甚至芫茜山都有，令到成個麵矜貴咗🤩卜卜蜆、船湯、薯粉船湯賣相好有泰國嘅感覺，色澤好深色，飲落都好濃郁😛甜甜地，味道幾正宗。卜卜蜆大大隻，有唔少隻，另外薯粉屬於比較幼身，有啲似粉絲，索晒啲湯幾正😗😗頂級安格斯牛肉、船湯、薯粉呢款就換上安格斯牛肉，牛肉幾大塊而且幾腍滑，質素唔錯。泰式小食拼盤（泰式炸蝦餅、炸雞翼、炸芝士雲吞）食泰國嘢又點少得香口小食，呢個拼盤有齊炸雲吞、炸雞翼同炸蝦餅3款邪惡炸物😈😈蝦餅中間有個窿好似donut咁好得意，全部都炸到金黃色，其中雞翼好入味juicy，炸雲吞入面嘅芝士味就淡咗少少，可以再濃郁啲。泰式青檸梳打特飲、泰式龍眼冰特飲最後叫咗2款特飲，龍眼冰入面有勁多龍眼肉好足料，飲落清甜，青檸梳打飲落就夠晒爽。人均消費：$160推介指數（10分為滿分）：7.5

之前吃過這間的銅鑼灣分店，今次帶媽媽來到尖沙嘴逛街，居然見到這裏有間泰濃麵，一於入去撐檯腳！裝修平實簡單，但食物就好有水準，特別是招牌船麵，必食！——————————🔹黑豚肉船湯+金邊粉 $69船湯味道濃郁帶甜，後味充滿八角、甘草等香料的清香，非常合口味！黑豚肉的肉味重，沒有豬騷味，口感嫩滑點就更好！🔸頂級美國肥牛加泰式河粉 $69美國肥牛份量多，肥瘦比例剛好，不會太膩，半熟牛肉嫩滑入味，再吸收湯底的濃香，層次豐富～🔹泰式小食拼盤 $69
小食拼盤有泰式炸蝦餅、炸雞翼及炸芝士雲吞各兩件，特別適合兩個人happy share👥最推薦炸蝦餅，啖啖飽滿蝦肉，彈牙又鮮味，正！🔸唐山菜配秘製腐乳醬 $29菜式普通，但就好有驚喜！秘制腐乳醬比過往食到的更柔和惹味，搭配唐生菜同食，不會喧賓奪主之餘，菜的甜味反而更突出。

真係好耐都無出黎尖沙咀仍然想念在這裡返工的日子一到放飯時間總會來到這間泰國餐廳品嚐今次同朋友share，一於就試埋佢小食拼盤 ($69) 性價比都超值架，份量岩岩好，又試到佢3款小食香口脆雞翼，咬開仲好juicy架!! D 肉汁流曬出黎，好滋味炸蝦餅好食到震添，蝦味好濃郁，口感好似D魚蛋咁，好實身好有料最出神入化既係炸芝士雲吞非常脆皮包裹著濃厚的芝士芯咬落好煙煙"up"up"我地都最喜歡佢既冬蔭公湯底材料豐富架，有秋葵、蟹柳棒、青口、蝦我就揀左黑豚肉，朋友就揀左肥牛...佢都大讚呢間野好食，下次再encore 

I船麵越來越普及係香港，經過TST Isquare後面，發現了「泰濃麵」！餐廳座位寬敞，亦設有4張卡位，係快食入面算好坐同舒適！望望餐牌，原來除左唔同船麵外，亦有飯類，如海南雞飯！船麵d 「送」都唔係頹嘢，例如有安格斯牛、和牛、龍蝦、卜卜蜆及生蠔！可惜當日好幾樣已經賣清了⋯可以自由配搭湯底（船麵、冬陰功及清湯）麵類（薯粉、河粉、金邊粉、黃麵及湯飯）小食亦有數十款，不用擔心冇嘢食！🌟黑豚肉冬陰功薯粉（$69）冬陰公湯底酸度同辣度都適中，配有蝦、青口、蟹柳及菇！蝦係新鮮爽口！非常有誠意！黑豚肉食得出有甜味！份量非常足夠！🌟肥牛冬陰功河粉（$69）肥牛冇咩特別，但湯底真係值得一讚！🌟泰式炸腩仔（$69）值得推薦！炸得卜卜脆！非常可口！點汁也非常開胃！不經不覺食完全碟！🌟泰式鳳爪（$49）都幾多，調教的汁也不太辣！以酸為主！💡💡💡💡💡💡💡💡💡💡💡💡💡💡平時想食個快飯，或普通食飯都係一個好選擇！服務又好，坐得又舒服，食物又不錯！泰濃麵 (樂道) (尖沙咀)尖沙咀樂道7號嘉樂大廈地下A舖

泰式小食拼盤 HKD 69有2件炸蝦餅, 2件芝士雲呑同2件雞翼, 蝦餅爽口彈牙, 雲呑炸到好香脆，入面包住芝士雞翼好大隻, 好重香茅味, 點左甜酸醬, 好好食卜卜蜆冬陰公湯薯粉 $89份量大碗, 有蜆, 青口, 蝦! d蜆夠新鮮, 薯粉口感好煙韌, 加埋有小小辣嘅冬陰功湯底, 唔會太鹹, 好夾頂級安格斯牛肉船湯河粉 $89湯底好深色, 個湯好濃郁, 放左好多種材料同食材熬製，安格斯牛肉好淋 牛味夠濃, 配料有魚蛋、秋葵、 炸豬皮、 蘿蔔. 白魚蛋好彈牙, 泰式炸豬皮炸到好鬆脆, 蘿蔔好淋泰式蝶豆花特飲 + $18泰式蝶豆花特飲味道酸酸甜甜, 顏色好特別, 打卡一流青檸梳打 +$18

🥚🥚🐷定期回味船麵✨性價比：8.5/10🍳食物：8/10🌏環境：7.5/10🕺🏻服務：7.5/10💰是次消費：人均 $ 97#蛋蛋豬 🏝地點分類: #蛋蛋豬在尖沙咀🍰食物分類: #蛋蛋豬吃泰國菜 #蛋蛋豬吃船麵————————船麵這款特色美食令人一試難忘，尤其是重口味人士，令人想定期就去回味一下。泰濃麵是其中一間我每隔一段時間就光顧一下的店舖，原因是性價比高，又能做到濃郁湯底。頂級美國肥牛船湯薯粉 ($69)肥牛一碗都只是賣這個價，雖然預計牛肉質素不會有幾好，但都完全可咬開，比想像中軟腍，份量合理。麵底偏大，薯粉幼身，比一般薯粉易咬，沒有影響整碗船麵的口感。當然最重要還是湯底，一向沒有令人失望，原來是由超過20種材料熬煮八小時而成的，真材實料，真心與肥牛無比匹配。唯一要彈的是表面的炸豬皮很快就全部變淋，欠了脆脆口感。黑豚肉船湯金邊粉 ($69)豚肉質素正常，金邊粉配搭船麵湯底也不錯，其他配料還有魚蛋、秋葵及蘿蔔，幾抵食。小食拼盤 ($69)選不好單一款小食的話，叫拼盤就是最好的選擇，分別有泰式炸蝦餅、炸雞翼、炸芝士雲吞各兩件。蝦餅幾乎所有人都會喜歡，厚肉彈牙。雞翼兩隻未必夠喉，不過今次

話說趁呢日放假跟咗朋友去搵食，朋友就帶咗我去尖沙咀呢間食泰國船麵下午茶時間左右嚟到食客唔多，由於公眾假期，下午茶優惠取消了。主要材料有10款選擇，湯底有3款選擇，另再可選河粉，金邊粉，薯粉等等…我和朋友各自點了1 款再加小食▶️黑豚肉薯粉(冬陰公湯) - 份量足夠，除黑豚肉外，還有相當份量嘅海鮮配料，值得一提係冬陰公湯底，味道正宗而濃郁，必試之選▶️頂級美國肥牛金邊粉 (船湯) - 份量一樣夠多，金邊粉爽口彈牙，船湯湯底亦都濃郁惹味▶️小食拼盤 - 炸蝦餅/炸雞翼/炸芝士雲吞，每款2件，同朋友一人一件啱啱好，味道亦都好總結：食物質素好好，如果係下午茶時段性價比會更高，另外店內格局寬敞，令人感覺舒服！

餐廳以船麵為主，湯底可選船湯、冬陰公湯及清湯。麵底有河粉、金邊粉，黃麵、薯粉選擇。*美國肥牛船麵除了主材料美國肥牛，其他配料有炸豬皮、魚蛋，白蘿蔔，材料相當豐富。湯底揀了船湯，色澤深啡色，味道鮮甜濃郁，麵底揀了金邊粉，金邊粉吸收濃湯精華特別好味*黑豚肉船麵揀了薯粉及冬陰公湯底，主料黑豚肉，還有冬陰公湯的大蝦等配料。冬陰公湯底味道豐富有層次感，愈喝愈惹味*泰式小食拼盤(泰式炸蝦餅、炸雞翼、炸芝士雲吞各2件)蝦餅香口彈牙，雞翼帶南乳味夠惹味，芝士雲吞不夠脆兼帶苦味，這個比較普通～總結食物唔差，環境企理乾淨，下午茶時段價錢會抵。

呢度有泰式船湯/冬蔭功湯/清湯可以配搭河粉/金邊粉/薯粉/黃麵/湯飯頂級美國肥牛湯河🥩正宗泰式冬蔭功湯底，味道一流，十足香料除左有美味肥牛外，還有鮮蝦🦐同青口🦪 泰式小食拼盤🔹️炸蝦餅蝦餅爽口，唔會覺得肥膩 🔸️炸雞翼香脆外皮軟綿綿嘅雞肉，保留充足肉汁 🔹️炸芝士雲吞推介芝士雲吞，脆香雲吞皮入面有流心芝士食物係好地道泰國風味，而且湯底做得好好，令人有致身係泰國嘅渡假feel，呢度係個唔錯嘅選擇

今日lunch 經過呢頭，見到呢間泰式船河，由於本人極鍾意食冬陰公，見到門口啲相好似幾吸引就決定試吓，果然有圖有真相😁冇㨂錯👍🏾門面唔錯叫左卜卜蜆冬陰公湯麵初頭以為唔會係啲相咁架啦，應該係細蜆，點知嚟到啲蜆超級大隻😍😍 仲有成5-6隻！配料仲有蝦同青口👍🏾都算冇偷雞！個湯真心唔錯，成日食冬陰公嘅我都覺得呢個做得好濃味，唔太䶢又夠酸辣，差啲飲晒成碗野！另外因為想健康啲就叫左烚唐生菜配秘制腐乳醬呢個就比較不過不失。見好多人試佢個炸芝士雲吞，下次會再嚟試吓👍🏾

頂級美國肥牛船湯河粉叫咗餐廳推薦嘅船湯，果然有驚喜🤩湯底好出色，濃郁之餘又唔太肥膩，幾好飲～肥牛份量都比想像中多，食到尾都仲有😚仲配有白魚蛋，又滑又彈牙食落唔粉。泰式炸豬皮好脆，浸落湯度食又係第二種風味🥰另外仲有好㦖好入味嘅蘿蔔同青辣椒，整體嚟講唔錯👍🏻頂級美國肥牛冬陰公湯薯粉湯底比想像中足料，有蝦同埋青口，食落都幾新鮮🤤個冬陰功湯一入口啲酸味就即刻衝咗上嚟，酸辣味適中，幾開胃😌薯粉嘅份量都足夠，唔會太多/太少。推薦俾中意食辣嘅朋友🤤泰式小食拼盤有炸雞翼、炸芝士雲吞、炸蝦餅，3樣都好好食🥰私心推薦芝士雲吞，記得要趁熱食呀～泰式青檸梳打幾清新解渴，啱曬食完熱氣野飲🤤

次次食泰國菜嚟嚟去去都係pad thai/咖哩 今次食船麵！🍜😛-👉🏻黑豚肉船湯河粉💲69👉🏻雞髀肉船湯薯粉💲69👉🏻泰式小食拼盤💲69（泰式炸蝦餅、炸雞翼、炸芝士雲呑）👉🏻泰式碟豆花特飲💲28-船湯幾甜 似滷水豬骨味😛啲蘿蔔吸晒個湯但都食到蘿蔔本身嘅清甜😗薯粉夠彈牙 個湯底仲有魚蛋都好彈牙 炸豬皮建議浸少少湯就好快啲食 太冧冇咁好🙈都幾足料好多豬肉同雞肉 但覺得鞋咗啲乾咗啲🙈小食一般啦炸蝦餅想多啲鮮蝦味 芝士雲吞一定要趁熱食🔥飲品偏甜 唔中意太甜記得叫小甜🙈上菜速度幾快 幾啱返工lunchtime去食🤣〰️〰️〰️〰️〰️〰️〰️〰️〰️泰濃麵 (樂道) (尖沙咀)📍尖沙咀樂道7號嘉樂大廈地下A舖