泰濃麵 (樂道)

營業中

休息中

唔想去泰國，但又想食正宗船麵可以去泰濃麵試一試～晚餐時間見到呢間舖頭都幾多人，價錢又合理，點知真係有驚喜😆湯底主要分三種船麵，冬陰功和清湯～至於配菜由平到貴任君選擇，連黑毛和牛同埋波士頓龍蝦都有🤓面底都有五款選擇，成碗湯粉自己組合❣️叫左🔅頂級美國肥牛河粉🍜 深色嘅湯底，驚喜在於湯頭真係十分濃郁，混雜咗唔同嘅香料味，但仍好順口.其中胡椒八角味特別突出！配菜方面本身有脆香豬皮，魚蛋，蘿蔔，加埋自選嘅肥牛～絕對唔擔心唔夠食。肥牛份量都好多，油花分布平均都有淡淡牛脂香味！河粉好滑溜仲十分掛湯，一啖湯一啖河粉好滿足～ 最後成碗湯清晒😏🔅 炸蝦餅 幾乎必叫！一客3件都有掌心甘大～ 最要即炸熱辣辣，蝦膠爽彈無腥味！最後仲叫左杯泰底龍眼冰特飲，好多龍眼肉😆 比較甜，但好清新解暑👍

想食正宗泰國船麵就要去泰濃麵喇，船麵可自選主食，湯底及麵類，主食有豬、牛、雞、海鮮；湯底有船湯、冬陰功或清湯。除咗船麵以外仲有泰式海南雞飯和小食。咁多選擇總有一款適合個人口味。泰式炸腩仔炸腩仔十分香口，每舊都肥瘦均勻，因為最怕過份肥，會食到好膩。配埋泰式醬汁，酸辣感覺愈食愈有。同埋一份都有好多件，過足癮。泰式炸蝦餅蝦餅由炸起到上菜，成個過程都無變形，証明真係好足料飽滿。蝦滑夠彈牙有咬口，雖然係炸，但鮮味十足。頂級美國肥牛船麵湯底飲落好順滑，絕對係煲得夠時間同火喉嘅表現，牛肉同麵時間控制得好好，唔會過老同軟。味道表現出正宗船麵嘅風味。雞髀肉冬陰功湯面首先要讚嘅係選用雞髀肉，真係好食好多。冬陰功酸辣平衡好好，味度稍稍調教得濃少少嚟配麵食，夠細心。

有日放工去咗泰濃麵食泰國河粉麵要試到一間泰國麵食既水準，係人都知一定要叫船麵，所以我哋叫咗個頂級美國肥牛船麵配金邊粉做主菜。真係同間舖個名一樣，啲湯非常之濃。肥牛都好足料同埋直得一讚，啲麵索晒啲牛味超好食我哋唔夠喉再叫咗個泰式鳳爪同青木瓜沙律，泰式鳳爪味道有啲辣。另外鍾意食辣嘅都可以挑戰青木瓜沙律，就連我男朋友依啲譚仔食大辣嘅人都食到標晒冷汗要叫杯嘢飲中和下食辣嘢叫杯泰式蝶豆花特飲中和下辣味就岩岩好。食完咁多嘢 $300 有找，相信喺尖沙咀都幾難搵到㗎啦☺️

今次去咗尖沙咀呢間#泰濃麵 ，真係好期待試下佢哋嘅泰式美食。餐牌上面有唔少選擇，最終叫咗四款食物，一齊嚟睇睇每款食物嘅味道如何。頂級美國肥牛船湯呢個肥牛船湯真係唔錯，湯底非常濃郁，牛肉片薄而多汁，每一啖都感受到牛肉嘅鮮味同湯底嘅香味，真係暖胃。🍲🍲🍲🍲（4分）卜卜蜆冬陰功湯薯粉呢個卜卜蜆冬陰功湯薯粉真係正宗，湯底酸辣適中，入面嘅蜆好大隻同埋好鮮，薯粉啱啱好彈牙，吸收晒湯底嘅味道，食落好滋味。🍲🍤🍤🍤🍤⭐（4.5分）炸魚餅炸魚餅外層香脆，內裡軟滑，魚肉味好香，唔會太腥，加埋泰式甜辣醬，好夾。🍥🍥🍥🍥（4分）整體嚟講，呢次泰濃麵嘅體驗真係非常滿意，每款菜都有佢嘅特色，尤其卜卜蜆冬陰功湯薯粉真係令人回味。如果你鐘意泰國菜，呢間餐廳絕對值得一試！

哩間泰式小店專賣船湯粉麵同小食, 有時諗唔到食乜都會黎食碗粉過下口癮🇹🇭中意佢配搭多，三款湯底有船湯，冬蔭湯同埋清湯，可以配10款食材，想食豪d仲有龍蝦添。廣島蠔船湯飯雖然配搭偏離左地道既標準，但咁樣食又幾有新意又好味，蠔都幾大隻👍🏻雞脾肉冬陰功湯金邊粉冬蔭湯酸酸甜甜好開胃，無乜辣勁，唔食辣既人應該都食到👍🏻本身湯底就跟左蝦同青口，幾豐富👍🏻哩度連腐乳生菜🥬都有。龍眼冰好多龍眼肉，清甜👍🏻兩個人人均百零蚊，快靚正晚餐❗️

黎開呢頭做野，想食酸辣野，於是就入左黎。呢間鋪頭係isquare隔離，主打船麵。不過今日心血來潮，就叫左呢碗冬陰公金邊粉試下。冬陰功湯底上枱時已經香氣撲鼻。湯底的香料味很夠，少酸微辣，十分開胃。入面還加入蝦、青口、蟹柳和秋葵等材料，全部都好新鮮。而雞脾肉就夠嫩滑，金邊粉帶少許彈牙，索埋湯汁，十分高質。另外雞翼都夠飽滿大隻，炸到外脆金黃，內裡依然多汁，很有誠意。龍眼冰很足料，龍眼肉佔了3分1。飲落去係好舒服的清香甜味，很值得點。下次一定要再黎試下佢的招牌！

尖沙咀iSquare對面條街有一間專食泰國麵食嘅「泰濃麵」，裝修都好有泰國感覺。湯底可以揀清湯、船麵同冬陰公，麵食就有河粉、金邊粉、黃麵等選擇。卜卜蜆冬陰公黃麵冬陰公湯底好惹味，配埋黃麵好掛湯！餸就揀左卜卜蜆，一碗有六隻，每隻都好大粒好鮮甜！牛肉船麵船麵湯底好香濃，牛肉分量亦都相當多，配河粉食好正！炸蝦餅一碟有三件，炸到冬甩型，肉質好彈牙，充滿蝦味，真材實料！隨餅仲送幾塊蝦片，脆卜卜幾好食。飲品有唔同種類嘅泰式飲品，熱飲都有得揀柚子蜜同薑蜜，暖入心~

泰濃麵位於尖沙咀旅遊區的樂道，已經開業好幾年，筆者間唔中都去食船麵，價錢中規中矩，人均$120-$150左右，服務很好有禮貌。由以前只有雞髀肉或美國肥牛的船麵，慢慢變得愈來愈多款式，有日本廣島蠔有安格斯牛肉，今次我揀卜卜蜆。卜卜蜆船湯金邊粉正宗泰國🇹🇭船麵好細碗，要食幾碗先夠。但泰濃麵船麵份量改良為香港人版本，正常食量嘅人都夠食，湯底好濃郁，有藥材肉骨茶味道，筆者好鐘意。卜卜蜆好大隻，冇沙有肉，炸豬皮必食！又脆又香！配料有大大舊甜白蘿蔔、彈牙魚旦、大大支秋葵，成杯麵好豐富，夠曬飽肚又好食🤤。香茅斑蘭梳打開左支泰國土產singha牌梳打，自己倒入已調味好的香茅斑蘭杯入面，味道唔會太甜，又有香茅同斑蘭味，消暑解渴。黎到尖沙咀旅遊，不妨到訪小店試試泰式船麵吧！你一定會喜歡的！

@siam.noodles specializes in authentic Thai boat noodles 🛶 rich and flavourful soup base options include boat, tom yum, and clear broth 🍜 boat soup simmered with over 20 spices and 30 pounds of pork bones for 8 hours 🍖 pair it with various meat, seafood, and noodle options 🥢 also offers variety Thai specialty snacks and drinks 💫泰濃麵 @siam.noodles 主打泰國正宗船麵 🛶 湯底有船湯、冬陰功同清湯 🍜 香濃船湯 經過超過20種材料同30斤豬骨熬製8小時 🍖 船麵有多種肉類和海鮮選擇 搭配不同粉麵 🥢 仲可以加配泰式小食同特飲 💫🐄 頂級美國肥牛 + 船湯 + 金邊粉 HKD$72us sliced beef + boat soup + pad t

身處尖沙咀，心血來潮想食船麵，於是決定去這間食，這間之前也食過午餐，午飯時間都幾多人下，晚飯時間也有不少人，不過好彩剛好有人食完走，立即有位，仲要係卡位，可以放下嘢坐得舒服啲. 主食方面配搭有好多種，可以選牛肉、豬肉、海鮮、雞肉、鴨肉等配料，再選湯底有船湯、冬陰功湯或清湯，仲可以選飯、河粉、金邊粉、黃麵或薯粉，最後我叫咗黑豚肉船湯底金邊粉、泰式海南雞飯、泰式小食拼盤、烚唐生菜配秘製腐乳醬，仲叫咗杯香茅斑蘭梳打嚟降下溫. 先上船麵，湯底色澤好濃郁，但唔會過鹹，食完唔覺口亁，麵同配料份量也好足. 海南雞飯，雞入味，點埋個醬食仲提升咗個味，油飯香而不油膩，泰式小食拼盤有三款小食，蝦餅、炸芝士雲吞及雞翼，蝦餅外脆內彈牙，炸芝士雲吞第一次食，幾好味，芝士煙煙韌韌，食完唔會膩，雞翼保留到肉汁，唔會炸到好乾好硬. 秘製腐乳醬恰生菜，生菜爽口，同這個秘製腐乳醬幾夾. 香茅斑蘭梳打係俾支泰國樽裝梳打水你再另外俾個裝住香茅斑蘭嘅杯你，自己製作的，本身叫時怕味道會唔會怪，但見餐牌有推薦就試吓，味道原來係幾清新，飲完感覺爽快，幾適合夏天飲. 服務同價錢方面也正常，整體來講不錯.

早排做嘢經過泰濃麵，發現入面經常滿座，今晚終於有時間嚟試下。餐牌以泰式粉麵及泰式小食為主，粉麵類有三款自選湯底，分別有傳統泰式船麵、冬陰公湯底同清湯湯底。主食有各款雞、牛、海鮮類，麵底有河粉、金邊粉、黃麵等等等，全部都可以自選配搭☺️第一款就揀咗冬陰公湯底配卜卜蜆，麵底揀咗黃麵。先飲咗啖湯底，好足料，辣度十足，味道酸酸辣辣👍🏻海鮮有鮮甜大蜆，仲有彈牙海蝦，黃麵口感煙韌，整個湯麵不錯第二款就揀咗傳統船麵湯底配頂級美國肥牛，麵底揀咗金邊粉。湯底極濃郁，配搭多種香料熬製而成，選用泰國正宗金邊粉，質地順滑特別掛湯！肥牛牛香味濃🐮第三樣就揀咗一款泰式小食，就係泰式炸蝦餅，配搭幾塊炸蝦片😍蝦餅炸得好香脆，爽口彈牙最後就係叫咗杯泰式青檸特飲，真係好解渴，飲完成個人爽曬！

泰式船麵一向在泰式美食中佔有一個重要位置，今日和老公經過尖沙咀便見到一間主打泰式船麵的餐廳~“’泰濃麵‘’🇨🇷。🇺🇸🐮頂級安格斯牛金邊粉~安格斯牛肉半生熟啱啱好，油脂分佈均勻，肉質軟滑香甜，傳統船湯濃郁，香甜而不俗，令安格斯牛肉昇華至另一層次。🥣卜卜蜆冬蔭功湯薯粉~大大隻的蜆肥美飽滿，鮮味十足，薯粉吸收了冬蔭功湯底的酸辣，完美配搭。🥬腐乳西生菜～西生菜爽脆清甜，配上腐乳吃便更滋味了。

好似車仔麵有得自選湯底粉麵自己中意食咩揀咩。今次晚上時間去，排左15分鐘左右都入到去餐廳環境不會好壓迫！卜卜蜆船湯金邊粉湯底好濃，重色，食曬啲麵仲可以飲埋碗湯隻隻蜆都好大隻，無沙！仲加埋泰式麵一定要有的炸豬皮👍份量好足。肥牛冬陰功湯金邊粉冬陰功湯底用海鮮煲，上枱見到湯底有數隻蝦👍對我來就是微辣，好豐富。覺得除咗叫肥牛之外，仲賺咗個湯底！小食拼盤每樣2件（雞翼，芝士雲吞，炸蝦餅），而且是即叫即炸，好脆口。

依間泰國菜餐廳好受歡迎！長期都好多人食，連內地人都排住隊等，今次嚟尖沙咀一於試吓🤩頂級安格斯牛肉船湯黃麵 $92以高品質的安格斯牛肉為主角，肉質鮮嫩多汁，口感一流。黃麵煮得恰到好處，適中彈性和口感。湯底濃郁醇厚，充滿牛肉的香氣～配有豐富配料，有魚蛋、芽菜、香蔥等等黑豚肉船湯河粉 $72黑豚肉口感鮮嫩多汁，好有咬口。河粉煮得剛好，有彈性而不會太軟。船湯湯底入口鹹香，十分濃郁惹味，配有豐富配料，有魚蛋、芽菜、香蔥等等炸芝士雲吞 $42雲吞外層炸得金黃酥脆，咬下非常香脆可口😍 內裡的芝士餡料濃郁奶香，每一口咬下去，都能感受到芝士的溢出和口感的豐富熱柚子蜜 $18

首先，我要講返頂級美國肥牛冬陰功湯麵。佢嘅湯底香濃，有一種特別嘅辣味同酸味，令人回味無窮。肥牛片鮮嫩多汁，每一口都能夠感受到牛肉嘅鮮味。湯麵嘅薯粉更加增添咗口感，令湯麵更加豐富。而雞脾肉冬陰功湯麵就係另一個選擇。雞脾肉嫩滑，同時都有微微嘅辣味同酸味。配金邊粉嘅湯麵更加彈牙。除咗湯麵，呢間餐廳仲有泰國樽裝梳打水，真係一個好清涼嘅飲品。梳打水入口帶有好多嘅氣泡，令人舒爽。另外，我推介你試下佢哋嘅龍眼冰。龍眼肉鮮甜多汁，而且係用椰子水配搭，好好飲。最後，我要提一提佢哋嘅烚唐生菜配秘制腐乳醬。生菜新鮮脆口，加上特製嘅腐乳醬，味道更加豐富。