泰斗 (中達大廈)

營業中

休息中

➼ 泰式生蝦蝦肉幾鮮甜，配埋啲生蒜同酸辣汁，好開胃！➼ 豬肉生菜包肉粒炒得算乾身，但可以再辣啲，整體嚟講唔係好Impressive，係屬於比較穩陣嘅選擇。➼ 小食拼盤（細）拼盤有泰式雞捲、魚餅、蝦餅同春卷，四樣都炸得好香脆💕平時我最留意拼盤上面嘅蝦餅，好彩呢個都算彈牙，又唔會鬆泡泡👍🏻成個拼盤上菜嘅時候都仲好熱辣辣，相信係新鮮即炸嘅，值得欣賞！➼ 士多啤梨沙冰我好欣賞佢係鮮榨嘅士多啤梨味，而唔係好假嘅甜味👍🏻不過太大杯了，最後我都飲唔晒😣➺ 小分享：呢度有室外嘅位，可以望到對面九龍公園，而且會光猛啲🤣相反室內位置會較暗，所以都建議坐室外位，影相都靚啲啊嘛💕

坐係半露天空間，上面有簷篷唔怕曬，旁邊係九龍公園，環境開陽，感覺舒服同friend 傾計酒飲chill下好正，應該夜晚開埋燈飾會再靚啲，可惜夜晚禁堂食🥺香葉雞中翼雞翼切開咗一半，好容易就食到啲肉，雞翼炸皮好脆，再配上我至愛嘅泰式辣醬非常好味😍串燒沙嗲雞，豬每樣兩串，另外上沙嗲醬，豬肉同雞肉都好大舊，調味亦都啱啱好，配埋沙嗲醬又係另一種好味。明爐魚我揀咗唔辣，條魚好大條，仲有好多粉絲同菜，湯味道偏酸，粉絲同菜都吸晒湯汁，魚下面有酒精爐不斷加熱，仲有一兜湯可添加泰式濕炒牛河我太耐冇食河粉所以十分期待，菜同肉嘅比例都好均勻，牛河好滑身，再加埋流質的芡汁非常好味2杯cocktail 都好靚，打卡一流😍🥰White Temple(Yakult, White Wine, Orange Juice Lychee Syrup, Tripe Sec, Peach ,Soda, Grenadine)玫瑰形狀的碟豆花冰塊，白酒配益力多，甜得來有少少酒香，配啲比較淡嘅食物非常夾。Blue Butterfly(Kiwi, Yakult, Gin Soda, Butterfly Pea)第一眼見到杯雞尾酒覺得好靚

難得2月14日，緊係要同另一半慶祝下！不過6點後冇堂食，打亂晒計劃 冇得燭光晚餐🥣咁唯有黎個燭光午餐啦！可能平日既關係，餐廳唔多人，入座得2枱人不過都好，可以靜靜地睇下境、傾下計談下心叫咗好多野食，有生蝦刺身、小食拼盤等等啲野食全部都好好食！最令人嚇一跳既係沙冰！大杯到嘩出黎不過當中，最令人失望既係依個海鮮濕炒河… 大部分都係菜，食到最尾都冇幾粒海鮮..總括黎講今餐食物都滿意埋單連加一差唔多800，性價比唔算高

一上到去好有氣派嘅裝修，同時都好有泰國風情嘅感覺~ 不論係兩人享受獨處定一大班朋友聚會都好適合~ 新派美味老虎蝦 —— $198一餐飯嘅開始就由燒老虎蝦，唔係非一般嘅煮法，燒着料理酒再淋上大蝦上面，勁有趣味嘅表演~ 酒味唔會太重但有提升蝦嘅鮮味，醬汁同蝦嘅味道好夾~ 泰式生蝦 —— $118生蝦夠鮮甜同新鮮，配上蒜頭片同辣野，超開胃嘅前菜！ 椰青冬蔭功湯 —— $128依款冬蔭功湯比起正常嘅無咁重口味，配合返椰青嘅味道，又不失冬陰功令人上癮嘅酸味同辣味無諗過兩者會咁夾 ~ 入面仲有青口同蝦，用足料海鮮煲岀來架！ 椰香紅咖喱 ——— $108雖然 咖喱偏向稀身，味道一樣濃！ 配上烤薄餅，完美嘅泰國夜當然要有咖喱啦！ 🌝烤薄餅 —— $28豬勁肉炒飯 —— $108炒飯好夠火喉，用咗泰式醬汁來炒，配上煎豬頸肉，兩個人分食都剛好！ 椰汁紅豆冰 ——— $42 味道較淡不太推薦芒果沙冰 —— $68有濃郁嘅芒果味！ 成功解膩！重點係飲完一大杯都唔會覺得太Heavy~

街坊系列 – 泰斗 💚14日又14日又14日😟第5封左42日啦今次一發不可收捨🤥到底邊個最受罪呢小編只係知罪魁禍首依然馬照跑舞照跳😓但一班飲食業既就一次又一次受傷🥺------------------------------環境: 位於尖沙咀鬧市既樓上泰菜餐廳 🤗有戶外戶內兩邊🥰依家天氣坐戶外更好Feel加上戶外既綠化環境好好📸仲有個梳化做打卡位咁岩有人坐左🥺小編今次就無緣打返個卡衛生非常好👍🏻店員有消毒之餘仲有2款布做清潔------------------------------食物: 泰式燒豬頸肉 ($128) 🐷最初小編覺得餐廳定價都幾進取🙈上菜後發現😍份量都幾多,幾岩一班朋友Share豬頸肉燒得好好🔥燒得好香,肉汁保留得好好仲要每一塊都厚切😋口感同油脂香都好豐盈咖哩南瓜盅 – 雞 ($148) 🐥唔只個南瓜夠哂大😍連雞肉同配菜都非常多咖哩汁棉滑好香😋食落仲有啖啖既南瓜既甜小編叫左個烤薄餅 ($36)🤤吸哂D咖哩汁真係好正如果唔係飽左🍚仲想叫個白飯撈埋剩既咖哩菠蘿海鮮炒飯 ($168) 🍚無坊間咁用菠蘿裝住🍍但照樣係用新鮮菠蘿海鮮都幾多😍有魷魚、青口、鮮蝦,鮮味十足火喉掌握得好

侍應安排咗我地去露台位置坐，環境幾舒服，又唔會曬豬肉生菜包：豬肉碎比想像中再辣啲，不過辣得幾過癮，生菜亦都夠新鮮金龍蛋：炸得夠脆炸軟殼蟹：好惹味！份量比想像中多，好多肉泰式生蝦：連我食得辣都覺得醬汁好辣但好正！蒜蓉包：夠脆，好食過薄餅黃咖哩雞配薄餅：咖哩唔算辣，入面都多雞肉飛天通菜：炒得幾好味另外我地有嗌到嘢飲，椰青好清甜，仲可以慢慢食啲椰子肉而芒果沙冰係勁大杯，好好飲！整體都比想像中好，本身以為環境ok而食物普通，點知幾好食下次有機會再嚟

尖沙咀人多車多的海防道隱藏了一間樓上泰國菜餐廳，多得友人介紹，發掘到這個鬧市中的世外桃源。特別之處在於Outdoor Seats，可以一邊望著九龍公園連綿的樹木和海防道熱鬧的街景，一邊品嚐美食，很有泰國Chill爆的感覺。恰巧這天不冷不熱、不曬又不大風，可謂天時、地利、人和的Perfect Match！個人還很喜歡餐廳的主調藍色，低調又高貴，更顯格調。馬莎文咖喱牛坑腩配薄餅 Massaman Curry with Beef Brisket Served with Naan Bread $188黃咖喱和青咖喱就吃得多，印象中這是我第一次吃馬莎文咖喱。友人話，識食要食馬莎文咖喱，香港也不是很多泰國菜餐廳有這種泰國名物！這咖喱呈深橙色偏紅，原本以為一定超級辣，但原來味道濃郁之餘，也有椰香的餘韻，辣度很輕，也有配料如洋蔥、小蕃茄等配料帶來的鮮甜味。看不出來牛坑腩份量也很多，炆煮過後仍能保持柔韌有質感，整體很有泰味，高質！鹽燒牛舌心(2串) Salt-Grilled OX Tongue (2pcs) $48串燒沙嗲牛(2串) Grilled Beef Skewer with Satay Sauc

我本身係睇中咗佢嘅露台好有去咗泰國渡假feel~可惜人太多，下次要預早book定!不過室內環境都好有情調，都係令人覺得好chill🍹特別係見到呢個心型嘅<<芒果糯米飯>>($68)一上檯嗰吓我真係細細聲「嘩」咗一下🤭咬第一啖芒果都係! ….咁酸嘅?!😅不過佢嘅糯米飯好有誠意!本身已經帶有椰汁味，唔使點椰漿都已經幾好味，但點咗微咸嘅椰漿又好特別😊可惜我覺得佢太濕，黏啲先夠煙韌😅<<馬莎文咖哩牛坑腩配薄餅>>($188)又係令一個小驚喜😀因為佢嘅牛坑腩好腍!!咖哩唔辣~ 係惹味嗰種! 點薄餅真係好正!但美中不足係啲薄餅唔係熱嘅☹️如果熱啲同多幾塊就好喇!呢個價錢得六塊，孤寒咗啲😌<<泰式炒雜菜>>($88)同<<芒果沙冰>>($68)都係水準之作😋係覺得俾menu張相呃咗啫🥲#芒果不見了

一開始有驚嚇到，係佢個座位有室外座位打卡都唔錯，而佢啲食物就偏咸同重口味，所以建議搭配飲品一齊飲，但係全部都炒得好香，尤其是金邊粉，都建議嗌多啲小食，種類都好多，價錢喺尖沙咀區都算合理

“泰式生蝦”($128)“小食拼盤(細)”($148)“招牌冬蔭功海鮮炒飯”($168)“飛天通菜”($88)“White Temple”($108)“青檸梳打”($42)原來尖沙咀有間咁chill有戶外位嘅泰式餐廳😍一邊望住九龍公園一邊食嘢好舒服☺Menu上面菜式選擇非常多😆仲要全部都好吸引🤤諗咗一陣先決定到食咩🤣首先要咗份好耐冇食嘅泰式生蝦🦐一份有8隻生蝦,肉質爽彈😚配上蒜片🧄,辣椒🌶同酸辣汁一齊食真心正🤤另外叫咗份細嘅小食拼盤share😜入面有泰式雞捲/魚餅/蝦餅/泰春卷各4件炸物炸得好香脆同時唔會太油膩😚魚餅蝦餅大大件好足料☺主食要咗個招牌冬蔭功海鮮炒飯🥰海鮮有大蝦,蝦,青口,魷魚炒飯味道酸酸辣辣超級惹味🤤唔經唔覺就食哂成個飯😝最後仲要咗碟飛天通菜🥬🌶份量夠哂大,味道好夠香辣☺通菜炒得惹惹好,唔會太老😋飲品方面,叫咗杯青檸梳打同一杯cocktail🍹平時唔飲酒嘅我都比White Temple嘅樣吸引住🤣用上益力多,白酒,荔枝,橙汁,桃,triple sec面頭仲加咗隻好得意嘅熊熊冰🐻飲落以果味同乳酸味為主,酒味唔算太重易入口☺

呢間隱藏咗喺海防道樓上嘅泰國餐廳🍴真係城市入邊嘅綠洲，餐廳有室內同埋室外露台位置。天氣涼涼地就梗係坐室外，望住九龍公園嘅樹影，chill爆❤️期間仲見到幾隻彩色鸚鵡喺啲大樹上面飛來飛去，勁過癮🦜至於食物同埋方面，款式選擇好多，員工服務超好，勁主動殷勤！小食拼盤(小) $148有蝦餅、雞卷、魚餅同埋春卷，每款仲有四件，蝦餅配搭泰式甜酸醬，外面香脆裏面彈牙～海鮮粉絲沙律 $138有多款海鮮、肉碎、木耳、洋蔥同埋粉絲，配搭秘製泰式酸辣汁，粉絲吸晒啲汁，酸酸辣辣勁開胃！串燒沙嗲雞(2串）$38雞肉串燒燒得剛剛好，點埋沙嗲醬汁好惹味。蝦醬炒通菜$88蝦醬味道好香，同通菜係Perfect match，又係必食嘅一款菜式！芒果糯米飯 $68泰國香芒特別清甜，糯米飯煙煙韌韌充滿椰漿嘅味道，係一款必食嘅甜品呀！凍奶茶 $42茶底濃郁，口味正宗。青檸梳打 $42味道爽口好清新，好解油膩。整體來講，環境舒適，食物質素都唔錯，服務又好，下次會再嚟！

之前仲有晚市既時候同朋友黎到位於尖沙咀既哩間泰國菜餐廳。餐廳環境寬敞有情調，有戶內同戶外座位，而且掛有燈飾佈置，極力推介坐出面，真係好有feel💕餐牌上面既選擇超級多，淨係揀食咩都揀左好耐🤣但其實去到最後都係叫食開嗰啲。 🔸泰式生蝦 $128 每次去泰國餐廳都一定會叫生蝦刺身💕餐廳會用膠袋包住啲冰，非常衛生，亦唔怕冰水會影響味道。生蝦新鮮大隻，質感彈牙，醬汁酸辣過癮，好食推介👍🏻🔸手打炸蝦餅 $118炸蝦餅大大粒，有成八舊，外面炸得香脆，蝦肉入口非常彈牙，用料實在，亦係好食推介👍🏻🔸鹽燒牛舌芯（兩串）$48牛舌芯好好食！肉質軟腍juicy，醬汁亦非常惹味。🔸泰式蝦肉炒金邊粉 $128金邊粉份量好多，而且炒得乾身，裏面拌有雞蛋絲同芽菜，亦配有花生碎及青檸，可以自己調味。金邊粉入口味道酸酸甜甜，仲有唔少彈牙既蝦肉。🔸芒果糯米飯 $68芒果鮮甜，而且完全無渣，糯米綿軟煙韌，椰漿亦香醇濃味。🍹龍眼冰 $42🧋泰式奶茶（凍）＄42龍眼冰入面勁多龍眼肉，入口味道清甜；泰式奶茶既奶味同茶味都好突出，而且兩杯都正好可以解辣。整體黎講，餐廳環境舒適有情調，食物唔止選擇多，而且質素亦高，每樣食物都好食，值

朋友帶路，來到位於尖沙咀海防道的一間樓上泰國餐廳🇹🇭 餐廳設有戶外用餐區，能看到對面的九龍公園😮 而餐廳寧靜的環境，以及輕柔的泰國音樂，感覺份外悠閑餐牌上 小食、主食、飲品 選擇眾多，我們2人共點了 1款沙律、2款小食、1款主食、1款甜品、2杯飲品——————🥗 柚子沙律（$108）賣相吸引，味道也不錯😋 沙律用了魚露及炸椰絲調味，配上清新的柚子及烤香的腰果，酸酸甜甜微辣又有口感🍡 豬肉串燒（$38）帶點炭燒香味，肉質夠淋又燒得唔乾，而沙嗲醬花生味香👍🏻🍤 手打炸蝦餅（$118）香脆彈牙，配上泰式辣醬不錯👍🏻🥥 泰式椰青海鮮焗飯（$168）椰青飯幾大個，建議2人分享😮椰青飯的味道比較清甜，加上肉鬆及腰果粒增加了味道的層次🥭 芒果糯米飯（$68）芒果清甜，糯米飯比較甜，要配上帶點咸味的椰漿😆食完飽到上心口🍹 椰汁紅豆冰（$42）椰汁夠香，紅豆較有口感，甜度適中🍵 泰斗清新熱飲（$42）肉桂、丁香、檸檬 製成的熱飲，喜歡肉桂的朋友可以試下

等我帶你走一轉泰國🇹🇭啦禁夜市堂食之前一晚 好彩哋食咗餐好好味嘅泰國菜 開心！餐廳環境好有氣氛 有indoor、outdoor 位食物好地道 串燒好有街頭風味我哋坐室外，飲住酒食美食，超有去旅行feel☺️🔸手打炸蝦餅（$118）大大件好彈牙，外層脆卜卜，一定環熱辣辣即刻食。🔸串燒沙嗲牛、雞、豬（$38/2串 x3）（❇️推介）好有炭烤嘅風味，勁香！肉質軟Q，又入味。好似晌泰國街頭食到咁，好好味！🔸泰式豬頸肉（$128）（❇️推介）佢啲燒烤好正，又係有炭火香，肉都大件，配泰式酸辣汁食，好惹味。🔸大頭蝦冬陰功湯（$158）（❇️推介）好好味！夠濃、夠酸、夠辣，超醒胃。除咗南疆香茅之外，仲有微微嘅薄荷葉味。用火爐熱住慢慢飲，好正。🔸芒果糯米飯（$68）（❇️推介）又係要食！芒果係勁香嘅泰國芒，又香又甜又好吃！糯米飯微甜，配香濃微咸嘅椰漿超好食。🔸White Temple ($108)面頭好靚嘅玫瑰花冰，係用葉豆花製成，cocktail有益力多、草莓嘅味道，好岩女仔飲。🔸Thaibeer Mojito （$98）用咗泰啤、檸檬、薄荷葉調製成的，味道比較清爽，適合配濃味嘅食物。

到左lunch時段同同事即興附近睇睇有咩餐廳可揀行到樓下，見到餐牌價錢都唔錯，係泰國野喎。上到去門口咁岩中午時段，未算多人唔洗排隊住，直接入得。 我叫左個煎蛋蠔仔飯，份量係十足，如果平時飯量唔多，建議「少飯」。味道係ok既，但小小油膩，容易飽，蠔仔份量都ok，唔腥。個蝦餅係有靈魂既，因為食落唔會空虛。係紮實的肉，咬落彈牙，小食黎講算唔錯架啦。龍眼冰都幾好飲，龍眼肉都夠，杯野唔會太死甜。總括黎講呢個價錢加加埋埋CP值都唔錯架好彩我黎得早，行遲多2步就好多人排隊。所以下次黎既朋友記得早啲黎，避過繁忙時段。