泰斗 (中達大廈)

營業中

休息中

同老公放工經過，所以打算入餐廳試下果然有驚喜，餐廳屬半露天式，天氣唔算好熱，感覺都幾舒服第一次食鴨肉生菜包，辣度剛剛好仲有青檸味tim串燒牛舌非常入味 ，又夠爽口串燒有好濃沙嗲味，$38兩串超級抵食炭燒虎蝦既蝦好香，蒜容味又夠，食蝦既時候蒜粒唔會掉晒落黎，蝦既大小雖然無泰國食既咁大隻，但蝦味濃郁，而且好新鮮通常泰國餐廳既魚一般都係烏頭，選擇不多，所以今次試下鹽燒盲嘈！魚肉好滑，加上香茅同調味令魚肉好香，泰式醬汁令魚肉更惹味食完一邊之後靚仔侍應幫我地起埋另一邊骨，服務勁抵讚最後係濕炒牛肉泰式河，我地都食過唔少食泰式濕炒河，都係第一次有人用呢類牛肉，非常有牛味，應該係手切牛，又滑又厚身兩個人埋單六百幾，價錢都幾抵食，下次食泰國菜又多個好選擇啦

尖沙咀有露台位嘅泰國餐廳真係唔多，仲要係坐得舒服兼味道唔錯，呢間可以試下，有大露台，氣氛唔錯，啱同朋友來gathering, 來chill 下， 我平日去dinner 都full, 建議訂定位。。鹽燒烏頭$148-order 後要等15至20分鐘，條魚都幾大條，魚肉好滑，好新鮮。泰式炒椰菜苗$118呢個必叫，菜好新鮮，炒得鑊氣夠，夠惹味！軟殼蟹柚子沙律$108蟹雖然唔係好大，但係好好味，柚子夠多，juicy 又新鮮泰北奇妙草串骨$108呢個最好味，用咖哩汁整豬仔肶，整得好淋，同埋好入味。very good芒果沙冰$58

今日girl's night 我地兩個都想食泰國菜但又想位置方便😂😂 所以就揀左呢間係尖沙咀既呢間店睇食評係有戶外位置 但我地怕熱港女梗係晤揀😂 坐番室內就好了😂呢間食店隱藏係一個商業大廈之內 同lift所有人都係去呢間 整到我都有啲期待佢地既食物質素首先叫左all time favourite既泰式生蝦呢到啲蝦係巨型 配上自己調既辣汁 好鮮甜好好味香葉雞翼無乜特別 不過炸粉做得幾薄 無乜油膩感泰式蝦肉炒金邊粉 呢個係甜甜地既 炒得都好夠獲氣 如果能夠再乾身啲就更好 值得一讚係好大碟 同埋有勁多大大隻既蝦 扺食椰香紅咖喱 昵到紅咖哩有三隻辣椒 佢真係做得幾辣 咖哩既選材都幾好 夠香 配埋烤薄餅食好夾另外仲叫左兩款串燒 包括係沙嗲豬同埋鹽燒牛舌 沙嗲豬燒得岩岩好 上面有少少脆口 但裹面肉質保持到鮮嫩 牛舌係厚切 少少鹽去燒 好好味埋單差唔多$600 鬧市價錢我覺得合理👍

好想去旅行，繼續以美食想像去旅遊。今次來到尖嘴食泰國菜。環境是挺chill ,有點清吧feel,尤其室外座位，好適合三五知己來到開餐。起筷食野 .. ✦大頭蝦冬蔭功湯(細)$148香辣，香料多，蝦大大只。..✦蝦醬炒通菜$88蝦醬好香，通菜炒的夠綠.. ✦烤薄餅$28吾亁，烤得香，味道還可以 ..✦泰式香辣蝦海鮮炒河$118調味料好香，河粉滑，蝦肉鮮嫩.. ✦椰青$96消暑佳品，清甜 ..❆雪糕球$58豆腐香草吾會太甜，豆香淡淡的，不錯 .

呢間泰式餐廳個feel 好正。一行入門口就見到佢有個戶外area 同室內area. 而家天氣熱，所以戶外area 有開篷，可以開冷氣 😁 ，個感覺好chill，唔怪得平日黎到都咁多人啦串燒 - 豬，牛舌，雞 📍$38/ 2串呢個價錢又幾抵食喎 😁 牛舌好厚好有嚼口，雞肉好淋仲好有胡椒味，不過一定要提提個豬。好突出👏 食到炭燒味之餘又勁入味，唔點沙嗲醬都得 (不過因為炭燒，所以比較耐。 建議大家叫其他嘢食住等)小食拼盤 (細) 📍$128有齊香葉雞中翼，魚餅，蝦餅，素春卷，一次過可以試哂咁多樣嘢 。每樣仲有4件 😱 份量好大方。 魚餅好重香草味，蝦餅蝦醬炒通菜 📍$88蝦醬同蒜蓉都落足料，炒得好惹味泰式蝦肉炒金邊粉 📍$108份量超多 🙈 好香茄汁味，加埋啲花生碎同青檸汁，好開胃。簡單嘅金邊粉最考功架，要煮得唔糊又唔 乾身，一啲都唔容易芒果糯米飯📍$68原來糯米飯即叫即做，上枱仲冒煙架 😋 椰漿甜度適中，襯埋個新鮮芒果，完美嘅一餐

平時食泰國野都會去九龍城，今日有個好朋友介紹呢間尖沙咀既泰菜，直真係好高質同埋抵食！小食拼盤我地叫咗個小食拼盤咩都有，蝦餅係勁厚同埋彈牙既，炸得岩岩好而又有juicy，仲有單骨雞翼，配埋泰式辣醬好惹味，春卷同埋魚餅都唔錯，令我地更期待佢其他菜式!串燒沙嗲雞火喉控制得好好而雞肉好嫩同埋有肉汁，重點係個沙嗲醬好入味，唔會太咸又食到花生粒，如果唔係怕食唔哂一定會嗌多幾款！椰香青咖哩雞配蒜蓉包泰菜一定要試咖哩啦，佢既青咖哩好香同埋有正宗既泰式咖哩配料，當然雞肉都係夠滑又份量多，反而我地對蒜蓉包好有驚喜，因為佢烤得脆得嚟又有好香既蒜蓉，應該係自己烤既 以味道同出面食到既唔一樣!炒金邊粉呢個上台個下已經聞到勁香，燈黃色既金邊粉再有花生碎同埋半個青檸，成碟炒出嚟唔會好濕之餘香料味激濃，好香同埋配合埋蝦肉加豆腐乾，成個金邊粉口感好好而唔會過份咸，好回味同令人難忘。豆腐荔枝雪糕可以自選兩款雪糕，呢兩個係自家制既，口感好得意，冇咁易溶而又有好濃既豆腐同荔枝味，加埋少少碎冰既口感，作為泰菜既甜品岩岩好中和到口腔濃烈既香料味！

尖沙咀的泰國菜，餐廳設有户外座有帳篷也有冷氣所以夏天也不會太熱😃感覺舒適休閒的一間餐廳💓鹽燒牛舌$38/2串牛舌非常厚身😋爽口^_^建議大家可試一塊原味，再試一塊沾秘制醬汁🤤惹味十足👍🏻👍🏻推介💓小食拼盤(細)$128分別有雞中翼/魚餅/炸蝦餅/素春卷👧🏻最愛素春卷和炸蝦餅蝦餅好彈牙好足料💓冬陰功明爐魚$188👧🏻不停飲d湯😂飲到停唔到口，配菜有粉絲同好多菇菇🍄😋魚都好新鮮💓芒果🥭沙冰$58💓士多啤梨沙冰$58

There were A LOT of choices in their menu and there were a lot of dishes that I wanted to try. However...the food didn’t taste good at all. Chicken wings and Tom yum soup were good but all the other dishes were wayyyyyy tooooo salty!!!!!!!!!! The veggies we ordered was very hard to chew and so was the pork neck. The fried flat noodles tasted salty once again. The beef brisket with nan bread was salty and oily. Also skewers were only ok. Would not come back!!!

今日我約左來香港旅行的朋友在尖沙咀九龍公園對面的泰斗餐廳食飯，品嚐下香港的泰國菜。餐廳裝修特顯泰國風，悠閒又舒適。鹽燒牛舌（2串)$38有兩串，仲要好有誠意是厚切的燒到外層微焦好香口，咬落爽口唔韌，沾埋秘製醬汁好野味。金龍蛋皮蛋蝦餅肥妹仔又係第一次試呢一個菜色。先講佢個蝦餅，薄薄地一層，但係蝦味好濃，而且蝦肉質彈牙爽口，而佢個皮蛋唔錯，連埋蝦餅一齊食個味道好夾。泰式蝦肉炒金邊粉金邊粉炒得夠乾身口感煙勒，每條都沾有醬汁酸酸甜甜非常開胃。更有數隻大蝦做配料，很大方这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

係尖沙咀收工突然想食泰國野，朋友推介呢間Thai Master Restaurant & Bar，入到去個環境好舒適的，裝修精緻，座位也比較寬敞。鹽燒牛舌 2串 $38有兩串，仲要好有誠意是厚切的燒到外層微焦好香口咬落爽口唔韌，沾埋秘製醬汁好野味泰式蝦肉炒金邊粉金邊粉炒得夠乾身口感煙勒，每條都沾有醬汁酸酸甜甜非常開胃。更有數隻大蝦做配料，很大方咖哩炒青口咖哩好大份，青口分量亦好多，咖哩味道唔會太辣，仲有沙嗲味道。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

外出工作後開始下雨, 跟同事都沒帶傘, 決定先晚飯才回家, 也好避一避雨; 就在海防道隨意找間坐下, 從樓下見到這間泰斗, 記掛著冬陰功湯, 就決定是它了.餐廳主廳比較熱鬧但一轉身, 才發現另一邊原來有超級大露台座位,  雖然樓下就是煩囂的海防道, 但對面卻正正是九龍公園的樹群, 視野一片綠;  露台位置面積頗大, 空間非常寬敞,  加上這晚的微微雨聲,  感覺反而很舒泰; 就算餐廳另一面較熱鬧也不受影響餐廳食物選擇非常多, 每款類別如沙律, 熱湯, 熱炒, 除了最常見款式, 每種類別還有很多獨家選擇, 如泰北椰汁蟹肉伴青瓜, 泰式魚肚羹, 都不是常見有的冬陰功偏向帶酸, 不是大辣那種, 正中我下懷, 海蝦大隻之餘, 也容易拆肉, 不用論論盡盡的幫它拆殼泰式炒雜菜, 吃起來好像帶點奶油味, 同事就嚐不到, 不過自己額喜歡這口味, 滿口香香的椰香青咖哩, 椰香味偏重帶甜, 青咖哩茨汁較濃調, 掏飯吃更好味另外還有蝦肉粉金邊粉, 味道甜甜酸酸, 很開胃芒果糯米飯, 廚房有心思將糯米飯放成心型, 份量也額多, 吃不下了. 

****都已經唔知係第幾次上黎食,差不多次次都係一大班朋友上黎今次就同姊妹ladies talk 1) 貪呢度LOCATION夠哂方便2) 環境氣氛好3) 食物款式多四百幾蚊叫到5樣野 , 都抵啊 !串燒沙嗲牛 HKD 38 個沙嗲汁幾惹汁烤薄餅 HKD 28 烤得燶左少少炸軟殼蟹柚子沙律 HKD128 好似每次黎食都有嗌 . 勁多柚子好開胃 ! 泰式蝦肉炒金邊粉 HKD108 比較甜 , 金邊粉份量好多椰香黃咖喱 HKD108 點薄餅食,一流! 牛就要咬多幾啖先得 

食物款式太少！價錢不值！海南雞飯無油飯，沒有事先通知，咁我點解要食海南雞飯😭服務態度有個女仔係超級無禮貌，埋單只是問清楚價錢，然後就話我地無加一已好好！我只是見到餐牌話下午有9折，我只是問清楚！咁樣答客人係好咩？海南雞飯無油飯都已經算！不會有下次👎🏻

尋晚入座比較夜 （9:00）上到去老公話咁夜仲咁多人，就一試啦。我地食左：1）串燒牛舌：超！好！食！我一定會為左個牛舌再黎，牛舌好厚身，但唔乾，超林，而家回味緊2）生蝦刺身： 我冇食，老公食晒，都算新鮮3）細小食拼盤：冇咩特別，同其他泰國餐廳一樣4）粉金邊粉：好足料，但個人黎講覺得酸左少少5）凍檸菜： 叫左少甜，但都仲係超甜，大家要留意了而價錢黎講，喺尖沙咀，我覺得個價位可接受啦，都值得下次再黎嘅！❤️❤️

好耐冇食泰國野，跟友人出尖沙咀食好西～㨂左依間係海防道泰國野～一出電梯係全層～有帳篷戶外座，天氣甘熱～原來佢連戶外都有幾台冷氣🤣🤣氣氛不錯～仲有大大台彩色LED電視添～不過可能當人好多人～帶位侍應，俾人第一下態度唔係甘好，除左佢～好彩其他侍應都會面帶笑容，禮貌對客😁😁😁炸蝦餅：即叫即炸，炸粉夠薄～又脆又香口～入面滿滿蝦肉，彈牙👍🏼配上泰式辣醬 ～絕配蒜蓉包：睇相都睇到超多牛油～每一啖都帶在有蒜香味，好味道✨泰式蝦肉炒金邊粉：金邊粉炒得夠乾身👍🏼口感煙勒，每條都沾有醬汁🤣🤣酸酸甜甜非常開胃。更有數隻大蝦做配料，很大方 泰式炒通菜：菜新鮮，炒得夠惹味，份量也不少。咖哩牛腩配薄餅：牛腩肥瘦適中～而非常入味。醬汁不辣，甜甜的，帶有咖哩香味。醬汁最後用薄餅點黎食～連小小汁都唔放過🤣🤣🤣