泰泰

營業中

休息中

今個WEEK約咗一班好朋友聚餐,朋友一早已BOOK位, 佢話LEE間餐廳要BOOK咗先,WALKIN多數都冇。到咗見到好泰FEEL裝修, 入到去我估D WAITRESS都係用泰國本地人。因為我朋友生日同隔離枱有人生日,佢哋會用泰文唱生日歌都幾特別,而個蛋糕係芒果糯米飯,好好食。我哋叫咗泰式生蝦剌生、泰式串燒沙爹(豬、牛、羊各兩串)、泰式燒雞、馬拉盞炒椰菜苖、小炒王生菜包同地甜品。但我有D食物忘記了影相,只影了3幅相。講下生蝦先, 佢用咗蝦身做刺生,蝦頭炸咗當熟食,1生1熟有兩個唔同味覺享受,佢D蝦好實好新鮮, 而個蝦頭炸咗好脆,好好味, 必推之一既菜式。泰式串燒沙爹(豬、牛、羊各兩串), 本人覺得過得去, 可以食或者唔食, 因為唔係炭燒既味道。泰式燒雞 - 我覺得LEE 個可以一試, 因為隻雞佢用咗D好似沙爹做醃料, 皮都有D脆, 所以好入味, 如果想試可以叫半隻食下。我個朋友就大力推, 佢話嚟到必食。其他都忘記了影相, 馬拉盞炒椰菜苖好入味好好食, 可以叫多兩碟都得, 因為SIZE 唔多。小炒王生菜包 - 因為同原味好大分別, 我哋D朋友都係覺得原始味道好食好多。芒果糯米飯 - 我覺

今晚8點零鐘行下行下見到店舖外貌簡約被吸引進內，坐下看看四周食客的食物各有不同，代表乜都好食喇，因為好多食店只有幾樣招牌菜，大部分食客都係點個幾樣，呢度每枱食客啲食物都唔同，既係可以點自己喜歡的。泰國燒雞，冬蔭功，蝦餅，凍奶茶，令人回味無窮，最後還送我哋兩款甜品，很窩心，值得欣賞，下次再來，抵讚！

大部分店員都係泰國人！氣氛好「地道」🙏🏻又會唱泰文生日歌🎶Overall: ●●●●◐原隻椰青海鮮焗飯 ($142)打頭陣！絕對可一試嘅飯淋上椰漿嘅飯🍚每啖都係椰子味🥥雖然甜但又唔會腬 海鮮都足料夠味飯腳們覺得好好食，不斷𢳂呢個份量⋯⋯一定一定要同人share🎤黃咖哩石鍋 牛肉 ($93)易入口嘅咖哩，有微微香料味🥘建議撈埋落個焗飯度haha煲入面有青椒、薯仔、洋蔥等我哋認為佢哋雞肉出色過牛肉泰式烤酥餅 ($35)泰式蒜蓉包 (3塊 $31)兩款揀一樣的話我哋prefer食烤酥餅因為可以蘸汁🧚🏻‍♀️同埋表面酥脆、入面軟熟煙煙韌韌噉蒜蓉包泰厚喇，變咗個醬覆蓋嘅範圍比較少 有啲位食起嚟冇咩味泰式燒雞 (半隻 $148)皮脆肉滑，焦香誘人爆炸雞翼 ($98)又係好入味雞翼份量相對其他嘢食冇咁多 泰式燒豬頸肉 ($98)一間泰菜有幾多斤兩好似食豬頸肉就見真章😝而佢哋嘅豬頸肉都完全冇令我哋失望 非常爽嫩原隻芒果糯米飯 (細 $43；不過free咗俾我哋😳)芒果多到傻😂比較冇驚喜有多啲飯就好🤭泰泰視帝奶茶 ($30)非常清甜，我覺得係我飲過嘅泰奶入面嘅top 3🫗適合唔嗜甜嘅人士✍🏻 有素食men

今次捐窿捐罅，嚟到佐敦大街小巷嘅特色泰國餐廳，餐廳所有菜式都好有泰國風味，餐廳環境亦都好有泰國風情，成個飲食體驗都比喺泰國更加好食。人均大約$400左右，今次係為咗慶祝生日嘅晚飯。我哋叫咗嘅泰國金邊粉、椰子海鮮炒飯都非常惹味。我哋都特別欣賞雞飯，雞又多肉又嫩滑，個個都讚不絕口，而沙律就有啲辣。我自己就飲咗杯芒果沙冰，估唔到佢沙冰唔會一粒粒冰飲到落口，而係同芒果汁融合得好好，非常好飲。泰國生蝦旁邊嘅炸蝦頭都估唔到一樣咁好食，而且好有蝦味仲有少少蝦膏喺入面。小食拼盤每一樣雖然都好油膩，但係味道真係唔錯。最後就係餐廳精心擺碟嘅芒果糯米飯，作為一個生日甜品，佢上面嘅笑哈哈佈置真係非常可愛。

係舊公司返工時成日食泰泰既午餐，實在太懷念今日特登返黎食🥹🍽️ 海南雞飯海南雞飯係一個好經典嘅菜式嫩滑多汁嘅雞肉配上香氣四溢嘅油飯，如果有得添飯我可以食三碗！點埋特製嘅泰式酸辣醬，唔會太辣，反而好開胃🤣泰泰既雞肉煮得剛剛好，肉質鮮嫩😍米飯飽滿而香甜，一啖落肚就會感受到滿滿嘅滿足感🥹🍽️ 泰式奶茶大大杯，又可以少冰泰茶有種絲滑而濃厚既口感，正！♨️ 環境/服務呢間餐廳環境大，係一個寬敞而開放嘅空間～入到去，你會感受到明亮嘅氛圍👍我見到人地好似仲可以包場搞活動～

150820238月之星生日去佐敦泰泰食5個人叫咗8樣嘢：生蝦：蝦彈牙，配埋生蒜片、醬汁，好吃芒果蟹肉炒飯：多芒果、多蟹肉，芒果夠甜。炒飯好香，夠乾身。串燒半打（牛&雞) ：每串分量超多，我地除哂d竹枝出嚟方便大家食，推哂d肉出嚟勁多。雞肉正常發揮。牛肉好好吃，夠淋，d肉中間仲係粉紅色，好嫩。炸蝦餅：漲卜卜，夠彈牙（印象中6月食過果次吾彈牙，今次好好多）小食併盤：有魚餅、蝦多士、黃金/黑金入球。全部炸嘢、香口野，點會唔好食。蒜蓉炒通菜：正常發揮咖哩軟殼蟹：咖哩同軟殼蟹分開上，夠貼心。軟殼蟹新鮮炸起熱辣辣，好吃。咖哩汁好吃，我地仲係咁用嚟配炒飯食，match. 細的芒果糯米飯 （因為我地有個小小的古古力🎂)手工啤酒買二送一，要咗2支青檸1支芒果，青檸好飲，芒果麻麻地。今次樣樣野都好食，老闆又超funny , 又free咗個芒果糯米飯比我地。12月生日的朋友話要再嚟😏😏

4/6/2023同細佬慶祝生日，去咗佐敦嘅泰泰。我地book咗6:00pm , 早咗到，但係佢未開門，都已經有三四個人喺度等開門。4個人叫咗：金邊粉：冇乜應該有嘅酸味，面頭蛋網好un. 不過都有好多蝦嘅真係。呢個唔推介。冬陰功：味道一般，唔係好夠酸味。但係海鮮勁多，啲蝦大隻、又有好多魷魚、青口。生蝦：蝦肉唔彈牙，但係又未至於‘霉’，一般。豬肉生菜包：夠‘惹味’，份量多。青檸牛肉：牛肉好食，但係份量唔係好多（下面椰菜薦底）黃金、黑金入球：炸嘢香口，但係唔夠彈牙。椰青沙冰：呢個值得推介，夏日炎炎飲佢就正。同普通椰青唔同，佢呢個起咗啲肉再整成沙冰。正。我哋班咗個蛋糕去，仲有熱情有趣的老闆唱泰文生日歌🤣🤣🤣🤣我覺得都係一個聚會嘅好地方，雖然唔稱得上話樣樣嘢都超級好食。

一間有驚喜的餐廳，差不多所有菜式都好好味😋生日仲可以預訂生日蛋糕🎂，老闆仲會全員一齊唱泰文生日歌，氣氛正到爆😌有朋友生日一定要試吓。總括而言，一間高質的泰菜，已經食過好幾次😋👍😋

人越大，每年吃的生日蛋糕也倍增，形形色色的蛋糕都試過，今年來一點新意思。早在上一年，我已和男朋友說今年要一個三色芒果檽米飯蛋糕，感謝男朋友把我的說話一直記在心里，在剛過去的生日周末為我送上不論是賣相度😍，美味度😋和充實度都爆燈既檽米糕蛋糕。可以從相片見到廚師既心思，把芒果一片一片鋪滿成玫瑰花型，而中間既檽米飯亦都用左三種口味，包括：💚綠色代表班蘭，💙藍色代表蝶豆花，🤍白色代表原味，食落好香椰子味，芒果乾而挺身，始終係當做季節，果肉夠甜多汁，不過食8分1件確實好飽肚，分開食左兩日超級滿足。預訂方法好簡單，只要去泰泰既instagram網頁附帶既link度訂講就可以。外賣既時候，椰奶係會分開放，等你自己食既時候先加落去。

我同朋友午餐時段去食，如果想散叫素食菜單上嘅菜式，要特意問店員拎。原隻菠蘿素炒飯 ($142) (可走五辛/ 蛋)初頭叫呢款炒飯因為鍾意食菠蘿炒飯，同埋諗住打卡。但上菜先知原來係咁大份，而且之後睇返價錢先留意到原來都唔平，多人食一齊share會好啲。炒飯鹹鹹哋，兼有菠蘿嘅酸甜味。配料份量好多，有菠蘿粒、三色豆、提子乾同雞蛋，表面再鋪有素肉鬆同腰果。

環境氣氛唔錯，見到員工有為客人唱生日歌，食物份量較細份，泰式生蝦好有心思，蝦頭有炸過，串燒都唔錯，最後還會送一份甜品，如果份量大小小性價比會高一啲四個人埋單$910，還可以吧

Lunch Time 同事帶我過黎食泰菜，去到都見到幾多人食，仲見到唔少枱已經被人book左，午餐黎講都算幾多野食選擇，而我嗌左冬陰公湯配豬頸肉。✨豬頸肉冬陰公湯配檬粉湯麵大大碗，面層鋪滿芽菜，色澤呈橙紅，湯味酸辣適中非常開胃，岩哂唔食得好辣既朋友仔食，湯底配料都幾多蘑菇，蝦仔同蕃茄。豬頸肉食落香脆爽口，不過少多兩舊覺得少乾，同埋餐廳無比泰式辣醬比你蘸，如果想要記得自己問侍應拎啦😂✨泰式檸檬茶我覺得食物質素係不錯 ，但尼杯檸檬茶真係唔得🥲🥲一上枱真見到勁深色，連檸檬都被染色了😨飲落完全係泰式奶茶味 不過無左奶，所以一啲都唔好飲，飲慣港式檸茶既我真係唔識欣賞😓

去完西九行個圈，再岀嚟食lunch；知道佢有「素食🌱」泰菜，想嚟試下！⋯⋯整體調味係唔錯，都係即叫即整！。💢‼️『柚子沙律🍋』$98佢mark咗係「素🌱」，亦放咗係veggie menu，但上面係有5隻「真蝦🦐」😱！我哋再仔細睇，個汁就應該無蝦米仔，食全素嘅人要注意；味道酸酸就辣辣；入面有椰子脆片、炸蒜同腰果，有多重口感；柚子肉有紅色同白色，視覺上都靚⋯⋯『蒜蓉炒椰菜苗🥬』$76平時食中菜都係菜心、芥蘭、通菜，個汁有陣陣濃濃胡椒味，幾特别！⋯⋯『泰式濕炒河(素)🥡』$98係又粗又大件嗰隻河粉；多料少粉，但味道比較淡，我有加少少辣椒粉😜⋯⋯『香茅冰』味道好似做spa 時serve嘅飲品。📍 泰泰 (佐敦)佐敦吳松街182號榮國中心地下B-D號舖 。好味指數：🌕🌕🌕🌕🌑回味指數：🌕🌕🌕🌕🌑

好旺場嘅泰式餐廳，午市12pm開始 ～第一次來的時候1:45pm需要等待一會兒才可以入座，第二次來的時候2:30pm 就唔需要等位第三次來的時候12:30 pm亦可以直入，但係坐低之後就很快不斷有人進來到1pm嘅時候已經全場坐滿我最欣賞嘅其中一款菜式就係青咖喱，因為都唔算好多地方整得好食～另外佢哋嘅香葉肉碎炒河，亦都值得推薦～午市性價比高，大部份$69左右 配冷熱飲品（特飲先需要加錢），而我每次來都會點選泰式奶茶

如果唔係有朋友告知原來泰泰有素食menu, 真係唔知原來佢嘅素食係咁出色嘅！打去卜位，原來話睇《愛我別走》就點都幫你卜到位，好開心，連該劇的編劇莊梅岩也推介泰泰！由於沒有預訂素菜，就叫menu上可供的素食💚叫左原個菠蘿炒飯、素肉生菜包、青木瓜沙律、青咖喱雜菜煲。全部都新鮮整嘅。菠蘿炒飯好多鮮菠蘿腰果同埋份量好多，有誠意。生菜包用左新豬肉碎去整，好夠味，個人認為炒得乾身啲，效果會好啲，餸汁又唔會滴到周圍都係。青木瓜沙律都幾辣架，又酸又辣，好開胃。侍應招呼也很周到，細心。隔離檯個女客人叫左幾枝本地啤，不停話好飲，愛啤酒的，不妨一試。埋完單，老闆仲送甜品！很好客！