泰廚泰國菜館

營業中

休息中

旺角通菜街這間泰廚泰國餐廳，每次經過都好想入去食，因地方就腳，不用特登走去九龍城食泰國菜。今日趁lunch hour 還有座位，就決定入去食。這裡的菠蘿炒飯特別正，收HK$98， 唔平又唔貴，但用上新鮮菠蘿肉配上大量肉鬆， 炒飯粒粒分明,又香又爽口， 令胃口大增，不其然多裝幾碗來食。另，馬拉盞炒通菜HK$75， 好惹味好香的一碟菜，通菜不老身，好爽口。而 醬汁勁濃郁，辣椒配上馬拉盞，少許辣而鹹，配搭剛剛夾，惹味好食。兩個人，再order了大份的小食拼盤HK$160， 份量其多，分別有蝦餅、蝦片、魚餅、春卷、 雞肉和豬肉各兩串。尤以蝦餅最為好食， 蝦味濃又彈牙滿200蚊還可以一元換到泰式椰汁糕、泰式生蝦，當然不可以放過啦，泰式椰汁糕，棷味清香清甜，正。最後還點了象啤，HK$20/罐， 邊食泰國菜邊飲象啤，最佳享受也。

下午經過太子，通菜街現在有很多小食，有串燒、魚蛋、燒賣、等等......街頭小吃，我很快就被這間泰國餐廳吸引，餐廳門口有服務員在燒💪🏻串焼喔😋😋😋好想食串燒，不想去其他地方因為今天天氣熱喔！我終於忍不住入去食，順便涼下冷氣也不錯😘我點了雞肉串燒、豬肉串燒、雞翼串燒同和牛串燒，再加一支象啤😋😋😋😋店員下單前細心的跟我說、串燒是用了咖喱汁會有少少辣，小姐你介意嗎？貼心服務值得一讚👍🏻👍🏻👍🏻👍🏻👍🏻👍🏻豬肉串燒，用左咖喱汁甜甜地小小辣，不過我喜歡食辣幾香，串燒肉厚身有肉感。不錯👍🏻$12雞肉串燒都幾大串，肉質滑身雞肉柔嫩，非常出色👍🏻👍🏻$12雞全翼稍為燒得太耐，肉的味道普通。串燒和牛，帶有點酸酸醬汁，配上洋蔥同青椒一齊燒，很配合和牛的肉味。唯一差少少的就是燒太熟，真係可惜。$20泰國象啤$20🍻🍻🍻夠凍配上🍻串燒真知味😘最後結帳是免收加一服務費。抵食😘😘間餐廳還做了優惠🥰只要買滿了$200就可以加一蚊換一款，吸引😘😘下次約朋友一齊去食先。

最近很想吃泰國菜，剛好友人要出差，於是係佢出發前和他吃泰國菜預祝生日先。呢間餐廳係openrice 都幾出名，係得獎餐廳。平時好多人排隊，所以我地選了peak season 後的時間來。午市價錢好抵食，仲有得選明爐魚！真係良心企業。喜歡吃魚既我當然要叫番一份。雖然價錢比晚市平，但水準絕對沒有偷工減料！原條烏頭都幾大條，配菜調味亦很足料。魚身其實已經熟透，但是再由火溫熱，熱呼呼吃下肚更舒服。底下既五免雜菜亦好入味，仲有肉碎既油膩香，完全沒有魚腥味！是日好想食蝦餅，友人想吃春捲，剛好有這個拼盤可選。蝦餅好大塊，入面好香好彈牙。當然一定要配酸辣醬。春捲是素食的。食泰國菜肯定少不了炒金邊粉。這裡的金邊粉亦很有鑊氣。唯一美中不足是不太吃到配料。馬拉盞炒芥蘭亦是我的心頭好，夠香夠爽脆。真是吃不停口。餐湯是冬瓜湯，都幾好味。泰國菜真係越食越上癮，希望友人都喜歡呢餐生日飯啦。

因為門口有間串燒舖嘅緣故，所以一直冇留意原來有間泰國餐廳。本來係諗住買串燒食，但又見都晚飯時間，就入咗去食。原來串燒舖都係泰國餐廳嘅。青咖哩海鮮青咖哩比平時食開嘅淡色，都食得出青咖哩入面都加入咗好多椰奶，食落鮮甜。泰式菠蘿炒飯幾乎每次食泰國嘢都會嗌菠蘿炒飯， 好欣賞呢度嘅炒飯加入咗好多提子乾。泰式生蝦每食滿200蚊就可以加一蚊換一個小食。我哋就揀咗泰式生蝦，生蝦都幾新鮮，食落好鮮味。馬拉盞炒通菜泰式炒金邊粉極多花生碎，撈入金邊粉食非常有口感。

今晚同朋友嚟到泰廚，之前已經係街邊外賣佢d串燒，個沙嗲花生好惹味，係我係香港食過最好味的沙嗲醬今晚就特登走入去試d小炒， 我地分別叫左pad thai同蝦醬炒飯。 呢兩樣去親泰國餐廳我都會叫，因為無咩budget，所以就淨係叫左兩個小炒。炒金邊粉食落好濕好油，好失望😢 可能因為個冷氣一路吹住，d野食好快就凍曬。。 唯有jip青檸嚟帶味，勉強食完。蝦醬炒飯 蝦醬味吾濃烈，食落好淡，好似普通炒飯咁👎🏼 建議大家都係食返沙嗲串燒算😭推薦:⭐️⭐️

星期日在旺角行街shopping, 同朋友去食了個平靚正的泰菜午餐, 估唔到在這熱鬧的旺角都有間咁好味的泰菜餐廳!一入餐廳座低落咗order, 侍應便上了兩碗熱辣辣的泰式餐湯, 飲落去小小辣, 有很香的香葉的味道, 仲有些豬肉碎, 很是開胃, 待湯飲完, 我們order的食物都陸續上枱了, 效率好快, 首先上來的是泰式串燒, 一串豬一串雞, 配泰式沙嗲醬, 雞肉香得來, 肉質都好嫩滑, 豬肉粒也是很香口, 嚼下嚼下有很濃郁的豬肉香, 再加上沙嗲醬, 非常惹味!之後泰式海南雞飯來到我們面前, 海南雞飯我真的是食過不少, 但這間泰廚的海南雞飯相當唔錯! 雞肉全部起晒骨, 又嫩又滑, 點上他們自製的泰式辣椒醬, 再食一啖黃油飯, 哇! 好好味! 就連雞皮都一樣咁滑咁好食! 這間餐廳的海南雞飯真的算是香港其中一間好好食的! 正!之後海鮮炒飯都上枱了, 炒飯顏色頗深, 見到有好多海鮮, 有蠔仔, 魷魚, 蝦仁, 雞蛋等等, 食落口, 炒飯好香口, 好惹味! 飯裡面仲有數粒紅辣椒粒, 食在口裡, 又香又辣, 令人食不停口, 味道相當唔錯!最後我們仲可以用一元選一款甜品, 我們選了椰汁糕,上面一層是

<泰廚>-經過旺角 友人選擇既泰國菜 🇹🇭利申 係清邁翻黎之後 冇覺得香港既泰國野好味舖頭有兩層 今次安排坐上層卡位同九龍城大部分既泰菜館唔同 呢到既侍應都係香港人 不過舖頭名叫泰廚 又唔係叫泰侍應 唔重要啦部分菜式有優惠 餐牌上面就寫每晚十點後都有優惠但店員就話除左泰式豬手(餐牌上星期三既優惠)冇得叫外其他優惠可任擇其一 另每滿$200可加選$1優惠計翻條數係冇收加一既 三個人total$291—————————————————————-『冬蔭大頭蝦湯 ต้มยำกุ้ง』🍲 - $75-香料落得足 香茅 檸檬葉 芫茜 都有但問題係香茅其實唔會食 飲既過程要一路隔渣先得味道方面 冬蔭其實係泰文係解酸辣湯但個湯唔夠酸 更唔好話辣不過換另外一個角度睇 都可以叫做迎合香港人口味-『泰式菠蘿炒飯 เข้าผัดสับปะรด』🍍 - $98/優惠價 $75-每次食菠蘿炒飯都諗起泰文老師話菠蘿炒飯唔係泰國野不論如何 呢樣都係九成九香港泰菜館都有既菜式材料有三色豆 提子乾 墨魚 青口 蝦 菠蘿等炒完放返係半邊菠蘿入邊 上面鋪滿肉鬆味道偏甜 另外都好重黃薑味 不過都係平時食到菠蘿炒飯既味道-『

其實呢間泰廚幾年前新開時 我間中就會食下 都好正 由其係串燒 😈 不過對上一次食已經係年幾前 今日甘啱食 tea時間經過再同客人一齊食 👍🏻 🍴乾咖喱炒雞 80 蚊🔥🐥 蒜蓉包 28 蚊好正既咖喱炒雞 最欣賞係佢 d汁 夠奶香 甜咸適中 有 d似黃咖喱 但唔辣 . 佢係咸過正常少少 令到人忍唔住點薄餅 or蒜蓉包😂 蒜蓉包28 蚊有4,5 舊 好抵 口感香脆 入面軟熟 . 咖喱雞係切得 薄既雞柳 口感軟滑 盡吸咖喱汁 好味🐥 仲有好多青豆同細粒圓形既泰國茄子 口感 juicy 👍🏻將雞 豆 同茄子 🐥🍆連埋汁放落蒜蓉包食 好正 🍴咸檸梳打 22 蚊😀用左泰式梳打水 本身 d汽都好夠 同埋佢個咸檸有兩個 醃得好夠味 咸咸甜甜甘 唔錯👍🏻 🍴串燒 🔥豬雞豬頸肉每串12 蚊🐥🐷和牛串 每串20 蚊🐮黎泰廚一定要食串燒 雞肉同豬肉都切成大大件 豬肉口感煙靭 夠 juicy而雞肉口感彈牙 夠嫩滑🐤 點埋自製既香濃沙嗲汁好惹味 😍另上既豬頸肉切成薄長身 好有炭香風味 出面香脆 入面有豬頸肉肥膏既 juicy邪惡😈 同樣另上既和牛串 用左洋葱同青椒做配菜🌿 和牛 牛肉味濃 口感帶 d煙靭 幾鍾意佢既

次次去旺角都好想食泰廚，係平價又好食嘅泰國菜。餐廳定時會提供指定菜色優惠，仲有加一蚊可以簡四款中其一，實在好抵。今次唔小心叫太多野，所以都係唔叫住。燒豬頸肉香茅味重，單單係腌料已經非常用心，見到有一絲絲嘅香茅。豬頸肉燒得側面焦香，然後點上酸辣酸辣嘅醬汁開胃又減低油膩感泰式豬手我地去個日泰式豬手做緊優惠，咁一於叫黎試下。肉滷得軟腍，入口即化。馬拉盞通菜口味偏甜，辣味不算重。泰式炒金邊粉酸度拿捏得剛好，好開胃。食到有粒粒大蝦，加上菜脯，食起來特別香。冬蔭公大頭蝦湯我第二次叫呢個湯，大頭蝦勁巨型。湯酸辣度夠，上黎個陣已經香氣撲鼻。青檸梳打原枝梳打上，確保到佢唔會額外加好多糖水咁甜。

今日同男朋友去左旺角食lunch，突然好想食泰國菜，我地就塊左泰廚泰國菜館。門口人龍好長，我地等左一陣先入到！我叫左海鮮炒飯和海南雞飯，可以同男朋友開心share。男朋友大讚好食！海南雞好嫩滑，雞肉滑溜鮮甜，雞皮唔肥膩，雞油飯香口，飯粒有咬口唔會太軟。炒飯唔會油膩，海鮮份量好多。我地仲叫左兩個小食。炸蝦餅、炸春卷拼盤，超愛炸蝦餅，爽口蝦膠外層脆卜卜，即叫即炸好熱好脆口，春卷好足料。男朋友叫左串燒，醬汁香濃惹味，咸香香口，肉質爽嫩唔會燒到好乾身。

平時行過寵物街成日見倒呢間泰國菜排哂長龍，今日買完寵物野行過聞倒好香串燒味已經流哂口水，索性坐低食個飯。星期一至日都有唔同優惠，唔洗等到十點後都可以叫架！仲有一蚊優惠！叫滿二百蚊就有得叫一樣！ 我地揀左一蚊生蝦！有四隻，份量都唔小另外再叫左原碟生蝦，因為我同朋友都好中意食生蝦生蝦入口爽甜，可以加埋蒜頭同辣椒夾住黎食再多一重口感。伴碟既綠色醬汁酸酸辣辣好開胃！青檸梳打，原枝梳打上，由客人自己隨意倒落杯中，唔洗驚飲得慢啲冰會溶哂沖淡味道！和牛串，牛味濃郁，一啲都唔韌！醬汁好清新，同和牛好夾！仲有青椒同洋蔥都燒得絕不馬虎！馬拉盞炒通菜，每次食泰國菜都必點既菜式通菜炒得非常惹味夠哂鑊氣！通菜亦無炒得過耐而變黑。泰式明爐烏頭魚，上檯見倒個湯落足料，有香茅，椰菜，芹菜，南薑同酸梅等等。飲落有啲似唔辣版既冬陰公，酸酸辣辣。魚既肉質都好嫩滑，而且慢慢滾仲索哂啲湯汁！食完一次就明點解咁多人排隊，又平又好味！

今日閒日放例假，約友人行旺角金魚街最適合不過，人唔太多，可輕鬆自在睇下狗仔、金魚順便補下d狗罐頭最爽。行到腳仔軟，好在這裏特別多餐廳，醫肚不成問題，問題是太多選擇，一時間不知食什麼好。忽然記起之前食過街尾的泰廚泰國菜館味道不錯，價錢又唔貴， 最想飲的冬陰功湯又香辣味足，不禁口水流了，這時候就决定再食這間。餐廳雖然過了午飯時間，但仍然有多枱食客，可想像泰國 菜館是有它的捧場客。看了餐牌一陣,當然離不開冬陰功海鮮湯HK$75，果真足料味濃，少許辣而椰香味濃， 材料中海蝦 、鮮魷和青口爽口惹味，加上湯料中的香茅，令湯底香味十足，好飲。餐牌日日有優惠中有泰式豬手,例牌HK$58，低食。大大隻切件上， 肉質軟腴，口感勁軟，加上汁香味濃， 跟碗白飯食一流。配菜有香濃梅菜和鹵水蛋,同是濃味濃郁，正！最後還叫了明爐烏頭HK$99， 大大條原條烏頭上爐，配上酸菜,開着爐隔住火慢慢滾住食， 熱騰騰食落肚特別美味。美食當前， 點都要搵啲飲品嘅 ，叫了泰啤星霞，易入口，配上雪到冰冷的啤酒杯，特別正！

行完金魚街，又到午餐時間，路過泰廚，見到門口個姐姐正在燒串燒，立即口水大增，就入內食個午飯吧! 環境不算大，雖然有閣樓，但座位數目亦不算多。裝潢簡潔，食物份量大，價錢亦貼地。我點了泰式海南雞飯，雞肉已去骨，很嫩滑，皮下脂肪少。飯不像星馬風味般用上薑黃飯，泰式的是沒有加上咖哩粉或濃味香料，就只用上雞油及薑，所以油飯充滿雞油香。而泰式海南雞的醬就只有一種酸甜辣醬，份量十足。另外點了泰式豬頸肉湯河，豬頸肉燒得香口而不乾身，配上清甜的湯底及幼滑的河粉。在門口給串燒所吸引，當然再飽都要點一客吧，要了三串雞，燒得不會太乾身，配上香濃沙嗲醬，更惹味。飲品就點了食泰菜必飲的泰式青檸梳打，餐廳會原支泰國梳打水上，不是用其他大陸牌的梳打水，配上青檸，十分清爽。

旺角有不少食肆，這間比較接近花園街附近，有兩層。下層不算太大，最多人喜歡的大路泰菜這裡都有。叫了燒豬頸肉，最喜歡他們的泰式酸汁，燒得很多肉汁，又不肥，很Juicy也叫了海南雞半隻。份量也真不少。雞味較濃。還有1蚊生蝦，真是抵食。還有蒜蓉椰菜頭。泰式生蝦是辣又酸酸的，汁和雞和豬頸肉不同，很惹味。食完用來點椰菜頭也很合適。我比較喜歡食椰菜頭。兩個人食飯300幾蚊幾抵食。坐位方面也可以，服務也不錯。地點方面容易找。約朋友就腳。他們還有Satay串燒，用炭爐燒。很香，下次可以試試。

出面燒烤好香，見到好多人排隊，未食過所以抱住一試無妨心態來吃。餐廳老闆又幾有生意頭腦，又$1生蝦，又每日特價，唔怪得咁多人。等左一陣我地坐低左，環境有少少逼，連相都唔太想影。我哋叫咗一個大頭蝦冬陰公。冬陰公湯好濃郁，屬於少辣，分量有四小碗。大頭蝦好大隻，肉質結實！good。沙嗲雞/豬各一串，豬肉爽口彈牙，比雞肉好味。和牛串燒，肉質淋得來牛肉味濃，比雞肉和豬肉更好味。一蚊生蝦，有4隻，睇落唔算好靚仔，但係都新鮮嘅，肉質彈牙。美中不足係醬汁就唔夠辣。泰式木瓜沙律，好大碟，好濃味，鐘意食泰式辣嘅人一定鍾意。辣椒香葉肉碎炒飯，全晚最好食嘅一個菜。炒飯炒得好香，有辣椒、肉碎，味道非常好。