泰廚房子 (德福廣場1期)

營業中

休息中

今日下午同屋企人去到九龍灣食下午茶，光顧左位於德福商場外嘅K&K泰式餐廳。餐廳門面睇落好似西餐廳，連內在環境都係一啲西洋風嘅牆畫，畫作非常細緻秀麗。我地一家就點左三個下午茶餐：有炒金邊粉、青咖哩豬扒飯同埋沙嗲雞肉串。炒金邊粉金邊粉同其他泰國餐廳其實冇咩分別，但最大嘅分別係佢哋嘅金邊粉唔會好油，但啲粉唔會黐埋一舊，而且啲粉食落好有口感，唔會太冧亦唔會太硬。青咖喱豬扒飯塊豬扒非常大塊，雖然係比較薄，但係依然覺得超大塊。另外，個青咖喱汁唔會太辣，仲有少少椰香味，好啱小朋友食。沙嗲雞肉串啲雞肉好厚，但係唔會唔熟，熟得黎又唔會太硬同「鞋」。此外，個沙嗲汁都唔錯，有花生嘅香味，同青咖哩一樣唔會太辣。總括黎講，呢間係平得黎又好食嘅一間餐廳，唔錯既選擇。

自從UA睇戲無左優惠之後，睇戲都轉左去MCL，多咗機會喺德福食飯。今次食咗一間泰菜，相信係新開的小店，以前都冇乜點見過。食物選擇都幾足夠，粉面小菜樣樣齊。記得上次打風想食咖喱炒蟹，但度度都無得食，今次仲唔比我食返夠本！咖喱炒蟹用上原隻大肉蟹，多肉又多膏。咖喱係黃咖喱，小辣偏甜，蔥花、薑絲、蛋漿係整個咖喱的靈魂，非常惹味！蟹蓋上的膏多到可以大大啖食。美中不足係佢哋冇薄餅，蒜蓉包搭救！咖喱蟹已經夠重口味，所以我地點左一個清淡小小的海南雞飯。海南雞肉質嫩，醬料都幾正宗。油飯同冬瓜湯似模似樣。個泰式通菜亦做得唔錯，味道夠濃，而且個辣味係慢慢滲出嚟，幾過癮。

講真一坐低已經覺得“伏”左。座位同枱面都唔乾淨，服務態度又怪怪地。都坐低左諗住算啦…一睇對筷子咁都得。到落柯打， 走左個啱啱喺樓面當眾紥完頭髮(係紥髻)既小姐嚟，無計照落啦！我杯飲品嚟到我好慶幸佢無幫我擺隻匙羹入去， 可能我影得唔夠清楚， 成隻匙羹打晒手指紋到碗札肉魚蛋金邊粉到嘞，粒魚蛋有無咁柴皮呢？未食過啲好似紙皮咁既魚蛋！真係忍唔住起身埋單把啦！咁就$53。我有幾次食lunch經過見佢排晒隊，估唔到 %>_<% 咁！

行開九龍灣，發現食店的選擇越來越多，真係諗唔到响呢個位會有一間泰式餐舘，所以決定入去食嘢。餐廳的環境讓我感覺特別，因為平時去開的泰式餐廳是好光猛的，而呢度的燈光較暗，帶點酒吧的感覺，但又不會覺得嘈雜。首先來 2 杯飲品，老公點的是 青檸梳打，清清地確實涼入心。而我這杯是 熱秋葵水，我真係第一次飲，起初我以為秋葵青BB，但沒想過呢杯飲品會係紅紅地色好似利賓納，飲得出秋葵本身的滑嘟嘟，味道非常特別。沙嗲串燒有牛和雞兩款肉選擇，而我們就點了半雞半牛，燒得非常香和入味，外香內軟，食完一串又一串。炸軟殼蟹炸軟殼蟹 聞落好香，食落帶點辣，咬落脆卜卜，十個惹味。鹽燒烏頭烏頭的表面很乾身，鋪滿了鹽，打開魚身開始食入面的魚肉，魚肉鮮味而魚骨不多，味道是鮮嫩得來亦帶點咸味和香草味。菠蘿蝦魷魚炒飯平時菠蘿炒飯係將炒飯用半個菠蘿盛著，但這裡是把兩者分開放置。魷魚炒得很乾身而又彈牙，而蝦是啖啖肉，配埋個飯食落又唔會令到個飯好濕。

已經好耐冇寫食評了，因工作十分繁忙！但今日一試泰廚房子下午茶，就忍不住向大家推介一下！今日同同事是了一個叫珍寶豬扒湯金邊粉及鹹魚雞粒炒飯杯青靈梳打，心想這店子是新開的，一試無妨，但當嚟咗個珍寶豬扒金邊粉，實在令我有驚喜，塊豬扒大約有30 cm長8cm闊，一隻碟都好似裝唔晒，真係大到你唔信！仲有金邊粉十分軟滑，絶不粗糙。令我忍唔住又要再一次寫返食評！為大家推介一下！至於個鹹魚雞粒炒飯，色香味俱全，不過略嫌啲飯比較濕咗少少！但絕不遜色！還有杯青檸梳打，連我同事都話好好味道。所以這間鋪頭真的值得推介呀！大家經開真的一定要試試！差啲唔記得一題嘅就係服務態度，服務人員都比較細心體貼！真的值得一讚！

今晚來到德福一期平台食泰菜，等我來會一會呢個泰廚房子，究竟泰好食，還是泰唔好食呢?let's go~前菜，肯定少不了泰國鳳爪，酸酸辣辣，爽脆雞爪配上好多洋蔥，芹菜，紅蘿蔔絲，好fresh，同其他泰國餐廳相比，魚露落得相對比較少。唔咸...一開始食都唔太辣，慢慢越食越辣…好過癮!之後再叫明爐路烏頭魚，平時食開嘅好唔同，因為係勁炸過之後再上碟煮！係一個好特別嘅口味。最後來個菠蘿炒飯，呢個菠蘿炒飯唔係浪得虛明，連啲菠蘿都真係可以食埋，仲要非常之甜！呢度侍應服務態度好好呀，我個朋友遲大到。我由低足足等左成個鐘,距地都無催我點菜。反而係不斷幫我添水。認真好服務啦…讚讚讚!

路經德福新落戶的泰國菜餐廳，裝潢新派用上水泥牆身加吊燈突顯工業風格。職員說不設電話訂座，卻有足夠人氣讓門外佈滿客人排隊輪候，這應該是此店值得一試的原因。𥦬邊的4人卡座很闊落，相對我們被分拆出來的二人枱桌面非常細，只有我的手臂長x前臂闊，放了兩隻碟和兩杯水後只餘下放一味菜的空間⋯所以整頓飯也一直忙碌著將食物碟調來放去，才可騰出空間讓餸菜上碟。與旁邊的二人枱只有半呎隔離，手袋也無地方放下。蒜茸包$20，竟然先上碟，原以為咖哩蟹會有很多醬汁醺點，無視了「干」一字，發現原來是沒多餘醬汁的。用上芝麻豬仔包，很鬆脆，蒜味從蒜香牛油帶出，包面灑上了罌粟籽。泰式炒鮮蝦金邊粉$78，賣相很討好，以蛋皮包著金邊粉，蝦肉沒有與金邊粉一起炒過，味道淡但肉質彈牙。金邊粉炒得夠乾身。干咖喱炒軟殻蟹$98，即炸軟殻蟹不算脆口，因是干咖喱所以汁偏少。經典肉碎生菜包$68，肉碎夠香辣，生菜新鮮爽脆，吃一口便停不了。冬蔭公湯（小）$85，要清掉所有其他食物才能放得下爐具和湯，有兩隻小蝦，香料十足。芒果糯米飯$45，賣相精美，但份量比想像中少，原以為與曼谷機場價格相約，應該很划算，可惜只有兩件芒果，溫熱的糯米飯煙韌彈牙，椰

今晚和Esther 到九龍灣新開的泰廚房子吃泰菜，泰菜總有一種魔力，任你一個月總會吃上一兩次，而且吃得開心也吃得很開胃的!泰廚房子是一間新派的泰菜餐廳，首先我order 了我最愛的泰式鳳爪沙律，這個沙律很有泰式風情的味道，酸酸辣辣，令胃口大開!軟殼蟹炸得又脆又香，而且熱辣辣的奉上，重要的是份量很大碟，我們吃得很開心!泰菜又怎能决少泰式明爐烏頭魚，雖然我們等了廿分鍾，也是值得的!  這個烏頭魚有別一般泰式的做法，烏頭煎得很香，而且已經煮熟了，再放上爐子上慢火蒸，魚身加上湯很鮮味而且肉質很嫰滑!我的龍眼冰既消暑又解喝，簡單來說真的值得再去的!

今日喺九龍灣德福收工，同同事都想食泰國菜特別係生蝦。唔通要去到九龍城咁遠？上網睇下先，原來係德福平台有間泰國菜，仲要有生蝦食，唔係間間泰國餐廳都有賣架。時間尚早唔使排隊，好快有得食啦。即刻整返碟生蝦食先，嘩～正丫，食完再嚟多碟，要兩碟先夠喉。然之後冬陰公湯嚟啦，叫左細size，估唔到細size都唔太細，仲要有爐添，真係要稱讚一下！馬拉盞通菜夠火喉，食落唔老。茫果沙冰都好飲，不過有少少淡，如果可以濃味返d就更加好啦。推介下一個軟殼蟹先，同朋友每人食到兩件，夠晒大隻，好味可口，我認為係必點！最後整返個喇沙同椰汁西米糕，完美結束今餐。

sa wad dee ka!!!!聽到呢句，梗係食泰菜^_^…首先有經典泰式肉碎生菜包…新鮮爽脆的生菜葉包住炒肉碎，有香茅，薄荷葉，紫蒜頭，洋蔥等等配料。一口食。肉香豐富，香料係口中形成不同層次…好味ka…再來個海南雞，一個好食既海南雞，梗係要皮薄肉嫩，唔肥膩啦…呢度就做到啦。雞肉滑身,唔鞋，配上三個不同風味醬汁。啖啖新鮮~配上個黃姜飯。無得輸~飯粒熱辣辣又軟熟，薑香配上雞香…好滿足!最後還有個炒雜菜。有細玉米，芥蘭，菇，紅蘿蔔等等炒成一碟...d菜好甜又嫩~又比我地清碟。食泰菜，一定少不了珍多冰，椰汁入面有好多彩色類似啫喱條，又有幾片木瓜條。又好銀又解辣。還有泰啤…一啖烤魚一啖啤酒，一大享受!

6點鐘已見入面好多人，老婆話咁多人應無死，而且裝修算唔錯就入去試試。點知入到去睇到個餐牌，得幾頁紙，我地三大一細四個人咁少都好似嗌唔到菜咁，太少菜式啦！（食完先發現原來外面有個Menu，一版睇哂，餐廳個full menu就係將呢版拆開四頁再加炒粉麵飲品甜品等）既然都坐低左，無奈地都叫左幾樣野食，一個冬蔭公，燒雞，炒雜菜，跟住真係嗌唔到落去，其他都係碟頭飯咁款，又見一碗白飯都$18，加埋一就$20，不如嗌個炒飯分黎食。點知過左陣，同我講無哂燒雞，真係救命！已經少菜式，仲要嗌果樣無果樣，我已經係頭圍六點食架啦喎！？果刻已好想走，但又落哂單，惟有轉海南雞。落哂單之後，發現周圍幾圍枱都發老脾，原來佢地係黎食下午茶的，等左成粒鐘都未上齊菜，變左同我一齊食晚飯，我終於發現中左招，唔怪得六點就咁多人，原來係等上菜等得耐唔走得！好彩我地果枱就唔算等得太耐，不過其實畀個菜單同周圍幾枱客搞到已經無哂心情。到上菜果陣，吓！咁的式！碟炒飯只係一個碗仔咁大，講緊係我個兩歲仔仔o既飯碗。冬蔭公亦好細，但老豆同老婆都唔鍾意呢兜湯，話好咸，所以都叫夠飲。我地雖然有一個老人家一個兩歲小朋友，但其實唔係好夠食，不過都係唔

今日假期，只吃了brunch,5點幾有點肚餓，就去食下午茶。見到這店都幾多人，應該好味，便坐下來叫餐，炒金邊粉同青檸梳打是招牌菜，便叫啦！對唔住廚房話無青檸，只得奶茶咖啡檸茶檸水， 我問餐牌見到特飲要加幾錢，對唔住只能叫奶茶咖啡檸茶檸水，好啦！咖啡。地下有筷子。等了又等。。。。請問叫個餐是否要等半個鐘㗎？等等，有落單。再等。。。差不多成個鐘，眼見遲來先上岸，真的有點火！終於唔好意思呀，金邊粉到， 食咗唔到十分鐘，埋單，以後冇幫襯！

My friend and I went to a Thai restaurant called "Khap and Ka" (泰房廚子) located in Shop P8A, Podium, Telford Plaza I, 33 Wai Yip Street, Kowloon Bay(九龍灣偉業街33號德福廣場一期平台 P8A號舖),....The restaurant are in charge by a Thai chef and his Thai team to ensure only presenting authentic Thai cuisines to the customers.The appearance of the restaurant is literally look like a giant concrete box when you look from the outside.Interesting graffiti is pairing with the funky green neon light.Pendant lights with bam

早前睇左蘋果動.飲食男女介紹的九龍灣新興泰菜. 位於九龍灣德福廣場平台新張嘅（泰廚房子）星期六下午就即管同屋企人嚟品嘗下介紹嘅正宗泰菜喇.可能因為週末下午茶關係.都需要等位入座.店內睇落.人頭擁擁.心想肯定味道環境都唔錯終於有位被安排到一張靠近窗邊嘅梳發卡位.我地三人位置都較為滿意.於是我同屋企人分別都點左三份下午茶餐.包埋餐飲.價格都比較划算.點知.點知.問題就出現左啦..我地一坐就係20分鐘左右.然後有位黑色衫男侍應.埋嚟同我地講.我地落嘅三份下午茶有兩份已經賣曬.唔係嘛？個刻心態就係你地點解依家先通知話無.坐左咁耐無人理？都算.咁唯有轉第二樣啦.都等左咁耐.於是便改左一份（🐔海南雞飯）同埋（🐔雞中亦魚蛋河粉）呢d應該快d喇掛.於是又繼續.等.等.等爸爸當時已經有d不耐煩了.等左足足起碼成9個字.連一杯咖啡都未有.我媽咪都食曬啦.我地兩個餐都未有著落.d侍應全包圍曬係一舊.唔知道係度做乜野. 👿後面爸爸忍唔住終於就叫左個：著黑色西裝帶眼鏡嘅.應該係經理嘅人過嚟問距.究竟d野食有無落單？係咪漏左單？仲要等幾耐先有誰不知？個經理距話：唔好意思呀.先生.因為廚房單比較多.d野食要預番20

九龍灣好似無乜泰國菜，想食既話，以前都唔會好考慮黎九龍灣不過上次行九龍灣見到有間新間泰國菜，所以今日放工後約朋友黎聚一聚黎到要拎飛等位，等二人位都算快有位餐牌款式都幾啱食，當揀好左落order時，侍應話我地想要既拼盤，黃咖喱，飲品都無哂，似乎都幾受歡迎最後再揀過要左冬陰功，生菜包，豬手飯，青咖喱雞，蒜蓉包生菜包，一定要用手食夠風味，用新鮮生菜包住豬肉碎黎食，好開胃，而且辣度剛剛好，又唔會辣到要邊飲水，食泰國野必食冬陰公，泰式酸辣湯，tom yum其實是酸辣的意思，連埋個爐一齊上，雖然個火唔係keep到好耐，但都有少少作用暖住個湯橙色既酸辣湯，賣相正宗，有好多配料香料入口 開初辣味夠，之後飲到底卻有點過鹹豬手飯配埋滷水蛋同酸菜，配冬瓜湯，夠正宗呢到可以單點豬手或豬手飯，個人覺得多個飯，價錢平d 之餘，豬手份量都唔少豬手滷得咁深色，就知滷得好入味，質感軟腍，重膠質，應該係女士最愛吧豬手仲一條豬毛都無，清得好乾淨，配埋個特製泰式辣汁，夠辣夠刺激至於青咖喱配雞柳，啖啖嫩滑雞肉，而且青咖喱汁唔太辣，好香椰汁味，用黎撈飯點蒜蓉包都可以，所以追加一客蒜蓉包，蒜蓉包本身亦好香脆原本係想飲香茅蜂蜜，但無